කොහිළ කොරටුව - Kid Farmer

වාසල පැත්තෙත් කතා කොරන්ට දෙයක් නැති නිසා සෑහෙන කලක් ලියන්න හිතාගෙන උන්නු කවදාවත් අමතක නොවන සිද්දියක් තමයි අද කියන්න යන්නේ..

අද හැමෝම "අපි වවමු රට නගමු" සෙල්ලම කොරාට මාතලන් මේ සෙල්ලම කරන්නේ ගොඩක් පොඩි කාළේ පටන්. අද නම් තැනක් නැති නිසා මේ වැඩේ කෙරෙන්නේ නෑ. ඒත් මගේ ටාර්ගට් එක තියෙන්නේ ෆාම් එකක් දාන්න තමයි තවමත්.


අපේ ගෙවල්වල ඒ දවස්වල හැදෙන බව බෝග වලින් වැඩි ප්‍රමාණය කඩවල් වලට දාලා ආදයමක් ගන්න එක හැමෝගෙම සිරිතක් වෙලා තිබුනා. අපේ හැමෝටම මේක හිතට එන්න ඇත්තේ. වෙළුන් සිංඤෝ නිසා වෙන්න ඇති. වෙළුන් සිංඤෝ ගැන වෙනම පොස්ට් එකක් දාන්නම් වෙන දවසක. අපේ වත්තේ තාත්තා වවපු කෙසෙල්, තැඹිලි, කතුරු මුරුංගා වගේ දේවල් හන්දියේ තිබුනු ආසිරි කඩේට තමයි දැම්මේ. කෙසෙල්, තැඹිලි ගෙනියන්න කවුරු හරි ආවත්, හැම ඉරිදම කතුරු මුරුංගා කඩලා කෙහෙල් පට්ට වලින් මිටි බැඳලා කඩේට ගිහිල්ල දාන්නේ තාත්තතයි මල්ලියි. මුලදි මට ලැජ්ජා හිතුනත් පස්සේ මේ වැඩෙ කළේ මම. කතුරු මුරුංගා කඩේට ගේනකම් කස්ටමර්ස්ලා බලාගෙන ඉන්නවා. පුදුම ආඩම්බරයකින් තමයි කතුරු මුරුංගා මිටි ටිකත් අරන් කඩේට යන්නේ.

මල් තියෙන කාළේට කතුරු මුරුංගා මල් මිටි ගෙනියනවා. ඒකත් හරිම ලස්සන වැඩක්. ඉරටුවල අග ගැටයක් දාලා ඒකට මල් අමුනනවා. හරියට මල් මාලයක් වගේ ලස්සනයි. හරිම රස කෑමක්. ටිකක් හතු වගේ. මටනම් ඊටත් වඩා රසයි. ගුණත් ඒ වගේම ඇති. වෙද මහත්තය තමයි මේව දන්නේ. තව ඉරට්ටේ අමුනල ව්කුනන ඒව තමයි. කිරල සහ වෙල් මාළු. අදටත් සමහර පැතිවල මේව දකින්න තිබුනත්. කතුරු මුරුංගා මල් නම් දැක්කෙම නෑ කාළේකින්...

තාත්තා විනෝදයට කළ මේ වගාවන් තමයි මමත් මේ වැඩේට යොමුවෙන්න හේතුව උනේ. තව හේතුවක් තිබුනා. ඒ තමයි රජ්ජුරුවන්ගේ ඉස්කෝලේ ගාවම ඒ කියන්නේ ඔය ඇතුලත්මුදලි මහත්තයගේ පිළිමේ තියෙන තැන තිබුනා පැල විකුනන තැනක්. අනෙක් කාරනේ ජෝති. ජෝති කියන නම හැදුනේ ලොකු උනාම ඒකත් වෙනම කතාවක්. ජෝති මට වඩා වැඩිමල් අවුරුදු 2ක් විතර. පොරත් හොඳ ගොවියා ඒ වගේම වෙළෙන්දා. පොඩි කාළේ ඉඳලම අමුතු වැඩ කරපු පොරක් තමයි. අද ප්‍රකෝටිපති සාර්ථක ව්‍යාපාරිකයෙක්. ඒ වගේම පොඩි කාළේ පටන්ම හොඳ කළාකාමියෙක්. ආතල් පොරක්. සල්ලි වලින් සැප විඳින මහත්තයෙක්.

පෝස්ට් එක දිග වැඩියි වගේ.. ප්‍රධාන කතාව ළබන සතියේ... මේ ටිකේ ජුන්ඩක් ඉතර බිසි.. වෙළාවක් තිබුනොත් ටක් ගාලා දාන්නම්. හක්ක පටස් වගේ..