ඉගිලෙන මාළුවාගේ, මාළු කෑම - Flying Fish, Smells Bad

"Flying Fish" සෝ එක හදාපු, "සංජීව පුෂ්පකුමාර" මාධ්‍යවලට එවපු ලියවිල්ලට අමතරව, තවත් ලියවිල්ලක් බොක්කෙ යාළුවෙකුට එවලා, ඌ එක මට ගෙනත් දුන්නේය. ඒකේ හැටියට නම් මේක සෙට් ගේමක්ය. පහළ තියෙන්නේ ඒ ලියවිල්ලය.

අධර්මන් මඩලියගොඩ,
නයි ටී ඇන්
බිත්තරමුල්ල,
අම්මට සිරි ලංකාව.

සෙත් වේවා !

මචෝ,

කතා කර ගත්ත විදියටත් වඩා හොඳට වැඩේ ගිය එකට, උඹට වගේම, මටත් තියෙන්නේ ආතල් එකක්ය. වොරන්ට් පිට වොරන්ට් දීලත්, පොලීසිය උඹේ දිහා බලන්නෙවත් නැති එකට, කළ ගුණ සලකන්න මොකක් හෝ කරන්න ඕනා කියා, උඹ නාහෙන් අඬන කොට, මටත් මාරම අප්සෙට් එකේ උන්නේ, උඹට උදව්වක් කරන්නේ කොහොමද කියාය.


මම උඹට කිව්වේ, මේක හෝල් වලට දැම්මයින් පස්සේ ගේමක් දියන් කියාය. එහෙම උන්නා නම්, තව අවුරුදු ගානක් ඉන්න වෙනවාය. සෝමේ අයියාගේ, ජැකාලගෙ, සෙට් එකේ උන්ගේ ඉතිහාස කතා සැට් එකයි, බණ කතා සැට් එකයි පෙන්නලා ඉවර වෙලා, අපේ ඒවා පෙන්නන කොට, උඹයි මමයි දෙන්නාම, දිවිය ළෝකේය.

අනික ඉතින් අපේ ඒවා පෙන්නන්න හෝල් එකක් හොයා ගන්නත් මාරම අමාරු වෙනවාය. ඒ නිසා මම හිතාගෙන උන්නේ මගේ සෝ එක ටවුන් හෝල් එකේ පෙන්නන්නය. ගමේ උන්ට නම් ඉස්කෝලේ හෝල් එකේ පෙන්නනවාය.

මට පට්ටම ආතල් එකක් තියෙන්නේ, දැන් කස්ටිය මගේ මාළු විතරක් නොව, මේ සීන් එකට මෙළෝ සම්බන්ධයක් නැති උන්ගෙත්, මාළු කන්න ලෑස්ති වෙලා ඉන්න එකටය. ඒත් ගොඩක් දුක හිතෙන්නේ, සී අයී ඩී එකේ උන් ඉගිල්ලෙන මාළු පස්සෙ දුවන්න ගිහින්, වාස්ගේ කෙස් එක පස්සෙ දුවන්නේ මොකාද කියා හිතෙන විටය.

ගාමිනි වියන්ගොඩ මට කෝල් කරලා කිව්වේ, "මල්ලි.... උඹව ඉඹින්න හිතෙනවා...." මාත් දැන් කොටියෙක් නිසා, ඊළඟ පළාත් සභා ඡන්දෙට, ශ්‍රී ලංකා එකෙන් ඉල්ලනවා කියාය. ඒත් පොර අප්ෂට් එකේ ඉන්නේ, ඩබල් එකේම ධර්මසිරිටත් නොමිනේෂන් ඉල්ලන්න බැරි, ඌට බන්ඩාරණායක කෑල්ලක් තියෙන නිසාය. රේණුකා අක්කා නම් කෝල් කරලා, උඹලගෙයි, දුෂ්මන් කළුගල්ලෙටයි, මොකුත් කිව්වේ නැතිය. ඒ උනාට උඹලගේ අම්මලාව නම් මතක් කොළේ, සිරි පැරකුම් එකට වත් මෙහෙම පබ්ලිසිටියක් උඹලා නොදුන්න නිසා වෙන්න ඇතිය.

මම මචං එදා ඉඳලම උඹට කිව්වේ, ඔය රැඟුම් පාළක මණ්ඩලෙනුයි, චිත්‍රපටි සංස්ථාවෙනුයි, දෙකෙන්ම වැඩක් නෑ කියලාය. රැඟුම් පාළක මන්ඩලේ ඉන්න නාකි ටික, ෆිල්ම් එක බලන්නෙ නැතිය. උන් බලන්නේ පිටපත විතරය. ඉතින් මචං, පිටපතේ නැති ඒවා ෆිල්ම් එකේ දමා වැන්ඩ්‍රස්ට්‍රාටන්ද මොකක්ද එකා වගේ, බ්ලූ ෆිල්ම් හැදුවත් උන්ට අහුවෙන්නේ නැතිය. චිත්‍රපටි සංස්ථාව නම් එදා ඉඳලාම මෙළෝ රහක් නැතිය. ඒකේ ඉන්න උන්, චිත්‍රපටි කෙසේ වෙතත්, බැසියර් පටි අදින්න දස්සයි කියලා කොල්ලෝ කියන කතාවල ඇත්තක් තියෙනවාද කියා මට වඩා උඹ දන්නවා ඇතිය.

