ඔට්ටුව මාරුවීම - What's the bet

ලෝන් ගහල, හතර අතේ ණය වෙලා, අවුරුදු කෑවයි කියලා හිතන් උන්නට, අවුරුද්ද ඇවිත් අපිව කාලා ගිය එකයි කලේ. අප්ෂෙට් එකේ ඉන්න වෙලාවේ මට හිතුනා ජෝක් එකක් ලියලා දාන්න..සමහර විට අහලාත් ඇත. කියවලාත් ඇත. එහෙම කලින් අහලා තියෙනවනම් නොබැලුවාට අවුලක් නැත. අපේ පිරිමි කස්ටිය රජ කාළේ පටන් බොනවාය. ඒ කාළේ බිව්වේ කිතුල් රාය. ඔක්කෝම සජ්ජුරුවන්ට අයත්ය. පුරුතුගීසී ආවාට පස්සේ, අපේ අය බය නැතුව බොන්න පටන් ගත්හ. සුද්දගෙන් රේන්ද ලයිසොන් ලැබිච්චි පින්වතුන් අදටත් පට්ටම සල්ලි කාරයෝය. සැටලයිට් නෝනාගේ කාළයේ බේබද්දෝ වැහි වහින්න බෝ උනේය. එතුමිය කුමක් නොකලත් රට පුරා බාර් නම් දැම්මාය. ඒ එතුමියගේ ගුණ යහපත් කම නිසාමය. එයාගේ අම්මා මෙන්ම අපෙත් අම්මා උන, මැතිනිගේ කාළේනම් අපට අල බතල කන්න කියා එයාලා පොරින් කෑම කෑවේය. නමුත් සැටලයිට් නෝනා තනියෙන්නොබී, අපටත් බොන්න රට පුරා ඒවා ව්‍යාප්ත කලාය. නිවන් දැකීමට එතුමියට ඒ පිනම ඇත. එතෙක් උපදින සෑම ආතමයකම, ඇයට විස්කි ලැබේවායි පතමි.

දැන් මතට තිත තියලාය. ඒ උනාට කස්ටිය තිතට මත තබා යන නිසා ආධාර එකතු කරන කාකී පාට ඇඳුම් ඇඳ, සුදු මුට්ටි හිස දරා ගත් පිරිසක්, පාර පුරා වැහි වැහලාය. එයාලාට දෙන ආධාර වලින්, තව කිසි කරදරයක් නැතිව බාග්‍යවන්තයෙක් විය හැකිය. ආන්ඩුවට සල්ලි නැතිද කොහෙදය. මීට වඩා... හැම ලයිට් කණුවකම පින් කැට එල්ලා, "මහා භාන්ඩාගාරයේ පින් පෙට්ටිය" කියා බෝඩ් එකක් ගසා ආරක්ෂාවට කාකි මහත්තයෙක් දැම්මානම් අහවරය. හැබයි කාකී ඇඳුම නිරීක්ෂණයට කැමරාවක්ද හයි කල යුතුමය. මොකෝ බඩු ෂුවර් උනත් ජනතාව ෂුවර් නැත. මේ යෝජනා දැක, ලොක්කා මාතලන්ව ගවනර් කලොත් හෙම ඔහේලා කලබල නොවිය යුතුය.


