බර්ලින් පවුර බිඳවැටීම - End of The Cold War

බර්ලිනයේ ලෙනින් ප්‍රතිමාව ඉවත් කිරීම...

"හැරල්ඩ් මැක්මිලන්" කියන බ්‍රිතාන්‍ය ජාතික අගමැති තුමා, 1960 දී ළෝකප්‍රසිද්ධ කතාවක් පවත්වනවා "වින්ඩ්ස් ඔෆ් චේන්ජ්" (Winds of Change) කියලා, මේක අපේ භාෂාවෙන් නම් "නැවුම් සුළඟක්" එහෙම නැත්නම් "වෙනස් සුළඟක්" ලෙස හඳුන්වන්න පුළුවන්. ඒ කතාව ඔහු කළේ දකුණු අප්‍රිකාවේ පාර්ලිමේන්තුවේ. අප්‍රිකානූ මහද්වීපයේ රටවල් විශාල ප්‍රමාණයක් මහා බ්‍රිතාන්‍යයේ යටත් විජිත වශයෙනුයි පැවතුනේ ඒ කාළේත්. ඔහු මේ කතාවෙන් අප්‍රිකානූ රටවලට ළඟදීම නිදහස ලැබෙන බවටත්, ඔවුනට නිදහස ලැබිය යුතු බවත් කිව්වා. (අවශ්‍ය කෙනෙක් සම්පූර්ණ කතාව මෙතනින් බලන්න.)

මේ ගීය ලියපු "ක්ලාඋස් මයීන්" (Klaus Meine) ගේ හිතට සමහර විට මේ කතාව මතක් වෙන්න ඇති. මේ ගීතය ලිව්වා වගේම, ගායනය හා සංගීතයත් ඔහුගෙන්මයි. ඔහු 1989 දී රුසියාවේ සංචාරයකට සහබාගිවනවා. ඒ වෙලාවේ ඔහු දකිනවා, රුසියාව "ගොර්බචොව්" යටතේ සීඝ්‍රයෙන් වෙනස් වන අපූරූව. එය තමයි ඔහු වචන වලට පෙරලන්නේ. මේ පෙරලියට කිව්වේ කෝල්ඩ් වෝ (Cold War) කියලා. එහෙම නැත්නම් "සීතල යුද්ධය". ළොව පුරා සිටි බලවන්තයින් දෙදෙනෙකුගෙන්, සාධාරණ සමාජය (පේටන්ට් - අරුණි ශපිරෝ) බිහිකරන්න ගියපු බලවන්තයගෙ අවසානය. එහෙම නැත්නම් ඒ සාධාරණ සමාජය ගැන කළකිරුණ ජනතාවගේ නැගී සිටීම. ඒ නිසාම මේ ගීතයේ රුසියාවේ තියෙන දර්ශනීය ස්ථාන වන, මොස්කව් නඟරය මැදින් ගලා බස්නා සුන්දර "මොස්ක්වා" (Mozkva) නදිය, "ගෝර්කී පාක්" (Gorky Park) නම් උද්‍යානය ගැන මෙන්ම, ඔවුන්ගේ සම්ප්‍රදායික වාදන භාන්ඩයක් වන "බලලයිකාව" (Balalaika) ගැනත් ගීතයේ සඳහන් වනවා

බර්ලීන් තාප්පය බිඳහෙලා..

ක්ලාඋස් මයීන්ලගේ බෑන්ඩ් එකේ නම "ස්කෝපියන්ස්" (Scorpions), ඒ කියන්නේ "ගෝනුස්සෝ", ගෝනුස්සා මටත් සම්බන්ධයක් තියෙන නිසාද දන්නේ නෑ, මම මේ කන්ඩායමට හා ක්ලාඋස් ගේ කටහඬට පුදුම ආදරයක් දක්වන්නේ. මේක ජර්මානූ "හාඩ් රොක්" (Hard Rock) බෑන්ඩ් එකක්. 1965 දී "ලීඩ් ගිටාර්" එක ගහන "රුඩෝල්ෆ්",  කන්ඩායම පටන් ගන්නේ. මේ ගීතය නිසා ඔවුන් මුළු ළෝකයේම ජනප්‍රිය වනවා. ගීතය ආරම්බයෙම, "ලීඩ් ගිටාර්" වාදනයත් සමග මුසුව එන "විසිල්" එක, එහෙම නැත්නම් "උරුවම් බෑ"ම, ළෝක ප්‍රසිද්ධයි. අදටත් ජර්මනියේ වැඩිම මුදලක් හොයපු ගායක කන්ඩායම සතු වාර්ථාව ඔවුන් සතුයි. ගීතය ජර්මනියේ ජනප්‍රිය වීමට හේතුව නම්, බර්ලින් පවුර බිඳහෙලීමේ සංකේතාත්මක ගීය ලෙස, මෙම ගීතය පත්වීමයි. සාධාරණ සමාජයන් තිබු රටවලින්, ඉහළම මට්ටමේ තිබුන රට තමයි "නැගෙනහිර ජර්මනිය". නමුත් ඔවුනට "බටහිර ජර්මානුවන්ට" මෙන් නිදහසක් තිබුනේ නෑ. "බර්ලීන් තාප්පය" බිඳහෙලා එකසත් ජර්මනියක් බිහි වූයේ 1990 දීයි. මේ ගීයෙන් කියවෙන්නේ මේ වගේ දෙයක්....

