වස විස පිරි "ෆොන්ටෙරා" කිරි - Fonterra Apologizes for Milk-Powder Scare

අපේ රටේ මාධ්‍යන්ට හෙළි කල නොහැකි සත්‍ය මෙතනින් කියවන්න.

මම ලියපු පෝස්ට් එකක ඇනෝ කෙනෙක් කිරිපිටි වල DCD (Disyandiamide)  තිබෙනවා නේද කියා මගෙන අහලා තිබුනේය. බ්ලොග් එකේ කොමෙන්ට් දමන්නේ නැති හිතවතෙක්ද, ඊ තැපෑලක් මගින් මේ ගැන නොලියන්නේ මන්දැයි කියා අසා තිබුනේය. අපිත් කිරිපිටි බොන නිසා, ටිකක් මේ ගැන හොයා බැලුවාම, දැන් ළෝකයේ ප්‍රධාන පෙලේ සෑම රූපවාහිනි නාලිකාවකම ප්‍රධාන ප්‍රවෘත්ති අතරේ වැජබෙන්නේ මේ කතන්දරයය.

මම නම් හිතන්නේ, මේ ගැන ගැඹුරින් ළිපියක් ලිවිය හැක්කේ "ඇල්කේමියාට" බවය. කෙසේ වෙතත් අරුණි ෂපිරෝ මේ ගැන ළිපියක් ලියා තිබෙන්නේය. ඒ ගැන අරුණිට ස්තූතිවන්ත වන අතරම, මේ ගැන මමත් යමක් ලියන්නේ. එය අපේ යුතුකමක් නිසාය. නැවතත් කීමට ඇත්තේ "ඇල්කේමියා" මේ පිළිබඳ ළිපියක් ලියන්නේ නම්, එයා යුතුකමක් බවයි.

"කිරි නැති හින්දා..... රට කිරි දීලා.... සිංහළ දරුවෝ මරන්ටා........." කියලා, මී ආච්චි කෙනෙක් ඒ කාළේ ඉඳන් කෑ ගැහුවත්, අපේ රට පාළණය කරපු කාළකන්නින්ට, ජනතාවට නැවුම් කිරි උගුරක් සපයා දීමට අදටත් නොහැකි වී ඇත. ලැජ්ජාව නිසාදෝ ඒ සින්දු අද අහන්නවත් නැතිය. නැත්නම් ඉගිල්ලෙන මාළුවෝ වගේ තහනම් කොරලාද දන්නේත් නැතිය.

ඉන්දියාවේ ඉතා පහසු මිලට නැවුම් කිරි ඕන තරම් ඇත. එපමණක් නොව, කිරි මඟින් නිශ්පාදනය කරන අනෙකුත් නිශ්පාදනද ඉතාමත් ලාභය. මෙහේ, කිරි දීම කෙසේ වෙතත් ළදරු කිරි පිටි එකෙනුත් වැඩිපුර බොන්නේ, රට කරවන කාළකන්නි දේෂපාළඥයන්ය. ඒ කප්පරක් බදු ගහලාය.
 
අනික කිරි ගොවියා නිශ්පාදනය ඉහළ දැම්මද, ඒවට නියම මිළක් ලබා දීමේ ක්‍රියාපටිපාටියක් නොමැතිව, කිරි ටික වතුරට හලන තත්වයක් උදා වෙලා තියෙනවාය. පොඩි උන්ට කිරි වීදුරුවක් දෙනවා කිව්වාට. නුවරඑළියේ පොඩි උන්ටවත්, එහෙම එකක් හම්බ වෙන්නේ නැතිය. ඒ,  ඒවාට සම්බන්ධ උන්ගේ කළමණාකරන නොහැකියාව නිසාය.

මා දන්නා තරමින්, අපේ රටේ එළකිරි වලින් නිශ්පාදිත, කිරිපිටි ඇත්තේ දෙවර්ගයක් පමණි, ඒ "හයිලන්ඩ්" හා "පැලවත්ත" පමණි. අනෙක් ඒවායෙන් වැඩු පුරම පැමිණෙන්නේ. ළෝකයේ සරුසාරවත්ම තන බිම් පිහිටි, ළෝකයේ හොඳම කිරි නිශ්පාදනය කරන නවසීලන්තයෙනි. අද නවසීලන්තයේ "ෆොන්ටෙරා" ආයතනයේ කිරිපිටිවල DCD ප්‍රතිශතිය ඉහල බැවින් හා ශරීරයට අහිතකර Clostridium Botulinum නම් බැක්ටීරියාවද අඩංගු හෙයින්, රටවල් කීපයකම ඒවා ආනයනය තහනම් කොරලාය. ගෙනාපුවත් යවනවාය. සමාගමේ උන් එම රටවල් වලින් සමාව ගන්නවාය.

මැලේසියාව, වියට්නාමය, තායිවානය, රුසියාව පමණක් නොව, ඔවුන්ගේ විශාලම වෙළද පොල වන, චීනයේ අද එය තහනම් කරලාය. තහනම් කිරීමෙන් නොනැවති ඒවාට ලයිසන් දුන් චින්නුන්ව, හිර ගෙවල් වලත් දමලාය. ඒවායේ එහෙම උනාට අපේ රට හරි අමුතු රටක්ය, "ළෝකයේ අනෙක් රටවල අයට වඩා අපේ රටේ මිනිස්සු වෙනස්ය."

