ගෝල්ඩන් සිරප් ඌරුමස් හා ප්‍රජාතන්ත්‍රවාදය..... - Golden Syrup, Pork & Justice

තීරණය පැහැදිලිය. ගෙදර යාම අනිවාර්යය. සියළු වරප්‍රසාදයන් අහිමිවීම අනිවාර්යය. සමහර විට තීන්දුව හෙටම ලැබෙනු ඇත. බොහෝ දෙනෙකුට ඇය වීරවරියකි. මමද ඇය වෙනුවෙන් පෙනී සිටිමි. ඒ ඇය නිර්දෝශී නිසා නොව, සමාජ සාධාරණත්වය උදෙසාය. ඇයගේ වැරදි තිබුනද, නඩු විභාගයේ විනිවිදභාවයක් තිබිය යුතුය. මන්ද ඇයද ශ්‍රී ලාංකික පුරවැසියකු නිසාය. එහෙත් සාධාරණයක් නැත ඇත්තේ ඒකපාර්ශවික තීන්දුවකි. ඇය බොහෝ අයට වීරවරියක් වනු ඇත. එහෙත් මට නම් ඇය වීරවරියක් නොවේ. 18 වන ව්‍යවස්ථා සංශෝධනයට විරුද්ධව තීන්දුවක් දුන්නේ නම් ඇය මට වීරවරියකි. දිවි නැගුමට එරෙහිව දුන් තීන්දුව පලි ගැනීමක් ලෙස පෙනිම සාධාරණය......

-x-

අපේ ඩීව් සහෝදරයා, මරු කතාවක් කියුවේය. ඒ දෙපැත්තට මඩ ගහ ගැනීම තුලින්, අධිකරණයේ මෙන්ම, ව්‍යවස්ථාදයකයේද විස්වාසය බිඳ වැටෙන බවයි. අපටනම් ඔය දෙකේ විශ්වාසය බිඳ වැටි බොහෝ කල්ය. ඩීව්ලා, පුකට පයින් ගසා එලවද්දීත්, රෙදිත් ඇඳගෙන, ඔතන ලග්ගැහුවාට. අපට නම් සිතෙන්නේ එයා කතාකරන්නේ අධෝමුකයෙන් කියාය. "ඉල්ලා අස්වීම" කියා වචන දෙකක්, සිංහල භාෂවේ ඇති බවක් ඔවුන් බොහෝ විට නොදන්නවා ඇත. අනික එහෙම ඉල්ලා අස් උනොත් සිඳු වන්නේ සහෝදරයොත් එක්ක උදේට කසියා පාරක් ගසන්නය. ගෝල්ඩන් සිරප් බීලා අහවරය.

ඔය මලදානෙන් මෙළෝ වැඩක් නැති බව කියන්නේ අප නෙමේය. කථානායක තුමාමය. අමාත්‍යංශයේ විවාදයට ඇමතියා නැතිය, නියෝජ්‍ය එකාද නැතිය, අඩු ගානේ, අධීක්ෂණද මොකාද කියන එකාත් නැතිය. 150 ට හැම් බේකන් කා ගෙදර ගිහින් දොයියනවා වෙන්ඩ ඕනය. අමාත්‍යංශෙට ගියත්, කෑම බීම ලෑම ඔක්කෝම ලැබෙනවාය. ආන්ඩු පක්ෂේ තියා විපස්සෙ උනුත් නැතිය. ඉන්න එකාත් කට ඇරගෙන නිදාගන්නවාය. හිටපු ගමන් හීනෙන් බයවෙලා වගේ ඇහැ ඇරිලා, කථානායකගේ පුටුව පැත්තට ඔළුව නවා, සභාවට පුක පෙන්නා එළියට යනවාය. කරන මලදානෙකුත් නැතිය.

විපස්සේ පොන්නයන්ටත් දැන් නම් ඇහැ ඇරිලා වගේය. ඒ උන්ට නැගිටින්නවත් බැරි වෙන්න ඉස්ථාවර නියෝගයෙන් කෙලලාය. උන් නිදාගෙන ඉන්න ආකාරයට, ඉස්තාවරෙන් ඇරියාට අවුලක් නැතිය. දැන් නම් මෝල් ගහක් ඇරියාත් ගානක් නැති සයිස්ය. ඒත් හිනා වෙවි ඉන්නවාය. දැන් විපස්සයක් නැත්තේය. 225 ම ආන්ඩුවේය. අපරාදේ කියන්නේ අර මහෝෂධ පඩි ගොම්මන්පිලයා පලා බබා එපා කියා ඒක ඇතුලේ ඉඳන් කෑ ගහනවාය. මේකේ ඉන්න හැත්ත, කාර් පර්මිට් විකුනන්න දෙනවාට කටක් හොල්ලන්නේ නැතිය. උන් ඉල්ලන්නේ ගෝල්ඩන් සිරප්ය. මේ පැත්තේ ආවානම් රෝස නෝනාට දෙන්න හොඳ ගෝල්ඩන් සිරප් එකක් මගේ ලඟ තියෙනවාය, හැබයි වයිට් ගෝල්ඩන්ය.

