ඇනෝ වාරණය (අතිශයින්ම වැඩිහිටියන්ට පමණයී) - No More Anonymous (Strictly for Adults)

මං හිතාගෙන උන්නේ පරිගනයක් පාවිච්චි කරන්න දන්න එකා යම් තරමින් හෝ උගත් වැදගත් මහත්මයෙක් කියලාය. ඒ නිසා ඒ කාළේ මාත් ඇනෝලාට ආදරය කළේය. මොකෝ බොහෝ දෙනෙක් ඉතා වැදගත් අදහස් ඇනෝවරුන් ලෙස ඇවිත් දාලා ගිය නිසාය. කෙනෙක් පොරසිද්ධියේ යම් කිසි අදහසක් වෙනුවෙන් පෙනි සිටින්නෙක් උනත්. තමන් කවුදයි නොකියා තමා පෙනී සිටන මතය කුමක් වූවත්, ඇනෝ කෙනෙක් ලෙස ඇවිත් හදවතේ ඇති දෑ, අකුරුවලින් සටහන් කරන්නට තිබෙන කඳිම අවස්ථාවක් නිසාය.

ඒ කෙසේ වෙතත්, පරිඝනයක් පවිච්චි කිරීමට තබා, සිවිල් සමාජයේ මිනිසුන් අතර ජීවත් වීමටවත් සුදුසු නැති, තිරිසනුන් හා සමකල හොත් උන්ටද අපහාස වන, අමුතුම ජීවීන් වර්ගයක් මෑතක සිට, බ්ලොග් තුලින් තම පහත් අශාවන් ඉටු කර ගැනීමට තැත් කිරීම දැක්කාමනම් හිතෙන්නේ, අනුකම්පාවක්මය. ඇත්ත වශයෙන්ම මොවුන් මානසික ලෙඩුන්ය. මොවුන්, අනෝවරුන් ලෙස පෙනි සිටීමින්, තැන තැන දමා ඇති කොමෙන්ටු වලින් මතුකරනා කරුණු කිහිපයක් ගෙන බලමු..

බ්ලොග් කල්ලි සෑදී ඔවුන් පමණක් වැජබීම -
ඇනෝලාට මේ ගැන කතා කරන්න ඕනෑ නැත. මේ බොග දාන කස්ටියය. බ්ලොග් එකක් ලියා ඔහේ බලාගෙන හිටියාට බලු බල්ලෙක් ඒවා බලන්නේ නැත, කොතරම් හොඳ බ්ලොග් අඩවියක් උනත්, කොමෙන්ට්ස් වලට රිප්ලක් නොකරයි නම්, අනෙක් බ්ලොග් වලට කොමෙන්ටුවක් නොදමයි නම්, ඒ බ්ලොග් එක බැලුවත් කොමෙන්ටු නම් ලැබෙන්නේ නැත.

කෙමෙන්ට්ස් බලාගෙන බ්ලොග් ලියන්නෝ -
ඇනෝලාට මේ ගැන කතා කරන්න ඕනෑ නැත. මේ බොග දාන කස්ටියය. එහෙනම් මලදානෙටද ඔබේ අදහස් දක්වන්න කියලා කොමෙන්ට් පෙට්ටිය ඕපන් කරන් කට ඇරගෙන බලාගෙන ඉන්නේ අර පොරි හැලෙන්න දෙන "මරුවා" වගේ පෙට්ටිය වහලා දැම්මම ඉවරනේ. මේකට කියන්නේ බොරුව නෙමෙයි පාජාව.

හිට්ස් බලාගෙන බ්ලොග් ලියන්නෝ -
ඇනෝලාට මේ ගැන කතා කරන්න ඕනෑ නැත. මේ බොග දාන කස්ටියය. මම නම් මුල ඉඳලාම හිට්ස් වලට බොහොම මනාපය. ඒ නිසා හිට්ස් කවුන්ටරයකුත් දාගෙන තිබේ. එහෙම හිට්ස් බලාගෙන නොලියනවනම්, හිට්ස් කවුන්ටරේ අහක් කලාම අපි හිතන්නේ අම්මට බොල මූට මාර සෙනගක් එනවා ඇතිනේ කියාය. හිට්ස් බලාගෙන ලියන්නෙ නැත්නම් බ්ලොග් එකේ කොමෙන්ට්සුත් වහලම දාන්න.