පාර අහන එකාටත්, තැඹිලි ගෙඩියක් කපලා දෙනවාය. කොස් ගහ කපන්නේ නැතුව, වැට මගේ පැත්තෙන් ගහන්න කියනවාය. ඒ වගේම වසත් එක්ක කිරිත් පොවනවාය. ඒ වෙන කිසිවක් නිසා නොව කොමිස් කුට්ටි නිසාය. ළෝකේ අනෙක් රටවලට වස උනාට, අපේ සෞඛ්‍ය අමාත්‍යශයට ඒවා වස නෙමේය. අම්මට සිරි ලංකාවේ ඇස් ඇල් ඇස් (SLS) සහතික දෙන, ප්‍රමිති කාර්යංශයක්ද මොකක්ද තියෙනවාය. බොරැල්ලේ පරමාණු බෝම්බ උනත් චැක් කොරලා දෙන තැනක් තියෙනවාය. පේරාදෙනියෙත් එහෙම එකක් තියෙනවාය. හාබර් එකෙත් තියෙනවාය.

ඒ මදිවාට ජමිය තුල් උලමාගේ, "හලාල්" සැටිපිකට් ඉෂූ කරන ආයතනයකුත් තියෙනවාය. එහෙම ඕනා තරම් තිබුනාට, එයාලා ගිහින් ඒවා චෙක් කොරලා බලන්නේ නැතිය. පාරිභොගිකයෙක් ඒවා අරගෙන ගිහින් එයාලාට දෙන්න ඕනාය. එහෙම දුන්නත්, කොම්පැනියෙන් ගානක් දුන්නාම ඒවා වල මුකුත් නැතෙයි කියනවාය.

 ඩෙංගුවා මරන්න බැරුව, අවුරුදු දාස් ගනනක් තිස්සේ ලංකාවේ තියෙන හබරල ගස්, රම්පේ ගස් වනසන සවුක්ක අමාත්තියන්සයකුත් තියෙනවාය. එයාලා නම් කියන්නේ මේවා බීමට නම්බර් වන් කියාය. කරුමේ කියන්නේ වන් පස්  (1+), ත්‍රී පස් (3+), කිය කියා, පොඩි උන්ට වහ පොවනා එකය. අන්තීමට පොඩි එකාට වෙන්නේ මහරගම පිලිකා රෝහලේ හරි කොහේ හරි පව් ගෙවන්නය. නැත්නම් පස් යටට යන්නය. එහෙම උනාම අම්මා අප්පාට වෙන්නේ, පොළොවේ පස් කන්නය.

අපේ පාළකයන්ට ජනතාව වස විස කෑවාට අවුලක් නැතිය. වස තියෙන වතුර බොන්න බෑ කිව්වාම, පොඩි උන්ගේ ඔළු පලලා මරණවාය. අම්මලා පොළොවේ පස් කනවාය. ඒ නිසා කිරි වල වහ තියෙනවා කියා පාරට බැහැලා උද්ගෝෂන කොරන්න ගියෝතින් වෙන්නේ පොලොවේ පස් කන්නටය. ආන්ඩුවේ උන් කියන්නේ ජනතාවට වහ දෙන ෆැක්ටරි වහ දලා ආර්ථිකය විනාශ කරන්න කරන බටහිර කුමන්ත්‍රණ කියාය.

ඒ නිසා සද්දේ වහලා, වහ තියෙන ඒව්වා මොනවාද කියා දැනගෙන, ඒවා භාවිතා කරනවාද නොකරනවාද කියන එක අප තීරණය කළ යුතුය. හුදී ජන පහන් සංවේගය පිණිස, අම්මට සිරි ලංකාවේ "ෆොන්ටෙරා" කිරිපිටි ආශ්‍රිත නිශ්පාදන ලැයිස්තුවක් පහලින් දමනවාය. නැවත කියන්නේ මේවාවල DCD වැඩියෙන් තියෙනවාද, අඩුවෙන් තියනවාද කියන්න මම නම් දන්නෙ නැතිය කියාය.

රත්ති කිරිපිටි (Raththi)
සියළුම ඇන්කර් කිරිපිටි (All Anchor Milk Powder Products)
ඇන්ලීන් කිරිපිටි (Anlene )
නිව්ඩේල් නිශ්පාදන (Newdale)
ඇන්කර් පීඩියා ප්‍රෝ (Anchor Pedia Pro)

මීට අමතරව මේ දැන දැන ගනීමට ලැබුන පරිදි එංගලන්තයේ කව් ඇන්ඩ් ගේට් (Cow & Gate) සමාගමද, තම නිශ්පාදන වෙළඳ පොළෙන් ඉවත් කර ගැනීමට කටයුතු යොදා ඇත. එයට හේතුව වශයෙන් ඔවුන් සඳහන් කරන්නේ, තම නිශ්පාදන සඳහා ඔවුන් යොදා ගන්නේ "ෆොන්ටෙරා" නිශ්පාදන බවයි..

එම නිසා ෆොන්ටෙරා ආයතනයේ, නිෂපාදන යොදා ගනිමින් කරනා, වෙනත් නිශ්පාදන ගැන දැණුවත් නම්, ඒ පිළිබඳව කොමෙන්ට්ස් මගින් දැණුවත් කරන්න. එමෙන්ම මෙය සාවද්‍ය නම්, සත්‍ය කුමක්දැයි ජනතාව දැණුවත් කිරීම පසෙකින් තබා, වෙනත් රටවල කලාක් මෙන්, තම නිශ්පාදන වෙළඳ පොලෙන් ඉවත් කර ගන්නේ නැතිව, ඒවායේ මිළ පහළ දමා, පාරිභෝගිකයින් මුලා කිරීම තරයේ හෙලා දකිමු.