අනේ සීයේ කතන්දරයක් කියන්නකෝ - Grandpa Jokes

ආච්චිල ගැන කතාවක දෙකක් ලිව්වහම මේකේ ඉන්න සීයල අමනාප වෙලාලූ. අද කියන්න යන්නෙ සීයා කතා.. අපේ සීයල ගැන නම් දැන් දැන් ඇහෙන කතා අති හයානකයි. අබුද්දස්ස කාළේ ලබුත් තිත්ත වෙනවලුනේ බොලව්.. ඉතින් තව කතාද....???


***********

පෞද්ගලික ආරෝග්‍ය ශාලවක නවත්වා සිටී තම 85 වියැති සීයා බැලීමට මුණුබුරා පැමිණියේය.
දැන් කොහොමද සීයට..?
වරදක් නෑ හොඳයි...

කොහොමද සීයේ කෑම එහෙම..?

වරදක් නෑ.. එක එක දව්සට එක එක මෙනූ දෙන්නේ...

එතකොට නර්ස්ල..?

කියල වැඩක් නෑ මේ කෙල්ලො නම් හරිම ෂෝක්... 

එතකොට නිදාගන්න.. ??? සීය හොඳට නිදා ගන්නවයි...???

ඒ ගැන කතා කරන්න දෙයක් නෑ.. පැය 9 ක හොඳට නින්ද යනව.. හැමදාම රෑ 10 ට නෙස්කැෆේ එකයි ව්‍යාඝ්‍රා එකකුයි දෙනව.. හොඳ සැපට ඒ දෙක බිව්වයින් පස්සේ නියමට නින්ද යනව..

මොකක්..? 

තක්බීර් වූ මුණුඹුරා සිස්ටර් සොයාගෙන ගියා.. 

මොනවද ඔයාල කරන්නේ.. ඇත්තද මේ සීයා කියන්නේ..?

මොකක්ද.. ?

ඔයාල එයාට දිනපතා රෑට නෙස් එකකුයි ව්‍යාඝ්‍රා එකකුයි දෙනව කියන්නේ.. බොරු වෙන්නැති මම හිතන්නේ..?

නෑ නෑ බොරු නෙමෙයි.. ඇත්ත...

හැමදාම රෑ 10 ට අපි දෙනව.. නෙස් එකට එයාට හොඳට නින්ද යනව.. ව්‍යාඝ්‍රා එක නිසා ඒයා ඇඳෙන් වැටෙන එක වැලකෙනව..

******************

සීයාගේ අවුරුදු 100 උපන් දින සාදය ඉතාමත් ඉහලින් පැවැත්වෙමින් තිබූ අතර.. කතා කිරීමට අපහසූ වූවද තම අදහස් ලියා පෙන්වීමට පොතක් හා පෑනක්ද රෝද පුටුවේ පොකට්ටුවක රඳවා තිබුනි.. සීයාගේ පාටිය වූවද සීය රෝද පුටුවේ තබා සියළු දෙනාම සතුටු සාමීචියේ යෙදි සිටියේය. (පොඩි අයගේ බෝත් ඩේත් මෙහෙමම නොවැ..)

"මෙන්න සීයා නැගිටින්න හදනවා....."

කියා කවුදෝ කෑ ගැසූ බැවින්, පවුලේ අය පැමිණ, උරහිස් දෙකෙන් ඔසවා නිසි ලෙස පුටුවේ හිඳුවා, වටේට තිබූ කොට්ට නිසි ලෙස සකස්  කොට නැවතත් තම තමන්ගේ බයිලා වලට සෙට් උනේය..

පාටිය ජයටම යයි.. 

"මෙන්නෝ.....  සීය ආයෙත් නැගිටින්න හදනවෝ..'

කියා යලිත් කවුදෝ කෑ ගැසු බැවින්, සියළු දෙනාගේ අවදානය සීයා වෙත යොමු වූ අතර නැවතත් පවුලේ අය පැමිණ පෙර පරිදිම ඔහුව නිසි ලෙස සකස් කොට නැවතත් තම තමන්ගේ වැඩ කටයුතු වල නිරත විය. මේ සිද්දිය දෙස මුල සිටම බලා ගෙන උන් තරුණයෙක්, ටික වේලාවකින් නැවතත් සීයා නැගිටීමට උත්සාහ කරන බව දුටුවෙන් වහාම සීයා වෙත ගොස්..

"ඇයි සීයේ මොකක්ද වෙන්න ඕන..?"

කියා විමසුවේය. තම පොත හා පෑන ලබාදෙන ලෙස හස්ත මුද්‍රාවෙන් සීයා කියූ බැවින්, තරුණයා එය සීයාට ලබා දුන්නේය..වෙව්ල වෙව්ලා පොතේ මොනවාද කුරුටූ ගෑ සීයා එය තරුණයා වෙත යොමු කළේය.. 

"අනේ පුතේ පඩයක් අරින්න මාව ටිකක් උස්සපන්"

**************

අපේ පරණ සීයල ගැන කවුරුත් දන්න පොඩි ජෝක් එකකුත් තියෙනව..

"සීයා විට කොටන විට සීයාගේ මීයා පස් කයි...."