උද්ධමනය අඩු වීම දැනෙන්නේ නෑ කියන්නේ ඇයි

 

උද්ධමනය අඩු වීම

දැනෙන්නේ නෑ කියන්නේ ඇයි

➖➖➖➖➖➖➖➖➖⭕➖

ඔන්නොහේ එක පාරක් මේ සැරේ ජෙප්පන්ටත් දීලා බලනවා..... උඹත් දි‍යන්... ඔයත් දෙන්න... මහත්තයත් දෙන්න... සේරූත් දෙන්න කියන උන්ගෙන්.... මම අහන්නේ ඇයි එහෙම දෙන්න ඕන කියලා....

එතකොට උන් කියන ප්‍රධානම දේ තමා.... බඩු මිළ වැඩි වෙච්චි එකට... රනිලා මොකුත් කරන්නේ නෑ... අපිට ආයෙත් 250 ට කොත්තුයි.. 15 ට බිත්තරෙයි... ඉස්සර තිබුන ගනන් වලට ලයිට් බිල්, වතුර බිල්, ගෑස් ඕනෙයි කියනෙක...

ඒක ඉතින් අනුර කුමාර, සජිත් තියා, දිලිත්, ධම්මික හෝ විජේදාස ආවත් කරන්න බෑ කිව්වම උන් කියන්නේ.... නෑ පුලුවන් කියලා...

එතකොට මම අහන්නේ.... එහෙම දෙනවා කියලා එකෙක්වත් කියලා තියෙනවද කියලා...

ඕන් එතකොට කියනවා.... අම්මපා.... එකෙක්වත් එහෙම කියන්නේ නෑ නේ ඕයි.... කියලා....

ඊට පස්සේ මම අහන්නේ.... ජෙප්පෝ නෙමේ පාඨලීලා පවා කියපු ඒවා මතකද කියලා...

▪️පාන් ගේන්න විල්බැරෝවේ සල්ලි ගෙනියන්න වෙනේක

▪️ඩොලර් එක 600 ට යනේක

▪️මාස 3 කින් බැංකු පද්දතියම කඩා වැටෙනක

▪️ආහාර හිඟයක් ඇති වෙන එක

▪️ඖෂධ නැතිව ඉස්පිරිතාල වැහෙනෙක

▪️ජොස්තරලා මිසීලා ඔක්කෝම රට රට වලට ගිහින්... බේත් ගන්න එකෙක් නැති වෙනේක

▪️සංචාරකයෙක් එහෙම රටකට එන්නේ නැතෙයි කියනෙක...

▪️IMF ලෝන් ලැබෙන්නේ නෑ කියනෙක

හැබයි මොකෑ වුනේ....?

මේ ඔක්කොම පට්ට පල් බොරු වුනා.... ඇත්තටම ඒක ඉබේ වුනේ නෑ.... 

රනිල් විසින්... ඒ සියල්ලම බොරු කළා....

උද්ධමනය අඩු වෙච්චි එක... 

ආර්ථික විජ්ජාවේ ABC වත් නොදන්න සාමාන්‍ය ජහමනයට  නොදැනෙන්නේ මේකයි....

රනිල් බාර ගත්තේ මැරෙන්න යන පිලිකා රෝගියෙක් කියලා හිතන්නකෝ...

පිළිකාව කියන්නේ ඔඩු දුවන අති භයානක එකක් නේ... 

ඩොක්ටර් රනිල්ටත් මේක එක පාරට නවත්තන්න බැරි වුනා... 

එයා ඒකට ඖෂධ දුන්න... පිළිකාව සහිත ශරීර කොටස් ඉවත් කළා... 

බෙහෙත් දුන්නා විතරක් නෙමේ.... 

බාල ඖෂධ ගෙනාපු සෙට්ටෙකම හිරෙත් දැම්මා...

දැන් පිළිකාව ඔඩු දුවනෙක නැවතිලා තියෙන්නේ....

ඒ කියන්නේ බඩු මිළ ... අර විල්බැරෝ අරන් ගිහින් බඩු ගේන්න වෙයි කිව්ව තරමට... බඩු මිළ වැඩි වෙන්නෙ නෑ... 

රුපියල  ඩොලර් එක ඉස්සරහා බාල්දු වෙන්නේ නෑ... 

හැබයි උද්ධමනය වැඩි උනා නම් බඩු මිළ තව තව වැඩි වෙලා... 

ඔක්කොම හිඟන්නෝ වෙනවා...

ඩොලර් එකේ බාල්දුවීම දරා ගන්න බැරි වෙච්චි... ලංකාවට ඩොලර් එවන්න එපා කියපු... අමු කුහක හඳුනා ... ඒක දරාගන්න බැරිව ප්‍රසිද්ධියේම කිව්වේ... මෙහෙම ඩොලර් එක බාල්දු වෙන්න ගියොත්... ඇමරිකාව ඇවිත් අපිට බෝම්බ දමවී කියලා....

හැබයි දැන් ඉතින් .... ඩොක්ටර් රනිල් ඉවත් කළ ශරීර කොටස් ලෙඩාගේ ඇඟේ නෑ... දැන් ලෙඩා නිට්ටාවටම සනීපද.... ඒක කියන්න බෑ.... 

ඒත්.... ඒ ඔඩු දුවනෙක නවත්තපු ඩොකා හරි නෑ කියලා.... දැන් තොපි ලෙඩාව උස්සගෙන යන්න යන්නේ පිළිකාව... දෙළුම් පොවලා... දේශීය වෙදකමෙන් සනීප කරන්නම් කියන තඹුත්තේගම ගොඩ වෙදෙක් ගාවට..... 

එයාලත් තොපි වගේම... GDP, IMF, BOP, BOT, FDI, උද්ධමනය, විදෙස් සංචිත, බැඳුම්කර, ගෙවුම් ශේෂය, ප්‍රාථමික ගිණුම, සවරින් බොන්ඩ් තියා.... ජේම්ස් බොන්ඩ්වත් දන්නේ නැති... අනුන් දෙන ජොකාත් ඇඳගෙන කටින් බතල හිටවගෙන යන උන්....

උන්ට පුලුවන්ද බං ආර්ථිකය ගොඩගන්න....

කෝ ඒකට වැඩපිලිවලක් ...

කොහේද එහෙම එකක් කියන්නේ...

මේක සජිත් හා අනික් වෙන්ට ජනපතිලටත් මෙසේම අදාලයි....

මේ ඔක්කොම ඇහුවත් උන් කියන්නේ...

ජෙප්පන්ටම තමයි දෙන්නේ..

තෝ පුලාන් දෙයක් කරපන්..... කියලා...

එතකොට මම කියන්නේ...

මම මක්කවත් කරන්න ඕන නෑ වාහේ... 

උන් ඇවිත්.... බටර් කෙල නැතිව හැමදාම කරයි කියලා...

විශේෂ -

හැබයි ඉතින් උද්ධමනය අඩු වෙලා තියෙද්දිත්, රුපියල ශක්තිමත් වෙලා තියෙද්දිත්... සමහර බඩු මිළ තවදුරටත් වැඩි වීම නම්.... ආන්ඩුවේ වැරද්දක්...

මේ ගැන හොයලා බලලා වැඩේ කරන්න ඕන වෙළඳ ඇමතියා.... ඒවා පැත්තක තියලා... නාමලක් පුබුදුවන්න සාටක පස්සේ දුවන එක ගැන... ඩොක්ටර් රනිල් විශේෂයෙන් හොයා බැලුවොත් නම් හොඳයි.

ඔය වැඩේ චාමර සම්පත්ට දුන්නා නම් සුපිරියටම කරයි.....

.

ඇත්තේ චොයිස් දෙකකි....... මිලේච්ඡත්වයද , ප්‍රජාතන්ත්‍රවාදයද?

 ඇත්තේ චොයිස් දෙකකි.......

මිලේච්ඡත්වයද , ප්‍රජාතන්ත්‍රවාදයද?

➖➖➖➖➖➖➖➖➖➖➖➖⭕

ජනාධිපති අපේක්ෂකයා තමන් බව රනිල් විසින්... පසුපාදයේ ක්‍රීඩා කිරීමට එකඟ වූ බැසිලස් විත් සෙවන් බ්‍රේන් හට පැවසූ බවට කනින් කොනින් ආරංචි ලැබෙන්නේය... රනිල්ගේ බවුන්සර්, නෝ බෝල් හා වයිඩ් බෝල් හමුවේ... බැසිල් ලොක්කා පසු පාදයේ ක්‍රීඩා කිරීමට තීරණය කළ බව... විජේරාමේ මීටිමටත් කලින් කිව්වේ මාතලන් පමණමය.

රට්ටුන්ට පේන්නට රාජපක්ෂ පවුල මාර එක්සත් එකමුතු ක්‍රීඩා සමාජයක්‍ යැයි යැයි කිව්වාට... මණ්ඩලේ ෆුල් කචල්‍ය... දැන් මහින්ද රාජපක්ෂ පවුලේ ගෘහ මූලිකයා...  මහින්ද රාජපක්ෂ නොව... ශිරන්ති මැඩම් බව ඝෝඨාගෙ ප්‍රයිවට් සැකට්‍රි සුගීෂ්වරට කලින් අපි නම් දැනගෙන උන්නේය... එයාලා ඒවා දැනගෙන තියෙන්නේ දැන්‍ය.... ඒ... මහින්දව යෝගී කරන්නට ගොස් ලෙඩෙක් කළ දිනයේ සිටය. වයසට ගොස් යෝගී කරන්නට ගිය හැම එකාටම අත්වූයේ ඔය ඉරණමමය...

මැයි 9 වනදා බයියෝ ඉල්ලගෙන කෑවේ... ශිරන්ති හා යෝෂිතගේ මෙහෙයුමක් ක්‍රියාත්මක කරන්න ගිහිල්ලාය... ඇත්තටම දෙන්නාගේ ප්ලෑන් එක වුනේ ගෝටා එලවා දැමීම වුනත්, පුප චූන් වෙච්චි බයියෝ... ගෝල්ෆේස් අරගලයට නෙලන්න ගොස්... ජෙප්පන්ගේ හෙල්මට් බලකායෙන් දීපව්‍යාප්තව පුප නැති වෙන්නම කෑවේය.

සිරස, සාලිය පීරිස්, ක්‍රිස්තියානී හා මුස්ලිම් පල්ලිය, අරගලයේ උන් විදෙස් බලවේග යන සියල්ලන්ගේ ආශීර්වාදයෙන් එකතු වී.... ජෙප්පන්ගේ හෙල්මට් බලකාය හා කැම්පස් වැද්දාගේ මැර හමුදාව ලවා... (මුන්ගේ පිරිස්, හමුදාව හා පොලීසිය තුලද සිටින්නේය) ජූලී 9 වනදා සෙට් වී උන්නේ... රාජපක්ෂ පවුලේ සියල්ලෝත්..., පෝට්ටුවේ බිග් ෂොට් මෙන්ම... හමුදාවේ හා පොලීසියේ ටාගට් සියල්ලම.... ස්වර්ගස්ත කොට.... දේපල සියල්ල කොල්ලකෑමටය.

මේ සැලසුම පිළිබඳව ඊට පෙර මනූෂ නානායක්කාර විසින්... සවිස්තරාත්මකව පාර්ලිමේන්තුවේදී හෙලි කොට අනතුරු ඇඟවීමක් කලද... ඒ පිළිබඳව කිසිවකු තැකීමක් නොකලත්.... රනිල් වික්‍රමසිංහ දැණුවත්ව තිබීම කලින් සඳහන් කළ උන්ගේ වාසනාවක් විය. එහෙත් උන්දැගේ නිවස බේරා ගැන්මට නොහැකි වූයේ මුල්ම ටාගට් එක එය වී තිබීම නිසාය. 

රනිල්ගේ නිවසේ... ටොයිලට් සියල්ල කුඩු කර තිබීමෙන්... එය ජවිපේ ගේමක්ම බව ඉතා පැහැදිලි වූ අතර..., ටොයිලට් වලවල්, වැසිකිලි, අශූචී සහ ගූ සමඟ ජෙප්පන්ට ඇත්තේ ආත්මීය බැඳීමකීය. ටොයිලට් වලක් කඩාගෙන කෑම ගැන පක්ෂයේ සුප්‍රීම් නායක... ටිල්වින් සිල්වා සඕදරයා පවා නිතරම පවසන්නේ... ඒ බව තහවුරු කිරීම සඳහා මෙන්ම වහලුන් වෙත සිහිකැඳවීමක් ලෙසය.

මේ මිලේච්ඡ සමූහ ඝාතනය හා මංකොල්ලය සඳහා මොරි මාඩ අම්බරු ජනතාවගේද උපරීම සහාය ලැබෙනුයේ... ඒ වැඩේ කලහොත් එම ධනයෙන්.... මේ රට ගොඩ ගත හැකි යැයි යන අන්ධභූත මුග්ධ විශ්වාසයක් හා මිත්‍යාවක්... ජෙප්පන් විසින්... මෙරට නොව, රට රටවල පවා වපුරමින් යන පචය... රීගන්න බැරි තරමටම ගිලලා අහවර නිසාය.

ඒ නිසා.... එදා කරන්නට බැරි වූ ඒ මහා ලේ වැගිරීම, පලිගැනීම හා මංකොල්ලය ඉටු කර ගන්නට යන්නේ.... ජනාධිපතිවරණයෙන් නීත්‍යානූකූලවම බලය ලබාගෙනය. උන් බලයට පැමිණ කිරීමට යන ඒවා.... දැන් දැන් එකින් එක එලියට එන්නේ....  දැන් මොවුන් බලයෙන් මත්ව ගිනිකන වැටී සිටිනා නිසාය.

ලාල් අයියා - ප්‍රතිවිප්ලවය මර්ධනයෙන් අවසන් කරන බවත්..., පින් හඳුනා - IMF එලවා දමන බවත්....,  උමා ඔයේ හිලා - දිනපු දා රෑම...කැබිනට් තීරණ වලින් රට පාලනේ කිරීම ආරම්බ කරන නිසා බත් කන්නේ බලාගෙන බවත් කියන්නේ.... බොරුවට නොවේය. මේ බවද... මාතලන් කලින් ලීවේය. ඒ මුන් බලයට පැමිණියහොත්... රටේ නීතිය, අධිකරණය, ව්‍යවස්ථාව, විධායකය යන සියල්ලම ජවිපේ දේශපාලන බල මණ්ඩලය බවය.

ඒ බව ටිල්වින් සිල්වාද ඊයේ පෙරේදා සනාත කළේ.... ජාතික ජන බලවේගය කියා ලබ්බක් ඇත්තේ නැති බවත්... ජාතික ජන බලවේගය කියන්නේ.... ජනතා විමුක්ති පෙරමුණනම බවත්... එහි ප්‍රතිපත්ති හා න්‍යායපත්‍රය ජවිපේ එකම බවත්...  ඔවුන්ගේ වාදය - මාක්ස්වාදයම පමණක්ම බවත් කියලාය.

අනුර කුමාරයා වැන්කූවර් ගං කබරුන්ගේ අත්පොලසන් හා විසිල් හඬ මැද්දේ කියා සිටින්නේ... එම සංහාරයෙන් පසු.... රටේ ජනතාව ..... සුද්දා මේ රටින් එලෙව්වාටත් වඩා ප්‍රීතී ප්‍රමෝදයට පත්වනු නොඅනුමාන බවය. (මෙවා ගැඹුරින් තේරුම් ගැනීමට තරම් සවිඥානික බුද්ධියක් රට පාලනය කරන උන්ට නොමැති වීම.... අම්බරු ජහමනයාගේ අවාසනාවකි.)

