2013 ඔහේට කොහොමෙයි...? - New Year Wishes

වසරක් ගෙවි වසරක් උදාවෙමින් තිබෙන්නේය. කස්ටිය සුභ පතා ගත්ත ගමන්ය. මොකෝ ආන්ඩුව කියන්නෙත් සුබ අනාගතයක් කියාය. එහෙම එකක්නම් පෙනෙන තෙක් මානයකනම් නැතිය. මා කියන්නේ, සාමාන්‍ය ජනයා ගැනය. සමහර විට එයාලා කියනවා ඇත්තේ, එයාලාට "සුභ අනාගතයක්" කියා වෙන්ට ඇතිය. එහෙම දෙයක් නම්, සමාව භාජනයකට දා, පත අට එකට සිඳවා, හත්තටගේට දුන්නාට අපේ අමනාපයක් නැතිය. මනාපයකුත් නැතිය. සාමාන්නිය ජනයාට, ඒ කියන්නේ අපි වගේ අයට නම්, ගිය වසර අඤ්ඤකොරොස් වසරක්ම විය.

ලබන්නාවූ වසරත් එයින්ම එකක් වෙන බව කේන්දර නොබලාම කිව හැකිය. අනිවා ගෑස් ගනන් යනවාමය. එයාලා ඒකට පොර්මිට් එක දෙනකන් බලා ඉන්නවාය. කරන්ට් ඇමති බාල තෙලාගේ පලු අරින්නේ හොඳකට නොවේය. එයා බාල තෙලාගේ පලු ඇරලා අහක්ක වෙන්නත් කලින්, ලයිට් බිලට කෙලිනවාය. ඔය දෙන්නේ රෙඩ් නෝටිස්ය. නිව් ඉයර් විස් එක බිලත් එක්ක එනවාය. එතකොට අපි ඇමතිතුමාටයි, එයාගේ අම්මාටයි කැපි නිව් ඉයර් එකක් වේවා කියා විස් කොරනවාය. එහෙම විස් කොරාම එයාලාට උතුරනවාය. අපරාදේ කියන්නෙ ලොක්කාත් මට ගිය අවුරුද්දේ විස් කොරලා ඇස් ඇම් ඇස් එකක් එව්වේය. ඒ උනාට රිපිලයි කොරන්න දෙන්නේ නැති එක හරිම අසාධාරණය.

මට අප්සට් එකක් නැතිය. මොකෝ මම රනිල් මහත්තයා වගේ ප්‍රජාචන්ත්‍රවාදය ගරු කරන එකා නිසා, මම රිප්ලයි කොරත් රිප්ලයි කොරන්නේ "සෑම් ටූ යූ" කියාය. ඒත් එහා ගෙදර එකා කියන්නේ එහෙම චෑන්ස් එකක් දුන්නා නම්, හොඳවයින් දෙකක් කියා යවනවාය කියාය. වචන දෙක "සුභ අනාගතයක්ද....?" කියා ඇහුවාම ඌ අපේ අම්මා මතක් කොරනවාය. එහෙනම්, "ආසියාවේ ආස්චර්යද...?" කියා ඇහුවාම ඔක්කෝගේම මව් ගුණ ගායනා කොරනවාය. ඒ නිසා රිප්ලයි කොරන්න දෙන්නේ නැති එකත් එක අතකින් හොඳය.

ලොක්කාට කොක්ක දාන උන්ට, ඉඳා පුළුවන්නම් ගේම දියන් කියා චෑන්ස් එක, රජරට උන්ටයි, නැගෙනහිර උන්ටයි, සපරමාදූ ප්ලේස් එකේ..... සමාවන්න සපරගමුව පලාතේ අයටයි දුන්නේය. එයැයිට ගේම දීම කෙසේ වෙතත්, අනුරාධපුරේ වල් බල්ලෝ, මැ රෙණ කම් මහ ඇමතියි කිව්ව එකාට රෙන්නම දුන්නේය. දුක හිතුන ලොක්කා, ඇම්බැසිඩර් එකක් දෙන්න හැදුවාම ඌ ඇහුවේ පලා බබාගෙන් එලෙව්වා මදිවාට රටෙනුත් එලවන්න යනවාද කියාය. තව කැත වැඩක් කලේය. හිරේ විජය කුමාරණතුංග වගේ උන්නු සරත් ලොක්කා එලියට දමා, අන්තීමේදි අනෝමාත් නැති වෙන සයිස් එකට දැම්මේය. එවානම් කැත වැඩය.

