නඩුකාරයෝ හා බඩුකාරයෝ (18+) - Mental disorder judges (18+)

කලින් පෝස්ට් එක ලිව්වේත්, නීතිය හා ඩෙංගු ගැනය. අද ලියන්න වෙලා තියෙන්නේ, නීතිය හා කලවා මිරීකීම ගැනය. අපේ රටේ නීතියක් නැත. නීතීය හා සාමය රකින්න ඉන්න උන් කුලියට මිනි මරණ රටේ. නීතියේ දෙව්දුව වැඩවසන අධීකරණයේ, නඩුකාරයාගේ චේම්බර් එක ඇතුලේ, විත්තිකාරයාගේ බිරිඳ දූෂණයට ලක් කලේ අද ඊයේ නොවේ. ඒ නොම්මර එකේ බඩු කාරයෙකුට, අධිකරනය බාරදුන්න කාළයේය. ඒවා ගැන එදා කතා කලේ වික්ටර් අයිවන් විතරය. අද එතුමාට ඒවා කතා කරන්න වෙලාවක් නැතිය. මිලියන 200 ක් නැතුව පිස්සු වැටිලා ඇමරිකන් බයිලා ගහනවාය.

අධිකරණය උත්තරීතරයි ගගා හිටපු කාළය අවසානය. ඊට වඩා පාර්ලිමේන්තුව උසස් කියාපු ළොකු අයියා, චීප් ජස්ටිස් නෝනාට කින්ඩිත් දා ගෙදර ගිහින් ඇරලුවේ ඒ නිසාය. අධිකරණය නොව විධයකය වූවද පිස්සු කෙලිනවානම්, ඒ ගැන ලියන්න කියන්න ඉඩ තිබෙන්න ඕනාය. එහෙම නැත්නම් මේ ව්‍යවස්ථාවේ තියෙන ප්‍රජාතන්ත්‍රවාදි කෑල්ල, 20 වෙනි සංසෝධනේ හරි ගෙනත් කපලා දැමිය යුතුය. අධිකරණය උත්තරීතරයි කියන්නේ නොම්බර එකේ බයිලාය. එහෙම කියා අහිංසක මිනිස්සු බය කරගෙන නඩු කියන්න යන එකාගේ සබ්බ සකලමනාවම හූරගෙන කනවාය.

මිනිහා හිරේ ගිය ලස්සන ගෑණියෙක්නම්, නඩු කතාකරන එකයි, නඩු කාරයයි, ජේලරුයි ඔක්කෝම නඩු බලවනවාමය. දුප්පත් ලස්සන ගෑණියෙක්නම් ඉතින් සම්මා සම්බුදු සරණය, ඒ මොකෝ උන්ගේ යාලුවොන්ටත් පෝලිම දාන්න සෙට් කරනවාය. මේවා බොරුනම්, උසාවි පැත්තේ සතියක් දෙකක් කරක් ගැහුවාම, ඕනම කෙනෙකුට දැන ගන්නට පුළුවන් ප්‍රසිද්ධ රහස්ය. ඩිවෝස් කේස් දාගෙන ඒන ගෑණුන්ට ගුටි කකා හරි මිනිහා එක්ක උන්නා නම් හොඳයි කියා හිතෙන්නේ, කස්ටියම පෝලිමට සෙට් වෙන නිසාය.

සමාන්‍යයෙන් නඩුකාරයෙක් කියන්නේ, සමාජයේ ඇති උසස්ම රැකියාවක්ය. නඩුකාරයාගේ යුතුකම සාක්ෂි විමසීමෙන් පසු නීතීයට අදාලව විනිශ්චයක් දීම මිස බක පන්ඩිත කතා කීම නොවේ. එසේ තම අදහස් කියන්නට ඔනෑ නම්, ඒවා අධිකරන අමාත්‍යංශය මාරගයෙන් නීති කෙටුම්පත් කොට පාර්ලිමේන්තුවට එවා අනුමත කිරීමෙන් පසු නීති පොතේ දාගත්තාට අපිට අවුලක් නැතිය. දැන් අදාල මාතෘකාවට එමු.

රත්නපුර ප්‍රදේශයේ රාත්‍රියේ මහමග ගමන් කල නර්ස් නෝනා කෙනෙකුගේ කලවා මිරිකා ඇත. එයින් නොනැවතුනු කාලකන්නි, ත්‍රී වීල් රථයක නැග පසු පස ගොස්, නැවතත් ඇයට ලිංගික අඩත්තේටම් කර ඇත. නඩු කාරයා දී තිබෙන තීන්දුව කුමක්ද? මේ අවස්ථාවේ ඇය කොටට ඇඳගෙන ගියේද? එසේ යන්නේ කෙල්ලන්ගේ ගල් පෙන්නා මිරිකාගැනීමට බවද, කොටට ඇඳගෙන ගියානම් මිර්කුවාට වරදක් නැතැයි කියාය. මම නම් අළුත් චීප් ජස්ටිස් මහත්තයාට කියන්නේ මේ වගේ හරක් වහාම නඩුකාර දූරයෙන් එලවා දැමිය යුතු බවය. කුමක්ද මේහි ඇති විනය. මිනිසුන් යුක්තිය බලාපොරොත්තු වන්නේ මෙවන් බූරුවන්ගෙන්ද?