කුණුහබ්බ ලියනවා -
ඇනෝලාට මේ ගැන කතා කරන්න ඕනෑ නැත. මේ බොග දාන කස්ටියය.ලියනවා කියන් වචනෙන්ම ඒක මාට්ටු වෙනවාය. මම නම්, කුණුහබ්බ ලියන එකම බොගක්වත් දැකලානම් නැතිය, ඒත්, ශෘංගාර රසය පිරි බ්ලොග් අඩවි මෙන්ම, බ්ලොග් පෝස්ට්ද, ඕනෑ තරම් දැකලා තියෙනවාය. බුකියේ මල් කඩලා මහ රෑට සිරියයනේ සැතපිලා, යටලීයෙන් එන නාරිලතාලත් එක්ක සෙට් වෙලා, සරම ගැලෙව්වම කාඩ්බෝඩ් වගේ හිටින බ්ලොග් ලියන චූටී මල්ලිලාට නම් මේව කුණුහබ්බ වෙන්න පුළුවන්ය. එහෙම අයට නොබලා ඉන්න 13+, 18+, දැම්මත් මේවා අස්සේ රිංගලා, ඊතල විද විද අහන ප්‍රශ්න වලට උත්තර බදීන්න ගියාම මළ වදේය, ඒ නිසා එයාලා බොග දාන්නේ නැති තරමට හොඳය. පොඩි උන්ට ඉන්ටර්නෙට් දෙන එක වඳුරන්ට දැලි පිහි දෙනවා වාගෙය. අපේ එකා ඉන්ටනෙට් ගහනවා නම් කවුරුන් හෝ ළඟින් ඉන්නවාමය. ඌට 13+ පැන්න ගමන් ඒ බෑන් එක ඉවත් කරනවාය. ඒ නිසා, අපිනම් හැම එකාටම ඕන දෙයක් ලියනවාය. පාසල් නිවාඩු කාලේ සෙක්ස් වැඩියෙන් හොයලා රෙකෝඩ් එකක් තියලා තිබුනේ ඒ නිසාය. ඒ හන්දා ඔය පොඩි උන් ඉල්ලන හැම රෙද්දම අරගෙන දෙන ගොන් බූරු දෙමව්පියන්ට කියන්න තියෙන්නේ, පොඩි එකා සෙක්ස් බලා, මාට්ටු උනයින් පස්සේ අඬනවාට වඩා, දෙයක් අරගෙන දෙන්න ඉස්සෙල්ල, ඒ ගැන දෙවරක් නොව දහ වරක් හිතන්න කියලාය.

අපිට බ්ලොග් යාලුවෝ ඕන නෑ, අපිට වෙන යාළුවෝ ඉන්නවා -
ඇනෝලාට මේ ගැන කතා කරන්න ඕනෑ නැත. මේ බොග දාන කස්ටියය. මෙහෙම කියන්නේ එක යාලුවෙක්වත් නැති එකාය. මානසික ලෙඩුන්ය. අපට නම් කෙසේ හෝ මිතුරු සමාජය වැඩි කර ගන්න පුළුවන්නම් ඕන දෙයක් කරනවාය. ළෝකේ වටේම යාලුවෝ ඉන්නේ බ්ලොග් හින්දාම නෙමේය, දකින දකින එකා එක්ක හිනා වෙලා කතා කරනා නිසාය.

අපි හරි බිසි වෙලාවක් නෑ කොමෙන්ට්ස් කරන්න -
මෙහෙම කියන්නෙත් බොග දාන උන් මිස ඇනෝලා නොවේය. කොමෙන්ට්ස් ගැන කතාකරන කොටම ඒ බොග දාන එකෙක් කියලා මාට්ටු වෙනවාය. එහෙනම් බ්ලොග් එකත් නොලියා, ඇම් ඇස් ගේ වර්ඩ් වල ටයිප් කර, පෙන් එහෙක දා කරේ එල්ලන් ගියාම අහවරය.

දැන් ඔහේලාට මේ ලෙඩ්ඩු කව්දැයි කියා තේරෙනවා ඇතිය. ඇනෝලාට ආදරේ උනාට, දැන් අපිට එයාලත් එක්ක එකතු වෙන්න බයය. ඒ නිසා කොන්ඩම් එකක් පළඳින්න සිඳු උනාය. ඒ ගැන ඇත්ත ඇනෝලා අමනාප වෙන්න එපාය. මේක අතිශයින්ම වැඩිහිටියන්ට කියලා දැම්මේ, අර ගොන් බූරූවෝ වගේ තුන් තිස් පැයේම මේකේ එල්ලිලා ඉන්න වෙන්නෙ නැති නිසා, සම හරක් මේකේ අමු තිත්ත කුණුහබ්බ ලියලා තියෙන්න පුළුවන් නිසාය. ඒත් මාතලන් දැක්ක ගමන් ඒවාට අබ සරණය.

ඉස්සර මම ඇනෝලාට ආදරය කර හැටි මෙතනින් බලන්න...