අධ්‍යාත්මවේදීයෝ, විදෙස් ශ්‍රමිකයෝ සහ බූරුවෝ... - Meditative s, Foreign Workers & Bloody Fools

බුවාට, මාතලන්ට මල පනින එක සාධාරනය. ඒ මොකෝ අපි පුරුතග්ජනයෝය. ඉතින් චින් එක නොහොත් හොස්ස ලඟින් මැස්සෙක් ගිය ගමන් මල පනිනවාය. අනික දේවල් සිද්ධ වෙන ආකාරය දැක්කාම, කාගේ කාගෙත් මල පනිනවාය. පබා වගේ උන්නාට.... සමාවන්න බබා වගේ උන්නාට මේ දවස්වල හැමෝම වගේ ඉන්නේ මල පැනලාය. අධිකරණයේ අයගෙත් එසේය. පාන්ඩුවේ අයගේත්... සමාවන්න ආන්ඩුවේ යනුවෙන් නිවැරදි විය යුතුය.. අන්න එයාලාටත් මල පැනලාය. අපේ ඩිලාන් සහෝටත් එසේමය. ඒ රන්ජන් රමණ යකා එක්කය. රන්ජන් රමණ යකා කියන්නේ, ඩිලාන් සහෝදරයා විදෙස් ශ්‍රමිකයන්ට "රට විරුවෝ" කියා නම් පට බැන්දාට. "රට විරුවෝ" අපා දුක් විඳිනවා කියලාය. ඩිලාන් කියන්නේ "රණ විරුවන්ටත්" වඩා අති උතුම්, "රට විරුවන්ට" අපහාස කොරන්න එපා කියලාය. ඒ මදිවාට රමණ යකා කියන්නේ ඩිලාන් සහෝ කන්නෙ තුන් වන පවුල කියාය. ඩිලාන් කියන්නේ එයා කන්නේ හොරෙන් නෙමෙයි කියාය. ඒ උනාට රමණ යකා යන යන තැන හොරෙන් කනවා කියාය. එකම හෝටලෙන් කන අය, මෙහෙම කථා කියන කොට අපිට මල පනින්නේ නැතිය. හිනා යනවාය.. මුඛෙන් නෙමේය... පුකෙන්ය...

අධ්‍යාත්මවේදී චන්ද්‍රසිරි බන්ඩාරටත් මල පැනලාය. එහෙම පනින්නේ කොහොමෙයි කියා අපට පුරස්නයක්ය. අධ්‍යාත්මවේදියෝ කියන්නේ අපි වගේ අය නෙමේය. නිකන් මුනිවරු වගේ කස්ටියක්ය. ඔය චන්ද්‍රසිරි මහත්තයා ඉරුදිනෙන් පොරි හැලෙන්න ආන්ඩුවට දුන්නේය. එතකොට ලොක්කාගේ මල පැන්නේය. එයාට හතර වෙනි තට්ටුවට ඇවිත් යන්නෙයි කියා ආරාධනාවක් ආවේය. එතන භාවනා පන්ති තියෙනවාද කියා කියන්න දන්නේ නැතිය. සමහර විට ඒ වගේ ඒවා තියෙනවා කියා ගිහින් ආපු අය කියන්නේය. කොහොම හරි එදා ඉඳන් ආකාසේ ග්‍රහයෝ ඔක්කෝම මාරූ උනේය. දැන් අනාවැකි කියන්නේ පංචාග ලිතෙන් වෙන්න නම් බැරිය. සමහර ලිංගාක පතෙන් වෙන්න ඇහැකිය.

එහෙම බවුන් වඩා නිවන් දකින්න ඔන්න මෙන්න ඉන්න උත්තමයන්ගේ, සීලය කඩන්නේ වල් කොල්ලෝය. ඒ වගේ වනචරයෙක් මේ ළඟදී ඒ උතුමන්ගේ අනාවැකි වලට හිනා උනාම. නිවනට තියපු පය ආපහු අරගෙන, සරම උස්සාගෙන, මල පන්නපු එකාට, "බූරූවා" කියා ආමන්ත්‍රණය කළේය. සමහර විට කතා කලෙත් බූරුවෙක් වෙන්න ඇතිය. මොකෝ ඔය වයර්ලස් එකේ කතාකරන උන් පේන්නේ නැතිය. ඒ නිසා ෂුවර් එකටම බූරුවෙක් වන්නට පුලුවන්ය. මාතලන් කියන්නේ බොරුවක්නම්, ආන්ඩුවේ වයර්ලස් එක උදේට ඇහුවාම හඬු ගඳ ගහන බූරුවෙක් තප්පුලනවා ඕන එකෙකුට අහන්න පුළුවන්ය. මාරම ගතිය.. කන් කළුය.. සිත් පිනා යනවාය.. 