කානතාවන්ගේ ගල් මිරිකීම තබා කිසිම කෙනෙකුට, ඇයගේ කැමත්තක් නැතිව ඇඟට අතක් වත් තැබිය නොහැකි බව ලියා ඇත්තේද නීතී පොත් වලමය. එතකොට මේ නඩුකාරයා නීති පොත් කියවා නැති එකෙක්ද, අනෙක ළෝක නීතිය අනුවද, කාන්තාව හා දරුවන් අති විශේෂ පුදගලයන් ලෙස සැලකීම පුරාතනයේ සිට පැවත එන සම්ප්‍රදායන්ය. රත්නපුර ප්‍රදේශයේ කොළඹ තරම් කොටට සාය ඇඳන් යනවා මා කිසි දිනෙක දැක නැත. තම ප්‍රදේශය ගැන අවභෝධයක් නොමැති උන් නඩුකාරකම් කරනවාට වඩා බඩුකාරයන් වන එක කොහොමත් හොඳය.

කාන්තවන්ගේ ඇඳුම් ගැන උනන්දු වෙන මෝඩ පිරිමින්ටත් මේ අවස්ථාව මල් මසුරන් අවස්ථාවක් වෙලාය. උන් මේකෙන් ආතල් ගන්නවාය. ඔය තරමක් කොටට ඇඳගෙන යන අයගේ අවයවවලට වඩා අවයව මහ ගොඩක් අති උතුම් සාරි ඇඳගෙන යන කස්ටිය එලියේ දාගෙන යනවාය. කලාගාරයක් වන ස්ත්‍රී ශරීරය මෙසේ දකින් විට එහි ඇති කළා රස විඳිනවා මිස. පාර මැද්දේ පෙරලාගෙන සංසර්ගයේ යෙදිලා හරියන්නේ නැතිය. බල්ලෝ නම් මහ පාරේ එහෙම කරනවා දැකලා තියෙනවාය. එහෙම බැලුවාම මේ බඩුකාරයා කියලා තියෙන්නේ මහා බලු කතාවක්ය. මිනිසා කියන්නේ මනස උසස් විතරක් නෙමේය. එම උසස් මනස ප්‍රයෝජනයට ගන්නා එකටය. එනයින් මුන් මිනිසුන් ඌවාට සුනඛ පෝතකයෝය. මෙතන වරද තියෙන්නේ ඇඳන් යන එකාගේ නොව, ඒ දෙස නිවුනු සිතින් බලන්න බැරි එකාය. මේ නඩු කාරයාත් එහෙම එකෙකි.

පාසල් යන දැරිවියන්, වයසක කාන්තාවන්, දූෂණය කර මරා දමන්නේ කොටට ඇඳගෙන යන නිසාම නොවේ. තිරිසන් කම නිසාය. කරුමය කියන්නේ මේවා වැලක්වීමට තිබෙන තැන්වල ඉන්නේත් මනසික ලෙඩුන් නම්, අපේ රටට සම්මා සම්බුදු සරණමය. අපේ රටේ කාන්තාවන් වෙනුවෙන් හඬ නගන සංවිධාන වහාම මේ නඩුකාරයාගේ ප්‍රකාෂය හෙලා දැක අසාධාරණයට ලක්වූ කාන්තාව වෙනුවෙන් පෙනී සිටිය යුතුය. නැතිනම් මේ වගේ නඩු කාරයෝ, අර නඩු බලවන්න විත්තිකාරයාගේ ගෙදර මේසන් බාස්ලා හොයන්න ගියා වගේ. අපචාරෙට ලක් වෙලාද, දූෂණයට ලක් වෙලාද කියා, චෙමබරේට දාගෙන, ඇඟිලි ගහන කාලය වැඩි ඇතක නොවේය. එහෙම කාමරේට දාගත්තොත් බ්ලේඩ් තලේකුත් ඇතුලට දාගෙන යන ලෙස, මාතලන් නොමිලේ නීති උපදේශකයකුත් දෙනවාය.

අගවිනිසුරු තුමනි. මෙවන් මානසික ලෙඩුන් ගෙදර යවා, උසාවියේ ගෞරවය රකිනා මෙන් කාරුණිකව ඉල්ලා සිටිමි.