අයියෝ සිරිසේන, පටිසන් දීම් හා රනිල් භීතීකාව - I O Sirisena, EAHR and Ranil Phobia

අපේ ආච්චි, අපි පොඩි කාළේ, අපිවයි, අහල පහල ලපයි සිපයි ඔක්කෝම ළඟින් තියාගෙන, සීනී දවටපු දෙල් බැදපුවත් බෙද බෙද, කතන්දර කියලා දෙනවාය. (දැන් කතන්දර කියලා දෙන්නේ කතන්දර සූරීන්ය.) ඒකට දැන් කාළේ ආච්ච්ලා, පොඩි එකාට සුපර් මෑන් ගැනයි, බැට් මෑන් ගැනයි කියන්න කිය කියා, පොඩි එකාගේ බිස්කට් එකට කෙලිනවාය. (ඇඩ් එකක් ගියා මතක නැතුව ඇති.) රජ කතා, සුරංගනා කතා, ජාතක කතා, ගැමි කතා ඔක්කටම වඩා ආච්චි කැමති බන කතා කියලා දෙන්නය. ඉස්සර කාළේ දැන් වගේ පැය 24 ම බන කිව්වේ නැතිය. බනක් තිබුනත් නිකන් මඟුලක් වගේය. ලවුස්පීකර් ගස් බඳිනවාය. ගමටම කියනවාය. ඊට පස්සේ කොටිකාවත්තේ සද්ධාතිස්ස සාධු හරි මාදුළුවාවේ සෝභිත සාධු හරි එනවාය. කන පැලෙන්න හිත පිරෙන්න දෙනවාය. කොටිකාවත්තේ සද්ධාතිස්ස සාධු නම් සහෝදරයන් විසින් අපවත් කළේය.

ඊට අමතරව දැවමොට්ටාවේ අමරවංසලත් වඩිනවාය. ඒ බන කියන්න නෙමේය. මැතිනිගේ හම අරින්නය. ඒ කාළේත් දේශපාලන සාධුලා සිටියේය. ආච්චි කිව්වත් සාධුලා දෙසුවත් බනට කිව්වේ බොරු කියන එක හොඳ නෑ කියලාය. කේලාම් කියන එක හොඳ නෑ කියලාය, පරුෂ වචන කියන එක හොඳ නෑ කියලාය. එහෙම කියන අය අපායේ යනවාය. එහේ ගියාම ළෝ දිය කටේ වක්කරනවාය. එහෙම කියන කොට අපි බය වෙනවාය. දැන් නම් ගානක් නැතිය. බැරිවෙලාවත් යන්න උනොත් සැන්ඩි ටිකක් වැඩියෙන් දාලා දෙන්න කියලා යමයන්ට ටිප් එකක් දුන්නාම වැඩේ ගොඩය. මේ දවස්වල කේලාම් කේස් එකක් යනවාය. ගේම ඇද්දේ ඩෙංගු සිරිසේනය. ඒ ගාමිනිට අගේන්ස්ට් රනිල් කේලාම් කිව්වා කියලාය. එතකොට එයා අපිට කියන්නේද කේලමක්ය. දැන් ඒක අහපු ගාමිනිගේ පුතා කියන්නේ රනිල්ට ආනන්තරීය පාප කර්මේ පටිසන් දීලයි කියලාය. ඒ උනාට බනේ නම් එහෙම එකක් නැතිය.

සිරිසේන බය වෙලා තියෙන්නේ නිකන් නෙමේය. 94 ඉඳන් කොරපු දෙයක් නැත්තේය. ගාමිනි කරපු මිනිස්ට්‍රි එකත් කෙරුවේය. ගාමිනි රටටම වතුර දුන්නේය. මෙයා වතුර කානුවක්වත් කැපුවේ නැතිය. ඔන්න ඔය කොහේදෝ ඔක්කෝටම වඩා ලොකු එකක් පටන් ගත්තත් මුල් ගල විතරය. ඇලක් දිගේ වතුර එන්නේ නෑ කියලා ගොයියෝ ඇවිත් මූනටම හූ කියලා ගියේ මේ මෑතකය. ඔය ව්යලි කලාපේ ජහ මනයෝ සහ ගොයියෝ දුෂ්ඨ ගාමිනීට වගේම මහවැලි ගාමිනිටත් ආදරේය. චන්ද ලයිස්තුවක්වත් හදා ගන්න බැරි මදුරුවෙක්වත්  මරා ගන්න බැරි, කියන්න කරපු දේකුත් නැති නිසා, ජාම බේර ගන්න මේ පරණ කේස් ඇදලා ගන්නවාය.