ජුනී 9 වනදා සිඳුවීමට ගිය ඒ මහා මිලේච්ඡ සමූහ ඝාතනයෙන් හා දැවැන්ත මංකොල්ලයෙන් රට බේරාගත්තේ රනිල් වික්‍රමසිංහ බව.... දැන් රාජපක්ෂලාට මෙන්ම සියල්ලන්ටම අමතකය. බැරි වෙලා හෝ එදා පාර්ලිමේන්තුව ගිනි තැබුවේ වී නම්..., ඔවුන්ගේ සැලසුම ක්‍රියාත්මක කිරීම ඉතා පහසු කාරියක්ම වන්නේය. 

ඉදින් මේ නිර්ප්‍රභූ ග්‍රාමීය ළි මැඩි හැතිකරයට බළය ලැබුනොත් වෙන්නට යන දේ පිළිබඳව ඉතා හොඳ අවබෝධයක් ඇති... ඉන්ගිරිස් දන්නා උගත් මධ්‍යම පාන්තික රැඩිකල් වම්මුන් පවා රනිල් වෙත සහාය දැක්විම.... නිර්මාල් රංජිත් දේවසිරිලාගේ උදහසට ලක්ව ඇත්තේ ඒ නිසාමය.

ඉඳින් 56 අම්බරු බන්ඩාරනායකගේ රෙද්දේ විප්ලවයෙන් ගොඩ විත්.... රාජ්‍ය සේවය මෙන්ම රටේ සෑම අංශයක්ම විනාශයෙන් විනාශයට පත් කළ ප්‍රජාවේ එකෙක් වන.... මේ අනුන්ගෙන් ඉල්ලාගෙන කන... පට්ට ගෝත්‍රික.. ග්‍රාමිය ළිං මැඩි... හීනමාන රැකියා විරහිත නිර්ප්‍රභූ බයිලා චැම්පියන් කුමරෙකුට රට බාර දී... කියුබාවේ, වැනිසියුලාවේ, උතුරු කොරියාවේ වගේ ඉල්ලාගෙනම කනවාද.....

එසේ නොමැති නම්...  විල්බැරෝ පුරවා සල්ලි ගෙනගොස් පාන් ගෙඩියක් ගේන්න වෙනවා යැයි යැයි කියූ... ඩොලර් එක 600 ට යන්නේ යැයි යැයි කියූ... කුර හා අං සහිත හාල්පාරූ ලාංකීය ආර්ථික බක පන්ඩිතයින් නොව.... මුලු ලෝකයේම ආර්ථික උස්තාද්ලා හා ආයතන සියල්ල පවා හොල්මන් කරමින්...බංකොලොත් රාජ්‍යයක්.... මාස 18 තුල දී ..... උද්ධමනය ජනතාවට නොදැනෙන තරමටම අඩු කොට... විදෙස් සංචිත ඩොලර් බිලියන 4.4 ක් දක්වා වර්ධනය කළ දියසෙන් කුමරා වටා එක්වනවාද යන්න....

ආර්ථිකය පිළිබඳ මෙලෝ අලබෝලයක් නොදන්නා..... අම්බරු ජනතාවගේ තීරණයක් නොව... උන්ව දක්කාගෙන යන.... දක්ෂිනාංශික දේශපාලු හැතිකරයේ තීරණයක්ම බව ලියා... මේ පල්හෑල්ල මෙතනින් නවතා දමනවාය.

.

.

ඒ වගත් මෙසේය.....

.

නියත ජනපති රටට හිත ඇති අනුර කුමරා රජ කිරීම

 

නියත ජනපති

රටට හිත ඇති

අනුර කුමරා රජ කිරීම

➖➖➖➖➖➖😁➖

පිටරටවල ගොස් සිටින අම්බරු ලාංකිකයන්ගේ පොකට් එකට විදින්නේ අනුර කුමාරලා විතරක් නොවේ... මහා රැඩිකල් රෝයල් ටැප්‍රොබේන් සන්නාගේ සිට... පොත් ලියනා උන්, නාට්ටිකාරයෝ, විතරක් නොව... ගේය පද රචකයෝත්.... දැන් ගාන කපාගන්නා අලුත්ම ක්‍රමය වී ඇත්තේ.... ෆොරින් ටුවර් එකක ෂෝ දෙක තුනක් පෙන්වා එන එකය...

මෑතක් වෙනකන් ෂෝ වලට ගියේ.... මියුසිකල් ගෲප්, ගායක ගායිකාවෝ හා බණ තලන්නෝ පමණක් වුවද....  නාගානන්ද හා ඔඩිට් ජෙනරාල් වැනි ලෝක හොරු දෙදෙනෙකුගෙන් ආරම්බ වී, පොත් හත අට ලියන වේලෙන කොල පොත් කාරයෝද, බව්වොත් නොබලන නාට්ටි කාරයෝද,  ලේසියෙන්ම ගානක් හොයාගන්න කරන්නේ... දේශීය පට්ට ගෝත්‍රික අමු ගං කබර සෙට්ටෙක අනාට ගොන්දා... ගානක් කපාගෙන එනේකය.

උන්ගෙන් ගානකුත් කපාගෙන... උන් අමු ගං කබර අම්බරුවෝ බව... උන්ගේ මූනටම කියා ආ උපුල් ශාන්ත සන්නස්ගල මැතිතුමාට අපේ පූර්ණ ගෞරවය හිමි වන්නේ... උන්ගෙන් කා බී උන්ගේ බටර් වලින්ම උන්ට ඇරලා ආපු නිසාමය.

අපරාදේ කියන්නේ... අනුර කුමාරයා කරන්නේත් ඒකමය. අනුර කුමාරයා නොව අමුක ඩුමුක ගියත්... අමු සිංදු මල්ලි ගියත්... අනුර කුමාරයා නොව කප්පම් වසන්ත ගියත්... එයාර්පෝට් එකේ සිට මල් මාලා දමා... සැල්පි ගසා... හැකිනම් රන්ජන් රමණ යකා එක්ක වාගේ බුදියගන්න කෑලිත් සෙට් කරවා... බිස්නස් ක්ලාස් එකේ සීට් එකක ඉන්දවා.... නැවත මව් රටට එවීම... දැන් කල්ට් එකක් වෙලා අහවරය.

මොළේ තියෙන උන් කරන්නේ උන්ට ලස්සන සුවනියර් ටිකට් එකක් දී.... ගාන කපාගෙන එන එකය. ජෙප්පන් මේ කරන්නේත් එයමය. අනික ජෙප්පන්ට එසේ සලකන්න උන්ට යුතුකමකුත් තියෙනවාය. ඔය බොහෝ පිරිසක් 88/89 ජවිපේ භීෂණයේ උන් කම්බා හොරුය, වදකයෝය, මැරයෝය.... ගේම් දී... දේශපාලන රැකවරණ පතා ඔය රටවලට පැනගත්ත උන්‍ ය.

අනුර කුමාරයා කියන්නේ... 2019 දී ලක් අම්මා බේරා ගැන්මට ෆ්ලයිට් පුරවාගෙන පැමිණියා සේම අනුර කුමාරයා රජ කිරිමට.. ඩයස්මිලා... සමිල මුතුමුණිලා ඇතුලු 69 ලක්ෂයේ ෆොරින් බයියෝ... පෝලිමේ ඇවිත් එයා රජ පුටුවේ තබනා බව ඉරහඳ මෙන් විශ්වාස බවය.

ඒ නිසා ග වේස න සීලී මාජ්ජවේදී කේ සංජීව මහතා මෙන්ම.... දේශපාලන උස්තාද්ලා වන... කුසල් පෙරේරා හා වික්ටර් අයිවන්ලා මක්කා ලීවත් කීවත්... අනුර කුමාරයා ජනපති කොට රුපියල් 250 ට කොත්තු කන්න ජනතාව තීරණය කොට අවසන් බව ඊයේ දිනයේ ඉතා පැහැදිලිව පෙනුනේ..

දරුවන්ට දිවා ආහාරය දී හෝ.... 450 ට තිබූ පිටිකිරි පැකට් එක රුපියල් 1080 ක් කරවා ඒකෙන් රුපියල් 60 - 70 ක් අඩු කොට ජනතාව තවදුරටත් රවටා.... අවුරුදු පහකට නැවත අනාට ගොඳ ගැනීමට කිසිසේත් ලෑස්ති නැති බව.....

නැවතත් රුපියල් 250 ට කොත්තුව කා ඝණ අන්ධකාරේ පැස්ටෝල් පෝලිමේ සිට රුපියල් 3000 ට ලීටරේ ගැනීමට සිටිනා බුද්ධිමත් ජනතාව දුන් වොයිස් කට් දැකීමෙන් අනතුරුවය.

ස්වස්ථි සිද්ධම් ....!!!

.

මාලිමාව දිණුවොත්

 

මාලිමාව දිණුවොත්

➖➖➖➖➖➖⭕

✴️💀 ආයේ විපක්ෂත් නෑ... දේශපාලන පක්ෂත් නෑ

✴️💀 චන්දත් නෑ... මැතිවරණ කොමිසමුත් නෑ... සර්ව ජන චන්ද බලයත් නෑ.. අයිඩෙන්ටි කාඩ් එකත් නෑ....

✴️ 💀 රටට විධායකයකුත් නෑ... ව්‍යවස්තාවකුත් නෑ.... අධිකරණත් නෑ.... පාර්ලිමේන්තුවත් නෑ...

✴️ 💀 රට පාලනය කරන්නේ ජවිපේ දේශපාලන බලමණ්ඩලය... නීතිය ජවිපේ නීතිය... අධිකරණ - කැන්ගරු අධිකරණ.... කොටින්ම 88/89 ජවිපේ නීතිය.

✴️ 💀 සුප්‍රීම් නායකත්වය ටිල්වින් සිල්වා. 

✴️💀 මෙතෙක් දේශපාලනය කළ දේශපාලුවන් සියල්ලම, ආන්ඩු හිතවාදීව උන් රාජ්‍ය නිළධාරීන් ,  පොලිස් ලොක්කෝ, හමුදා ලොක්කෝ සියල්ලෝම නිවන් පුර හෝ දේශපාලන සිරකරුවන් ලෙස වදකාගාරවලට.

✴️ 💀 රටේ... පොලීසිය, හමුදාව හා නීතිය ක්‍රියාත්මක කිරීම... හෙල්මට් බලකාය.

✴️ 💀 මෙතෙක් අනෙක් දේශපාලන පක්ෂ වෙනුවෙන් ක්‍රියාකාරී දේශපාලනයේ යෙදුන උන්ට නිවන් සුව.... නිවාස හා දේපල ජනසතු සමූහාන්ඩුවට.

✴️ 💀 මහා පරිමාණ ව්‍යාපාර, කර්මාන්ත , පෞද්ගලික බැංකු, රක්ෂණ ආයතන, පෞද්ගලික තේ වතු හා ගොවි බිම්,  සුපිරි වෙළඳ සැල්, පෞද්ගලික බස්‍ රථ සියල්ල ජනසතුකරණයට. 

✴️ 💀 පෞද්ගලීකරණය කරණ ලද සියළුම ආයතන නැවත සමූහාන්ඩුවට පවරා ගැන්ම.

✴️ 💀 විදේශ ආයෝජකයින් සියල්ල පිටුවහල් කිරීම.

✴️ 💀 කොටින්ම පණ ඇද ඇද උන් ලක් අම්මටත් නිවන් සුව.

✴️ 😜 විප්ලව කරලා ගන්න ගිය බලය අරගෙන මේවා කරන්න ගිය උන්ට.. දැන් ජනතාව...  බටර් ගාගෙන දෙකට නැමිලා පලල් කරලම දෙන්න යන්නේ...

✴️ 😜 ඔයාලා ඒ සුවේ විඳින්න... මම නම් සුනිල් හා නන්දා වගේ ඉන්දියාවට බෝට්ටුවෙන් යනවා.

⭕ මෙයින් එකක් හෝ සිඳු නොවනා බවට ජේවීපී නායකයින් කිසිවකුටවත් ප්‍රකාෂ කළ නොහැක්කේ ජාජබ නායකයින් පවා මේ සියල්ල වක්‍රාකාරයෙන් ප්‍රකාෂයට පත්කොට අවසන් බැවිනි.

.

.

ස්වස්ථි සිද්ධම් ...!!!

.

හොඬවැල

 

හොඬවැල

➖➖➖❤️

යුද්දෙට නැති කඩුව කොස් ගෙඩි කොටන්     නද

හෙන්ඩුව නැතිව මඳ කිපුනම දුවන්                නද

මහතට දිගට නැතිනම් හොඬ වැලද             කඳ

කුමටද මෝදූ වී බැබලෙන පෝය                     සඳ

® කාව්ව සිරෝමනී මාතලන් 

#කුප්පකවි

IMF නිළධාරීන්ද හොල්මන් කළ ආන්ඩුවේ ජයග්‍රහණය

 

IMF නිළධාරීන්ද හොල්මන් කළ

ආන්ඩුවේ ජයග්‍රහණය

➖➖➖➖➖➖➖⭕

රට ආර්ථික අර්බුධයකට ලක් වූ අවස්ථාවේ.... එයින් පැනගිය ගොබ්බ දේශපාලුවන් වන.... අනුර කුමාර ප්‍රමුඛ ජේවිපී බලකායද....,  සජිත් ප්‍රමුඛ ගොඩහෑවාගේ ලණු කන මැටි මෝල් කණ්ඩායමද..., ජනාධිපති ලේකම් කාර්‍යාල රැස්වීමෙන්ද පැන ගියේ.... හේතු දෙකක් මතය...

පළමු එක....

කිසිඳු වැඩපිලිවලක් නොමැති නිසා නන්න පෝල් වූ බැරි කමය... ඩොලර් එක 600 ට යන බවත්... පාන් ගේන්න විල්බැරෝවේ සල්ලි ගෙනියන්න වෙන බවත් කීවේ ඒ නිසාය...

දෙවැන්න ....

උන් මේ රටට හා ජනතාවට කිසිඳු ඇල්මක් ආදරයක් නොමැති බල පෙරේතයන් පමණක්ම වීමය...

උන්ට ඕනා ජනාධිපති වී ඒ ආතල් ගන්නටය... මැති ඇමති ආතල් ගන්නටය....

සරළවම කියන්නේ නම්....උන්ට ඕනා මේ රට IMF ආධාර හා අධීක්ෂණය යටතේ ඉදිරියට යාම නොව...., රට හා ජනතාවට අම්මට හැමිනිලා කෙලවෙලාම යනේකය. 

රටක් දියුණු කරනවාට වඩා.... ඒකට... අම්මට හැමන්නලාම දමන එක මාර ලේසියි කියා පෙන්නුවේ ගෝටා, පී බී හෙවත් ආර්ථික ඝාතකයා හා උන්ට දිරච්ච ළණු දුන් මහ බැංකුවේ හාල්පාරු වෘත්තියවේදියෝය. ඒ සඳහා උන්ට ගත වූයේ අවුරුදු 3 ක් වැනි ඉතා කෙටි කාළයක්ය.