මේ ධර්මද්වීපේ ප්‍රධාන ආදයම වහල් සේවයය. එක විදෙස් රටවලට වහලුන් විකුණලාය, ඊට පස්සේ ඇඟලුම් කම්හල්වලට දාලාය, අනික තේ කඩන හිඟන්නෝය. උන් හම්බ කරන එකෙන් හැම එකාම ආතල් ගන්නවාය. ඔය යන ප්‍රාඩෝවලටයි, කන කෑම බීම වලටයි, විදේස් සංචාරවලටයි හැම එකටම වියදම් කරන්නේ මේ වහලුන්ය. වැඩිපුරම වහලියන්ය. එහෙම ගෑල්ලමයි දෙන්නෙක්, අපේ විමල් සහෝදරයාට ඩුබායි වලදි සෙට් වෙලාය. කරන්නේ එයාපෝට් එක පිරිසිඳු කරන එකය, ඒයා එයාලාගේ පඩිය අහලාය . පඩිය 25,000 ක්ය. සමහර විට මෙයාට ඉරිසියා හිතෙන්න ඇතිය. ඒ නිසා මෙයා කියන්නේ ඒ යන්නේ සෝබනේට කියාය. ෂෝ එකටය කියාය, වැඩ කරන්නේ කොහේද ඇහුවොත් ඩුබායි වල කියා කියන්න පුළුවන් නිසා කියාය. 

ඕන් ඉතින් අර චන්දසිරි මුනිවරයාගේ වගේම, අපෙත් මල පනින්නේය. එයාගේ ගෙදර ක්ලීන් කලොත් දෙන්නේ කීයද කියා අපට අහන්න වෙනවාය. එයාලා ඔය තැන්වලට යවන්නේ අපේ රටත් ඩුබායි වගේ කරන්නය. ඒ උනාට එයා කරන්නේ රට හැදිල්ල පැත්තක තියා, ලෙමන් පෆ් කකා උපවාස කොරන එකය, 13 අහෝසි කරන එකය, ලෝක බැකුවේ ප්ලග් ගලවන එකය, අදිරාජ්ජවාදි බිල්ලා පෙන්නා, දේසප්ප්‍රේමී "බබා ජනතාව" බය කොරන එකය. කොටින්ම කිව්වෝත්, මයික් එක ඉස්සරහා තප්පුලන එකය. කරපු මලදානයක් නැත්තේය. ලොක්කා තියාගෙන ඉන්නේත් ඉස්සර වගේ ජන්ද රැස්වීම වල විරිඳු කාරයෝ නැති නිසා. ඒවාවල බයිලා කියන්නය.

එ කෙල්ලෝ හම්බ කරන එකෙන් කකා, උන්ටම නිග්‍රහ කරන මුන්නැහේලාට, සමාජවාදෙත් අමතක වෙලාය. බලේ අරන් පච කෙල කෙල ඉන්නේ නැතුව, මේකත් ඩුබායි වගේ කලානම්, එකෙක්වත් ඔය රටවල යන්නේ නැතිය. ජනතාවට ඩුබායි හැදීම කෙසේ වෙතත්, එයාලානම් ජීවත් වන්නේ මොන්ටිකාලෝවලය. එහෙම ඉන්නකොට පහල පේන්නේ නැතිය. හැබයි ඉතින්, ඔය සෙල්ලම් හැමදාම දාන්න වෙන්නේ නැතිය. පුක බිම ඇනුනදාට හොයා ගන්නත් නැති වෙන්නේය. ඔහොම පඩත්තල කතා කියපු එකෙක් සැටලයිට් නෝනා ගාවත් සිටියේය. පෑන ගහන්නේ කෝට් එකේ අතේය. නම කින්ස්ලි ටි වික්කරම රත්නය. ඌ කිව්වේ ජනතාව කනවා වැඩිය කියාය. අන්තිමේ බල්ලා මාක් වෙලා නිවන් ගියේය.

දැන් මේ ගැන රමණ යකා එක්ක කොක්ක දාගත්ත ඩිලාන් සහෝ මොනවා කියනවාදයි අපි බලා සිටින්නේය. සමහර විට කට හොල්ලන්නේ නැතුව ඉන්නත් පුළුවන්ය. මොකෝ මෙයාලා දෙන්නාම ළඟදි ජජ්මන්ට් බෝඩ් එකක, එකට හිටපු නිසාය. රමණ යකා වගේ නොව.. මුන්නැහේ එකම තාත්තාගේ දරුවෝ නිසාය. හැබයි ඉතින් "වන අලියාට", "වල් අලියා" කිව්වාම කොක්ක දාන ඇමතිලා ඉන්න රටේ, ඩිලාන් සහෝ නිකන්ම ඉන්න එකකුත් නැතිය. එතුමාට එහෙම ඉන්නත් බැරිය. මොකෝ සිරසේ "කව්ද බෝයි" වගේ, මෙයාටත් අසාධාරනේ පෙන්නන්න බැරි නිසාය. විමල් සහෝට කියන්න තියෙන්නේ, එයා ගාව ඉන්ටවීව් ආපු "හැන්ඩි කොල්ලා" වරායට හරි, එයාපෝට් එකට හරි දාන්න බැරි නම්, (ඌ ඉල්ලා තියෙන්නේ අතුගාන්න හරි ඒ තැන් දෙකය) නිවාස අධිකාරියට දාන්න කියාය. මොකෝ මේ කියනා විදියට එතනත් තියෙන්නේ "ෂෝ" එකක් වන නිසාය. නිකන් "ෂෝ" එකක් නොව, "පඩ ෂෝ" එකක් නිසාය... ඒ වගත් මෙසේය....