මෝඩයාගේ විහිළුව ගිය දුර - Fools Day Contrivacy

මාරම අප්ෂෙට් එකක් වෙලාය. මෝඩයාගේ දවසේ ඔහේලා ගොනාට අන්දන්න පෝස්ට් එකක් ලියාගෙන සිටියේය. ඒක තිබුනේ ඩ්‍රාෆ්ට් ගොඩේය. වෙබ් සයිට් ගැන සෝදිසි කොරන ආන්ඩුවේ මහත්තුරුන්ට බඩු මාට්ටු වෙලාය.. මේ තියෙන්නේ එම පෝස්ට් එකය.

ආන්ඩුවට බුද්ධිමත් ජනතාව සමග මළ පනී -  
The Government's flower, jump over the intelligent civilians


ඇමෙරිකාව අපට කෙලීමට පෙර, පචායුධ මැතිතුමාගේ ඉල්ලීම අනුව, ඇමරිකන් ප්‍රොඩක්ට්ස් සහ බ්‍රෑන්ඩ්ස් වර්ජනය නොකිරීම හා කෙළීමෙන් පසු, පොලොස් ඇමතිතුමා ජාතික කොඩිය උස්සන්න යැයි කියු විට, සරම උස්ස පස්චාත් ප්‍රදේශය ප්‍රදර්ශනය කිරීමේ හේතුව මත, මළ පැන ඇති ආන්ඩුව. බුද්ධිමත් ජනතාවට කෙළවීම සඳහා සුද්දාගෙන් ලද භාන්ඩ වල මිළ වැඩිකිරීමට තීරණය කර ඇත. ඒ අනුව......

පිළිකා කූරක්    - රු. 1
පිටරට බීර        - රු. 50
දේශීය බීර        - රු. 5
සුමිහිරි පානය   - රු. 50

කින් හා. හැම හාල්පාරුවාම දහ අතේ ණයවී, ලීස් දමා, සීට් කවර කඩන්නේත් නැතුව, වාහන වල ගොස්, කන්න සල්ලි නැතයි, අඬෝවැඩියා නගන එක නැවැත්වීමේ උතුම් වූ චේතනාවෙන් හා දේෂිය නිෂ්පාදනයන් වන බර කරත්ත, තිරික්කල, අත් කරත්ත ප්‍රචලිත කිරීමේ පරම පවිත්‍ර චේතනාවෙන්

පුටුම් බූම්        -  රු. 50,000 සිට ඉහලට
ත්‍රී රෝද          - රු. 100,000 සිට ඉහලට
කාර හා වෑන්  - රු. 1,000,000 සිට ඉහලට

වැඩී කිරීමට තීරණය කර ඇත. තවත් මල පැන්නොත් පිටරටවලින් ආනයනය කරන ෆුට් සයිකල් හා ට්‍රයිසිකල් වල මිළද වැඩි කරනවා ඇත. එවිට ජනතාවට කකුල් දෙකෙන්ම අයිශ්චර්යා හා එයාගේ අලුත් බබා බලන්නට යා හැක.

.oOo.

මෙවන් නිර්මාණයක් කිරීමට සමත් නිර්මාණශීලී කවටයකු, ආන්ඩුවේ, අලි පාටියේ, සෝමේ අයියාගේ පාටියේ, වාසු අයියාගේ පාටියේ, ඩිව්ගේ පාටියේ, පිච්චු විතාරනගේ පාටියේ, උපදංශ පාටියේ, සාධුලාගේ පාටියේ, කුකුළාගේ පාටියේ  තියා දෙමළ පාටියේ හෝ කොන කපපු අයගේ පාටියෙවත් නොමැති නිසා,... මාතලන්ගේ නිර්මාණය ලොක්කා විසින් අනුමත කිරීමෙන් අනතුරුව, ලේඛම් තුමා සයින් කිරීමෙන් පසු, ජඩ මධ්‍ය ඇමතිතුමා මගින්, සියළුම මාධ්‍ය ආයතන වෙත, මෝඩයාගේ දිනයේදී ජනතාව ගොනාට ඇන්දීම සඳහා නිකුත් කරණ ලෙස දන්වා ඇත. අද ඔබ පත්තරවල, ගුවන් විදුලියේ සහ රූපවාහිනියේ දකින්නේ, අසන්නේ ඒ විහිළුවයි.

ළෝක බැංකුවේ මිලියන 400 ගැනීමට කරන ලද සෙප්පඩ විජ්ජාවක් යයි විපස්සය කියන්නේ නම් උන්ද ගුලිය කා ඇත. ඒ නිසා කළබල නොවන්න. කවුරුන් හෝ මේ ගුලිය කා, මිළ වැඩි කර ඇත්නම් ඇමරිකාවේ පාරිභෝගික අමාත්‍යන්සයට දන්නන. විහිළුවක් ගිය දුර..... ෂොරි හොඳේ....