ලෝකය ගලා යන අර්ථ ක්‍රමයෙන් මිදී.... ගූ පෝර යෙදූ සංවෘත දේශිය ආර්ථිකයකින් රට ගොඩ ගන්නට ගොස් වෙච්චි සන්තෑසිය... මේ රටේ ගොබ්බයන්ට මෙතරම් ඉක්මනට අමතක වීම... මාර ලොල් සහගතය.

දැන් ඔය මොකා මොන බයිලා ගැහුවත්..., බලයට එන ඕනෑම එකෙක්ට රට පාලනය කරන්න වෙන්නේ IMF එකේ පදයටය. ඊට එකඟ නොවන්නේ නම්.... මේ රට  ආයේ ගල් යුගයටම යනේක නවත්තන්න.... ඒ මොකාටවත් හැකි වන්නේත් නැතිය.

දැන් IMF පමණක් නොව ජාත්‍යන්තර මූල්‍ය ආයතන, රක්ෂණ ආයතන ඉතරක් නොව ආර්ථික විශේෂඥයින් පවා හොල්මන් වෙලා ඉන්නේ..... රනිල් හා පිරිස මේ තරම් කෙටි කාළයකින් අම්මට සිරි ලංකාව ගොඩ ගැනීම ගැනය.

IMF නිලධාරීන් කොළඹ පැවති මාධ්‍ය හමුවකදී ඊයේ කියා සිටියේ.... 

▪️ උද්ධමනය සීමා කිරීම, 

▪️සංචිත සමුච්චය සහතික කිරීම සහ 

▪️රාජ්‍ය මූල්‍ය ශක්තිමත් කිරීම සම්බන්ධයෙන්.... ආන්ඩුව "ප්‍රශංසනීය ප්‍රතිඵල" පෙන්වා තියෙනවා කියලාය.

එමෙන්ම ආර්ථිකය ගොඩ ගැන්මේ ප්‍රතිසංස්කරණ ක්‍රියාවලියේදී... තමන්ගේ න්‍යාය පත්‍රය ක්‍රියාත්මක කිරීමේදී “ඉතා විශිෂ්ඨ ප්‍රගතියක් අත්කර ගැනීම” සම්බන්ධයෙන්.... ශ්‍රී ලංකා බලධාරීන්ට ඔවුන් ප්‍රශංසා කිරිමටද අමතක කළේ නැතිය.

ඒ අනුව ආර්ථිකය ගැන අවබෝධයක් ඇති උන් කියන්නේ.... 

▪️වසර හයක් දක්වා ණය ගෙවීම් අත්හිටුවීමක් සහ 

▪️ආපසු ගෙවීමේ කාලය තුළ පොලී අනුපාත අඩු කර ගැන්මක්.... බොහෝ විට ඉතාමත් ඉක්මනින් ලැබෙනු ඇති බවය.

එවන් තත්වයක් අත්කර ගත් ජනාධිපතිවරයකු හා තරුණ කණ්ඩායමක් සිටියදී.... ආර්ථිකය ගැන මෙලෝ අලබෝලයක් නොදන්නා.... සුබසාධනවාදී ස්වදේශිය ආර්ථිකයකින් රට ගොඩ ගන්නවා යැයි කියන දර ලිපේ උයන ගල් වැද්දන් හා වමේ හිඟන්නන් රජ කරන්නට යන උන් ගැන.... ලියන්නට වදන් ඇත්තේ නැතිය.

.

.

ඒ වගත් මෙසේය.....

.

ලීක් වීම හෙවත් පෙම්වතුන් සිනා සේ... ඔහු කඳුළු සලන්නේ...

 

ලීක් වීම හෙවත්

පෙම්වතුන් සිනා සේ...

ඔහු කඳුළු සලන්නේ...

➖➖➖➖➖➖➖❤️▪️

සුරංගනා ලෝකයෙන් පෘතුවියට පැමිණි අනංගයා ලංකාවේ සිටී බව බොහෝ උන් දැනගත්තේ ලීක් වූ වීඩියෝ බුකියේ උන් බෙදාහදාගනිමින් සිටිනා අතරතුර.... රැවුල කොන්ඩය වවාගත් තරුණයකු පොලිස් ජීප්පුවක් තුල සිටිනවා දැක්මෙනෙක්බිතිය. ඔහු ප්‍රේමරාජ් නම් විය... 

මේ ඒ කතාවයි....

කිසියම් තරුණයකු ලවර්ස් ලේන් එකේ පෙම්වතුන්ගේ ප්‍රේමාලිංගන...  උත්තල දර්පණය සහිත පෝටබල් වයිපයි රිමෝට් කාච මත රහසින් තැන්පත් කරගනිමින් සිටින බව ලවර්ස් ලේන් පොලිසියට පැමිණිලි ලැබී තිබින....

දිනක් පොලීසියට හොරෙන් තම රාජකාරී මොහොතේ ලවර්ස් ලේන් එකේ ඇවිද ගිය කන්‍යාවියක් වූ පොලිස් සැරයන්වරියක් හදිසියේ ගැබ් ගැනීමේ හේතුවෙන්.... පොලිසියේ කිසිවකුටත් ලවර්ස් ලේන් එක තුල සැරිසැරීම නීතියෙන් තහනම් කොට තිබින. ඉන් පසු එය අධි ආරක්ෂිත කලාපයක් විය...

මේ පිළිබඳ අපරාධ පරීක්ෂණ දෙපාර්තමේන්තුව පුලුල් පරීක්ෂණයක් සිඳු කළ අතර... රස පරීක්ෂණ වාර්තා තුලින් හෙලි වූයේ..... මෙම සැරයන්වරිය ගැබ්ගෙන ඇතත්.... ඇය තවමත් කන්‍යාවක්ම වන බවයි. 

මේ පිළිබඳ වැඩි දුරටත් සොයා බැලීම සඳහා විශ්‍රාමලත් වීසුරුවන්ගෙන් සමන්විත කොමිසන් සභා තුනක් පත් කළ අතර.... එහිදී කරණ ලද පාපෝච්චාරණය හමුවේ.... කොමිසන් සභා නියෝජණය කල විශ්‍රාම ලත් විනිසුරුවරියන් හා නිලධාරිනියන් කීප දෙනෙකුද ගැබ් ගැනීමට ලක් විය.

එහිදි පොලිස් සැරයන්වරිය ප්‍රකාෂ කල කටඋත්තර අතර... නාගයන්, විශාල පිඹුරන් මෙන්ම කොස් ඇට මීයන් ගැනත්.... උන් විවිධාකාරයේ ගුහ තුල තම රැඟුමන් දක්වමින් සිටි අයුරුත්...., ගැබ්ගැන්මට විශේෂම හේතුව වන්නට ඇත්තේ..... විශාල ඇනකොන්ඩාවෙක් රන්ජන් රාමණ යකාගේ ඉරියව්ව ක්‍රීඩා කිරීමට උත්සාහ කරමින් සිටි දර්ශනය විය හැකි බවත්‍ය...

මේ අතරේ ප්‍රේමරාජ් මහතා තමන්ට පැවරි ඇති රාජකාරිය ඉටු කිරීමට යාමේදී මහත් ගැටලුවකට මුහුණ දී සිටියේය.... ඒ ඔහුගේ හී සැර වැදී නැති උන් පවා.... එකාට දහ දෙනෙකු හා සෙට් වී සිටීම තුලය.... මොවුන් අතරින් නියම පෙම්වතුන් තෙර්‍රීමට නම් කළ යුතු එකම දෙය වන.... මොවුන් සෑම දිනම පැමිණෙන්නේ එකම පෙම්වතෙකු හෝ පෙම්වතියක සමඟ පමණක්මද යන්න තහවුරු කරගැන්ම සඳහා..... ආදරයේ කාචයන් ලවර්ස් ලේන් හි පඳුරු තුළ සැඟවී සිටිම ආරම්බ විය. 

පක්ෂ පාට, ජති කුල ආගම්, බයි ටොයි කයි, එක මිටි දර මිටි බේදවලින් තොරව, බුකි ප්‍රජාව සහජීවනයෙන් බෙදාහදාගනිමින් හුන් ලීක් එකක් ගැන දේශබන්දු තෙන්නකෝන් මහතාට මෙන්ම ටිරාන් අලස් මහතාටද ගෙන ආවේ විශාල අපකීර්තියකි,.... 

රට බංකොලොත් වීම හේතුවෙන් ජනාධිපති රනිල් වික්‍රමසිංහ මහතා විසින් ආරම්බ කොට පූර්ණ ආරක්ෂාව යටතේ පවත්වාගෙන ගිය ලවර්ස් ලේන් හී මානව හිමිකම් උල්ලංගනය වීම හේතුවෙන් පෙරටුගාමීන් විසින් උද්ඝෝෂණ ව්‍යාපාරයක් ආරම්බ කරන ලදි,

ජවිපේ හරිනි අමරසූරිය සඕදරිය ලන්ඩනයේ මේ පිළිබඳ විශේෂ දේශනයක් කිරීමට පිටව ගිය අතර, ආන්ඩුවට එරෙහිව විශ්වාසභංගයක් ගෙන ඒමට කටයුතු කරන බව සජිත් ප්‍රේමදාස මහතා විසින් දිවුරා පොරොන්දු දෙන ලදි. (කතානායකවරයාගේ විශ්වාසය තහවුරු වීමෙන් අනතුරුව එම විශ්වාසභංගය විවාදයට ගැන්ම සඳහා ඊයේ ආන්ඩු පක්ෂය විසින් දින තුනක් ලබා දෙන ලදි.)

එහෙත් අත් අඩංගුවට පත් ප්‍රේමරාජ් කියා සිටියේ.... තම ජංගම දුරකතනය අළුත්වැඩියා කිරීමට දුන් ආයතනයෙන් මේවා ලීක් වන්නට ඇති බවත්..., මෙය ලීක් කිරීමේ පරමාර්තයෙන් සිඳු නොකල කටයුත්තක් බවත්...., තම රැකියාවේ පහසුව සඳහා නවීන තාක්ෂණය යොදා ගැන්ම පමණක්ම බවත්.... වැලටයින් වැනි නාකී හම්පඩයකුට මේවා ගැන වැටහීමක් නොමැති බවත්‍ය.

කෙසේ හෝ මේ අතර පිටකොටුව පළමු හරස් වීදිය.... මේ වන විට ඉතා කුඩා කැමරා සොයන පාරිභෝගිකයින්ගෙන් පිරී ඇති බවත්..., හතර වන ශ්‍රේණියේ පෙළ පොතට නිවැරදිව හැමිනෙන්නේ කෙසේද යන පාඩම ඇතුලත් කර ඇති බවත්..., එහිදී ලිංගික එක්වීමකට පෙර කොන්ඩම් පැළඳීමටත් වඩා.... ප්‍රේමයේ උත්තල කාච පිළිබඳ වඩා විමසිලිමත් විය යුතු බවත් සඳහන් බවට වාර්තා වේ.

.

.

#මලක්ගසාලියූකවක්

.

ඉවාන් පවුලූෂා.... and Nikita

 

ඉවාන් පවුලූෂා....

and Nikita

➖➖➖➖➖❤️

ඉවාන් පවුලුෂා දණහිස තෙක් ගැඹුරු හිම මැදින් කඩිමුඩියේ යද්දී..... ඔහු ආග්‍රනය කළ වාතය පයින් සුවඳින් සහ ශීත කාලයට නිවෙස් තුල දැවී  පිටවන දුම්වලින් බර විය. 

සාර් රජු මෙන්ම කිසිඳු සමාවක් නොදෙන රුසියානු ශීත ඍතුව, වොල්ගා ගං කොමලියගේ ඉවුර දිගේ පිහිටි ඉවාන්ගේ ගම මත, සිය හිම පතනය දැඩි කර ඇත. ඔහුගේ හුස්ම ගැන්ම වේගවත් වී... ඒ සන්ධ්‍යාවේ මල් තුහීන වැස්සක් වී ඇද වැටිණ.... එහෙත් ඔහුගේ හදවතේ පිපි කුසුම් උණුසුමින් වෙලී තිබින....

අද රාත්‍රිය... ඔහු අවසානයේ තම ප්‍රේමාරාධනය ප්‍රකාෂයට පත්කරන රාත්‍රිය විය.

ඉවාන් පවුලූෂා.... ඔහු කුඩා කල සිටම ජන නැටුම් පාඩම් අතරතුර, ඇය හා එකට සිනාසෙමින් වසර ගණනාවක් තිස්සේ මේ මොහොත ගැන සිහින මැව්වේය. 

නිකීටා...., ඇගේ වත මත වැටුනු ගින්දර මෙන් රත්පැහැ හිසකෙස් අතරින් කටුක සයිබීරියානු ශීත කාලය උණුසුම් කළ හැකි සිනහවකින් නිතරම තමන් වෙත හොරැහින් බලන්නේ යැයි ඔහුට හැඟිනි.

ඉවාන් පවූලූෂා....//

ඇයි හොරැහින් මදෙස බලන්නේ ....

නැටුමට ඇවිදින් නැතිදෝ මබද වෙලන්නේ..... 

ඔහු ඇය දෙසට නෙත් යොමු කළ මොහොතේම... ඔහුගේ හදවත ඇය විසින් සොරාගෙන ඇතැයි ඔහුට සිතිනි.... ඔහු සිය ප්‍රේමාරාධනය  සිය දහස් වාරයක් තම සිත තුල පුරුදු පුහුණුවීම් කළේය.... ඒ සෑම අවස්ථාවකදීම, පිස්සුවෙන් මෙන් දඟලන, විකාර සහගත වලස් පැටියෙකු මෙන් ඔහුගේ වචන සමඟ ඔහු දඟලමින් උන්නේය....

ගමේ උත්සව ශාලාවට ළඟා වූ විට ඉවාන්ට හුරුපුරුදු තනුවක් ඒ රාත්‍රියේ ශාලාව තුල ගලා යමින් තිබින... බලලයිකා තුලින් ගලා එන ඒ සාම්ප්‍රදායික ගැමි වාදනය ඉවාන් කුල්මත් කළේය... සියල්ලෝ මෂූර්කා රංගනයට එක්ව තිබිනි....

එය ශීත සමයේ  අවසන් රාත්‍රිය වූ අතර... ශාලාව තුල සියල්ලන්ගේ ප්‍රීතිමත් කෑ කෝ ගැසීම් මැද... වොඩ්කා වීදුරු එකිනෙක ගැටෙනා හඬින්ද නාද වෙමින් තිබිනි. 

විශාල හඬ නඟන දොර තල්ලු කරමින්, ඒ වෙත ඇතුලුවූ අයිවන් සිනහවෙන් පිරී සහ දීප්තිමත් වර්ණවලින් යුත් සාම්ප්‍රදායික ඇඳුම් ඇඳ උන් නීල නෙතු සතු රුවැත්තියන්ගේ වැළඳගැන්මෙන් ඉවාන් උණුසුම් ලෙස පිලිගැනිනි.

ඒ කිසිවකුත් සෙනඟ මැද සිටි නිකීටා තරම් සුන්දර නැතැයි ඔහුට හැඟින. කඩවසම් තරුණයෙකු වූ දිමිත්‍රී සමඟ ඇය රඟන විට ඇගේ සිනහව සීත සුළං මැද හමනා සීණූ නාදයක් මෙන් දෝංකාර දුන්නේය.....

