දෝශාභියෝගයේ ඇත්ත කතාව.. - The true story behind the Impeachment

දෝශාභියෝගය ගැන පක්ෂව මෙන්ම, විපක්ෂවද, විවිධ අදහස් පලවන මෙවන් අවදියක, "අදීන මාද්දියවේදියකු" (සමහර අය නම් කියන්නේ අදින මාද්දියවේදියෙක් කියාය.) වශයෙන්, මෙහි සත්‍ය කතාව ලිවීම මාගේ යුතුකමක් වන හෙයින්, මෙසේ ලියා පලකරන්නේය. මේ පිලිබඳ ගැඹුරින් සොයා බලන්නට සිත් වූයේ, සිරි ලංකා නිදහස් පක්ෂයේ ප්‍රභලයින් පිරිසක්, අරලිය ගහ මන්දිරයේ, ජනාධිපති තුමා හමුවුන බව, එක් සිකුරාදාවක, දිල්කා සමන්මලී, තවත් බෝල් හෙඩඩ් කොල්ලෙක් එක්ක කියනවා ඇසුන නිසාය.

අගවිනිසුරු තුමියගේ හබියාට කොක්කක් වැටුනායින් පස්සේ, එතකන් ආන්ඩුවේ වාසියට තීන්දු දීපූ ශිරාණී නෝනා, Z ස්කෝර් එකටයි, දිවි නැගුමටයි. පලා බබාලාට පවර් එක දෙන්නයි වගේ අඤ්ඤකොරොස් තීන්දූ දෙන එකට සිරි ලංකා නිදහස් පස්සේ ප්‍රභලයින්ට උන්නේ මල පැනලාය. ඒ නිසා පෙරමුනේ එකෙක් ගේම් එක පුත්තලමෙන් ආරම්බ කලේය. එහේ බූරූවෝ ඕන් තරම් ඉන්න නිසා ඇමතිතුමා කිව්වේ උසාවියට ගල් ගහපන් කියලාය. ඕකට උසාවියේ අය ගේමක් ඉල්ලුවේය. සිරි ලංකා එකේ ප්‍රභලයින් හා ජනාධිපති තුමාගෙන් ලැප්ටොප් ගත්ත කස්ටියම ලොක්කාට කිව්වේ. මෙහෙම ගියොත් නම් කෙලවෙනවා ඒ නිසා මොකක් හරි කරන්නෙයි කියාය. ඒ උනාට ලොක්කා කිව්වේ එහෙම කරන්නේ කොහොමෙයි මමත් නීතීඥයෙක් නේ කියාය. මලේ හොඳම එකෙන් තද උන කස්ටිය සද්දේ වහගෙන මන්දිරෙන් ගියේ. බලන්නකො ලොක්කා ළඟදිම කන කෑම කියාය.

මේ අස්සේ බටහිර කුමන්ත්‍රණ කාරයෝ වගයක්, අධිකරන කොමිසමේ ලේකම්ගේ කන පරීක්ෂා කර, ඔහුගේ සැල්පෝන් එක අරගෙන ගියේ, ඒක 4G එකක් නිසා මිස, වෙන හේතුවක් නිසා නෙවේය. වැඩේ නෝන්ඩි උනාම, බටහිර කුමන්ත්‍රණ කාරයෝ විපස්සෙට කිව්වේ ලේඛම්ගේ කන පරික්ෂා කලේ ආන්ඩුවෙන් කියා කින්ඩිය දාන ලෙසය. වැඩේ නැගලාම යන කොට සිරි ලංකා නිදහස් පස්සේ ප්‍රභලයෝ කිව්වේ අපි කිව්ව දේ ඇහුවේ නැතිනම් දැන් ඉතින් තනියෙන් ටොපිය කාපන් කියාය.

කන පරීක්ෂා කරන්න මන්දිරේට එන්න කිව්වත්, ලේඛම්වත් ශිරාණී නෝනාවත් මන්දිරේ පැත්ත පලාතේ වත් නොගියේ රාජකාරි එමට තිබුන නිසාය. ඒක ලොක්කාගෙත් වැරද්දය. එයාලාට නිවාඩු පාඩු වෙලාවක එන්න කිව්වානම් එයාලා යනවාය. ඔය කලාකාරයෝ, නලාකාරයෝ, පත්තරකාරයෝ, අරුන් මුන් වගේ නොව, මේ අයට නියමිත රාජකාරි තියෙනවාය. එහෙම එකේ කෝපි බොන්න මන්දිරේට ගියොත්, දවසම ඉවර නිසා එයාලා ඒ පැත්ත පලාතේවත් නොගියේය. මන්දිරේට එන්න කිව්වොත් අම්මගෙ මල ගෙදර උනත් දාලා එන සිරි ලංකා නිදහස් පස්සේ ප්‍රභලයින්ට, මලේ හොඳම එකෙන් පැන්නේ මෙහිදීය. මේකිගේ ගෑස් බස්සන්න දෝශාභියෝගයක් ගේමුයි කිව්වේ ඒ නිසාය.