අලි පාටියෙ පොඩි උන් කියන්නේ මෙයත් ඒ වගේමයි කියලාය. කේලාම් කියන එක කොයි ජොබ් එකෙත් තියෙනවාය. ජොබ් වලින් ජරාම එකත් පොලිටික්ස්ය. ඩර්ටි පොලිටික්ස් කියන්නේ කට කහනවාට නෙමේය. එහෙම එකේ මේවා මාර සීන් නෙමේය. ගාමිනි දිනවිල්ල කෙසේ වෙතත්. මහින්ද දිනවන්න මේ එකෙක්වත් එදා උන්නේ නැතිය. හිටියෙ ජෙප්පෝ සහ හෙළ උරුමේ සාධුලා ටිකය. මෙයාලා පේන්නවත් හිටියේ නැතිය. සැටලයිට් ගාව උන්න ගෝලයෝ ඔක්කෝම සප් එක දුන්නේ රනිල්ටය. එහේ කේලම් ඔක්කෝම රනිල්ගේ කනේ තිබ්බේය. ඒ මේ ගේමේ හැටිය. අදටත් ලොක්කාට කේස් එකක් එනකොට මෙයාලා සද්දේ වහනවාය. හෙමීට හීන් නූල් අදිනවාය. අදත් ලොක්කා බේරගන්න එන්නේ සහෝදර සමාගමයි, අරගෙන හදා ගන්න පුතයි, ලයිට් කණුවයි විතරය. අනිත් අයගේ ලයිට් ගිහිල්ලාය. ලැකේ පුයිට් දාගෙන බහේ ඔලන් ඉන්නවාය.

රනිල්ට පල දීපූ කරුමයක් නැත්තේය. ඉන්න වාසනාවන්තම පොලිටික්කා රනිල්ය. ඔය සිරිපාලලාට වඩා නවීන්ලාට වඩා, ලොක්කා රනිල්ට සලකනවාය. ගරුකරනවාය. රනිල්ට කවුරුත් බය පන්ති ප්‍රශ්නේ නිසාය. ඒ උනාට ඔය 56 පුත්තුන්ට, ජේ ආර්ගේ පුත්තුන්ට වඩා ඒ පංතිය මටනම් හොඳය, නැගී එන අලි ටිකත් කම්බස් කරලා, පාර ගොඳට හදාගත්ත පුංචි ප්‍රේමදාසත්, දැන් ගේම අත ඇරලා කියන්නේ, මම "කවදාහරි" මේ රටේ ලොක්කා වෙනවා කියලාය. ඒ උනාට කලින් තිබුනේ, හෙට බලේ ගන්න අලි ගායක්ය. මහ ලොකුවට මහත්මා දේශපාලනේ කොරනවයි කිව්වට, තියෙන්නේ බලේ ගන්න කෑදර කමක් මිස වෙන මොකවත් නෙමේය. රනිල්ගේ පටිසන් දීම කෙසේ වෙතත්, නවීන් දන්නේ නැති උනාට ප්‍රේමදාස ජනාධිපතිට ඉල්ලන කොට ගාමීනීලා, ඇතුලත්මුදලාලිලා, හිටියේ මැතිනිගේ පැත්තේය. ගාමිනිලා ඉන්නේ මගෙත් එක්ක කියා මැතිනි ඒ දවස්වල හැම මීටීමේ කිව්වා නවීන්ට මතක නැති උනාට අපිට මතකය. එතකොට නවීන්ලයි තාත්තාට පටිසන් දුන්නේ ඒ අකුසල කර්මේ වෙන්නැතිය. තාත්තාට විතරක් නෙමෙයි මාමාට (කරූ) පල දුන්නේත් එකම විය හැකිය. ඒ වගත් මෙසේය........