අයිවන්ගේ ඊර්ෂ්‍යාව... තියුණු අයිස් කැට මෙන් අයිවන්ගේ හදවතම සිදුරු කළේය. මේ සියල්ලන් සිනහසෙන්නේ තමන්ට යැයි ඉවාන්ට සිතිනි... ඒ වේදනාව ඔහුට තවත් දරාගැන්මට නොහැකි විය...

බැලලයිකාව වගේ මා ....

       තුරුලු කරන් ඔය සුරතට,

මෂූර්කා නැටුමට අද පමණක්...

       එන්න පවුලූෂා......

අධෛර්යයට පත් වූ අයිවන් සෙවනැලි නොවැටෙන අඳුරු කොනකට පසු බැස්සේය.., ඔහු   බොහෝ කාළයක්  පුරුදු පුහුණු කරන ලද ප්‍රේමාරාධනය  ඔහුගේ තොල් මත මිය ගියේය. දිමිත්‍රි සහ නිකීටා නටන අයුරු ඔහු බලා සිටියේ හදවත තුල උපන් වේදනාවෙනි.

එය රැඟුමක් පමණක් නොව ඔවුන්ගේ දෑස් එකිනෙකා හා නිහඬ සංවාදයක සිරවී සිටින ආකාරය ඔහුට පැහැදිලිව පෙනිනි. 

නර්තනයේ යෙදෙන සියල්ලෝ වේගයෙන් කැරකෙමින්, අයිවන්ගේ පපුවේ අවුල් සහගත බව තව තවත් තීව්‍ර කළේය....

සංගීතය එක විටම නැවතින.... 

සෙනඟ අතරින් දැඩි නිහඩතාවයක් මතු විය.... නිල නිවේදනයක් ශාලාව පුරා දෝංකාර දෙන්නට විය. 

 

නම් කිහිපයක් අතරේ... දිමිත්‍රිද සාර්ගේ හමුදාවේ සේවය කිරීමට කැඳවනු ලැබූ බව නිවේදනයෙන් කියැවිණි. නිකීටාගේ මුවගේ සිනහව මැකී ගියේය, ඒ වෙනුවට ඇය කනස්සල්ලට පත් විය. ඒ මොහොතේ ඇගේ දෑස්වල නිහඩ ආයාචනයක් ඇති බව අයිවන් දුටුවේය, අයිවන්ගේ උගුරේ රැඳුණු ප්‍රේමාරාධනය ඔහුට අමතකව ගියේය..

සාදය නිහඬ බව මැදම අවසන් විය, දිමිත්‍රිගේ හා අන් අයගේ පිටවීමේ බර, සෑම කෙනෙකුගේම උරහිස් මත රැදි බර ලෝගුවක්ම විය. ගම්වැසියන් විසිර යාමට පටන් ගත් විට, අයිවන් නිකීටා අසල සිටගෙන සිටිනු දුටුවේය. 

ඔහු මෙතරම් කාලයක් පෙරහුරු කළ වචන ඔහු හැර ගියේය. "එයා ආයේ එයි.... නිකීටා..." ඔහුට හුස්ම ගැන්මේ අපහසු බවක් දැනිණ...

නිකීටාගේ මුහුණේ සිනහව, කඨෝර ශීත සෘතුවේ අවසානයේ පොලොව තුලින් මතුවන කුසුමක පිපීමක් වැනි බලාපොරොත්තුවක්ම විය. 

"මම බලාපොරොත්තු වෙනවා, අයිවන්," ඇය පිළිතුරු දුන්නේ ඇගේ කටහඬ වෙව්ලමිනි. ඔවුන් මොහොතක් නිශ්ශබ්දව සිටි අතර, දෙදෙනා නොකියූ වදන් සියල්ල ශීත හිම මත රැඳින.

පසුදා උදෑසන, සොල්දාදුවන් කණ්ඩායමක් පිටත්ව යන ආකාරය මුලු ගමම බලා සිටියේය. දිමිත්‍රිගේ රුව ක්ෂිතිජය දෙසට හුදකලා වූ පැල්ලමක් වී නොපෙනී යන්නට විය. 

නිකීටා අයිවන් අසල සිටගෙන උන්නේය, ඇගේ නෙතින් කඩා හැළුන කඳුළු කෙතරම් උණුසුම්ද යත්... හිම දිය කරමින්  කම්මුල් දිගේ ගලා ගියේය... ඔහු ඇයව අතින් අල්ලා වැළඳගෙන.... ඇය වෙත යම් සහනයක් සැනසීමක් ලබා දීමට ආශාවෙන් සිටියද.... ඒ සියළු හැඟුම් ගොළු වී තිබිනි.

ශීත කාළය ලබා දුන් පාළු මුඩුම භූ දර්ශනය බලාපොරොත්තුවේ හරිත වර්ණවලින් පින්තාරු කරමින් වසන්තය ළඟා විය. නමුත් අයිවන් සහ නිකීටා සඳහා පමණක්, මුළු ලෝකයම ශීත ඍතුවේ අඳුරු බවින් වැසී තිබින...

දිමිත්‍රි වෙතින් නිකීටා වෙත වරින් වර ලිපි පැමිණියේ, දුර බැහැර රටවල කතා සහ සටන් වලින් පිරී සිඳුවීම් සමඟය. ඒ සෑම ලිපියක් සමඟම,  නිකීටාගේ දෑස් තුළ බලාපොරොත්තුවේ දැල්වීමක් දැල් වීය, අයිවන් තවමත් ඔහුගේ නොකියූ ආදරයේ ප්‍රේමාරාධනවේ හැඟුමින් මුසපත් වී උන්නේය.

සරත් සෘතුවේ ගිනියම් රස්නය වැලඳ ගැනීමට ඉඩ දෙමින් ගිම්හානය පහව ගියේය. එක් උදෑසනක, වේගවත් කුර හඬ සමඟ අසරුවකු රැගෙන ආ පුවත ගම කළබල කිරීමට හේතු විය... යුද්ධයේදි ඇති වූ දරුණු තුවාල හේතුවෙන් දිමිත්‍රි මිය ගියා....

නිකීටා බිම ඇද වැටුණාය, ඇඟේ හැඬීම මුළු ගම පුරා දෝංකර දුන්නේය.

අයිවන් ඇයව වත්තන් කරගෙන උන් අතර, ඇගේ සිරුර වෙව්ලන සෑම හඬකින්ම ඔහුගේ හදවතද බිඳී ගියේය. ඒ මොහොතේ, ඔහු මෙතරම් කාලයක් පුරුඳු පුහුණු වූ තම සිත තුල සඟවාගෙන සිටි වචන ආදරයේ නාමයෙන් අවංක හැඟීමෙන් ඉබේ මෙන් ගලා ඒවී යැයි අයිවන්ට සිතිනි...

මම ඔයාට ආදරෙයි නිකීටා... ඔයාට මම ඉන්නවා..... එහෙත් ඔහුගේ ප්‍රේමාරාධනය කිරීමට මේ මොහොත නොවේ.. ඇය එය නොසලකා හරිනු ඇත... නිකීටා දැඩි ශෝකය තුළම අතරමං වූවාය.

ගමම සුදු පැහැති වස්ත්‍රාබරණයෙන් ආවරණය කරමින්... ශීත ඍතුව නැවත වරක් බැස ගියේය. 

නිකීටා... ඇගේ ආත්මය අඳුරු වී, අවතාරයක් මෙන් ජීවිතය හරහා ගමන් කරමින් උන්නේය. අයිවන් නිහඬ වොල්ගා නදිය අද්දර පහන් කණුවක් මෙන් ඇගේ පසෙකින් සිටියේය. 

ඔහු ඇයගේ ආදරය බලාපොරොත්තු නොවූවත්, ඔහුගේ හදවතේ කොනක රැඳි ප්‍රේමාරාධනාව තුල ... කටුක ශීත ඍතුවේ දී පවා මුරණ්ඩු ලෙස මල් පිපිනි...

දිනක් නිකීටා අතුරුදහන් වී ඇති බව ගම පුරා ප්‍රචාරය විය. 

සෝදිසි කණ්ඩායමකට වොල්ගා ගඟේ ශීත ඉවුරු අසලින් ඇයව හමු විය. ඇගේ අතේ තදින් ගුලිකරගෙන වුන් රත් පැහැ ලේන්සුවක් තිබින... ඒ තුල තිබුණේ  නිකිතාගේ රැව ඇඳි දිමිත්‍රිගේ ලිපියකි.

අයිවන් ඇයගේ නිසල සිරුර හුදකලා බර්ච් ගසක් යට තැන්පත් කළේය, සුළඟ එහි අතු හරහා ශෝකජනක ගීතයක් මුමුණමින් සිටියේය. 

ඔහු විශාල වරදක් කළ බව හැඟී ගියේය, සමාව නොදෙන අහස යට තනිව, ඔහුගේ අප්‍රකාශිත ප්‍රේමයේ බර ඔහුට දරාගත නොහැකි බවක් හැඟිනි.....

එහෙත් නව ශීත ඍතුවේ පළමු හිම පියලි වැටෙන්නට පටන් ගත් විටද, නිකීටා සදහටම තම හදවතේ ජීවත්වන බව අයිවන් දැන සිටියේය.

Oh, Nikita, you will never know....

Anythin' about my home....

I'll never know how good it feels to hold you....

Nikita, I need you so....

Oh, Nikita, is the other side....

Of any given line in time....

Countin' ten tin soldiers in a row....

Oh no, 

Nikita, you'll never know.....

#මලක්ගසාලියූකවක් 

.

රනිල් හාමු සහ තඹුත්තේගම අපේ එකා. (සමාජවාදී රනිල් හා නව ලිබරල් අනුර කුමාරයා)

 රනිල් හාමු සහ තඹුත්තේගම අපේ එකා.

(සමාජවාදී රනිල් හා 

නව ලිබරල් අනුර කුමාරයා)

➖➖➖➖➖➖➖➖➖➖⭕

රනිල් එක්ක මේ රටේ ඉන්න උගත් නූගත් ගොඩක් දෙනෙකුට තියෙන්නේ, දේශපාලන ප්‍රශ්නයක් නොවේය.  "හීනමානය" සමග එන පුද්ගලික ඇරියස් එකක්ය. රනිල් හා..මු.., රනිල් රදලය, ගොඩක් අය කියන්නෙ එහෙමය. රනිල්ට  ලන්වෙන්න පුළුවන් ලිමිට් එකක් තියෙනවාය. ඒක සාමාන්‍ය ජහමනයාට නොව සමීපතමයින්ටද අදාලය.

රනිල් කියන්නේ... මහින්ද වගේ  කරට අත දා , බඩට ඇන, ළමයෙක් වඩාගෙන ෆොටෝ එකක් ගහල ඉන්න පුළුවන් චරිතයක් නොවේය. (දන් නම් හාමු ජූන්ජක් වෙනස් වී ඇති බවකුත් පේනවාය.)

ඒකට ඉතින් මිනිස්සු කැමතී නැතිය. මේවා ඇවිල්ලා අපේ රටේ මුල් බැහැපු ජනමතය, උදාහරණ ලෙස ළමයි නැත්නම් කොන්ද පන නැතිය., ගමේ මුදලාලි නම්, තක්කඩියෙක් වගේ එකෙකිය, කාටුන් එහෙක මුදලාලි කෙනෙක් ඇන්දත්, ඔහුව අර්ථ දක්වන්නෙ කලු කඩ කාරයෙක් විදිහටය. 

ඒ විදිහට "හාමු" කියන්නෙත් අපේ රටේ මුල් බැහැල තියෙන විදිහට මහ එපාම කරපු චරිතයක්ය. ඉස්සර ෆිල්ම් එහෙක උනත්, ගාමිණී ෆොන්සේකාලාට,විජය කුමාරතුංගලාට ගේම තියෙන්නේ හාමු එක්කය. බලවතා එක්කය. මේ බලවතාගේ චරිතත් කරපු නිසා, ගාමිණිට වැඩියෙන් විජේ ජනප්‍රියය.

එතකොට රනිල් එක්කත් මිනිස්සුන්ට අන්න එහෙම "හාමු" ඇරියස් එකක් තියෙනවාය. සමහර උන්ට රනිල් කරපු වරදක් නෑතිය, හැබැයි උන්ටත්, තරිඳු උඩුවරගෙදර වගේ, අරගලියන්ස්ලා වගේ, රනිල්ව පේන්න බැරිය. අර ෆිල්ම් වල, විජය කුමාරණතුංග, රන්ජන් රාමනායක නිකම්  අපේ එකෙක් වගේ දැනෙනවාය. 

විජේ ෆිල්ම් එකේ වලවුවෙ හාමුට නෙලනව බලන්න ආසාවෙන් ඉන්නව වගේ, මිනිස්සු ආසාවෙන් බලන් ඉන්නේ රනිල්ට කෙලවෙනකම්ය . හැබයි මේ ඔක්කොම යාලුවෝ කියලා කිව්වෙත් රන්ජන් රමණ යකාමය. උන්නැහෙත් කළේ, ශානිලා ලවා, නඩු කාරයෝ ලවා, වළං හෝදාගන්න එකය.

දැන් අනුර සහෝදරයාගේ නමේ, කුමාර කෑල්ලකුත් තිබුනාට, එයා රාජ කුමාරයෙක් නෙමේය. එයා ගමේ කොල්ලෙක්ය. අනුර තඹුත්තේගම ඇලේ,  වැවේ, පැනලා නෙලුම් අලේ කඩන් කෑව කිවුවම, කෝච්ව්යේ රටකජු විකුණුවැයි කීවාම, සිරිසේන කමතෙ මී හරක් පස්සෙ ගොන් පස් ඇල්ලුවයි කිවුවම, ප්‍රේමදාස කෙසෙල් වත්තෙ ලැවරි විකිනුවා කිවුවම, අර රනිල් ගැන එන හැඟීම එන්නේ නැතිය. එතකොට නිකම් උන් අපේ එවුන් කියල අමුතු ෆීලින්ග් එකක් දැනෙනවාය. මිනිස්සු ඒ ෆීලින්ග් එකට, ෆැන්ටසියට මාර ආසය. හැබයි උන් කරන්නෙත් පැජට් පාරේ ගෙවල් දෙකක්ම ප්‍රාණභුක්තියට ලියාන බටරුත් නැතිව ඇරලා යනේකය.

රනිල්ට කවදාවත් ඒ අපේ එකා වෙන්න බැරිය, රනිල් එහෙම කරන්න උත්සාහ කරන්නෙත් නැතිය. මේ රට කරවපු ගොඩක් උන් උත්සාහ කලේ මිනිස්සුන්ට ඒ අපේ එකා ෆීලින්ග් එක දෙන්න යනේකය. මොකද ජන්ද දිනන්න ඒක ඉතා වැදගත්ය. ඇත්තටම බැලුවොත් ඒක රැවටීමක් ඇන්දීමක් කියා ජහමනයාට තේරෙන්නේ නැතිය. කලිසම් කෝට් ගහපු බන්ඩාරනායක ජාතික ඇඳුමට බැහැල දුන්නෙත් ඒ වගේ ආතල් එකක්ය. හැබැයි ඉතින් ජාතික ඇඳුම ඇඳගෙන දුම් පයිප්පෙ කටේ ගහගෙන ඉන්න එක මිනිස්සු එච්චර නෝට් කරේ නෑතිය. නැත්නම් බන්ඩාරනායකට දුම දාන්න වෙන්නෙ හොරෙන්ය. 

