අද රෑ නිකුත්වන, ඔබ මවිතවන ගැසට් නිවේදනය - The Best Gazette Ever

මේ ටිකේම අහන්න උනේ ආතල් නිව්ස්ය. ඉස්සෙල්ලාම බූමීතෙල්, පැස්ටෝල්, ඩීසල් 50% න් 30% න් අඩු කෙරුවාය. ඒ හේතුවෙන් පාන් මුදලාලි පාන් කියා ගන්න බැරිව හිටපු උන්ට රුපියල් පහක ආධාරයක් දුන්නාය. ලයිට් කපන ඇමති සීයට විස්සකින් බිල අඩු කෙරුවාය. බස් ගැමුණුත් අඩුම ගාන 10 දක්වා අඩු කරලා එයා පාඩූ පිට දුවන්න තිරණය කෙරුවාය. ඒ අස්සේ ජිනීවා වලදි අපි ඇමරිකාවට කෙළියේය. ඔය වැනි පුල් සොමි කාරනා මැද්දේ අද රෑ පිටවන ගැසට් නිවේදනයකින් ඔබගේ ගත සිතා පිනා යනු ඇතිය.

එම නිවේදනය මෙසේය..
අද මධ්‍යම රාත්‍රී 12 සිට, ශ්‍රී ලංකා ප්‍රජාතන්ත්‍රවාදී, සමාජවාදී ජනරජයේ - විධායකයේ, ව්‍යවස්ථාදායකයේ, අධිකරණය ඇතුළු සියළුම රජ්‍ය සේවකයන්ගේ මාසික වේතනය පහත සඳහන් පරිදි සංශෝධනය කිරීමට කැබිනට් මණ්ඩළය තීරණය කර ඇත..

• ශ්‍රී ලංකා ප්‍රජාතන්ත්‍රවාදී, සමාජවාදී, ජනරජයේ අති ගරු ජනාධිපති තුමා - රු. 25,000
• ගරු කතානායක - රු. 10,000
• ගරු අගමැතිතුමා - රු. 10,000
• ගරු විපක්ෂනායක - රු. 10,000
• විවාහක ගරු ඇමතිවරු, ගරු මන්ත්‍රිවරු - රු. 10,000
• තනිකඩ ගරු ඇමතිවරු හා ගරු මන්ත්‍රිවරු - රු. 5,000
• මීට අමතරව විවාහක අමාත්‍යවරුනගෙ හා මන්ත්‍රීවරුනගේ "නීත්‍යානූකූල විවාහයේ" අවිවාහක දරුවන් සඳහා එක දරුවකුට - රු. 5,000

මීට අමතරව ශ්‍රේෂ්ඨාධිකරණයේ ගරු විනිසුරන් හා තානාපතිවරුන්ද සුවිශේෂී පුරවැසියන් ලෙස සළකා ඔවුන්ද ඉහත සඳහන් ගණයට යටත් වනු ඇත.

• විවාහක රජයේ විධායක නිළධාරීන් - උපරීම වැටුප - රු. 15,000
• තනිකඩ රජයේ විධායක නිළධාරීන් - උපරීම වැටුප - රු. 3,000
• විවාහක සමාන්‍ය රාජ්‍ය සේවකයකුගේ - උපරීම වැටුප - රු. 12,500
• තනිකඩ සමාන්‍ය රාජ්‍ය සේවකයකුගේ - උපරීම වැටුප - රු. 2,500

ශ්‍රී ලංකා ප්‍රජාතන්ත්‍රවාදී, සමාජවාදී, ජනරජයේ පිනට පහලවූ නෝබෙල් සම්මානයෙන් පවා පිදුම් ලද ළෝ පතල අර්ථ සාශ්ත්‍රඥ්ඥ, මහාචාර්ය ගරු ධන රින මැතිතුමා විසින්, සාමජිකයින් තිදෙනෙකුගෙන් සමන්විත සාමාන්‍ය කුටුම්බයකට මාසික පරිභෝජන වියදම රුපියල් 7,500 ලෙස ගනනය කිරීමෙන් අනතුරුව, ඒ සූත්‍රයට අදාලව සකස් කරන ලදි.
සූත්‍රය
පුද්ගලයින් තිදෙනෙකුට වියදම = Rs. 7,500
                                                    7,500 / 3 = 2,500

ඒ අනුව සමාන්‍ය පුද්ගලයකු සඳහා මාසික වියදම        = Rs. 2,500
විධායක ශ්‍රේණියේ පුද්ගලයකු සඳහා මාසික වියදම     = Rs. 3,000
සුවිශේෂී පුරවැසියකුගේ මාසික වියදම                        = Rs. 5,000


මෙම මාසික වේතනය අවප්‍රමාණය කිරීම මගින් දේශීය ආදායම රුපියල් කෙළ කෝටී හැට අට ලක්ෂයකින් පමණ ඉහල යන අතර එම මුදල්, භාන්ඩාගාරය විසින් රජයේ පුමුඛ අවශ්‍යතාවයන් ලෙස හඳුනාගෙන ඇති, පහත සඳහන් යෝජනා ක්‍රම සඳහා මුදා හරිණු ඇත.

• ජා.නි.පෙ. සංවිධානයේ බටහිර කුමන්ත්‍රණ කරුවන් විනාශ කිරීමේ වැඩ සටහන හා ගූ මේල් නමින් පරිඝනක තොරතුරු සෙවීමේ යන්ත්‍රයක් හා විද්‍යුත් තැපල් සේවයක් ඇතිකිරීමේ ව්‍යාපෘතිය.
• ගරු විදේශ කටයුතු අමාත්‍ය මහා ආචාර්ය ගූ ඇල් පීනස් මැතිතුමාගේ රාජ්‍ය නායකයා විදුලි පුටුවේ තැබීමේ ව්‍යාපෘතිය
• ගරු මහජන සම්බන්ධතා අමාත්‍ය ජනරංජන මනරංජන සකල කළා වල්ලභ වෘෂභ රාජ ආචාර්ය දුටු ගැමුණු මැතිතුමාගේ ජඩ මාධ්‍ය වේදීන්ගේ කකුල් කැඩීමේ සහ ජඩ මාධ්‍ය වේදිනියන්ගේ පිට කැපීමේ ව්‍යාපෘතිය.
• ගරු ජේෂ්ඨ අමාත්‍ය ආචාර්ය අමු ගොම මැතිතුමාගේ දේශීය හරකුන්ගේ කිරි පානය කිරීමේ හා ගොම අනුභව කිරීමේ ව්‍යාපෘතිය.