දෙයියා...!!! - God...!!!

අපේ ඇමතිතුමා හිටපු ගමන් පිස්සුම කෙළිනවාය. මාතලන් අපේ ඇමතිතුම කිව්වේ මාතලන්ද කැළණියේ නිසාය. එපමණක් නොව මාතලන්ගේ ප්‍රියතම දෙශපාලණ සෙට් එකෙන් කෙනෙක් නිසාය. එතුමා ප්‍රසිද්දියේ කොරන වැඩ අනෙක් උන් අප්‍රසිද්දියේ කරයි, නමුත් උන්නැහේ කරන්නාවූ සියළුම වැඩ කරන්නේ එළිපිටමය. අනෙක ජනාතාව ඉල්ලන්නේ මේ ජාතියේ බඩුනම්, අපිට කොරන්නට දෙයක් නැත. ලක්ෂ ගනනින් මනාප ගන්නේ ඒ නිසාය.

අනෙක් උන් පාතාලය දමා මීඩීයා එකට වැඩ දෙන අතර එතුමා කෙලින්ම ගේමට බසී. අනෙක් උන් පොලොස් කොට්ටෝරුවන්ට සද්ද නැතුව පාට් දමද්දී එතුමා ඕ අයි සී එක්ක ප්‍රසිද්දියේ ගේම ඉල්ලයි. අනෙක් උන් තම ආසනයට මෙළෝ දෙයක් නොකරන අතර, උන්නැහේ හොදින් හෝ නරකින් ආසනයට සෑහෙන දෙයක් කරයි. මේ ආසනයේ ප්‍රසිද්ධ අය කොතරම් සිටියද කැළණියට ආළෝකයක් ගෙන ආවේ එතුමා බව නොකියා නොහැකිය. මන්ද ජේ ආර්, සිරිල් මැතිව්, රනිල් වැනි අය නියෝජනය කළ ප්‍රදේශයක් වූවද ඔවුන් මෙහි කළ මෙළෝ මළදානයක් නැත.

එතුමා ජනතාවගේ හිත සුව පිණිස විෂ්ණු දේවලයක් ඉඳි කොට ඇත. එම නිසා ප්‍රශ්න ඇති අයට එහි ගොස් දෙවි පිහිට ලබා ගත හැක. වෙන පළාත්වල මෙන් මෙහි ග්‍රිස් යක්කු නැත. හිටියොත් ග්‍රීස් යකාගේ අම්මාටත් දෙයියන්ගේම පිහිටය. ඩෙංගු ද නැත. මදුරුවෝ සිරිසේනට බය නැති උනාට මර්වින්ට බයය.කවදත් ජනතාව සමග සිටින එතුමාට ලොක්කා මහජන සම්බන්ධතා ඇමති කම දුන්නේ නිකමට නොවේය.

උන්නැහේ අළුතෙන්ම සේවයක් ආරම්බ කොට ඇත. පවුලේ ඇති ඕනෑම ගැටලුවක් එතුමාට ඉදිරිපත් කළ හැක. ඒ අනුව,

• පෙම්වතා හෝ පෙම්වතිය හැරයාම
• සැමියා හෝ බිරිඳ පැනයාම
• පතන සකරු හෝ සහකාරිය ලබාදීම
• කැමති අය ගෙන්වා ගැනීම
• එපා අය ඈත් කිරීම
• විවාහ ප්‍රමාදය
• විභාග ජය
• රැකියා ලැබීමට
• නොවිකෙනෙන ඉඩම් විකිනීම
• ව්‍යාපාර ලාබ ලැබීමට
• ලිංගික දුර්වලත
• ඇඟ උණුකරවා යාම
• ලිංගික අප්‍රාණිකත්වය
• ලිංගය කුඩාවීම
• ධාතු පිටවීම ප්‍රමාදයට
• මාස් ශුද්දිය නැවත්වීම හෝ යලි ආරම්බය
• සුදු කබර
• පොතු කබර
• අන්ඩවාත
• පීනස්
• හර්නියා
• දියවැඩියාව
• අංශභාගය

 ඇතුළු සියළුම නිධන් ගත රෝග ආදී එකි මෙකී නොකී සියළුම ගැටළු හා අට අනූවක් රෝග සඳහා දැන් ඔබට ඕනෑම වෙලාවක එතුමා හමුවිය හැක.

නමුත් කොතරම් හොඳ දෙයක් කළද ඒවාට විරුද්ධ වන අය වැඩි බැවින් මේ පිලිබඳ ප්‍රචාරයවීමෙන් අනතුරුව කොටුව ඉට්ටේසොම ඉදිරිපිට රැස්වූ සියළුම පාර්ලිමේන්තු මන්ත්‍රිවරුන් දෙයියා ඇමතිතුමගේ ප්‍රකාශයට විරුද්ධව පිකටින් ව්‍යාපාරයක් සහ පත්‍රිකා බෙදීමක් සිඳු කරන බවට ලද ආරංචියට අනුව එතෙනට රැස්වූ මාද්දියවේදීනට, මැටි ඇමටි නෝනාවරුන් හෙවත් මැඩොම්ලාද සත්‍යග්‍රහයක් ආරම්බ කොට තිබූ බව දැක ගත හැකි වූ අතර එහි මූලිකත්වය එ ජා කාර්යාලය ඉදිරිපිට සත්‍යග්‍රහයක් කොට ළෝක ප්‍රසිද්ධ වූ ඇමතිතුමාගෙ බිරිය විසින් හොබවන ලදි. 

එහිදි බෙදාහරින ලද පත්‍රිකාවේ මහා දුක් ගැවිල්ලක් විය. දැන් තිබෙන රාජකාරීන් වන, සාක්කියට අත්සන් කිරීම, මළ ගෙවල් වල පෙට්ටියට අත ගැසීම. කොටහළු ගෙවල් වලට සහභාගී වීම. ජහමන දිනය පැවත්වීම වැනී දහසක් රාජකාරී මැද මර්වින් සිල්වා ජනතාවගේ පවුල් ප්‍රශ්නත් විසදීමට යාමෙන් අප ජනතාව අතර අප්‍රසාදයට පත්වන බැවින්, වහාම මේ සඳහා විරුද්ධවන මෙන් ඉතා කාරුණිකව ඉල්ලා තිබුනි. උද්ගෝශනය අවසානයේ සියළුම දෙනා පෙස්සොම බාරදීමට ලේඛම් කාර්යාලයට ගිය අතර. මාද්දියවේදියෝ දෙයියා ඇමතිගේ ගේ ඉදිරිපිට පොදිකන ජනතාව ගැන වාර්ථා කිරීමට පිටත්ව ගියහ.

ප: ලි: 

හොඳ වෙලාවට ශ්‍රී ලාංකික ගෝත්‍රික ජනතාව අප්‍රිකාවට වඩා ටිකක් හොඳය, කන්‍යාභාවය නැතිකිරීමත් ප්‍රභූවරුන්ගෙන්ම සිඳුවීමට නියමිතව තිබුනානම් මැටි ඇමටිලාට වෙන වැඩක් කිරීමට කාළයක් ඉතුරු වන්නේ නැත......

ඒ වගත් මෙසේ විය....