මැද තිබෙන්නේ බලලයිකාවකි

මේ සුන්දර වසන්ත රාත්‍රියේ..

උකුසු ඇස් ඇති සොල්දාදුවන්ගෙන්ද,  

"මොක්ස්වා" නදියේ ඉවුර දිගේද ,

"ගෝර්කී" උද්‍යානයෙන්ද, 

ඇදී එනුයේ ඒ "නැවුම් මදනළයි"....

ලං වේයැයි ළොව මෙතරම්...,

සොයුරන් වෙතයි කිසිදින...,

සිතුනාද..., සිහිනෙකින්වත්...?

එහෙත් මේ නැවුම් මඳනල ..

කෑ ගසා කියන්නේ..

සොඳුරුවූ ඉදිරියකි.....!!!

අමිහිරිවූ අතීතය..

සිතින් ඉවතට දමා...
පොඩි එවුන් නිදන කල...

වෙනස් වූ සිහිණ නොව...

එකම එක සිහිණයක්...!!!

ගෙනෙයි මේ නැවුම් මඳනළ... 

කාළයේ මුහුන මත,

නැවුම් මඳනළ පතිත....

නිදහසේ සීනූ රාවය,

නගනු මැන වී මාරුතය...

එනු සොයුරා මා සමග...

ගිටාරය වයන්නට,

ඔබේ "බලලයිකාවද" රැගෙන....!!!

.oOo.

ගීතය මෙතනින් අසා විඳින්න... පදවැල පහලින් ඇත

Scorpions - Wind of change

Powered by mp3skull.com f

I follow the Moskva
Down to Gorky Park
Listening to the wind of change
An August summer night
Soldiers passing by
Listening to the wind of change

The world is closing in
Did you ever think
That we could be so close, like brothers
The future's in the air
I can feel it everywhere
Blowing with the wind of change

Take me to the magic of the moment
On a glory night
Where the children of tomorrow dream away
in the wind of change

Walking down the street
Distant memories
Are buried in the past forever
I follow the Moskva
Down to Gorky Park
Listening to the wind of change

Take me to the magic of the moment
On a glory night
Where the children of tomorrow share their dreams
With you and me
Take me to the magic of the moment
On a glory night
Where the children of tomorrow dream away
in the wind of change

The wind of change
Blows straight into the face of time
Like a stormwind that will ring the freedom bell
For peace of mind
Let your balalaika sing
What my guitar wants to say

Take me to the magic of the moment
On a glory night
Where the children of tomorrow share their dreams
With you and me
Take me to the magic of the moment
On a glory night
Where the children of tomorrow dream away
in the wind of change 

මේ තමයි වීඩීයෝව....

f

මේ වීඩීයෝව විශේෂයි.. හේතුව මේ ගීය ගායනා කරන්නේ, "මිහායෙල් ගොර්බචොව්ගේ ", 80 වන උපන් දිනය සැමරුම සඳහා ලන්ඩනයේ ශාලාවක. නමුත් විශේෂය එය නොවේ.... නරඹාම වටහා ගන්න, මේ වගේ දෙයක් අපේ රටේ වෙයි කියලා, හීනෙන්වත් හිතන්න පුළුවන්ද....?

ප: ලි:
මේ ගීතයේ ඔරිජිනල් හඬටම සමාන හඬක් තිබෙන ගායකයෙක්, අපේ රටෙත් ඉන්නවා. ඔහු ඒ කාළයේ, මේ ගීය මේ ආකාරයටම ගායනා කළා. අදටත් සිංහල ගීත අහන රසිකයන් අතරෙත් ජනප්‍රියයි. බලන්න උත්සාහ කරන්න.