කළු පෙට්ටිය (16+) - Black Box (16+)

මේක පට්ට පරණ ජෝක් එකක්. කතන්දෙරේ මතක් උනේ, කොටියා පවර්ෆුල් කාළේ, ගහල වට්ටපු ඇන්ටනොව් එකක් ගොඩ දාන්න, හෙන මෙහෙයුමක් යන නිසා. සමහර උන් නම් කියන්නේ, මාතලේ වලට කේස් එකක් තියෙනවය, ඒක කවර් කරන්නෙයි මේ උතුරෙ බීච් එක එකසිය ගානට හාරන්නෙ කියලා. වල් කොල්ලෝ ඉතින් මොනවටද කතා හදන්නෙ නැත්තේ. ඔය වල් කොල්ලො වගේම සෙට් එකක් තමයි ජෙප්පොත්. උනුත් මේ කන්න බොන්න විදියක් නැතුව ඉන්න කාළේ, මාතලේ වලක් ගැන කතා කරනවා. අනේ මන්දා අර කව්ද කිව්වා වගේ මේවා ආන්ඩුවේම කොන්ත්‍රාත්තුද කියලා.

සාමාන්‍යයෙන්, ඇරොප්ලේන් එකක් අක්සිඩන්ට් උනාම බස් එකක් හැප්පුනා වගේ නෙමෙයිනේ, මුළු ළෝකෙටම නිව්ස් එකක් වෙනවා. අපේ ඇන්ටන් ජෝන්ස් මහත්තයා ගායනා කොරන, කන්දේ හැපුන මහ වනන්තරේ සින්දුවෙනුත් කියන්නෙ, "මස්කෙලිය ගුවන් අණතුර" ගැන සම්පූර්ණ කතාවනේ. බොහොම කනගාටූදායක සිද්දියක් උනාට. අපි උනත් එයා කතාව කියන කොට නටනවා. ඒක ගැන වෙනම විවාදෙකුත් ගියා කාලයක්. ඔය ඇන්ටනොව් කතාවත් කාළයක් බොහොම දරුණු කේස් එකක් උනා. දෙමළ සිංහල බේදයක් නැතුව, අපේ උන් සෑහෙන ගානක් මැරුණා. මම හිතන හැටියට, අපේ තිබුන ඇන්ටනොව් ඔක්කෝටම වගේ ගේම දුන්නම තමයි, අපේ පයිලට්ලා දාලා හෙනෙ ඔපරේෂන් එකකින් පලාලි වලට ප්ලේන් බෑවේ. දැන් ඉති අපේ අයට ඕවා අමතකයි.

පස්සෙ පස්සෙ, කුරුම්බැට්ටි මැශින් වලින් ඇවිත් කොටියා කොළඹටම ගහලා ගියා. යුද්දෙ ඉවරවෙන්න සතියකට දෙකකට ඉස්සෙල්ලා, අන්තිම කුරුම්බැට්ටි දෙකත් කොළඹට ඇවිත්, ටාගට් මිස් වෙලා ආදායම් බදු දෙපාර්තුමේන්තුවට කෙලියා. අනික කටුනායකදි වෙඩිත් කාගෙන කඩාගෙන වැටුනා. කොහොම හරි අපේ අයගෙ වැඩ කියන්නේ, ඔය ආදායම් බදු දෙපාර්තමේන්තුව රෙපයාර් කලාට, ඊට එහා පැත්තෙ තියෙන පීපල්ස් බෑන්ක් එක ගැන පොඩ්ඩක් වත් හොයලා බැලුවෙ නෑ. ඒත් පස්සෙ කාලෙක ඕකේ කොන්ක්‍රීට් කෑල්ලක් කඩාගෙන වැටිලා. මනුස්සයෙක් මැරුණා. ඒත් එකෙකුටවත් ඕකට හේතුව නම් මතක් උනේ නෑ. අපේ මතකෙ සති දෙකයිනේ.

කතන්දරේ මේකයි. ඔන්න අපේ කෙල්ලො තුන් දෙනෙක් යනවලු අප්‍රිකාවේ ටුවර් එකකට. දැන් සල්ලි තියෙන අය සෆාරී යන්නෙ එහේනේ. යාල යන්නෙ නෑ. තුන් දෙනා හොඳ යාළුවෝලු. එක්කෙනෙක් දෙමළ, එක්කෙනෙක් බර්ගර්, අනික් කෙනා ඔරිජිනල් සිංහල, බොදු, ගොවි, උගත්, වැදගත්, වංශවත්, නෑදෑයින් පිටරට සිටින, කෑල්ලක්. දැන් අප්‍රිකාවේ කැලෑවක් උඩින් යන ගමන්. පයිලට් එනවුන්ස්මන්ට් එකක් දුන්නළු, 

"කියන්න කනගාටුයි...., තව ටික වෙලාවකින් ප්ලේන් එක කඩාගෙන වැටෙන්නයි යන්නෙ.." කියලා.

දෙමළ කෙල්ලො මීටරනේ... ඒකි ටක් ගාලා, බෑග් එකේ තිබුන දඹ රත්තරන් තැලි පිලි, මාල වළුලු, මුදු කරාබූ, ඔක්කෝම දඩි බිඩි ගාලා පැලඳගත්තලු, අනිත් දෙන්නම ඇහුවලු 

"ඇයි අනේ.... ඔයා ඔහොම කළේ....? " කියලා.

එතකොට අරයා කියනවලු "ඔය අප්‍රිකාවේ උන් හරි ආසයි රත්තරන් වලට... ඉතින් උන් මම රතරන් පෙරවගෙන ඉන්නවා දැක්ක ගමන්, මාව තමයි ඉස්සෙල්ලම බේර ගන්නෙ" කියලා.

ඒක ඇහුවා විතරලු බර්ගර් කෙල්ල, "ටී' එකයි "බ්‍රා" එකයි දේකම ගලවලා දාලා.. ටොප්ලස් උනාලු ප්ලේන් එකේම උන් ෆුල් හොල්මන්ලු අනික් උන් දෙන්නා ඇහුවලු 

"ඊයා අනේ.... මොකක්ද ඔයා මේ කලේ...? කියලා.

එතකොට අරයා කියනවලු.. "ඔය ඇෆ්‍රිකන් උන් නම්බර් වන් බඩු කාරයෝ, සුද්දියන්ට මාර කැමතියි, මාව දැකපු ගමන්, ඔක්කෝම ඉඳිද්දි, මාව තමයි බේර ගන්නේ...." කියලා.

මේක අහපු ටට්ට කළු අපේ කෙල්ල කරපු වැඩේ, ගවුම අස්සට අත දාලා, ඇඳගෙන හිටපු තැඹිලි පාට පෑන්ටිය ගලවලා විසි කලාලු. අනික් උන් දෙන්නා ඇහුවලු 

"මොකක්ද අනේ..... ඔයා කල තේරුමක් නැති වැඩේ.....?" කියලා.

ඒකී කියනවලු... "ඔයාලා මොනවද අනේ දන්නේ....? ප්ලේන් එකක් කඩාගෙන වැටුන ගමන්..... ඔය හැමෝටම ඉස්සෙල්ලා හොයන්නෙ "කළු පෙට්ටිය" අනේ...."

-x-

ප: ලි:
අපේ උන් දන්න තරම තමයි.. අපරාදේ තැඹිලි පාට පෑන්ටිය ගලවලා විසි කලේ, කළු පෙට්ටිය කිව්වට ඇත්තටම ඒක තැඹිලි පාටයි අනේ.....

Black Box