බස් ගැමුණු පාපුවරුවෙන් විසිවීම - End of the Bus Gemunu

 
පලා බබා සුදු අලියෙක්ය යන මතයේ, මාතලන්ද සිටියේය. ඒත් තව දුරටත් එහෙම නම් ඉන්නේ නැතිය. පලා බබා, ජනතාවට බොහෝම හිතවාදී සීන් එකක් බව, මේ ලිවිල්ලේ අන්තීමේදි පෙන්වා දෙනවාය.

ගැමුණුට කෙලවිය. ගැමුණු හිතාගෙන හිටියේ ඌත් හෙණ පොරක් කියාය. ඕනෑ එකෙකුට පොරක් වෙන්න හැක්කේ, ඌ මහින්ද මහත්තයත් එක්ක ඉන්නවානම් විතරය. ඒ බව මේ ගොන්නුන්ට තේරෙන්නේ නැතිය. තේරෙන එකා ආතල් එකේ ඉන්නවාය. මේ ගැමුණු යුගය නෙමේය. හත් වන මහින්දගේ යුගයය. මේ ගැමුණුට මෙන්ම, කැළණියේ ගැමුණුටද බඩුම තමයිය.

විරුද්ධව යනවානම් පෝරියල් කන්නත් ලෑස්ති වෙලා ඉන්න ඕනෑය. ඒක මේ, මහින්ද රාජ්‍ය සමයේ කේස් එකක් නෙමේය, නැවේ දාලා එළවපු විජේගේ කාලයේ හිටන් තියෙන, අපේ සඟිස්කුරුතියය, සබ්බත්වයය, හැදියාවය, ඉතිහාසයය, බව් බව් මික අණ්ඩවාතයය, ඒකය, මේකය.

රජතුමා එන්නෙයි කිව්වාම මාලිගාවට ගියේ නැත්නම්, පවුල් පිටින් හිස ගසා දැමුවේ ඒ කාලයේය. අද නම් එහෙම කරන්නේ නැතිය. එහෙම එන්නෙයි කියලා නොගිහින් උන්න චීෆ් ජස්ටිස්, අන්තීමට ගෙදර ගියේ චීප් වෙලාය. කියන්න තියෙන මලදානයක්, මන්දිරේට ගිහින් කිව්වානම් සමහර විට රජතුම වෙනස් වෙන්නත් තිබුණේය.

ගැමුණුටත්, එන්නේයි කිව්වාම, ගියේ නැතිය. ගැමුණු හිතුවේ, මම රජ්ජුරුවොන්ටත් එහා ගිය එකා කියලාය. මෙතුවක් කල් ජෝගී නැටුවේ, රජ්ජුරුවෝ ෂේප් එකයි පාරයි නිසාය. එහෙම ගියා නම්, බජාර් එකේ චණ්ඩි පාට් තව දුරටත් කරහෙන යන්න තිබුණේය. මේ සැරේ හැප්පෙන්න ගියේ, සී බී එක්ක නෙමේය. රජ්ජුරුවෝ එක්කය. අන්තිමේදි පුක බිම ඇනගෙන හොටු පෙර පෙරා අඬනවාය.

බස් කාරයන්ට, ඔය කියන තරම් අහේනියක් නැතිය. එහෙම කේස් එකක් තියෙනවානම්, බස් එක විකුණලා වෙන ඕන මලදානයක් කර ගත්තාට මගී ජනතාවට අමාරුවක් නැතිය. මොකෝ පෝමිට් ගන්න පෝලිමේ ඉන්න නිසාය.

ගැමුණුලා එයාගේ අයිතිවාසිකම් ඉල්ලුවාට, මගියාගේ අයිතිවාසිකම් තුට්ටුවකට ගණන් ගත්තේ නැතිය. එහෙම උනානම් මගියත් ගැමුණු එක්ක ඉන්නවාය. බස් කාරයන්ට තියෙන කේසුත් අපි දන්නවාය. ඒවාට විරුද්ධ වෙන එක උන්ගේ අයිතියක්ය. ඒත් ඉතින් කප්පම් ගෙව ගෙව දුවලත්, ප්‍රොෆිට් තියෙන එකා දුවනාවානම්, ගැමුණුටත් කරන්න දෙයක් නැතිය.

බස්, කොට කොටා යන එක අද වෙනකන් නැවතිලා නැතිය. අපි කැමති උණත් අකමැති උණත්, කොන්දා කැමති මියුසික් එක අපි අහගෙන යන්න ඕනාය. ඒ මදිවාට, පිකොටුවේ ඔටුවෝ විකුණනවා කියා, කන පැලෙන්න කෑ ගහනවාය.

සුද්දෙක් මගෙන් ඇහුවේ, උඹ කිව්වට, ලංකාවේ උන්ට අකුරු කියවන්න බෑ කියලාය. මම කිව්වේ පුළුවන් කියලාය. ඌ මට කිව්වේ, බොරු කියන්න එපා කියලාය. එහෙම කියවන්න පුළුවන්නම්, බස් එකේ ඉස්සරහයි, පිරිපස්සෙයි, දොර ගාවයි ගහලා තියෙන එක, කොන්දා මර හඬ දිදි එනවුන්ස් කරන්නේ අහවල් එකටද කියාය.

