ගිනස් වාර්ථා - Guinness Records

ගිනස් කියපු ගමන් මතකයට එන්නේ කුමාර් ආනන්දන්ය. නියම ලෙසට ලංකාවේ නම ගිනස් පොතේ තැබූ පොරක්ය. වෘත්තියෙන් නීතිඥ්ඥයෙක්ය. ලන්ඩන් යුනිවර්සිටියේ ග්‍රැජුවෙට් කෙනෙක්ය. වැල්වැටිතුරේ පොරක්ය. පොඩි කාළේ මගේ වීරයෙක්ය. පප්පා ආන්ඩූ කරන්න ආපූ කාලේ, ගෝල් පේස් එකේ දඟර නැටුමක් නටා වාර්ථාවක් තිබ්බේය. අපිත් ඒක බලන්නට ගියේය. තවත් වාර්ථාද තිබ්බේය. ඉන්ගිරිස් ඕඩය හරහා පීනන්ට ගොස් එළොව ගියේය. පොර නිසා ගිනස් කියන්නේ මොකක්ද කියා ලන්කාවේ කස්ටිය දැන ගත්තේය.

ඒ කාළේ ඉඳ හිට තවත් උන් මොන මොනවාද කළේය. එකෙක් තනි කකුලෙන් වික්ටෝරියා පාක් එකේ හිටගෙන හිටියේය. නමක් වත් මතක නැත්තේය. ගියවර පෝස්ට් එක ලිව්වේ හිටපු නිළධාරියෙක් ගැනය. අදත් ලියන්නේ එයින් දෙන්නෙක් ගැනය. දෙන්නාම දොස්තරලාය. ඒ නිසා එයාලා මා එක්ක තරහ වීම හරි නැතිය. දෙවියන් මෙන් කස්ටියද සිටින්නේය. එක්කෙනෙක් බොරැල්ලේ වසංගත රෝග විද්‍යා ඒකකයේ ලොකු නෝනාය. අනෙක් කෙනා ක්‍රිඩා අමාත්‍යශයේ හිටපු වෛද්‍ය ලොක්කාය. දෙන්නාම සිවිල් පොරවල්ය.

ඩෙංගු පිළිබඳ පරිඝනක වාර්ථා සියල්ලම වෙනෙස් කොරලාය. එතකොට ඒකේ වෙබ් එක විතරක් බලන එකෙකුට පෙනෙන්නේ මැරි තිබෙන්නේ සුළු පිරිසක් කියාය. මේව්වා මහා කැත වැඩය. එවැනි ධූර දරණ අය අතින් කිසි සේත් සිඳු නොවිය යුතු දේය. දෙදෙනාටම මා තුල ගෞරවයක් තිබුනේය. නමුත් මේවා දකින කොට ඒවා නැති වන්නේය. නිළධාරින් මෙසේ බොරු වාර්ථා ඉදිරිපත් කිරිම ජාතික අපරාධයකි. දේශපාලකයන් එපාවී සිටිනා අපට නිළධාරින්ද එපාවීම කනගාටුවට කරුණක්මය. ඉස්සර බජට් කෙසේ වෙතත් මහ බැංකු වාර්ථාව ගැන මිනිස්සුගේ විශ්වාසයක් තිබුනේය. දැන් ඒකත් නැත්තේය. ඒවා පච කියන්නේ ඒකේම කස්ටියය.

අනික් වැඩේටනම් හෙන ඉල්ලුවත් දුකක් නැතිය කොහොමත් මේයා වර්චස් වී සිටියේය. ඒ නිසා පෝස්ට් එකටත් කෙල උනේය. අලුත්ම කේස් එක ආවේ සිරසේ එළිදරව්වෙන්ය. අපේ උන් එකසිය ගානට ළෝක වාර්ථා තියන්න එක එක සෙප්පඩ විජ්ජා කොලේය. උඩ පැන්නේය. බිම වැටුනේය, සයිකල් පැද්දේය, ඔලුවෙන් හිටන් උන්නේය, ඇස් බැඳන් කාර් එලෙව්වේය. සයිකල් පැද්දේය. මේ ලඟදී එකෙක් පනපිටින් වැලලුනේය. පැය ගානක් පොලොව යට සිටියේය. ලංකාවේ නියෝජිත ලෙස අපේ පොරත් ආවේය. පොටෝ ඇල්ලුවේය, පත්තරේ ලිව්වේය. රූපවතී පෙන්නුවේය. අන්තිමේට බැලුවාම මේ එකක්වත් පොතේ නැත්තේය. දොස්තර මහත්තයා පොත පෙරලලාය. ලැජ්ජා නැතුව වැරැද්ද හඟුරන්කෙත චොප්පේ වෙත දමා ඇඟ බේරා ගත්තේය. ඒ කියන්නේ දැන දැන මිනිස්සු රවට්ටලාය. මෙව්වා සහ ගහන වැඩය. අපේ හරක්ටත් හොඳ පාඩම්ය.

දැන් නම් එකෙක් වත් විශ්වාස කොරන්න අමාරුය. වාර්ථා තියන්න පස්චාත් බාගය ඉරා ගන්ට ඕනෑ නැතිය. පත්තරේ ගත්තාම තියෙන්නේම ළෝක වාර්ථාය. දොස්තර මහත්තයාගේ වැඩත් ළෝක වාර්ථාවක්ය. මෙච්චර කල් දුන්නේ හොර වෛද්‍ය සහතික පමණය. දැන් ගීනස් වාර්ථාත් දෙන්නේය. පොඩි ගානක් දී එකක් අරන් ගෙයි එල්ල ගත්තාම කාටත් ආඩම්බරය. උපාධ් සහතික කුඩ්ඩන්ටත් විකුණන රටේ, මේවා නිකං දෙකයි පනහේ වාර්ථාය.