සමහර ගොන් තකතීරුවෝ අහන්නේ, පේමන්ට් එකේ බඩු විකුණන උන් පෙලපාලි යන්නේ ඉගිල්ලෙන මාළුවෝ බලලාද කියලාය. මම මචං ඉස්සර ඉඳන් උඹට කිව්වේ මේකය. උඹ මාත් එක්ක ආගිව් කලේ, සම්බහිය ෆිල්ම් බලන්නේ ඉහළ මැද පන්තියයි, බුද්ධිමත් ප්‍රේක්ෂක ජනතාවයි කියාය. උඹ කතා කලේ අම්මගේ රෙද්දක් කියා, උඹට දැන් තේරෙනවා ඇතිය.

මම මචං කාටත් හොරෙන් ඔය මිලින්ද කහනගමගේටයි ඌගේ සැට් එකටයි සෝ එක පෙන්නුවාය. මට ආරංචි විදියට "ඔස්කා" එකේ ජූරියට, කහනගමගේ ගන්න යන කතාවකුත් තියෙනවාය. කොහොම හරි ඊට පස්සේ, ඌව රැඝුම් පාළක මණ්ඩලේට හරි, බැසියර්පටි සංස්ථාවට දාන එක දානවාමය. දුකකට තියෙන්නේ, මුන්ට ප්‍රංශ ඇම්බැසියේ, වීදුරුවක් වත් කුඩුකර ගන්න බැරිවෙච්ච එක ගැනය. එහෙම උනා නම් එක්සත් ජාතින්ගේ සංවිධානේ උනත්, සෝ එක පෙන්න ගන්න තිබුනේය.

දැන් මචෝ, කොටින්ට බැක් කරපු රටවල් අතරට, දකුණු කොරියාවත් එකතු වෙනවාය. හියුබට් බැල්ස් සංවිධානෙත් එකතු වෙනවාය. ඒ ඔක්කෝටම වඩා, මාවත් එකතු වෙනවාය. එතකොට මචෝ සරස්වති මෑණියන්ගේ පිහිටෙන්, උඹත් ගොඩය මමත් ගොඩය. මට මචෝ ප්‍රංශෙට පැනලා, එක්නැලිගොඩලා එක්ක වෙඩිවර්ධනලත් එක්ක සෙට් වෙන්න පුළුවන්ය. අර පුත්තලමේ සුගන්ධික ආවම ඌත් එක්කත් ඩ්‍රින්ක් එකක් දාන්න පුළුවන්ය.

මේ සීන් එක නිසා, උඹව චිත්‍රපටි සංස්ථාවේ සභාපති කමට දාන්න උනත් පුළුවන්ය. ඒ නැතත්, මමත් දැන්, කන්තලේ ඉඳන් සෙයිලමේ ආපු බයියෙක් නොවේය. සෝ එක පෙන්නන්නත් ඉස්සෙල්ලා, "ස්පීල්ඩ්බර්ග්ලා" වගේම පොරක් නිසා, හදන සෝ වල ප්‍රොෆිට් එකෙන් ගානක් උඹට එවන්නම්ය. මතක ඇතුව උඹ මට එකවුන්ට් නම්බරේ එවපන්ය. ඒක නිසා ඔය ටෙලිෆෝන් කොම්පැණි අස්සේ තියෙන පරණ යකඩ කෑළි උස්සන්න ගිහින් පිටගැසම හදාගෙන මැරෙන්නේ ඕනා නැතිය.

මතක ඇතුව, දුෂ්මන් බලගල්ලෙ අයියයි, මිලින්ද කහනගමගේ අයියයි, මතක් කලා කියපන්ය. මේ කරපු පුණ්‍යකර්මයට උබට ඉපදෙන ඉපදෙන ආත්මයක් පාසා, පරණ යකඩ ගොඩවල්ම ලැබී, බිත්තරමුල්ල පැත්තේ, නයින්ගෙන් පිරි සංස්ථාවක, සභාපති කමක් ලැබේවා කියා පතනවාය. උඹලගේ අම්මා මතක් කරන්නේ නැත්තේ, ගොඩක් උන් උඹේ අම්මා මතක් කරන නිසාය.

උඹට සියළු සෙනාවල හා බලවේගවල සරණයි...!!!

මීට

හිතවත්,

සංජීව පුෂ්පකුමාර
ඉගිල්ලෙන මාළුවෝ චිත්තරපටියේ අධ්‍යක්ෂක