ඒත් ලොක්කා කිව්වේ, "එයැයි ඉතින් අපේ කෙනෙක් නොවැ. මම කොහෙමෙයි එයැයිව අයින් කොරන්නේ. මක්ක කොලත් අපේ එකා අපි ෂේප් කොරන්න එපැයි. අනික ඔහේලා උනත් කෙලීන්නෙම මඤ්ඤං උනත් මම එකෙක්වත් අස්කරයි.. අනික මම ඔය වගේ වැඩ වලට කැමති නෑ ඕයි" කියාය... එහෙත් සිරි ලංකා එකේ ප්‍රභලයින් කිව්වේ, ඔහේගේ කැමත්තක් අපිට ඕන නෑ අපි ඔය ගෑනි අස්කරනවා කියලාය. එහෙම කියලා ප්‍රබලයින් අස්සන් කොරන්න පටන් ගත්තේය. බැසිල් මහත්තයාට අස්සන් කොරන්නෙයි කිව්වාම එයා කිව්වේ, ප්‍රජාතන්ත්‍රවාදේ මහ ගෙදර ඉඳලා ආපු මට පුලුවන්ද හලෝ ඔය වගේ පහත් වැඩ කරන්න කියාය. නාමල් බේබිට කිව්වාම එයා කිව්වේ පිස්සුද මෙයාලා, ඒ මනුස්සයා මට තනියෙන් එක්සෑම් ලියන්න දීලා මට අතට අතත් දීපූ ආන්ටි... ඉඹින්න දුන්න අත කපලා දාන්න මට බෑ කියලාය.

ඒ උනාට ප්‍රභලයින් අස්සන් එකතු කරගෙන මේක කතානායකට බාර දුන්නාම, එතුමාට මේකේ බැරෑරුම් බව තේරුම් ගියේය. තම එක බඩ වැල කඩාගෙන ආ සහෝදරයාට වෙන්න යන අනතුර ගැන වටහා ගත් එතුමා, වහාම සිරි ලංකා නිදහස් පක්ෂයේ ප්‍රභලයින් පිරිසක් නඩු බලවන්න දැම්මේය. එමෙන්ම අප රට ත්‍රස්තවාදයෙන් මුදවා ගත් වීරවංශ මැතිතුමාද දැම්මේ, පිරිබාහරන්ට ගේම දීපූ එකාට ශිරාණී කජු කනවා වගේ නිසාය. දාන්නම ඕන හින්දා, විපස්සෙ පිස්සෝ ටිකකුත් දමා, නඩුව බැලෙව්වේය. විපස්සේ උනුයි, විත්තිකාරයෝයි, විත්තියේ නීතිඥ්ඥයොයි, මේ නඩුව අහන ක්‍රමේට අපිට බඩ යනවා. අපි යනවා කක්කා කරන්න කිව්වත්, නඩුව බලවන්න ආපු පැමිනිල්ලේ සාක්කි කාරයෝ, රැ එලි වෙන තෙක් තොවිලයක් නටා, පිල්ලිය එලවීමේ ලියවිල්ල කතානායකට බාර දුන්නේය. කතානායක තුමා පිජාමා එක පිටින්ම මන්දිරේට ගිහින්, ගොරොද්දෙ ඇද ඇද හිටපු ජනාධිපති තුමාට පිල්ලිය එලවීමේ තීන්දුව භාර දුන්නේය.

නින්ද කැඩුන නිසා ජනාධිපති තුමාට මල පැන්නේය. ඇත්තටම බලාගෙන ගියාම මෙයා මගේ අයියා විතරක් නෙමෙයි ,හෙන අයියා කෙනෙක් නේ කියා පොඩි ආඩම්බරයකුත් ජනාධිපති තුමාට ආවත්. එතුමා කිව්වේ මේක විද්වත් කමිටුවකට දාලා කමිටු වාර්ථාවක් ගන්න ඕන කියලාය. සිරි ලංකා නිදහස් පස්සෙ ප්‍රභලයින්ට මලේ හොඳම එකෙන් පැන්නේය. නිමල් සිරිපාල කිව්වේ කමිටුවකට දාලා උත්තරතිර පාර්ලිමේන්තුව හෑල්ලු කරන එකක් නැතෙයි කියාය. විමල් වීරවංශ කිව්වේ ලොක්කාත් බටහිර කුමන්ත්‍රණ කරුවන්ට බය වෙලා වගේ කියලාය. ඒ අතරේ බණ දෙසමින් යන පුලතිසිපුර සිරිසේන කිව්වේ. බලය හැමදාම පවතින්නේ නෑ. තියෙන වෙලාවේ කෙලලාම දාන්න කියලාය. 

