Sex & Tax

රමණය...
කුමකටද....?
සෑමදා...!!!
නොවරදවා,
කෙලිනා කල.....
ආන්ඩුව....!!!

මේ මම බොහොම කලකට කලින්, මගේ "පීන්තූර" බ්ලොග් එකේ ලියපු කවියක්ය. මේක බොහෝම ප්‍රසිද්ධ කියමනක්ය. අපේ රටේද මෙය දැන් තනිකර ඇත්තක්ය. අරින එක ඇතිවෙන්නම අරිනවාය.

මේ ආන්ඩුවට දැන් සල්ලි නැතිය. වෙනත් රටවලින් ණය ආධාර දෙන්නේත් නැතිය. ඇයි ඇම් ඇෆ් එකෙනුත් දෙන්නේ නැතිය. ගිනි පොලියට දෙන්නේ චීනා විතරය. ඌ ඒක දීලා අනෙක් පැත්තෙන් ගන්නවාය. විදෙස් ආයෝජකයෝ එන්නේ නැතිය. නූරීයා වත්තේ වගේ, මහ ඇමතිලාම සෙට් වෙලා මිනී මරණ රටක, ආයෝජනය කරන්න එන්නේ පිස්සෝය. එහෙම නැත්නම් ඉතින් කුඩු කාරයෙක් හරි, බඩු කාරයෙක් හරි වෙන්න ඕනාය.

සංචාරයට එන්නෙත්, හිඟන සුද්දෝය. උන් තෝසේ කාලා ප්ලේන්ටි බොන සුද්දෝය, එහෙම නැත්නම් සෝමේ අයියා කිව්වා වගේ, චූන් පාන් එකෙන් කිඹුලා බනිස් කන සුද්දෝය. ජේමිස් පැකර්ලාට අවුරුදු ගනන් බදු සහන දෙන්නේ ඒ නිසාය. ඌ ඇවිල්ලා කැසිනෝ එකක් හරි දමාවිය.

ගනින්නාන්සේලාත් දෙසන්නේ බයිලාය. ඇයි මීට කලින් කැසිනෝ දැකලා නැද්ද හලෝ, නිකං වඩිනවා අයිසේ වඩින්න කියා කියන්න වෙනවාය. අපේ කැසිනෝ රජා, බැංකු ඔක්කෝගෙම අයිති කාරයා වෙලාය. කැසිනෝ කියන්නේ ඒ වගේ බොහොම වටිනා කියන, බලවත් බිසිනොස් එකක්ය.

මේවා මේ ඉලව් ගෙදර බූරූවා ගහනවා වගේ නෙමේය. තෝන් ගත්තේ නැතත්. මේව්වාට එන්නේ හොඳ සල්ලි කාරයෝය. එහෙම එන්න යන එකත්, හර්ෂලා හදන්නේ නවත්තලා දමන්නය. එයාලටත් ඕන අපේ එකේම අරිනවාටය. මොන මළදානයක් හරි කොරලා අගාදෙන් ගොඩ එන්න ගියාම, එයාලටත් අරෂස් හැදෙනවාය. උන්ගේ කාලේ දැම්මේ කැසිනෝ නැතිනම් ඔළුවේ උකුණෝද කියා අහන්නම හිතෙනවාය.

මට ඕනා, මොන මළදානයක් හරි කොරලා අපේ අරින එක නවත්තා ගන්නය. මේ ආන්ඩුව දුවන්නේ දඩයි බදුයි එක්කය. ඒ දෙක නැතිනම් කබරාලලාගේ සංවර්ධනේ රෝල් කරලා පස්ස පත්තේ ගහගන්න වෙනවාය. උපන්දා ඉඳන් මැරෙණකම්ම බදු ගහනවාය. ඒ අස්සේ ජීවත් වෙන කාලේ දඩ ගහනවාය.

ඩෙංගු නැති කරන්නේ නැතිය. අර, කුඩු දාලා, හිරේ දානවා වගේ. කීටයෙක් ගෙනත් යෝගට් කෝප්පෙට දාලා, කප්පම් ගන්නවාය. එහෙම එකතු කරපු ගාන කෝටි 20 ක්ද කොහෙද කියලා පත්තරේක තියෙනවා දැක්කේය. මුන්ගේ අම්මලාට හැමිනෙන්න, ඒකෙන්වත් මදුරුවෝ ටික නැති කරලා දාන බැරිදෝ කියා ඕන එකෙකුට හිතෙනවනම් අවුලක් නැතිය.

