පට්ට සිනමා විචාර - Funny Film Critics

සඳ ලංකාවේ, පිස්සු හැදෙන සඳ සිනමා ශාලාවේ, අති සාර්ථක ලෙස බොක්ස් ඔෆීස් වාර්ථා තැබු, "ද ඇටෑක් ඔන් ද හොටෙල් කොරිඩෝ" ක්‍රියාදාම චිත්‍රපටයෙන් පසු, දැන් තිරගතවනුයේ සම්භාව්‍ය ගනයේ චිත්‍රපටයක් වන. "අයි ප්ලෑන් ද ඇටෑක්" නම් චිත්‍රපටයයි. මෙහි නිෂ්පාදනය බටහිර තානාපති කාර්යාලයකින් වන අතර, සම අධ්‍යක්ෂණය බට් හිර් කුමණ්ත්‍රන් නම් සුප්‍රසිද්ධ අධ්‍යක්ෂකවරායා යටතේ දේෂ් ද්‍රෝහි නම් අධ්‍යක්ෂකවරයා විසිනි. රැගුම් පාලක මණ්ඩලයේ ඇනුමැතිය ඇතිව තිරගත වූවක් වූවද, ප්‍රදර්ෂනයට පෙර නැවත සංස්කරණයකට ලක් කොට ඇති බව පෙනේ.

කේසේ වූවද, "ඕල්වේස් රනර්ස් අප්" චිත්‍රපටය තිරගත වූ දිනයෙම, ප්‍රදර්ශනය වූ මෙම චිත්‍රපටය, සමාජයේ කතා බහට හා විචාරකයින්ගේ විචාරයට හසුවී තිබේ. ප්‍රධාන චරිතය, සැබෑ ලෝකයේ රඟපාන ජනතාව, චිත්‍රපටයේ පෝස්ටර් ප්‍රචාරය කරමින්, එහි ඇතුලත් නොවන දර්ශන පවා (මිනී පෙට්ටි හා මල් වඩම්) රඟ දක්වමින් කරන්නාවූ, ප්‍රචාරක කටයුතු සිනමාවට කරන්නාවූ අකටයුත්තක්ම බව පෙන්වා දීය යුතුමය. එමගින් ඔවුන් රටේ බුද්ධිමත් ජනතාවගේ අයිතිවාසිකම් එක එල්ලේම උල්ලංගනය කරන්නේය.

අනෙක් චිත්‍රපටවල මෙන් නොව, මෙහි කතාව සිකුරාදා පුවත් පත්වල පලකිරීම චිත්‍රපටයේ කතාවේ කුතුහලය අඩු කරන්නකි. සම අධ්‍යක්ෂකවරයාගේ එම ප්‍රයත්නය නින්දා සහගතය. එයින් සිඳුවූයේ ච්ත්‍රපටයේ කතාව ප්‍රේක්ෂකයින් කලින්ම දැන ගැනීමයි. අනෙක සම්භාව්‍ය ගනයේ චිත්‍රපටයක් වූවද මෙහි ප්‍රධාන නලුවාගේ රඟපෑම් තාත්වික මට්ටමක නොපවති. මන්ද ශරීර ආරක්ෂකයින් සපයා තිබියදීම, බිරිඳ හා දරුවා සමග ආරක්ෂකයින් නොමැතිව ගමන් කිරීම, තම දරුවාගේ ජයග්‍රහණය වෙනුවෙන් ක්‍රීඩා මණ්ඩපයේ රැදී නොසිට ඉල්ලාගෙන කෑමට පැමිණීම, ප්‍රේක්ෂකයා සිනහ ගන්වන කාරණයකි.