තාමත් බොහෝ උන් ජාතික ඇඳුමට රැවටෙන්නේ පරම්පරා උරුමයක් ලෙසය. හැබයි මේ 56 විප්ලවයේ අම්බරුවන් ගැන සත්‍ය කතාව ඊයේ පෙරේදා ලියලා තිබුනේ, එයින් ජාතක වූ මහාචාර්‍ය පුත්‍ර රත්නයක් වූ, නිර්මාල් රංජිත් දේවසිරිය. එයා කිව්වේ මේ රටේ සෑම ක්ෂේශ්ත්‍රයකම තිබූ ගුණාත්මක බව නැති කළේ 56 නිර්ප්‍රභූ උගතුන් ටික කියලාය. 

කොහොම උනත් "අපේ එකෙක්"  නොවුන රනිල්, මේ රටේ නායකයින් වෙච්ච, අපේ එවුන් ජන්ද පරදී කියල ගන්න බය වුන ආර්ථික ප්‍රතිසංස්කරණ තීරණ ගොඩක් අරන් තියෙනවාය. රට බංකොලොත් වුනේ ඕවා කරගන්න බැරි වූ නිසාමය.

ඒව කොයිතරම් මිනිස්සුන්ට අමාරු උනත්, කවුරුන් හෝ ගත යුතුව තිබුන තීන්දූ තීරණය. ආර්ථික විද්‍යාව ගැන හූණු බිජ්ජක දැණුමක් තියෙන ඇත්ත මිනිසුන්, මේ රට දියුණු නොවෙන්න හේතුව හොරකමම විතරක් නෙවෙයි කියල දන්නවාය. හැබැයි තමන්ගෙ දේශපාලන මත නිසා ඒව පිලිගන්න කැමති නෑතිය.

2001 චන්ද්‍රිකා යටතේ, ලංකාවේ ආර්ථික වර්ධනය ප්‍රථම වතාවට ඍණ අගයක් වුන වෙලේ රනිල් අගමැති ලෙස බලයට ඇවිත්, IMF ගිහින් මේ තීරණ ගෙන, ආර්ථිකය ධන වෙලා රිකවර් වෙන්න පටන් ගන්න කොටම, ජවිපෙ එකතු වෙලා රනිල්ව එලෙව්වේය  එහෙම එළවල අර පරණ ට්‍රැක් එකේම ගියේය. 

2015 ආයෙත් බංකොලොත් වෙන්න ගිය රට නැවතත් එවන් තීරණ අරගෙන, ලංකාවේ ප්‍රාථමික අයවැය අවුරුදු හැටකට පස්සෙ ප්‍රථම වතාවට අතිරික්තයක් ඇති කලේය. කිසිඳු සංවර්ධන කටයුත්තක් සිඳු නොවනත්, ජන ජීවිතයට මෙන්ම ආර්ථිකයට අවුලක් නොවූයේ, එම ප්‍රතිපත්තිය සංවර්ධිත රටක ප්‍රතිපත්ති හා සම වූ නිසාය. එහෙත් ජයමනයා එකතුව, රනිල්ව එළවා පරණ ට්‍රැක් එකටම ඇවිත්, රට නැත්තටම නැතිකරලාම දැම්මේය 

මේ ප්‍රාථමික අයවැය කියන්නෙ ණය වාරික ගෙවන්න පෙර රජයේ ආදායම සහ වියදමය. අපේ රටේ හැමදාම ආදායමට වඩා වියදම වැඩීය.ගෙදරක උනත් ආදායම ට වඩා වියදම වැඩි නම් අර හිඟය පියව ගන්නෙ ණය අරගෙනය නැති නම් ආධාරයක් ලබා ගෙනය.ඊට පස්සෙ ඒ ණය ගෙවන්න තව ණයක් ගන්නවාය, ඒක ගෙවන්න ආයෙ ණය ගන්නවාය,

ලෝකයේ දියුණුම රටවල තත්වය උනත් ඕකය. ලෝකය දියුණු වෙන්නේත් සංවර්ධනය වෙන්නේත් ඒ නිසාය. ගෝඨා මේ රෝල ගැහිල්ල නවතා දමා දේශීය ආර්ථිකයකින් ගල් යුගයටම ගෙන ගියේය. එහෙම නැතිව සැටලයිට් වගේ පොලොන්නරු ගමයා වගේ නිකන්ම උන්නත්, මෙහෙව් කට්ටක් කන්න වෙන්නේ නැතිය. එවිට ජහමනයා සිතන්නේ අපිට කිසි ප්‍රශ්නයක් නෑ කියලාය. ඒත් අපි කකා හිටියෙ ණයට කියා තේරුනේ පුපත් බිම ඇනුනායින් පස්සේය.

දැන් IMF එකේ ප්‍රධානම කොන්දේසියක් වන්නේ, නැවත මේ රටේ ප්‍රාථමික  අයවැය අතිරික්තයක් ඇති කර ගත යුතුය කියන එකය. ඒක කරන්න නම්, ඒ ගොල්ලො කියන විදිහට වැඩ කරන්න වෙනවාමය. (අද ලෝක බලවතෙක් වන ඉන්දියාව ගොඩ ආවේ එහෙමය.) ඒ කියන්නෙ රජයේ ආදායමෙන් වියදම් අඩු කරාට පස්සෙ ණය ගෙවන්නත් අතේ කීයක් හරි ඉතුරු කරගන්නෙයි කියන එකය.

රනිල් කරමින් සිටින්නේ, ඒකට අවශ්‍ය ප්‍රතිසංස්කරණ ටිකය. එතකොට මෙච්චර කල් අඩුවට තෙල් ගහගෙන, අඩුවට විදුලිය අරන්, බදු නොගෙවා ගත්, ලක්ෂ ගනන් පඩි වලින් ඉහළ වාරික ගෙවනා සැප වාහන අරන්, ඒ සහනාධාර භුක්ති විඳපු උන්ට අමාරුයි තමයිය. . (අධිකාරීවාදි සමාජවාදය ක්‍රියා කරන්නේද මෙයාකාරයෙනි)

ඒ නිසා උන් මේක දාලා ගියේය. හැබයි ගියපු රටවල කක්කුස්සි හෝදලා හොයන තුට්ටු දෙකටත් බදු ගගන බව තේරුන උන් දැන් ආයේ එනවාය.

වැඩේ ඉවර නැතිය. තව කරන්න වැඩ ගොඩාක් තියෙනවාය. අතිරික්ත රාජ්‍ය සේවකයන් අඩු කරන්න, පාඩු ලබන රාජ්‍ය ආයතන විකුණලා දාන්න, ලාබ ලබන ආයතනත් ප්‍රතිව්‍යූහගත කරන්න වගේ ඒවාය. තව දුරටත් ණය අරන් දීපු සහනාධාර ආර්ථික ක්‍රමය මේ රටේ ක්‍රියාත්මක කරන්න බැරිය. අස්වැසුමට ආධාර ලැබෙන්නේ ඒ නිසාය.

ඔය ටික කරහම  කරන එකා ඊලඟ ජන්දය කොහොමත් පරාදයිය. රනිල් නැවත බලයට ගෙන ඒම වැදගත් වෙන්නෙ ඔන්න ඔතනදීය.

 රනිල් මේ කරන්නේ  කාටවත්ම කරන්න බැරි වැඩක් නෙවෙයිය. රනිල් එහෙම සුපිරි පට්ට මොල කාරයෙකුත් නෙවෙයිය. හැබැයි මේකේ බලයට එන්න ඉන්න එකාලට තමන්ගෙ දේශපාලන අනාගතය විනාශ වෙන නිසා ගන්න බය  තීරණ, රනිල්ට ගන්න පුළුවන්ය. ඔහු ඒවා ගත්තේය. 

ඒවා කෙටි කාලීනව ජනතාවට අමාරු වුනාට දිගුකාලීනව මේ රට හරි මගට ගෙනෙනා තීරණය. රනිල් ඕකට ට්‍රයි කරපු දෙපාරෙම රනිල්ව එළවලා අපේ මිනිස්සු තාවකාලික සුවය පතා වෙන උන් ගෙනත් ඉල්ලගෙනම කෑවේය. අනික ඔහුට ඒවා කරන්න විධායක බලයක් තිබ්බේත් නැතිය. රනිල් එලවලා දිනන එකා කළේ තමන්ගෙ දේශපාලන උවමනා වෙනුවෙන්  ආයෙත් අර පරණ ට්‍රැක් එකට රට ගෙනිච්ච එකය. 

රනිල් වික්‍රමසිංහ හැමදාම බලයෙ ඉන්න ඕනෙ නැතිය. එහෙම ඉන්නත් බැරිය. හැබැයි අපි හැමෝගෙම අනාගතය තියෙන්නේ මේ පාර දිනන එකා මතය. ඒ දිනන එකා මේ අරන් තියෙන තීරණ වෙනස් නොකර අනිවාර්යයෙන් අරන් යන්න ඕනෑමය. මොකද අපි දැන් බංකොලොත් රටක්ය. ඉතා කෙටි කාළයක් තුල ගොඩ එමින් සිටින්නේ, අපි IMF වැඩසටහනට ඇතුළත් වුන නිසාය. ණය  දුන් රටවල් හා ආයතන ණය ප්‍රතිව්‍යුහගත කිරීම් වලට එකඟ වෙන්නේ අපි IMF ගිය නිසාය. 

මීට කලින් 16 සැරයක් කරා වගේ  IMF වැඩසටහනෙන් මඟදි ඉවත් වී, නැවතත් ගොබ්බ ගෝටා කළා සේ බදු අඩු කර, සහනාධාර දී පිස්සු කෙලලා අර දේශීය ආර්ථිකය ගෙනාවොත් ආයේ නම් සංසාරේ තියා අම්පාරෙන් වත් ගොඩ ඒම සම්මා බොරුමය.

ඒ නිසා.. 2024 මැතිවරණයකින් දිනන ආණ්ඩුව කවුරු වුනත්, 

" මම සිංහයෙක් වගෙ IMF ගිහිල්ලා මගෙ කොන්දේසි වලට ණය ගන්නවා. මම ඉංග්‍රීසියෙන් කතා කරලා නායකයොන්ව කොර කරලා උදව් ගන්නවා " වගෙ අම්බරු  කතා නොකියා... 

පාර්ලිමේන්තු නියෝජිතයන්ගෙ වියදම් කප්පාදු කරලා, හොරකම් වලට දඩුවම් දීලා ඒ සල්ලි අරන්, කැනඩාවේ සහෝදරවරුන් එවන ඩොලර් මිලියනේ ගානෙ එකතු කරලා ප්‍රශ්න විසදනවා වගේ... මොරි මාඩ මිනිස්සු අන්දන ගොමු අන් කතා නොකියා...

ජනතාවට ඇත්ත කියලා ගෙදර යන එක ඊට වඩා හොඳය.

.

.

ඒ වගත් මෙසේය....

.

ඉවසුමක් නැති වූ UNP හදිස්සි කාරයෝ.

 

ඉවසුමක් නැති වූ UNP හදිස්සි කාරයෝ.

➖➖➖➖➖➖➖➖➖➖➖➖➖⭕

අවුරුදු 17ක් එක දිගට විපක්ෂයේ සිට,තම නායිකාව වන සිරිමාවෝ මැතිනියවත් රැකගෙන 1994 දි තම පක්ෂයයෙන් රටේ නායකයව බිහි කරන්න ශ්‍රී ලංකා නිදහස් පක්ෂයේ මන්ත්‍රීවරුන්ට තිබූ ඉවසීම UNP මන්ත්‍රීවරුන්ට තිබුනි නම් අද UNP පාක්ෂිකයින් මේ තරම් අසරණ වන්නේ නැත. 

ඒ ඉවසීමෙන් ඔවුන් ලැබූ ජයග්‍රහණය කොතෙක්ද යත් 1994 සිට මේ දක්වා මේ රටේ ජනාධිපතිවරයා බිහිවී ඇත්තේ ශ්‍රී.ල.නි.ප හෝ ඔවුන්ගෙන් බිඳුනු පාර්ශවයෙන් පමණි. එය රනිල් වෙත ලැබුනේ දෛවයේ සරදමකිනි.

නායිකාව ගේ පුතා පක්ෂය හැර යද්දී පමණක් නොව ඉන්පසු චන්ද්‍රිකා ගේ අපමණ කෙනෙහිලිකම් ඉවසා පක්ෂය හැර නොයා සිටි මහින්ද රාජපක්ෂ චරිතයෙන් සජිත් ප්‍රේමදාස ඉගෙන ගත යුතු දේ බොහෝය.

UNP ය ඉතිහාසයේ කිසිම දිනක අවුරුදු 17 ක් එක දිගට විපක්ෂයේ සිට නැත. 1994 දී පැරදුනු එය අවුරුදු 7කින් පසු 2001 දී නැවත බලය ලබා ගත්තේය. නැවතත් 2004 දී පැරදී අවුරුදු 11කින් පසු නැවත 2015 දී බලය ලබා ගත්තේය. නමුත් විධායකය තිනුනේ ශ්‍රීලනිපයේ ලේකම් ළඟය.

ඉතින් UNP ට මෙසේ වෙන්නට හේතුව කුමක්ද ?

හේතුව නම් එකමුතු කමක් නැති කමයි. එය ආරම්බ වූයේද පියානෝගේ පදවිප්‍රාප්තිය  වෙනුවෙනි. දේශපාලනයේදී කෙටි මාර්ග නැත.පරිනත බව ලබා ගතයුත්තේ කාලයත් සමගය. 1948 පළමු කැබිනට් එකේ මුදල් ඇමති වූ JR රටේ නායකයා වෙන්නේ 1977 දීය. දේශපාලන පරිනත බව නැති නායකයෙක් රටේ නායකයා වුවහොත් රටට වෙන සැන්තෑසිය 2019 සිට 2022 තෙක් අප අත්වින්දෙමු.

UNP එකේ රනිල් නායකයා වූ දින සිට සිටියේ හදිස්සි කාරයන්‍ පමණි. තම නායකයා රැකගෙන එක්ව ගමනක් යනවා වෙනුවට ඔවුන් හැසිරුනේ මම පොර මානසිකත්වයෙනි. ඔවුන්ගේ මේ හැසිරීම නිසා අගාධයට ගියේ පක්ෂය පමණක් නොවේ. රටටද අත්වූයේ එම ඉරණමමය.

අද කාලය ඉස්සර වගේ නොව.ඕනම මන්ත්‍රී කෙනෙක්ට සල්ලි තිබේ නම් රටේ ජනප්‍රිය චරිතයක් විය හැක. ජනප්‍රිය වීම රට පාලනය සඳහා සුදුසුකමක් නොව. එසේ ජනප්‍රිය වූ පසු ඔවුන් සිතනුයේ ඔවුන්ට ඇමතිකමක් ලැබිය යුතු බවයි. 

UNP ය හැර ගිය සියලුම මන්ත්‍රීවරු පක්ෂය හැර ගියේ මෙන්න මේ ඇමති තනතුරක් නොලැබීමෙන්ය.

රටේ පත්කල හැකි ඇමති තනතුරු ගණන ව්‍යවස්ථාව මගින් ම තිහකට සීමා කරපු රනිල් වික්‍රමසිංහව ප්‍රතික්ෂේප කරන මෙරට ජනතාව තමන්ගේ පුද්ගලික වරප්‍රසාද වෙනුවෙන් පක්ෂය හැර ගිය හදිසි කාරයන් සමග සිට ගැනීම පුදුමයට කරුණකි .