ඒ උනාට, තමා පත්කල ජනතාවගේ, හද ගැස්ම හඳුනන, බබා වගේ කතා කරන, පබා නෝනා ඉල්ලපු සාධරන යෝජනාව ඉවත දැම්මේය. ඇය ඉල්ලුවේ වෙළඳ පොලේ ඇති ලාබම මස් වන් පෝක්ය. ඒත් ඒකට හලාල් කස්ටිය කොක්ක දැම්මෙය. පබාට, ලාබම පෝක් දෙන්න බැරි කථානායක තුමා, එයාලාට හරක් මස් දෙනවාය. දැන් ඒකට තමන්ගේ මස් නොකන හරක් රැල, කුලප්පු වෙලාය. ඔය චීප් ජස්ටිස්ලා වගේ නෙමෙය. ඔය බල සේනාවට යකා වැහුනොත් එයාලා ඇවිත් කථානායක අසුනෙ ඉඳන් පොරි හැලෙන්න බනක් දෙසනවාය. මේ ළඟදි පුරා විජ්ජා ඇමිතිටත්, අමාත්‍යංශේටම ගොස් බනක් දෙසා ආවාය. සේප් කොර ගන්න නම් ඉතින්, බැන්ස් එකක් වත් නොදී බැරිය. නැත්තන් ඉතින් සගිස්කුරුතිය ශරීරක්කුරුතිය එක්ක යන්න දෙනවාය.

අධිකරනෙට වඩා පාර්ලිමේන්තුව බලවත්ය. ඒ කියන්නේත් මම නෙමේය. ඉතින් මලදානේ... ඔය සත පහක වැඩක් නැති පාර්ලිමේන්තුව වහ දාලා, කට්ටිය නඩු අහන්න යැව්වා නම් ඉවරය. එතකොට මෙයාලට තව කීයක් හරි හොයාගන්න පුළුවන්ය. ඔය කළු කෝට් කාරයෝ හද්ද පිටිසර පවා තියෙන, ෆියුන්ලර් පාලර් වල මිනී කාරෙක ඉස්සරහින් යවන්න පුළුවන්ය. මොකෝ දැන් කරන්නෙත් ඒ වගේ ජොබ් එකක් නිසාය. ගෙදර නඩු බලවන්න බැරිනම්, ගස් යට නඩු බැලෙව්වත් අවුලක් නැතිය. එහෙම ඇක්ස්පීරියන්ස් තියෙන අයත් ඔතන ඉන්නවාය. නඩු බැලවිල්ල විතරක් නෙමේය, මරණ තීන්දුව දී, ක්‍රියාත්මක කල කස්ටියත් ඔතන ඉන්නවාය.

අධිකරණයට කෙලවෙලා බොහෝ කල්ය. අපරාධකාරයන්ගෙන් 96% කට එලියේ ඉන්න දෙන අධිකරණයක් මම හිතන්නේ ළොකේ දියුණුම රාජ්ජයක් වන ස්වාසිලන්තයේවත් නැතුව ඇතිය. සමහර උන් කතා කරන්නේ මිනීමරුවන්ගේ, පාතලයන්ගේ, කුඩු කාරයන්ගේ ඒවා විතරය. කෙහෙල් කැන කපපු එකා කූරූ ගනිනවාය. පාතාලේ උන් සීනී කූරූ කනවාය. මරු..... සැමටම පොදු නීතියක්ය. ඒ නිසා වහාම පාර්ලිමේන්තුවේ ඉන්න ඔක්කෝම, තමන්ගේ ආසනවලට ඇරලා, නඩු බලවන්න දැමිය යුතුය. හවස මළ ගෙවල්, කොටහලු ගෙවල්, බන ගෙවල්, පැදුරු පාටි තියෙන නිසා, උදේ වරුවේ නඩු බැලවිල්ල කළ හැකිය. එක නඩුවක් අහන්නේ විනාඩි 10-15 ක් නිසා ගොඩක් කේස් එතනම සෙටල් කල හැකිය. එහෙම නැත්නම් අළුත්ම ක්‍රමේට අනුව හෙට තියෙන නඩුවේ තීන්දූව කලින්ම ලියාගෙන එත හැකිය.

අපායේ පිරබාහරන් ඉන්න පැත්තේ හයියෙන් හිනා වෙන හඬක් ඇසි, යම රජතුමා, යම පල්ලෝ පිටත් කර හැරියේය. නිව්ස් එක ආවේ, ප්‍රභා මැරෙණ සයිස් එකෙන් හිනාවෙනවා කියාය. වාහාම එක්කගෙන එන්න කීවේය. මොකෝ ප්‍රභෝ හිනාවෙන්නේ කියා ඇසුවාම, ඌ කිව්වේ අනේ රජතුමනි, මේ හිනාවෙනවා නෙමේ ඉකි ගගහා අඬනවා කියාය. ඒක ඇත්ත.... කේ පී ට තියෙන සැප දැක්කාම, මටත් ඇඬෙනවා ඔයි කිව්වාම, ප්‍රභා කිව්වේ, ඔහේ මේ මගුලක් කතාකරනවා. මට ඇඬෙන්නෙ ඒක...කට නෙමේ රජතුමනි කිව්වාම. යමාකින් ඇහුවේ, එහෙනම් අහවල් කාරනේටද යකෝ තෝ අඩන්නේ කියාය. ඇයි ඕයි... මම ඔය රෝම ලන්දේසී නීති නැතුව, ලස්සනට නඩු ඇහුවේ. සල්ලි අච්චු ගැහුවේ, පෙට්ටෝල් ඩීසල් බූමිතෙල් ගාන වැඩිකරලා, මම ගානක් ගහගත්තේ, හැම බඩුවෙම මිල වැඩිකලේ, මම කරපු ඔක්කෝම මුන් කොපිකරනවනේ, හරි ජරා මිනිස්සු, ඇයි ඕයි මාව මැරුවේ, මරන්නෙ නැතුව තියාගත්තා නම්, තව මෙතඩ් කියල දෙනවනේ ඕයි. ඒකයි මම අඬන්නේ ඕයි...  කියලාය