දයාසිරි යයිද මෙයා....? - Hunger for power

දයාසිරි ගැන පෝස්ට් එකක්ම ලියන්න හිතාගෙන උන්නේ නැතිය. ඒත් මගේ ඡන්ද විමසීම් ගැජට් එක වැඩ කොරන්නේ නැතිය. ඒ නිසා දැන් ඉතින් පෝස්ට් එකකින් වත් ඒ ගැන විමසිය යුතුය. දයාසිරි හැන්ඩියාය. කැළණිය පැත්තේ රවුම් ගහන කාළේ ඉඳන් මම මෙයාව දන්නවාය. ඒ වගේම උගෙනුමටත් දස්සයාය. ලොක්කාට පස්සේ මම දැකපු නම්බර් වන් පී ආර් එකක්ය. මනමාල හිනාවෙන ඕන එකෙක් අල්ල ගන්නවාය. කැම්පස් එකේ ඉඳන් පටන් ගත්ත පොලිටික්ස් දියවන්නාවටම ගියේය. ජී ඇල් ගේ ගෝලයාය. දැන් ගුරා ආන්ඩුවේය. ගෝලයා විපස්සයේය.

දයාසිරි ෂෝ බිස්නස් එකේ උන්නේ පොලිටික්ස් වලට එන්නත් ඉස්සෙල්ලා හිටය. ඒත් පොලිටික්ස් වලට ආවාට පසු පරිනත පොලිටික්කෙක්ගේ තත්වයට ළඟා වීම ලෙහෙසි නැතිය. මීටින් වල සින්දු කියන එකෙක්වත් මට නම් පොලිටික්කන් නෙවේය. ගරුත්වය සම්පූර්ණයෙන් නැති කර ගන්නවාය. ඕන බයිලාවක් ගෙදර පාටියක කිව්වාට කමක් නැතිය. දයාසිරි වගේම සමහර වීට ඊටත් වඩා ලස්සනට ගී කියන උන් නොව ගායනා කරණ උන් ඉන්නවාය. මේ ලඟදි පංචායුදත්, කපුගේගේ ගීතයක් ගායනා කොලේය. දෙවන වටයට යැවිය හැකි වූවද, තත්වේ බාල වෙනවාය. පලු යන්න සුන්දන්ට නෙලලා, ඊට පස්සේ සිංදු කිව්වාම,. කස්ටියට කලින් කියපු බයිලේ අමතක වෙනවාය. මේවා විමලේගේ ප්‍රොපගැන්ඩා වලට හොඳ නැතිය. එතකොට සම හරක් දේශප්‍රේමියෝ බයිලා කියන්න ඉඩ නොදී කමෝන් සහෝ අමමෝ අම්මෝ කියන්න ඉඩ තියෙනවාය.

දයාසිරිට රනිල්ගෙන් සජිත්ටත් වඩා තැනක් තිබුනේය. දයාසිරිට විතරක් නෙමේය. බුද්ධිකට, සුජීව සේමසිංහිටත් එවන් තැනක් තිබුනේය. කොයි රටේ දේශපාලනේටත් මුකරි කමත් වාචාල කම්ත් අවශ්‍යමය. ඕන හරකෙක් මාට්ටු කර ගත හැක්කේ කතාවෙන්ය. ලොක්කා ළඟත් ඉන්න තරමක් ඉන්නේ වැඩ බැරි ටාසන්ලා උනාට. කතාවටනම් උපන් හපන්නුන්ය. කොච්චර බැන්නත්, මහින්දානන්ද, විජිතමුනි සොයිසා, රත්තරන්, පවිත්‍රලා ආවම අනික් එකා පොලොවට සමතලා කරලාම යනවාය. ජය මනයාට අවශ්‍ය ඒ වැඩේය. මේ ඡන්දෙට කරන්නෙත් ඒකමය. කාළගුනේ කෙසේ වෙතත් ජනතාව කළගුණ දන්නවා කියා ජනතාව ගොනාටම අන්දනවාය. ආධාර නුදුන්නත්. ආධාර පත්‍රිකා දෙනවාය. ජනතාව මේ පාරත් ගුලිය කනවාමය. මෙන්න කැට. මම ඕනම බෙට්ටක් දානවාය..