මේක මේ බාර් එකක උන කතාවක්ය. ඔන්න හැඩි දැඩි තලත්තෑනී මහත්තයෙක් බාර් එකට ගොඩ උනේය. කවුන්ටරේ වෙත ගියපු මහත්තයාගේ නෙත එක වරම දිව ගියේ, මත් වතුර බෝතල් වලට නොව, බාර්මන් පිටුපසින් රාක්කයේ තිබූ වීදුරු බුලිය වෙතය. විශාල බුලියේ, තුනෙන් දෙකක් පමණ පිරෙන්නට රුපියල් 2000 කොල පිරී තිබුනේය.
"යකෝ... මෙතන මාර ගානක් ඇති නේ" කියා මහත්තයාට ඉබේටම කියවුනේය.
"ඔව් මහත්තයා සෑහෙන ගානක් තියෙනවා. දැන් නම් මගේ හිතේ කෝටියත් පැනලා ඇති."
"හ්ම්...හ්ම් ඒ බව පේනවා.. ඉතින් ඇයි ඔහොම සල්ලි ගොඩක් ඔතන පේන්න තියලා තියෙන්නේ."
"මෙහෙමයි මහත්තයා, අපේ තියෙනවා බෙට් එකක්, ඒකට තරඟ තුනක් තියෙනවා, ඒ තරඟ තුනම ජය ගත්තොත්, අපි ඕනම කෙනෙක්ට, ඒ තියෙන සල්ලියි, අළුත්ම කාරෙකකුත්, දෙනවා ගෙදර යන්න."
"හරි මොකක්ද ඔට්ටුව.....?"
"එහෙම කියන්නේ නෑ මහත්තයා... ඉස්සෙල්ලම රු. 2000 දෙන්න... ඊට පස්සේ තමයි ඔට්ටුව කියන්නේ"
"ආ මෙන්න 2000... දැන් ඉතින් කියනවකෝ.". බාර්මන් 2000 අරගෙන බුලියට දැම්මා.
"පළවෙනි එක තමයි, ගල් බෝතලයක් නීට්ම, කටේ තියාගෙන, විනාඩියක් ඇතුලත බොන්න ඕන. හැබයි වමනේ දාන්න, කාරලා කෙල ගහන්න. මුකුත්ම කරන්න බෑ"
"දෙවනි එක තමයි... බාර් එක පිටිපස්සෙ ඉන්නවා පට්ටි ගොනෙක්, ඌගේ දතක් නරක් වෙලා තියෙන්නේ. ඒ දත ගලවන්න ඕන. හැබයි අත් දෙක විතරක් පාවිච්ව් කරලා. බය වෙන්න දෙයක් නෑ ඌ හොඳට ගැට ගහලා තියෙන්නේ.."
"එතකොට තුන තමයි...., ආච්චි කෙනෙක් ඉන්නවා අවුරුදු 80 ක තාමත් කෙල්ල මොකෝ එයා කවදාවත් පිරිමියෙක් එක්ක නිදාගෙන නෑ. ඉතින් එයාගේ කන්‍යාබාවය නැති කරලා, එයාව සතුටු කරන්න ඕන".
"හහ්..... තමුසෙ හිතුවද මම මෝඩයෙක් කියලා... ? අරක්කු බෝතලයක් බොන්න,,, ඔච්චර පරිප්පුවක් කාලා... මෙන්න මේ මට දෙනවා ඩී ඩී 100 ක්..."
"ආ... ඒකට වෙනම සල්ලි ගෙවන්න වෙයි මහත්තයා... අරක ඉතින් බෙට් එකනේ"
පැයක් විතර යන කොට මහත්තය 100 ඒවා තව කීපයක් ඕඩර් කලා. ටික වෙලාවකින්, පොර කවුන්ටරේට ආවා.
"හරි.... කෝ... ගන්නවා තමුසෙගේ ගල් බෝතලේ,"
බාර් එකේ ඔක්කෝම වට උනා.. පොර ගත්තා අත් දෙකෙන්ම බෝතලේ, කඳුළු පෙරාගෙන බීගෙන බීගෙන ගියා. ඒත් කෑරූවේවත්, වමනේ දැම්මෙත් නෑ. වෙලාව තත්පර 58 යි. ඊළඟට පොර ගියා බාර් එකේ පිටිපස්සට, ගොනෙකුගේ විලාප හඬත්, මිනිසෙකුගේ කෑ ගැහිල්ලත්, මුසුවු දරුණු ගැටුමක සද්දයක් බාර් එකේ ඇතුලේ හිටපු කස්ටියට ඇහුනා. විනාඩි 10 කට විතර පස්සේ පුදුම නිශ්ශබ්දතාවයක් ආවා. මීට කලින්, එකෙකුට දෙදෙනෙකුට අත්වූ අවාසනාවන්ත සිඳුවීම, අදත් සිඳුවූ බව වටහාගත් අනෙක් කස්ටිය තමන් උන්නු තැන් වලට ගියා බොහොම දුකෙන්....
එහෙම ගියා විතරයි... මෙන්න මහත්තයා එනවා, ඇඳුම් ඉරාගෙන, ගොම ගාගෙන, ලේ පෙරාගෙන, තුවාලත් එක්ක, කලිසමේ සිප් එකත් උස්ස උස්ස වැනී වැනී
ආ.... තමුෂෙලා..... දැන්........ මට..... කී........න.....වා............
අර්........ර.... දත ගල.........වන්.......න ඕඥ ගෑඥී......
ඉන්ඥේ කොහේ........ද.......... කී........ලා.........

 අති විශේෂ (ගල්) - ට්යුබ් ලයිට් නම්, හෙමීට ආයෙත් කියවන්න..