පාරට වාහනයක් දාන්න බැරිය. කාකි ඇඳ ගත්ත, සුදු හෙල්මට් දාපු හිඟන්නෝ, අඟලෙන් අඟල ඉන්නවාය. පොතේ ලිව්වොත් පී බී ජයසුන්දරටය. ලිව්වේ නැත්නම්, කාකි හිඟන්නන්ගේ සාක්කුවටය. එක්කෝ ඉර කැපුවයි කියනවාය. නැත්නම් හයි ඉස්පීඩ් ගියා කියනවාය. හයි ඉස්පීඩ් එකේම ඇඟ උඩින් යන්න හිතුනත් කිසි අවුලක් නැත්තේය.

ඒ ඔක්කෝටම හපන්, දුකට සැපට දෙකටම ඉන්න අරක්කු වලටයි, සිකැරට් වලටයි ආයෙත් කෙලලාය. මිනිස්සුන්ට ඇන්ජෝයි කරන්න තියෙන එකම එකත් ඔච්චරය. අන්තීමෙදි වෙන්නේ හිඟුරානේ බාල බඩු හරි, වෙලේ සුදා ෂොට් එකකට හරි සෙට් වෙන්නය.

ඒ පාර, ඒවා ගත්තාම, වකුගඩුවලට කෙල වෙනවාය. ඊට පස්සේ ලේ මාරු කරන්න ආයෙත් සල්ලි යනවාය. ඊට වඩා, හොඳ කොලිටි බඩු පොඩි ගානකට දෙන එකය. එතකොට සුද්දෝ වයින් බොනවා වගේ ඔක්කෝම පොඩි ෂොට් එකක් ගහන්න පටන් ගන්නවාය.

එහෙම නැත්නම් ලාබෙට වයින් එකක් වත් හදලා දෙන්න ඕනාය. එහෙම එකක් කරන්න හිතේවත් නැතිය. කරන්නේ පිට රටින් එතනෝල් ගෙන්නලා වයඹ ඉස්පැසල් කියා බොකු දිරාස් මළ ජරාව මාකට් එකට දාන එකය. ඔය උතුරේ පලු යන්න මිදි හැදෙන එකේ ඒ පැත්තේ වයින් ෆැක්ටරියක් ඇරියානම් ඒ මිනිස්සුත් ගොඩය. අපිත් ගොඩය.

කොහොම හරි, මේවා නම් චන්ද අඩු වෙන වැඩය. ඕක ඉතින් ඔය වැඩි කරා කියා, අපි වැඩේ නවත්තෙන්නෙත් නැතිය. බලාගෙන ගියාම. මතට තිත කිව්වාට. ආන්ඩුව තිතට යන්නේ බේබද්දෝ නිසාය. ඒක ලොක්කාත් දන්නවාය.

වැඩියෙන්ම බොන්නේ පෝය දවසටය. ඒ වෙන මොකවත් නිසා නෙමේය. පෝය දවසේ උදේ ඉඳන් ටී වී එකේ බුදු හාමුදුරුවෝ දෙසුවා කියා, හාමුදුරුවරුයි, සුදු ඇඳපු ආචාර්යවරුයි, ආන්ඩුකාරවරුයි, කෙලින පච අහලා සසර කළකිරුණ නිසාමය.

ඔය මොන සෙල්ලම් දැම්මත්, සුරයන්ගේ පානය අප අත හරින්නේ නැතිය. ගාන වැඩි වෙන එකත් එක අතකින් හොඳය. මොකෝ, අද පාන් ගෙඩියක් කන එකාත් හොඳ සල්ලි කාරයෙක් නිසාය. එම නිසා මේ පානය අප වෙත එවු සුරයන්ට පින් පිනිස මේ පාඨය කියා, අපේ කතාව මෙතනින් නවත්තනවාය.

ආකා සඨ්ඨාච බුම්මඨ්ඨා
දේවා නාදා මහිද්දිකා
පුඤ්ඤංත්තඃ අනුමෝදිත්තා
චිරං රඛ්ඛං මං පරන්ති.......

ප: ලි:
අරක්කු සිකැරට් වලට විතරක් නොව, පොඩි උන්ගේ කිරි පිටි වලටත් ඇරලාය. සාරුවා සුනිල් හොඳය. ඌ ඇරියේ 300 කට විතරය. ආන්ඩුව, ඔක්කෝම පොඩි උන්ගේ ඇරලාය. මිනිස්සු කිරි නැති නිසා, ගෙවල් වලට පැන ගෑණුන්ගේ තන කිරි බලෙන් බොන කේස් පත්තර වල තිබුනොත්, ඔහේලා පුදුම වෙන්න එපාය. ඒ නැට්ටට කිරි එරුණ කේස් එකක් නොව, කිරි නැති හින්දා තන කිරි බීපූ කේස් එකක්ය.