බූරූ කතාවක් - A Smart Donky

මේ කතව ලියන්න හේතුව උනේ අපෙ කතන්දර ශූරින්ගේ බොගේ, මෙන්න මේ පොස්ට් එක... හැමදාම වගේ උන්නැහේ ඒ මගින්, ආදර්ශමත් කතාවක් සාකඡ්චාවට භාජනය කරල තිබුනා.

ඒක කියවපුවයින් පස්සෙ, මට හිතුන මම අහල තිබුන මෙන්න මේ බූරූ කතාව ලියල දාන්න.

*************

ඔන්න එකමත් එක රටක හිටිය වෙළෙන්දෙක්. මේයා කරන්නේ සතුන් වෙළඳාම. දවසක් මේ වෙළෙන්දට ආරංචියක් ලැබුන අල්ලපු නගරයෙ පල්ලියේ බූරුව විකුණනව කියල. බූරුව විකුනන්න හේතුව වෙළෙන්ද දැනගෙන හිටියේ නෑ. නමුත් අඩු මුදලකට ගන්න පුළුවන් කියළ ආරංචිය ලැබුන නිසා, මේයා ඔක්කොම වැඩ නවත්තල මේ බූරුව මිලදී ගන්න ගියා.

සුපුරුදු පරිදි හෙට්ටු කරල හෙට්ටු කරල, පූජකතුමා කියපු ගානටත් වඩා අඩුවට බූරුව මිළදී ගන්න වෙලෙන්දට පුළුවන් උනා. මේ බූරූව ඉතා හොඳට පුරුදු කරපු බූරුවෙක් බවත්, ස්වාමියා දෙන අණ ඉහලින්ම පිළිපදින බූරුවෙක් බවත්... “හාලේ ලූයියා….!!! ” කියා අණ කළ විට බූරුවා ගමන් කරන බවත්, “ආමේන්…!!! ” කියූ විට නවතින බවත්  පූජකතුමා සඳහන් කර සිටියා.

බූරූව මෙතරම් අඩු මිළකට විකිනීමේ හේතුව.., ඌ නිතරම ලවක් දෙවක් නැතුව කෑ ගහන බූරුවෙක් බව වෙළෙන්දාට තෙරුම් ගියා   . අනෙක් සියළුම සතුන්ටත් නගරයේ මිනිසුන්ටත් බූරුවාගේ කෑ ගැසීම ඉතා අප්‍රසන්නන දෙයක් මෙන්ම මහා කරදරයක් වූවත්, වෙළෙන්දාගේ ප්‍රියතම බූරූවා බවට මේ බූරූව පත්වුනා.

වෙළෙන්දා ළඟ ආරක්ෂාව සඳහා බල්ලන් සිටියත්, ඒ බල්ලන්ගේ වැඩත් කලේ මේ බූරුවා. සොර සතුරෙක් එන බව ඉවෙන් දැනී බල්ලන් බුරන විට,. බල්ලන්ගේ හඬ අභිබවා, බූරූවා කෑ ගසන බැවින් බල්ලන් සද්ද නැතූව සිටියා. තමා  සොර සතුරන්ගෙන් පාවා ආරක්ෂා කර ගන්නේ මේ බූරූව බව වෙළෙන්දා විශ්වාස කළා.

දව්සක් වෙළෙන්දා බූරූවත් සමඟ දුර ගමනක් යන්න පිටත් උනා. ඈත නගරයක සත්ව ගාලක්, ඉතා අඩු මිළට විකුනන බවට ලද ආරංචියක් අනුව ගමනට අවශ්‍ය කෑම බීම සහ සියළුම දේ බූරූවා පිට පටවාගත් වෙළෙන්දා උගේ පිටට නැගී “හාලේ ලූයියා…..!!!”  කියූ පමණින් බූරූවා ගමන ආරම්භ කළා.

ගමන තරමක් දුර  බැවින්, වේගය වැඩි කර ගැනිම සඳහා... “හාලේ ලූයියා….!!!” කියා කීප විටක්ම ශබ්ද නගා කී විට බූරූවා වේගයෙන් දුවන්න පටන් ගත්ත.

කඳුකර  ප්‍රදේශයක තැනිතලාවක් මත වේගයෙන් දිව යන බූරූවා නවත්වා නොගතහොත්, තමාත්, බූරූවත් අව්සන් බව තෙරුන වෙළෙන්දා බූරූවාට, “නවතිනු…!!!” කියා අණ කළ නමුත් බූරූවා නැවතුනේ නෑ. කාළයක් බූරූව සමගින් ගමනක් නොගිය බැවින් වෙළෙන්දාට බූරූවා නවත්වා ගන්න ආකාරය අමතකව තිබුනා. “නවතිනු,…!!! නවතිනු..!!!” කියා අණ කළ විට බූරූව තව තවත් වේගය වැඩිකළා, “බයිබලය…”, “පාස්කුව…”, “අල්තාරය…” “පූජකතුමා…” වැනි තවත් වචන ගනනාවක් කීවත්  බූරූව නොවේ නැවතුනෙ… තවත් සුළු මොහොතකින් ස්වර්ගස්ත වන බව දැනගත් වෙළෙන්දා, දෙවියන් වහන්සේට අවසාන යාඤ්ඤාව කළා..

“අනේ දේවයන් වහන්ස මම අහිංසක වෙළෙන්දෙක් මා මාගේ වෙළදාම කළේ ඉතාමත් සාධාරන ලෙසයි. මා ගැන අනුකම්පා උපදවා... ඔබ වහන්සෙගේ නාමයෙන්... මේ බූරූවා නවත්වා දෙන සේක්වා….!!!!   “ආමේන්…..!!!!!!”

බූරූවා, මහා පාතාලයට අඩියක් මෙහායින් ඉද්ද ගැසුවාක් මෙන් නැවතුනා.

“හාලේ ලූයියා…………….!!!”

 ප්‍රීතියට පත් වෙළෙන්දා පලාතටම ඇසන ලෙස කෑ ගැහුවා......

***********

රුසියානූ ජන කතාවක් ඇසුරෙන් පරිවර්ථනය කොට, හුදී ජනතාවගේ දැනගැනිම පිණිස,

මාතලන් වන මා විසින් ලියා පොරසිද්ද කලේය…..