එහෙත් දැන් ඒ සියල්ලෝම පක්ෂයේ මුල් පුටුවලින් ගැල වීසිවෙමින් සිටිනාතර, ගෝටා විනාශය කරා රැගෙන ගිය වැඩ බැරි ගොඩහෑවුන් හා ගොඩ පෙරකදෝරුවෝ හා ඇපත් නැති පෝට්ටු හාල්පාරුවෝ අගසව් හා පිරිවර ලෙස පත් වී අවසානය.

දිඨ්ඨධම්මවේදනීය කර්මය ඇස් පනා පිට පලදෙමින් තිබීම ස්වභාවධර්මයේ සරදමක් ලෙසදෝයී සිතෙනා තරමට, එය මාර ලොල් සහගත ප්‍රහසනයක් වී අවසානය.

නැගී සිටිය හැක එක්සත් වී

බෙදී ගියොත් රට යයි සුන් වී.....

#NK380

.

රනිල්ගේ කලිසම, ඩ්‍රෙස් කෝඩ් හා වැලෙට් රෝල්

 

රනිල්ගේ කලිසම, ඩ්‍රෙස් කෝඩ් හා

වැලෙට් රෝල්

➖➖➖➖➖➖➖➖⭕▪️

සංචාරක ක්ෂේත්‍රය ගැන අවබෝධයක් නැතත්, කාගේ හෝ මගුළකට තම වාහනයෙන් ගිය එකෙක්, "වැලේ පාර්කින්" කියා දෙයක් අසා ඇතිවාට සැකයක් නැතිය. වැලේ පාර්කින් කියන්නේ හෝටලයේ ආලින්දයේදී රියදුරකුට තම රථය බාර දීමය. එවිට ඔහු වාහනය පාර්කින් ඒරියා එකට ගෙනගොස් නැවත ඔබ පැමිණෙන විට ඔබේ වාහනය නැවත ආලින්දය වෙත රැගෙන එනු ලබන්නේය. කන පැලෙන්නට ගසා සිටී නම් බිරින්දෑට එය බාර දීම වඩා සුදුසුය.

මේ අයුරින් ඇමරිකානූ ජනාධිපතිවරයාගේ ආවතේව කටයුතු කිරීම සඳහා, "වැලෙට්" (Valet ) වරයකු අනිවාර්යයෙන් පත් කෙරෙන්නේය. ඔහු බොහෝ විට හමුදා සේවයේ නිලධාරියකු වනාතර, අනෙකුත් විශේෂිත කාර්‍යභාරයන් රාශියක් අතරේ, ජනාධිපතිවරයාගේ ඇඳුම් පැළඳුම් ගැන වගකීමද ඔහු සතු වන්නේය. මෙය විශේෂයෙන් ඩ්‍රෙස් කෝඩ් එකට පමණක් සීමා නොවන අතර ඇඳුම නිසි ලෙස ඇඳ සිටීමද ඊට ඇතුලත් වේ.

මහින්ද රාජපක්ෂ මහතා ජනාධිපති වරයා නොවුනද, නෙවිල් විසින් අදටත් කරනුයේ මේ ආවතේවකරු හෙවත් වැලේට් වරයාගේ කාර්‍යභාරයය. මහින්ද මහත්තයා තල්ලු කරගෙන ආවද, ඔහුගේ ඇඳුම, කොන්ඩය  රැවුල මෙන්ම සාටකයද නිසි ලෙස තිබෙන බව ලෝකයම දැකලා තියෙනවාය.

ජෝ බයිඩන් රනිල්ට වඩා වයසින් වැඩිමල් මෙන්ම, ටයි කෝට් පිටින්ම බල්ටි ගසමින් සර්කස් පෙන්නුවද, ඔහුගේ කලසම ඇද වැටෙන්නේ නැතිය. ටයි ගැටේ නියමිත පරිදිය, එය කොලර් අස්සේ ගොස් නැතිය. රනිල්ගේ කොලරය මෙන්, කොලර් අහසට ඉගිලෙන්නට බලන්නේ නැතිය. කොන්ඩය ජෙල් ගා නිසි පිලිවලට පීරා තිබෙනවාය.

මේවා වැදගත් නොවනවා කියන්නේ, මේවා ගැන මෙලෝ අලබෝලයක් නොදන්නා දේශපාලන වහලුන් හා වහලියන් පමණි. අද දේශපාලුවන් හා පක්ෂ මේ සඳහාම වූ පෞද්ගලික ආයතනයන්ගේ සේවය ඩොලර් මිලියන ගනන් ගෙවා ලබාගන්නා බව නොදන්නා ළිං මැඩියෝය. මොකා මොන බයිලා ගැහුවත් අපි තාමත් පොතට කලින් බලන්නේ පිට කවරයමය. සජිත්ගේ කිට් එක තවමත් ඇටෙන්ඩන් කිට් එක ලෙස සරදමට ලක් වෙන්නේ එබැවිනි.

ගොබ්බ ගෝටා ඉන්දියාවට ලිනන් ෂර්ට් එකක් ඇඳගෙන යාම ඉන්දියාව සැලකුවේ ඔවුන්ට කළ අවමානයක් ලෙසටය. ඩ්‍රෙස් කෝඩ් එක රාජතාන්ත්‍රික ගමන් වලදි එතරම් වැදගත් වන්නේය.

අනුර කුමාරට මෙතරම් රැල්ලක් ඇති වීමට මෙන්ම ආකර්ෂණීය නායකයකු වීමට, ඔහුගේ භාහිර පෙනුම, රැවුල හා ඇඳුම් පැළඳුම් විමල් කැටිපෙකරණයකට ලක්වීම බොහෝ සෙයින් බලපෑ බව මාතලන්ගේ මතයය. එමෙන්ම ඔහුගේ ඇඳුම් පැළඳුම් බ්‍රෑන්ඩඩ් වීම, අප විසින් අගය කළ යුතුය. 

මේ සත්‍යයයන් වහලුන්ට අවබෝධ කර ගැනීමට නොහැක. මෑතකම පාර්ලිමේන්තුවේ විශේෂ ප්‍රකාෂයක් කරමින් සිටින මොහොතේද රනිල්ගේ කලිසම තව ටිකෙන් බිම වැටෙනවාය. එමෙන්ම කුලියාපිටියේදීද ඔහුගේ කතාව කරගෙන යනවාට වඩා ඔහුගේ අවධානය යොමුව තිබුනේ කලිසම බිම වැටීම නවතා ගැන්ම බව ඒ ගැන සැලකීමෙන් බැලූ කෙනෙකුට පහසුවෙන් අවබෝධ වන්නට ඇතිය.

නායකයින්ට බයේ මේ පිළිබඳව ඔහුගේ අවධානය මේ කෙරේ යොමු නොකරන්නන් ඔහුට කරන්නේ අවැඩක් මිස වෙන කිසිවක් නොවේමය. ඔහුගේ හිතවාදින් විසින් කළ යුතු හොඳම දෙය,

 මේ ගැන ඔහු දැණුම්වත් කර ඔහුටත් නෙවිල් කෙනෙක් සෙට් කරනා එකය.

මන්ද, නායකයාටම කලිසම ඔසවාගෙන යන්නට සිඳුවීමෙන් රට උස්සන වැඩේ පරක්කු වන නිසාය. එබැවින් කර පටි හෙවත් සස්පැන්ඩර් පැළඳීම නොකලකොත් කලසම බිම වැටී රට මෙන්ම රනිල්ද ලැජ්ජාවට පත්වන දිනය  වැඩි ඈතක නොවනා නිසාය.

.

පිල් මාරූ, අත මාරූ, හුවමාරූ, ග්‍රහ මාරූ පිරි, අංජබජල් කාළයක්

 

පිල් මාරූ, අත මාරූ, හුවමාරූ, 

ග්‍රහ මාරූ පිරි, අංජබජල් කාළයක්

➖➖➖➖➖➖➖➖➖➖➖⭕

සියල්ලෝ ලැහැස්ති වී උන්නේ ජනපතිවරණයකටය. එහෙත් ජනාධිපතිරණයක් තිබ්බොත් රැල්ල ඇත්තේ අනුර කුමාරයාටය. අනෙක් පක්ෂ සියල්ල මෙන්ම බටහිර තානාපති කාර්‍යාල සියල්ලම වාගේ, මීට පිලියමක් ලෙස, දක්ෂිනාංශික පක්ෂ සියල්ල එකතු කරමින් ගේමක් ගහන්න ගියද, ඒ වැඩේ හරිගියේ නැතිය.

සැටලයිට් නෝනා මෙන්ම පාඨලීද ගෙන ගිය මේ මෙහෙයුමට කෙලවීමට ප්‍රධානම හේතුව වූයේ සජිත් ප්‍රේමදාසය. සජිත් සමඟ සිටිනා එජාපයේ උන් මේ සරළ සත්‍යය තේරුම් ගෙන, මේ මොහොතේ, "රනිල් ජනපති සජිත් අගමැති'" යෝජනාවක් ගෙන ආවද, ගෝටාබයට දිරච්ච ලණු දී රාජපක්ෂලා විනාශ කළ සට්ටැඹියන් හා ගොඩ පෙරකදෝරුවෝ දෙන ළණු රස කර කර බුදිමින් සිටිනා වෙන්ට ජනපති පුතානෝ ඒ යෝජනා කෙලින්ම ප්‍රතික්ෂේප කළේය.

ලබා ගන්නා චන්ද ප්‍රතිශතය කුමන ප්‍රමාණයක් වුවත්, හිටපු මැකෝ කියනා විදියට වැඩි ප්‍රතිශතයක් ගන්නා එකා ජනපති වන්නේය. මෙය හොඳින් දන්නා රනිල් උන්නැහේ, ජනපතිවරණයට ඉදිරිපත් වීම සම්බන්ධයෙන්, පාදයක් පසු පසට ගෙන, බැක් ෆුට් එකේ ආරක්ෂාකාරී පිතිකරණයක නියැලෙන්නේ ඒ නිසාවෙන්මය. 

කවුරු මොනවා කීවත්, තත්වය මෙයාකාරයෙන් පවතින්නේ නම්, රනිල් ලොක්කා ජනපතිවරණයට එන්නේ නැති බව මාතලන්ගේ මතයයි. බොහෝ විට ඔහුද අනුර කුමාරයාට සප් එක දෙනු ඇත්තේය. පොහොට්ටුවේ හා සුළු ජාතික පක්ෂවල සහාය නොමැතිව මෙන්ම, ජහමනයාගේ බොක්ක හිරි වැටෙන්නට  රැස්වීම් වල කතා කරන්න පිරිසක් හෝ නොමැතිව චන්ද දිනන්න බැරි බව ඔහු අවබෝධ කර ගත්තේ පසුගිය මහ මැතිවරණයේදීය. මේ බව කුලියාපිටියේදී කාටත් නැවත වරක් ඊයේ අවබෝධ වෙන්නට ඇතිය.

ඒ කතා කල සියල්ලෝම මහත්වරුන් මෙන්ම, කිව් සියල්ල රනිල් ලොක්කා කීවාක් මෙන්, ඇත්තම ඇත්ත උනාට, ජනතාවට ඒ ඇත්තෙන් වැඩක් ඇත්තේ නැතිය. ඩොලර් එක 600 ටම ගොස් වැටෙන්නට ගිය නරා වලෙන්, ලොවම මවිත කරමින්,  70% උද්ධමනයකින් එය නවත්වා ගෙන අද වන විට එය 7% දක්වා ගෙන ආවද, ජනතාව ඉල්ලන්නේ 250 කොත්තුය.

ආයේ 250 ට කොත්තු දෙන්න, අනුර කුමාරයාට, පුතානෝට තියා ධම්මික පෙරේරාට හෝ දිලිත් ජයවීරටත් නොහැකි බව ආර්ථිකය ගැන මෙළෝ අලබෝලයක් නොදන්නා ජහමනයාට තේරෙන්නේ නැතිය. ඒ ගානට කොත්තු ජන්බ කන්න නම් උද්ධමනය -70% වී, මහ බැංකුවේ උන්ගේ පඩියද පෙර පැවති තත්වයට පත් විය යුතු බව මේ කුර හා අං සහිත ජීවීන්‍ට අවබෝධයක් ඇත්තේ නැතිය. උන්ට ඕනෑ රනිල් එලවා දමන්නටය.

මේ අරගලය ගොඩ නැගූ මානසිකත්වයයි... අනුරටත් දීලා බලමු කියන්නේද, මේ මානසිකත්වයේ සිටිමිනි. එහෙත් අනුර කුමාරට රට බාර දී ගෝටා එලෙව්වා වගේ එලවන්න බලාගෙන ඉන්නා උන්ට නම් කියන්න තියන්නේ අනුර කුමාරයා කියන්නා සේම "ඔයාලා හරි පව්..." කියලාම පමණය...

මේ බව තේරුම් ගෙනදෝ ඇමරිකාවේ සිට පැමිණි මොළ හතානෝ, සජිත් හා එක්ව පාර්ලිමේන්තුව විසුරුවා හැරිමේ කුමන්ත්‍රණය ක්‍රියාත්මක කරන්නේ එබැවින්මය. බොහෝ විට රනිල්ටත් ඊට එකඟ වෙන්නට සිඳු වනවා ඇතිය.

හොඳ හොඳ සෙල්ලම් එලිවෙන ජාමයට කීවා සේ සියල්ලෝම ඔල්මොරොන්දම් වන්නේ ඉන් අනතුරුවය. බොහෝ උන්ට අපේක්ෂකත්වය වෙනුවෙන් සෑම පක්ෂයක් තුලම මරාගන්නට සිඳුවනු ඇත්තේය. සියළුම පක්ෂ දෙදරා යනු ඇත්තේය. 

ඒ සියල්ල මේ මාසය තුල ආරම්බ වී...  ග්‍රහ මාරුවක් මෙන්ම සූර්‍යග්‍රහණයක් සිඳුවන අප්‍රේල් 8 න් පසු වඩාත් උග්‍ර අතට හැරෙනවා ඇතිය. එය ලංකාවට මෙන්ම ලෝකයටම අංජබජල් කාළයක් වුවත්, නොත්‍රඩාමුස් මෙන්ම බබා වැන්ගා කියූ සේ, ඉන්දියාවේ ආර්ථිකය ලොව සියළු ආර්ථිකයන් අභිභවා ඉදිරියටම ගමන් කරනු ඇත්තේය.

අපටද අස්වැසිල්ලකට ඇත්තේ එයම පමණමය.

ඒ වගත් මෙසේය.....

.

තව දුරටත් පොත පෙරලන ගොබ්බ ඝෝඨා

 

තව දුරටත් පොත පෙරලන

ගොබ්බ ඝෝඨා

➖➖➖➖⭕▪️

පොතක් ලිවීමට තරම් දැණුමක් අවබෝධයක් ගෝටාට ඇතැයි මාතලන් නම් සිතන්නේ නැතිය. මේකත් ඩෝල්ටන් අල්විස් පන්නයේ, සී ඒ චන්ද්‍රප්‍රේම මගෝඩියක් වීමේ සම්බාවිතාවයද ඉතා ඉහළය.