අනුර ප්‍රියදර්සන කිව්වේ, කැකිල්ලේ නඩු විභාගයටත් වඩා සාධාරන නඩු විභාගයත් තිබ්බ බවත්, එයාලා කක්කා කරන්න ගියාට අපිට කරන්න දෙයක් නෑ කියලාය. මේ මොනවා කිව්වත් මෙයා නම්මන්න බෑ වගේ පේන කොට, ලොක්කා බය කරලාවත් වැඩේ කරගන්න ඕන කියපු රත්තරන්, මහින්දානන්ද හා තිලංග කරේ ලොක්කාටත් වඩා රටට ජාතියට ආදරය කරන අජන්ත ලියනගේගේයි, පේමන්ට කඩ කාරයන්ගේ රජ්ජුරුවෝ වන කහන ගමගේගේ කස්ටියට කියා, පාර්ලිමේන්තුවයි අධිකරණයයි වට කරන එකය. ඒ වැඩේටනම් ලොක්කා බය වුනේ, ඝෝඨාභය මල්ලිගේ උන්ටවත් අරුන් බය නැති නිසාය. බැරි වෙලාවත් මුන් මන්දිරේ වටකලොත් හෙම, මාත් නෝන්ඩි වෙනවා කියා....., ඕන පුකක් කියා, "විවාදයක් තියලා සම්මත් කර ගන්නවා...." කිව්වේ. තමන් මෙන්ම හෘදය ශාක්ෂියට එකඟව මේකට අත් උස්සන්නේ නැති උන් ඕන තරම් පාර්ලිමේන්තුවේ ඉන්නා බව දන්න නිසාය.

ඒත් සිරි ලංකා නිදහස් පස්සයේ ප්‍රභලයෝ එතුමාට වඩා බලවත් විය. රටට ආදරය කරනා විශාල ජනතාවක් බත් පැකට් එකක් කා, අරක්කු කාලක් බී, කුඩු පැකට් එකක් ගසා, පාර්ලිමේන්තුව වට කලේය. පාර්ලිමේන්තුවට යන හැම එකාටම කිව්වේ, අත උස්සන්නේ නැතුව ආයෙත් මේ පාරෙන් එන්න එපා කියලාය. ඒ නිසා එයාලා බයටම අත් දේම උස්සලා, වැඩි ඡන්දෙන් දොසාබියෝගේ සම්මත කලේය. කොක්ටේල් එක ඕගනයිස් කරලා තිබුනේ ගෝල්ඩන් කී එකේ සල්ලි දාපු කස්ටියය. ටෙන්ට් එකකුත් ගසාගෙන පාරේ කිරිබත් ඉව්වේ ඡන්දේ දීලා එන අය එන්නේ බඩගින්නේ නිසා කන්න දෙන්නය. එතනින් කිරිබත් කා තීන්දුවත් අරගෙන මන්දිරේට ගියේ අලුත් එකෙක් දාන්නෙයි කියලාය. 

ඊළඟ ප්‍රශ්නේ ආවේ දාන්නේ මොකාද කියලාය. සම හරක් කිව්වේ අධිකරනේම කෙනෙක් දාන්න කියලාය. මේ අතරේ මොහාන් දාන්නෙයි කිව්වාම, මොහාන් සමරනායක කිව්වේ අය්යෝ සර් මට නම් බෑ කියායා. ඒ නිසා, එයා එතුමාගේ මාධ්‍ය ප්‍රකාෂක ලෙස දැම්මේය. මේකට නම් මහින්ද අබේසුන්දරට මල පැන ඇති බව ආරන්චි විය. මොහාන් පීරීස් දාන්න එපා කියා, ගුණදාස සීයයි, වාසුදේව මුත්තයි කිව්වත්, එතුමා කල්පනා කලේ, එක්නැලිගොඩ ඉන්නවා කිව්වේ බොරුවක් කියා පිලිගත්ත අවංක කෙනෙක් වන මොහාන් පීරීස් මහතා වැන්නකු අධිකරණයට දාන එක හොඳයි කියාය. එහෙත් මොහාන් උසාවියට එන එක ෂුවර් කර ගන්න, අර, "ජාතියේ පුතුන්" අළුත්කඩේ රැස්වුනේ ජනාධිපති තුමා ෂුවර් නැති නිසාය. හැමෝම ජනාධිපති තුමා ගාව ඉන්නේ හාල්පාරුවෝ කිව්වාට. ජනාධිපති තුමාගේ හෘදය ශාක්ෂියවත් පයිසෙකට මායිම් නොකට සිරි ලංකා නිදහස් පක්ෂයේ ප්‍රභලයින් දෝසාබියෝගේ ජයගත්තේ එසේය.