බස් මගියා හිතාගෙන හිටියේ පර්ස් එකට කෙළින්නේ පික්පොකට් කාරයෝ කියලාය. ඒකට ඔය බස් එක ඇතුළේ හිටන් "ගැට කපන්නන්ගෙන් ප්‍රවේසම් වෙන්න" කියා, ඉස්ටිකර් හිටන් අලවලා තියෙනවාය. ගොඩක් වෙලාවට පෝර්ස් නැති කර ගන්නේ, ජැක් ගහන උන්ය.

ඒක එක අතකින් අර ස්වභාව ධර්ම තියරිය අනුව ඔටෝ පනිස්මොන්ට් එකක් විදියටත් කැගරයිස් කොරන්න පුළුවන්ය. පෝර්ස් එක ගැන සිහියෙන් යන එකාගේ පෝර්ස් එකට කෙළින්න සුන්දර ගෑල්ලමයෙකුට වුවද අමාරු කාරියක්ය.

බස් එකේ එහම ගහලා තිබුණාට, ගැමුණු අවුරුද්දට සැරයක්, මගියාගේ පොකට් එකට කෙළියේය. එහෙම අවුරුද්දට එක සැරයයි කිව්වාට, ඒක ඉතින් හැමදාම පොකට් එකට ගැහිල්ලක්ය. ඒ අස්සේ, හිඟන්නොයි, කවි කොළ කාරයොයි, සර්කස් කාරයෝයි, පොත් විකුණන උණුයි, ලොතරැයි විකුණන උණුයි මදිවට "මනස" විකුණාගෙන කන උනුත්, පෝලිමේ ඇවිත් පෝර්ස් එකට කෙළිනවාය.

සමහර උන් කප්පම් ගන්නවා වගේ, කොළ කෑල්ලක් ඔඩොක්කුවට දාලා, බලෙන් කප්පම් එකතු කරනවාය. මගේ ඔඩොක්කුවට දාපු ගමන්, මම නම් බස් එකෙන් එළියටම විසි කරනවාය. ඒවා නවත්තන්න ගැමුණුට තියා එකෙකුටවත් බැරිය.

ඒ උණාට පුකෙන් අල්ලලා, පිටෙන් අල්ලලා ඇතුළට දාගෙන, පුකට පයින් ගහලා, බස්සන එකනම් එදා ඉඳන් අඩු වැඩියක් නැතුව වෙනවාමය. අපේ පුකට ගහන්න ආපු, ගැමුණුගේ පුකට කෙලියාට අපට නම් බොහොම මනපය.

එහෙම කියලා ගොන් ආතල් ගන්නත් ලෑස්ති වෙන්න එපාය. ලොක්කා මේක වැඩි නොකළේ, පලා බබා නිසාය. ඒ නිසා මින් මතුවට පලා බබාට විරුද්ධව කෙළ බින්දුවක් හෙම හෙලනවා නෙමේය. හැමදාම මැතිවරණ තිබ්බානම්, මේකත් ආසියාවේ ආශ්චර්යයම් වෙනවාය.

අති විශේෂ

ඔය ඉහළින් තියෙන්නේ, අපේ බ්ලොග් කියවන රසිකයෙක් වන කුමාර අමරසිංහ එවපු, බොහොම වටිනා කියන පින්තූරයක්. මේ වගේ එකක් මේකේ එල්ලුවම, අර කටු ගෙට වගේම ආරක්ෂාවකුත් දාගන්න වෙනවා. මොකෝ මේක බොහොම ඇන්ටික් වටිනාකමක් තියෙන පින්තූරයක්. අර මොනාලීසා වගේම වටිනවා. නෑ බං හැලපයගේ මොනාලිසා නෙමෙයි. ඩාවින්චිගේ මොනාලිසා..

ටිකට් එක හොඳට බැලුවද....
ටිකට් එකේ වටිනාකන ශත තුනයි...
සිලෝන් ටකරං බස් දුවපු කාලේ, එයාලගේ ටිකට් එකක්...
උන්නැහේ කියන් විදියට, මේක 1960 ගනන් වල වෙන්න ඕන...

දැන් නම් මෙහෙම එකක් පරෙස්සම් කරලා තියාගන්න, ටිකට් එකක් දෙන්න එපාය. මේක අපි වෙත එවපු කුමාර මහත්තයට, බස් තියන් පයින් යන්න නොලැබේවා කියා ප්‍රාර්ථනා කරන ගමන්, මෙවන් වටිනා දෙයක් අපි සමග බෙදා ගත්තාට අපේ ඉස්තූතියත් මෙයින් ප්‍රකාශ කර සිටිමු.

ප: ලි:
බස් ගාස්තුවට කෙලියේ නැති උනාට. ලොකු ලුණූ වලට නම් කෙලලා ඇරලාය...