කෙසේ හෝ පොතේ නම ලෙස යොදා ඇති, -"ජනාධිපති ධූරයෙන් මා නෙරපීමේ කුමන්ත්‍රණය"-  යන නම වෙනුවට, "අයියට කෙලින්නට ගොස් පවුලම ඉල්ලන් කෑම"  ලෙස නම් කළේ නම්, අලෙවිය තවත් වැඩි වන්නට තිබුනේය.

පොත පිළිබඳව වඩාත් නිවැරදි විචාරයක් කර තිබූ පාඨලී චම්පික රණවක සඳහන් කළේ... මෙය... // හේතුවයි කුමන්ත්‍රණයයි ඵලයයි තුනම ගෝඨාබය රාජපක්ෂ බව අපූරුවට හෙලිකරනා ලියවීමක් බවය//

ඔහු මෙසේ කියයි....

“ගෝඨාභය රාජපක්ෂ මහත්තයා පලවා හරින්න ඔය කියන විදියේ කිසිම කුමන්ත්‍රණයක් තිබුනේ නැහැ. එහෙම කුමන්ත්‍රණයක් තිබුණා නම් ඒක ඒක එතුමාගේම ක්‍රියාමාර්ගවල, එතුමාගේ ආණ්ඩුවේම ක්‍රියාදාමවල ප්‍රතිඵලයක්. කවුරුහරි හිතනවා නම් සති තුනක් තෙල් ගහගන්නේ නැතුව මිනිස්සු තෙල් පෝලිම්වල මැරෙද්දි ගෑස් නැතුව ගෙවල්වල මිනිස්සු වැලපෙද්දී, පැය දොළහක් ලයිට් කපද්දී, අත් දෙක බැඳගෙන නිකන් ඉඳියි කියලා, මේ රටේ මිනිස්සු කවුරුහරි හිතනවාද මේ අවුරුදු තුන්දාහක ඉතිහාසයේ මිනිස්සු එහෙම කටයුතු කරයි කියලා. ඒක ලොකු වැරදීමක්.”

“ඉතින් ඒක කුමන්ත්‍රණයක් හැටියට විග්‍රහ කරලා, ප්‍රශ්නෙ යට ගහන්න අර හිතේ අමාරු සමහන් කරගන්න හරි, කටයුතු කළාට ප්‍රශ්නයක් නෑ. හැබැයි ඒ කෘතියෙන් එහෙම ඔය කුමන්ත්‍රණ වගතුවක් ගැන ලොකුවට ප්‍රකාශ වෙලත් නැහැ. ඒ මුළු කෘතියම මම කියෙව්වා. ඒකේ එහෙම එකක් නැහැ.”

ඇත්තටම ගෝඨාට සිඳුවූයේ කුමක්ද? 

ඇත්තටම ඔහුට සිඳුවූයේ කන්න දුන්න අත හපාකෑමේ ආනන්තරීය පාප කර්මයට මුහුණ දීම මිස වෙන කිසිවක්ම නොවේය.

ඔහුට හා ඔහු  දක්කාගෙන ආ පිරිසට ප්‍රධාන වශයෙන් අවශ්‍ය වූයේ ඔහු තවත් රාජපක්ෂ කෙනෙකුන් නොවනා බව පෙන්වීමය. ඔහු ජාතික ඇඳුම් ඇඳ සාටක බෙල්ලේ ඔතා ගත්තේ නැතිය. අප වැනි මධ්‍යස්ථ මතධාරීන්ද ඔහු වෙත ආශක්ත වීමේ ප්‍රධානම හේතුවක් වූයේ මෙයය. මීටාමතරව ආරක්ෂක ලේකම් ලෙස ඔහුගේ යුද්ධයේ භූමිකාව, නාගරික සංවර්ධනය තුල කොළඹ නඟරය ලොව පිරිසිඳුම හා අලංකාර නඟර අතරින් එකක් කිරීම මෙන්ම, ඔහු දේශපාලුවෙක් නොවීමද ඔහුගේ ජයග්‍රහණයට බොහෝ සෙයින් ඉවහල් වූයේය.

කැම්පේන් එකේ මුල සිටම වියත් මඟ හා බැසිල්ගේ බයියන් අතර මත ගැටුම් බොහෝ තිබුනේය. කෙසේ හෝ එවකට පැවති බයි චන්ද  ප්‍රමාණය වූ ලක්ෂ 49 අභිභවා ගොස්, ජනපතිවරණයේදී තවත් ලක්ෂ 20 ක්ම එකතු වූයේ, මා ඉහතින් සඳගන් කළ හේතූන් නිසාවෙන්මය.

රටක පාලකයා හා ආන්ඩුව ලොව කිසිඳු රටක කිසිම දිනෙක ජනප්‍රිය වන්නේ නැතිය. වඩාත් ජනප්‍රිය වන්නේ විපක්ෂය හා ආන්ඩුවට හා පාලකයාට එරෙහි සංවිධාන හා බලවේගයන්ය. මහ පොළොවේ යතාර්තය එයය. ඒවා කුමන්ත්‍රණ ලෙස දකින්නේ... දේශපාලනය හා ඊට මුහුණ දිය යුතු ආකාරය නොදන්නා අමු ගොබ්බයන්ම පමණි.

විශේෂයෙන් ප්‍රජාතන්ත්‍රවාදය යන්න කුමක්දැයි නොදන්නා අප වැනි ගෝත්‍රික ජනතාවක් වෙසෙනා රටක, ඊට මුහුණ දිය යුතු හොඳම ක්‍රමය මර්ධනයම බව කියන්නේ අප නොව, ලාල් කාන්ත සඕදරයාමය. අමු තිත්ත ඇත්ත මෙයය.

ගෝටා බලයට පැමිණි දින සිටම නැටුවේ අනුන්ගේ පදවලටය. කෑවේ දිරච්ච ළණුය. බදු අඩු කිරීම, ගූ පෝර, කොවිඩ්  ලොක් ඩවුන් ඒ අතරින් කීපයක් පමණය. ක්ෂිතිජයෙන් එහා ලොවකට අප රැගෙන යනවා යැයි කියු විරුවා, අධි වේගයෙන් අප රැගෙන ගියේ 70 - 77 සාපකාරී ගෝත්‍රික ළිං මැඩි දේශයකටය.

එපමණක් නොව අනෙක් රාජපක්ෂලා සියල්ලම දේශපාලනයෙන් එලවා දමා, රාජපක්ෂ විරෝධීන්ගේ වීරයා වීමේ භූමිකාව ඔහු ඉතා සාර්ථක අයුරින් රඟපෑවේය. එය කොතරම් සාර්ථක වූයේද යත්, තම දෙමව්පියන්ගේ සොහොන් මෙන්ම මහගෙදරටද කෙලිනකන් ඔහු ආතල් එකේ සිටියේය.

ගෝල්ෆේස් එකේ කූඩාරම් ගැසීමේ භයානක කම ඔහුට තේරුම් ගියද, කමල් ගුණේ, ශවේන්ද්‍ර හා ගොබ්බ පොලිස්පතියා දුන් ළණු ඔහු දිගටම කෑවේය. කූඩාරම් වලින් නොනැවතුන ගෝඨාගේ අරගල සුරතලුන් ජනාධිපති ලේකම් කාර්යාලය ඉදිරියේ අට්ටාලයකුත් ගැසුවේය. ඊට ඉඩ දුන් මේ ගොබ්බයා මිරිහාන ගේ ගිනි තැබීමෙන් හෝ පාඩමක් ඉඟෙන නොගෙන, ජනාධිපති මන්දිරයට පසුබැස්සේ, මම බේරිලා අනික් උන්ට කෙලවෙලා ගියත් කමෙක් නැත යන සිතිවිල්ලෙනි.

අරගලකරුවෝ ඉන් නැවතුනේ නැත. උන් මහින්ද රාජපක්ෂට කෙලින්න අරලියගහ මැදුර ඉදිරියේද කඳවුරු බැඳ ගත්තේය. බයියන්ගේ මල පැනීම උපරීමයට ලඟා වෙමින් තිබූ අතර, මහින්ද පවුල හා මහින්ද හිතවාදීන්ද ගෝටා ගෝ හෝම් සටනට වක්‍රාකාරයෙන් සම්බන්ධ වී සිටියේය. එහෙත් බයියන් නා ගත්තේ ඝෝටාට ෂොට් එක දෙන්න යන අතරමග තිබූ අරගල භූමියට කෙලින්නට යාම නිසාය. එසේ නොකොට ඒ මැදින් අරගලයට ජයවේවා කියමින් ගියා නම්, ගෝටා නැවෙන් පැන යන්නේ එදිනය. ඊටද සූදානමක් තිබූ බව දැන් පැහැදිලිය.

ගෝඨා කොතරම් නෝන්ජල් නායකයකුද යත්, මැයි 9 වනදා අමරකීර්තී අතුකෝරාල මරා දමා තම පාක්ෂිකයින්ගේ නිවෙස් විනාශ කරමින් සිටියදි... ඇඳිරි නීතිය දමා හමුදා කැඳවීමක් නොකළේ... තමන්ට බයියන් හා පැවති වෛරය නිසා වන්නටද පුලුවනිය.න්

කෙසේ හෝ ඔහුද රාජපක්ෂ පවුලේ සාමාජිකයකු බව ඔහුට අමතකව තිබුනේය. මහින්ද අගමැති ධූරයෙන් නෙරපීමෙන් පසු සියල්ල යහපත් අයුරින් සිඳුවේ යැයි යන්න ඔහු බලාපොරොත්තු වූ බව ඔහුගේ පල්හෑල්ලෙන් පෙනෙන්නේය.

අරගලය ඉන් නැවතුනේ නැතිය. එය ගෝටා මෙන්ම රනිල්ටද ෂොට් එක දීමට වේගයෙන් ක්‍රියාත්මක වෙමින් තිබින. දේශපාලනයේ පරිනත රනිල් වික්‍රමසිංහ ඊට එරෙහිව උපක්‍රමිකව සන්නද්ධව සිටියද, මොළ 7 ක් තිබෙනවා කියූ බැසිලස්ලාට මෙන්ම ගොබ්බ ගෝඨාට එවන් දැණීමක් තිබුනේ නැතිය.

එබැවින් යාන්තමින් පණ බේරාගෙන මාලදිවයිනට පැනගත් ගෝටා හා බැසිල්, මේ රටේ එතෙක් මෙතෙක් පහළ වූ පීචංම පාලකයා හා පුරෝහිතයා ලෙස ඉතිහාසයට එක් වූ අතර, දේශපාලනය තුල පරිනත නායකයකු වූ රනිල් වික්‍රමසිංහ විධායක ජනාධිපති විය.

එහෙත් බොහෝ දෙනෙක් නොදන්නා යමක්ද මෙහි ලියා තැබිය යුතුමය. 

අරගලකරුවන්ගේ සැලසුම වූයේ රනිල්ද එලවා දමා කතානායකවරයා ජනාධිපති කොට ඔවුන්ගේ පාලනයක් ගෙන යාමටය. එහෙත් රනිල් මේ ගැන කතානායකවරයා දැණුම්වත්කොට තිබුනා පමණක් නොව,

තම නිවස ගිනි තැබීමෙන් පසු අකුරේගොඩ හමුදා මුලස්ථානයේ ආරක්ෂාව සඳහා ගොස් සිටියදි එහි පැමිණි ශවේන්ද්‍ර උන්නැහේ... දැන් සරූත් රෙසිග්නේෂන් දුන්නා නම් හොඳයි කී වෙලේ... ඌට කින්ඩියට .. ඒකට තමා මේ යන්නේ කියා... කොල්ලුපිටිය පන්සලේ ජනාධිපති ලෙස දිවුරුම් දී අදටත් ශවේලා හොල්මන් කරන කරුනක් වන්නට ඇතිය.

එදා මිරිහානට ආ උන්ට කඳුළු ගෑස් සමඟ බැටන් චාජ් එකක් දුන්නා නම් අදටත් ජනාධිපති මේ පොත පෙරලන ගෝටාම බව ඒ ගොබ්බයාට අද හෝ අවබෝධයක් ඇත්තේ නැතිය.

ඒ වගත් මෙසේය....

.

ෆේස්බුක් වලට දෙවනි වූ, අම්බානී මංගල්‍යය ...

 

ෆේස්බුක් වලට දෙවනි වූ,

අම්බානී මංගල්‍යය ...

➖➖➖➖➖➖➖➖⭕

ඇමරිකාවට වඩා ඉන්දියාව බලවත් බව පෙන්වීමට ඇටවූ... රෝ හා මෝදී මෙහෙයුම හෙවත්... අම්බානි මඟුලේ... ප්‍රකෝටිපති ඇමරිකානුවන් බොහෝමයක් පැටලී සිටීම... ඇමරිකානු රජයට මෙන්ම ඔත්තු සේවාවලටද හිසරදයක්ව තිබිනි....

මුම්බායි හි කාර්යබහුල වීදිවල මෙන්ම, නිව්‍ යෝක් වීදියේ පවා කතාබහට ලක්වෙමින් තිබුනේ මේ මගුලය.  ඒ සියල්ලට වඩා.. මාර්ක් සකර්බර්ග් තමන්ට නුහුරු මෙන්ම  නොගැලපෙන සල්වාරියක් හා ප්‍රිසිලා සාරියක් ඇඳ සිටීම.. සියල්ලන්ගේ කතා බහට හා හාස්‍යයට ලක්ව තිබීම... ඇමරිකානූ ඔත්තු සේවාවන්ගේ මෙන්ම බොහෝ ඇමරිකානුවන්ගේ කනස්සල්ලට හේතු විය. 

මාර්ක්, කවදත් ශුභවාදීය. සෙනට් මණ්ඩලය ඉදිරියේ මාක්ට වඩා පොරවල් වෙන්නට ගිය සෙනට් සභිකයින්ට මෙන්ම, ඔහු පසුපස පන්න්න ඔත්තු සේවාවන්ට රිදවීමට ලද මේ අවස්ථාව, උපරිම වශයෙන් ප්‍රයෝජනයට ගතයුතු බව ඔහු ඉටා ගත්තේය.

ඔහු මුකේෂ් අම්බානිගේ ලේලියගේ විවාහ මංගල්‍යයේ ආගන්තුකයෙකු විය, එය එපික් සමානුපාතයේ සමාජ සිදුවීමකි.  ඔහු බොලිවුඩ් මන්දාකිනියේ තරු සමඟ මිශ්‍ර විය, ව්‍යාපාරික ධනවතුන් සමඟ අමුතු ප්‍රියමනාප හුවමාරු කර ගත්තේය, එපමණක් නොව ඔහු අපූරූ බොලිවුඩ් නර්තන චලනයකට පවා උත්සාහ කළේය (එහි ප්‍රතිඵලයක් ලෙස හාස්‍යජනක ලෙස එලොවටත් නැති මෙලිවටත් නැති චලන අභිරූපනය සියල්ලන්ගේ කතාබහට ලක්වීය).

ඒ අතරතුර සන්නිවේදනයේ මහා විප්ලවීය වෙනසක් ඇති කළ ඔහුගේ නිර්මාණය වූ ෆේස්බුක් බිඳ වැටුණි. අම්බානිගේ මගුල ගැන බුකිය  තුල මරාගත්ත බිලියන ගණනක් පරිශීලකයින් ව්‍යාකූලත්වයකින් ඔවුන්ගේ තිර දෙස බලා සිටියි. සියල්ලන්ටම අම්බානි හා ඉන්දියාව මොකෙක්දැයි සිතිනි. ෆේස්බුක් නැති ජීවිතයකින් ඇති ඵලය කිම. මෙය ඉන්දියාවේ සමූහ දිවිනසාගැනීම් පවා ඇති විය හැකි ව්‍යසනයක තත්වයකි.