කියන්න කාරනා ගොඩාක් උනත් ඒවා පස්සේ කියන්නම්ය. කොහොමත් 94 සිට පැවත එන රෝගය නම්, සුව වන පාටක් පෙනෙන්න නම් නැත්තේමය. මහින්ද මහත්තයා ඇතුලු සියළුම සිරි ලංකා කාරයෝ හා වමේ නාකී ලොම් හැලිච්ච හිවල්ලු සේරම, ආර්ථිකයට කොරපු දෙයක් නැත්තේය. යුද්දේ ජය ගත්තේත්, කොළබ සුර පුරයක් කරන්නේත්. රාජපක්ෂ පරම්පරාවේ සාටක ලෙඩේ නැති එකම පුද්ගලයාය. ඔහු යුද්ධයට නායකත්වය නොදෙන්නට, සමහර විට අම්බ හරක් ජනාධිපති උපසේනලා, මහින්ද මහත්තයාත්, සාම මාවතේම දක්කාගෙන යන්නේය. ජයගත්තේ එපමනය. 

මිනිස්සුන්ට අමාරුය ඒ කියා අප නම් නිකං කන්න දෙන්නේ කියන්නේ නැතිය. ආන්ඩුවේ රස්සා ඉල්ලන්නේත් නැතිය, හාල් පොත්, සමෘධි කාඩ් හා සජිත් ගොයියාගේ අලුත්ම පොත වන සපත්තු කුට්ටම නිකන් දෙන්නෙයි කියන්නේත් නැතිය. අපි කියන්නේ මේ රටේ ආර්ථිකය හදන්නෙයි කියලාය. නිෂ්පාදන කර්මාණ්ත ඇති කොරන්නෙයි කියලාය. මහ බැකුවේ ප්‍රතිපත්තියක් ලෙස සේවාවන්ට ලබාදෙන ණය සීමා කිරීම අගය කල යුතුය. කෘෂිකර්මාන්තය මහා පරිමාණයෙන් ක්‍රියාත්මක කළයුතුය. අඩුම ගානේ ඉන්දියාවේ තිබෙන ජපන් කර්මාන්තශාලාවල සබ් ෆැක්ටරි වත් මෙහේ ආරම්බ කළ යුතුය. චීනාගේ ණය උගුලේ වැටෙන්නේ නැතුව, නැවතත් චීනාගේ කොන්ඩෙ බඳින්න ට්‍රයි කල යුතුය.


මේවා කොරන්න නම් සැටලයිට්ගේ සාරිය අස්සේ සිට වාසු විසින් විසින් විසිකරපු නයි මඟුල් බෙර ගසා කැඳවාගෙන විත් නැවතත් රෙද්ද අස්සේ දාගෙන හරියන්නේ නැතිය. 2005 සිට ෆේල් එකා තව 2005 ක් හිටියත් ඔච්චරය. ගොන් ඇමතියෝත් එසේමය. කළමණාකරනයෙන් දුර්වලම දේශපාලඥයෝ සිටින්නේ මම හිතන්නේ අපේ රටේය. මෙතරම් පිස්සු කෙලිද්දිත්, උන්ද රෙද්ද අස්සේ දාගෙන ඉන්නේ, සමහර විට රටේ ජනතාවගේ කරුමය නිසා වෙන්නට හැකිය. මේ වසරේවත් ඔය හැත්ත බුරුත්ත ඔක්කෝම සීනයර් කොරවා. තරුණයන්ට අවස්ථාවක් දුන්නොත් අගනේය. කුසේ නැගෙන ගින්න ලිබියාවේ ගින්නටත් වඩා දරුණු බව කවුරු කවුරුත් දැනගත්තොත් හොඳය. ලබන වසරවත් අඤ්ඤකොරොස් වසරක් නොවේවා....!!!

ඔබ සැමට සුබ අනාගතයක්.....!!!

මට අවුරුදු දුගියා රජ උන දාය...

එය එන්නේ අප පරලොව ගිය දාය...