සටන් ජවනිකාද අසාර්ථකය. පිස්තෝලයක් රැගෙන පැමිනෙන තැනැත්තා, එයින් කරන්නාවූ කාර්ය නොදැන සිටීම එම නලුවාගේ හා සහාය අධ්‍යක්ෂකවරයාගේ නොදැනුවත් කම ප්‍රකට කරයි. මෙහිදි කළා අධ්‍යක්ෂකද අසාර්ථක බව පෙනේ. රූගත කිරීමේදී සුදුසු ස්ථානයක් තෝරා නොගැනීම, සටන් ජවනිකා මැදට, රූපගතකිරීම් නරඹන පිරිස් කඩා වැදීම මෙන්ම ප්‍රධාන චරිතයේ දුරකථනය පවා ඉතා අඩු වටිනාකමකින් යුත් දුරකථනයක් භාවිතා කිරීම ආදි කටයුතු සංස්කරනයෙන්ද ඉවත් නොවීම චිත්‍රපටයේ රසාස්වාදයට බාධා පමුණුවයි.

තවත් පිලිගත නොහැකි කාරණයක් නම්, පොලිසීය මගින් ප්‍රධාන නළුවා රෝහල වෙත රැගෙන යාමයි. තද බල මැර ප්‍රහාරයක් බව, ප්‍රේක්ෂකයාට ඒත්තු ගන්වන්නට තැත් කලද, වේෂ නිරූපන ශිල්පියාගේ නොපැමිනීම හෝ වේශ නිරූපන ශිල්පියෙක් නොමැතීවීම ප්‍රේක්ෂකයාගේ කුතුහලයක් බවට පත් කිරීමට ගන්නා උත්සාහය අසාර්ථක වන්නේ ඊළඟ ජවනිකාවේ ප්‍රධාන නළුවා මෙළෝ රහක් නැතුව ගෙදර යන්නා වූ බැවිනි. මෙවන් චිත්‍රපටවල ගරු රඟපෑම් ඉතිරිපත් කරන්නාවූ. දොස්තර බවලත් බලවර්ධන, ආවොත් කරූ, පච භාහූ, ජන රාල යන අයගේ රඟපෑම් ඉතා උසස් මට්ටමක තිබුනු බව කිව යුතුය. නවක නලුවකු වන අම්පාරේ දයාගේ චරිතය සුළු චරිතයක් වුවද ඔහුගේ දෙබස් චිත්‍රපටයට ආළෝකයකි.

කෙසේ වූවද, සමස්තයක් ලෙස ගත් කල මේය අසාර්ථක නිර්මානයක් බව කිව යුතුමය. නිෂ්පාදකයන්ගේ පරමාර්තය ඉටු කිරීමට නොහැකිවූ අධ්‍යක්ෂකවරුන්, තිර රචකයා, සටන් අධ්‍යක්ෂකවරයා, කළා අධ්‍යක්ෂකවරයා, ස්ට්න්ට් මාස්ටර්ස්, සටන් නළුවන්, ප්‍රධාන නලුවා, ගීත, ප්‍රචාරක කටයුතු යන සියල්ලම අසමත් මෑතකදි තිරගතවූ කතාවක් නොමැති, ප්‍රේක්ෂකයා අතරමං කරන ඔවුන්ගේ අපේක්ෂාවන් සුනු විසුනු කරන, බොළඳ නිර්මානයක් බව නොකියා සිටිය නොහැක. මෙවන් චිත්‍රපට සඳහා අනුමැතිය ලබා දෙන රැඟුම් පාලක මණ්ඩලය. අධ්‍යක්ෂකවරුන් මීට වඩා දැණුවත් කිරීමේ පාඨමාළාවක් ආරම්බ කළ යුතු කාළය පැමින ඇත. චිත්‍රපට නිෂ්පාදනය ආරම්බ කිරීමට පෙර තිර පිටපත සඳහා, අනුමැතියක් ලබා ගැනීමේ වැඩ පිලිවෙලක් දැන්වත් ආරම්බ කළ යුතුය.

සම්මානලාභී චිත්‍රපට විචාරක
ෆිල්ම් ක්‍රිටික්ස් සම්මාන ලාභී බිමල් ධීරවංශ