මාක් සකර්බර්ග්ද දැඩි නොසන්සුන්තාවයකට ලක් වූ සේ පෙනින. සෑම මිනිත්තු කිහිපයකට වරක්, ඔහු රහසිගතව ඔහුගේ දුරකථනය පරීක්ෂා කළේය, ඇණහිටීම පිළිබඳ සෑම තහවුරු කිරීමක් සමඟම ඔහු වෙත පැමිණෙන ඇමතුම් තුලින් ඔහු බොහෝ කළබලයට පත් වූ බවක් පෙනී ගියේය. 

ඔහුගේ නම "ෆේස්බුක් ෆියාස්කෝ" සමඟ සිරස්තල හරහා අලවා තිබීමත් සමඟ... ලෝ පුරා ප්‍රවෘත්ති නාලිකා මෙම තත්ත්වය අල කර තිබුණි. ඇලන් මස්ක් ලොව මිළ අධිකම මත්පැන් බෝතලයක් විවර කළේය. හූතී ගරිල්ලන් අහසට වෙඩි තැබුවේය. සී ජී පින්, පුටින්ට කෝල් එකක් ගත්තේය. පුටින් VK ආයතනය ඇමතීය. මේ සියල්ල අතරේ උත්සව සංගීතය හා එහි ප්‍රීතිමත් ඝෝෂාවෙන් ඔහුට සමච්චල් කරන බවක් මාක්ට හැඟින.

මේ අතර, සැතපුම් ගණනක් ඈතින් පිහිටි දූවිලි සහිත අන්තර්ජාල ආපන ශාලාවක, දිරාගිය කුර්තාවකින් සැරසී සිටි...  රජීව් නම් තරුණ තාක්ෂණික විශාරදයා ප්‍රීතියෙන් කෑගැසුවේය. ඔහු ස්වයං ප්‍රකාශිත සදාචාර හැකර්වරයකු විය.  සමාජ මාධ්‍ය දැවැන්තයාගේ දත්ත රහස්‍යතා ගැටළු වලට එරෙහිව තනි පුද්ගල විරෝධයක් වන... සමස්ත ෆේස්බුක් පෘතුවියෙන් ඉවත් කිරීම.. අසංඛ්‍යාත නිදි නැති රාත්‍රීන් පුරා ඉතා සූක්ෂම ලෙස සකස් කරන ලද කේත පේළියකින් එල්ල කරන ලද අන්තර් මහද්වීපික මිසයිලයක්ම විය.

රජීව්ගේ මෙම සයිබර්ප්‍රහාරය, කඩාකප්පල්කාරී වුවද, අති ප්‍රභල ගෝලීය සංවාදයක් ඇති කළේය. කලකිරුණු පරිශීලකයන්, බුකි උස්තාද්වරුන් මෙන්ම ජඩමාධ විශේෂඥයින්  විකල්ප සමාජ මාධ්‍ය වේදිකාවන් තුල මාධ්‍ය ආචාර ධර්ම, මාර්ගගත පනත, ලංකාවේ කතානයකට එල්ල කළ විශ්වාසභංගය, මාධ්‍යයේ වගකීම සහ සමාජ මාධ්‍යවල අනාගතය ගැන විවාද කළහ. 

මාර්ක්, විවාහ මංගල්‍යයට ආපසු පැමිණි විට, කුතුහලයෙන් පිරි අමුත්තන්ගෙන් ප්‍රශ්නවලට මුහුණ දීමට සිදු විය. ඔහුගේ ප්‍රවේශමෙන් ගොඩ නගන ලද මහජන ප්‍රතිරූපය ආරක්ෂා කරගැන්ම උදෙසා ඔහුට සුපුරුද සරදම් සිනහවද සමඟින් සෑම ඩිජිටල් අක්ෂරයකින්ම පහර දුන්නේය.

අවසාන වශයෙන්, සදාකාලික මරණයක් බව පෙනෙන්නට තිබූ ෆේස්බුක්... නැවත උඨ්ඨානයට  පැමිණියේය. ලෝ පුරා විසිරි බිලියන 1.8  ගනනක් වූ සාමූහික පවුල් ගස සැනසුම් සුසුමක් හෙලීය 

මාර්ක්, කලබල වූ නමුත් සහනයක් පතා, සැමරුම්වලින් නිදහස් විය. ඔහු තම පෞද්ගලික ජෙට් යානයට ගොඩවන විට, බලගතු ෆේස්බුක් දණගැස්වූ නාඳුනන හැකර්වරයා ගැන ඔහුට මහා ආඩම්බරයක් ඇති විය. 

අම්බානිගේ මගුලේ ලෝක ප්‍රචාරය නිමාවට පත්විය. අම්බානිලා ගැන මරාගත්ත වුන් සියල්ලෝම... නැවතත් බුකියේ කඩාවැටීම ගැන කවි කෙටිකතා නිසදැස් හා පල් හෑලී මෙන්ම සකර්බර්ග් නම් දෙවියන් වහන්සේගේ පුත්‍රයාට ආශීර්වාද කිරීමට එකතු විය. ලාංකිය ප්‍රජාව සකර්බර්ග් මහතාට හා බුකියට සෙත් පතා දිවයින පුරා බෝධිපූජා සංවිධානය කළේය.

(එහෙත් මේ සියල්ල... මෝදී, රෝ සංවිධානය හා ලුම්පන් ධනපතීන් වන අම්බානිලා දෙකේ කොලේට දමා චොර කිරීමට ඉතා සූක්ෂමව සිඳුකළ FBI මෙහෙයුමක් බව එම කණ්ඩාටමට අමතරව ඉන්දියාව අසලම පිහිටි තවමත් දියුණු වෙමින් පවතින සුන්දර දිවයිනක පුද්ගලයකු දැන සිටියේය.. ඒ කව්දැයි යන්න මේ වන තෙක් රහසක්ව පවති)

.

හිල් මැකූ අයවැයෙන්.. විවෘත ආර්ථිකයෙන්.. රට ගොඩ දැමූ... රොනී ද මැල්

 

හිල් මැකූ අයවැයෙන්..

විවෘත ආර්ථිකයෙන්.. රට ගොඩ දැමූ...

රොනී ද මැල්

➖➖➖➖⭕

රොනී ද මැල් ගැන දැන් ඉන්නා වුන් නොදන්නවා වුවාට... රොනී ද මැල් කියන්නේ... මේ රටේ සියළුම ක්ෂේශ්ත්‍රයන් උඩුයටිකුරු කළ විප්ලවීය දේශපාලකයෙකි... ඒ බව ඊයේ රනිල් වික්‍රමසිංහගේ කතාවෙන් ඉස්මතු විය. ඇත්තටම ඔහු වත්මන් ලාංකිය ආර්ථික ක්‍රමයේ පියා ලෙස නම් කිරීමේ කිසිඳු වරදක් ඇත්තේ නැත.

විධායක ජනාධිපති ක්‍රමය හා විවෘත ආර්ථිකය අහෝසී කරනවා යැයි කියා පාරම් බා බලයට එන හැම එකාම කරන්නේ... එය ආරක්ෂා කරමින් පවත්වාගෙන යාම මිස.. අහෝසී කිරීම නම් නොවේ.. ඒ දෙකෙහිම අගය වටහා නොගත් අමු ගොබ්බ ගෝටාට සිඳු වුයේ... නූලෙන් පණ බේරාගෙන රටිනුත් පලා යාමටය. ඒ දෙකෙහිම අගය කොතරම්ද යන්න රනිල් වික්‍රමසිංහ විසින් දැන් පෙන්වමින් තිබේ.

රට ලෝකයට විවෘත වී... ධනවාදී රටවල පුරවැසිභාවය ලබාගෙන...  ස්තිර පදිංචී වී සැපවත් ජීවිත ගත කරන ගං කබරුන් පවා... අද රනිල් වික්‍රමසිංහගේ ආර්ථික ප්‍රතිපත්ති වලට විරුද්ධ වන්නේ නම්... 1977 වැනි සමාජවාදයෙන් රට විනාශ කළ යුගයක... විවෘත ආර්ථිකය හඳුන්වා දෙමින් රොනී ද මැල් ගෙනා බජට්... එවන් හාල්පාරුවන්ට... "හිල් මැකූ" බජට් වීම අරුමයක් නොවන්නේමය.

විවෘත ආර්ථිකයෙන් ලද සියළු වරප්‍රසාදයන් භුක්ති විඳිමින්... දේශීය සංවෘත ආර්ථිකයක් ගැන හා සම්පාකාර ගැන ලියන කියන සියල්ලෝම... පට්ට ගෝත්‍රික අම්බරු කුහකයන්ම පමණි. හොඳම උදාහරණයන් වන්නේ ජෙප්පෝය. 

ස්වදේශීය කර්මාන්ත... ස්වදේශීය නිශ්පාදනයන් ගැන පාරම්බානා එහි නායකයෝ අඳින්නේ පලදින්නේ... ලෝ පතල බ්‍රෑන්ඩඩ් ඇඳුම් පැලඳුම්‍ය. ඒවා උන්ට ලබා දෙන්නේ විවෘත ආර්ථිකයේ පිහිටෙන් ගොඩ ආ ව්‍යාපාරිකයෝය. ඉන් සම-හරක් ව්‍යාපාරයන් කරන්නේ විදේශයන්හීය. උන්ගේ පක්ෂ අරමුදල තර කරන්නේ පට්ට ධනවාදී රටවල වෙසෙන කලු සුද්දෝය. ආන්ඩු කරන්න ඉන්නේත් උන් එවනා ඩොලර් 500 න්‍ය. කියන්නේ එකකි... කරන්නේ වෙනකකි.

අපේ දේශීය කර්මාන්ත වලට කෙලවූයේ... ආර්ථිකය විවෘත වීමත් සමඟ... ඉහළ ප්‍රමිතියකින් හා අඩු මිළ ගනන් වලට පැමිණි බඩු භාණ්ඩ අහලකටවත් ඒමට... අපේ බාල බඩු වලට නොහැකි වීමත්, අකාර්‍යක්ෂම හා අධිකාරිවාදී රාජ්‍ය ව්‍යවසායකය යටතේ පැවති එම ආයතනවල ඉහළ නිලධාරීන්ට... විවෘත ආර්ථිකයක් යටතේ වුවත් ඒවා දියුණු කිරීමට කිසිඳු දැණීමක් නොතිබූ නිසාවෙන් මිස... වෙන කිසිඳු හේතුවක් නිසා නොවේ. 

උන්ට අවශ්‍ය නම් මේවා විදෙස් ආයෝජකයින් හා එකතුව ජාත්‍යන්තරයන්ටම ගෙනයාමේ මහඟු අවස්ථාවක් තිබුනත්, අපට පසු විවෘත ආර්ථිකය වැළඳගත් ඉන්දියාව හා වියට්නාමය අද අංක එකේ ලෝක බලවතුන් වෙමින් වී අවසානය. රුසියානූ සාහිත්‍ය පොත් කිය වූ... කාල් මාක්ස්ගේ ගෝලයෝ වූ ඒ නිලධාරීන් ඇමරිකාව ගැන දැනගෙන උන්නේ නැතිය.

අදත් රාජ්‍ය ආයතන විකිනීමට, ප්‍රතිව්‍යූහගතකිරීමට විරුද්ධ වන්නේ..  එවන් හාල්පාරුවෝමය. සම-හරක් ගෙනෙනා තර්කයන් වන්නේ... ලාබ ලබන ආයතන විකුණන්නේ ඇයිද යන්නයි. ඊට හොඳම උදාහරණයක් නම් අපේ ගුවන් සේවයයි.

එමිරේට්ස් ගුවන් සේවයේ පරිපාලනයට පවරා... ලොව අංක එකේ ගුවන් සේවයක් වෙමින් තිබූ එයාර් ලංකා සමාගම... නැවත ආන්ඩුවට පවරා ගන්නේ රාජපක්ෂවරුන්‍ය. ඒ සමාජවාදි ප්‍රතිපත්ති අනුව යමිනි. ඉන්පසු එය රාජ්‍ය ආයතනයකට වඩා... රාජපක්ෂ පවුලේ බූදලයක් වූ අතර, දේශපාලන හෙන්චයියන්ගේ රජදහනක් වූයේය. අදත් එහි සභාපති රාජපක්ෂ හෙන්චයියෙකි. 

ඔවුන් ඊට කළ විනාශය කොතෙක්ද යන්න දැන් ගෝනෑම ඔනෙකුට තේරෙනවාය. නිකන් දුන්නත් ගන්න එකෙක් එන්නේ නැතිය. දැන් ඒවායේ මගීන් වෙනුවට යන්නේ මීයෝය.

රොනී ද මැල් දේශපාලනයෙන් සමුගත්තේ ජේ ආර්ගෙන් පසු පක්ෂය තුල නායකත්වයට ඇති වූ ගැටුම් හේතුවෙනි. ඔහු රටට දෙයක් දායද කළ ධානපතියකු මිස... අද ඉන්නා දේශපාලුවන් මෙන් කම්බා හොරෙක් නොවේ. ඔහු මුලින්ම හොඳ සිරි ලංකා කාරයෙකි. දේශීය ආර්ථිකය මෙරටට කළ විනාශය අත්දැකීමෙන් දැක... ජේ ආර් හා එක් වූ යුග පුරුෂයෙකි. 

ගල්කිස්ස සාන්ත තෝමස් ඉස්කෝලෙට ගියපු එකෙක්වත්... දැන් රාජ්‍ය සේවයේ ඇතැයි මාතලන් නම් සිතන්නේ නැතිය. එහෙත් ඔහු දේශපාලනයට එන්නේ... රාජ්‍ය සේවයෙන් විශ්‍රාම ගැනිමෙන් අනතුරුවය. බොහෝ විට ජේ ආර් වරක් කියූ... මට AR, FR වැඩක් නෑ ඕයි... මම JR යැයි කීවේ... රොනී විසින් රාජ්‍ය සේවය හා එහි පරිපාලනය ගැන... ජේ ආර් උන්නැහේ දැණුම්වත් කළ හේතුවෙන් නිසා විය හැකිය.

උන්නැහේ ගෙන ආ ආර්ථික ප්‍රතිපත්තිය.. ඔහුගෙන් පසු පැමිණි වුන්ට නිවැරදි ලෙස පාලණය කළ ගැන්මට නොහැකි වීම... උන්නැහේගේ වරදක් හෝ ක්‍රමයේ වරදක් නොව... ඒවා පරිපාලනය කරනා උන්ගේ වැරදිය.

මුළු ලෝකයම ආර්ටිෆිෂල් ඉන්ටෙලින්ජන්සි සමඟ මහා විප්ලවීය... ආර්ථික, සමාජීය හා සංස්කෘතික විප්ලවයකට පෙල ගැසෙන මේ මෙහොතේ.... 

මියගිය රොනී ද මැල් මහතාට හා විවෘත ආර්ථිකයට බැන වදිමින්... දේශීය ආර්ථිකයකින් රට ගොඩ ගන්නට බලය ඉල්ලනා වුන් යැවිය යුත්තේ.... ජනාධිපති මන්දිරයට නොව මුල්ලේරියාවේ පිස්සන් කොටුවටය.

.