කියන්න ගිය මළදානේ අමතක උනේය. දැන් අලි පාටියේ කතා කොරන්න එකෙක් නැත්තේය. ඉන්නේ එකම එකාය ඒ මහියන්ගනේ හරීන්ද්‍ර ප්‍රනාන්දු විතරය. හර්ෂලා කොච්චර ලස්සනට කතා කොලත් ඒවා ජහ මනයාට දිරවන්නේ නැතිය. හරියට රනිල් කතා කොරනවා වගේය. සමහර උන් කුකුලන් කෙටවීම වලට ආවාම පල්ලියේ ස්වාමී කතා කොරනවා වගේය. ජයලත් එව්වාම. කොටියා කියපු ගමන් මල පනිනවාය. ඊට පස්සේ සංවාදේ ඉවරය. කොහොම හරි කරු එක්ක පැන්න එජාපේ දිදුලන තරු ටික ගියයින් පස්සේ අලි පාටියේ බැබලුනේ රෝසි, තලතා, බුද්ධික, සෙමසිංහ සහ දයාසිරි වගේ තරුය. මුන් ආවොත් තමන්ට කෙලවෙන බව දැනගත් තාත්තගේම පුතා වෙන සජිත් ඩබල් එකේම කරූද සමග කස්ටියටම ගේම දුන්නේය. අද පාටියෙන් මේ අයට මෝන ගේම ඇද්දත් වචනයක් වත් කියන්නේ සජිත් නෙමේය.

දයාසිරිලා නොදන්නේ මේ ඩබල් ගේම්ය. අද විජමූගේ පුතාත් කිංඩිය දානවාය. උන් කියන්නේ සල්ලිත් දීලා එන්න යනවා. ගන්නේ නෑ කියාය. මීටිමක කතා කොරන්නවත් දෙන්නේ නැතිය. කතා කොරන එකෙත් අඬනවාය. කලබල නොවි, නිවිහැහිල්ලේ උන්නානම් අදටත් දයාසිරි පොරක්ය. අම්පාරේ දයා පෙරහරේ යන අලියා බව දැන දැනම ඌ එක්ක හැප්පෙන්න ගියේය. එතනින් නාගත්තේය. අද එක අත්තක් වත් නැත්තේය. මහපාරේදි වගේම පොලිටික්ස් වලදීත් හයි ස්පීඩ් හොඳ නැතිය. එක දිගට වාහන පේලියක්ම ඕවටේක් කරන්න හොඳ නැතිය. ඉදිරිය පැහැදිලිනම් පමණක් සිග්නල් දමා හෝන් ගසා ඉදිරියෙන් යන රථය පසු කර යා යුතුය. මෙහෙම හයි ඉස්පීඩ් ගිය එක්කෙනෙක් අන්තිමේදී නැවතුනේ මහ උළු ගෙදරය. ඒ හඟුරන්කෙත සුදු බන්ඩා මහතාය. අද යන යන තැන නානවාය.

දේශපාලනයේදි, කට්ට කම්, මුඛරි කම්, වෙට්ට පිත්තල කම්, වගේම ඩබල් ගේම් සහ ඉවසීමත් ප්‍රගුණ කළ යුතුමය. එහෙම යන එකා ලේසියෙන් වට්ටන්න බැරිය. අනික් ජොබ් වගේම මේකෙත් ඇක්ස්පීරීයන්ස් කියන් එක සෑහෙන බලපානවාය. හොඳම උදාහරනේ රටේ ලොක්කාය. දැන් නම් අලි පාටියේ ගොඩ එන එක අමාරුයි වගේය. ඒ මොකෝ දැන් ඉන්නේ ඉස්සර රනිල් නෙමේය. ලොක්ක එක්ක කෝපි බොන රනිල්ය. ඒ නිසා මෙහේ කිච වෙන්නේ නැතිව. යන එක හොඳය. ඇමතිකන් කෙසේ වෙතත් වටේ ඉන්න උන් ටිකවත් ගොඩ යනවාය. ඒ වගත් මෙසේය....