ටෙලි නාට්ටි කාරයෝ ඇවිත් - Teledrama Artists met President

යාපනෙන් ආපු ඉස්කෝල ළමයි ටිකක් එක්ක, ජනාධිපති තුමා අරලියගහ මන්දිරේ පිටි පස්සෙ පිට්ටනියේ, බට්ටෝ පනිමින් සිටියේය. උන්නැහේ ළඟ ඉන්න එකෙකුට කිව්වේ, "මුන් ඕයි අපේ ගමෙන් එන උන් වගේ නෙමෙයි, හරිම අහිංසකයි., අපේ උන් ආවම මළ ඇනේ.... ග්‍රවුන්ඩ් ඉල්ලයි, සුවිමින් පූල් ඉල්ලයි, මුකුත් නැත්නම් ඉන්ගිරිසි චීචර් කෙනෙක් හරි ඉල්ලනවා" කියාය.

ළඟ හිටපු එකා හෙමින් කිව්වේ, "මේකනේ සෑර්... මුන්ගේ එකෙක් අරවා මේවා ඉල්ලන්න ගිහින්, ඉල්ලගෙනම කාපු නිසා, මුන් මුකුත් ඉල්ලන්න බය ඇති..." කියාය. "එහෙනම් මුන්ට ඩික්ෂනරි ටිකක් හරි දීලා දාමු... පව් ඕයි..." කියා, ඩික්ෂනරි බෙදන අතරේ, හැට හුටාමාරක් ලේඛම් බුරුත්තේන් එකෙක් ඇවිත් ජනාධිපති තුමාට කිව්වේ, "සෑර්.... සෑර් හම්බ වෙන්න ටෙලි නාට්ටි කාරයෝ වගයක් ඇවිල්ලා..." කියලාය. ලොක්කා ඇඹරෙන ගමන් රැවුලෙන් කෑල්ලක් හපමින් කිව්වේ, "ඔව් ඕයි..... ඒ කාළේ ටෙලිඩ්‍රාමා දෙක තුනක හිටියට... දැන් එහම ඉන්න බෑනේ ඕයි...." කියාය.

"ඒක නිසා යන්න කියනවා ඕයි... මට මුන් එක්ක තව ටිකකින් ලන්ච් ගන්න තියෙනවා..." කියා ලොක්කා කිව්වාම, ලේඛම් එකා කිව්වේ "ඇක්ට කරන්න නෙමෙයි සෑර්...." කියාය. "පලාත් සභාවලට නොමිනේෂන් දීලත් ඉවරයි, අනික මම ඕවට හොට දාන්න යන්නෙත් නෑ. අර සුසන්තිකා චන්ද්‍රමාලිට දුන්නට, ඒකීත් පරාදයි. ඒ තියා ගීතටත් බැරි උනා... යාන්තන් අර පබයි, අනර්කලියි විතරයි ගොඩ ගියේ... දැන් ඉන්න උන් මම දන්නෙත් නෑ.... කියනවා ඕයි නොමිනේෂන් දීලා ඉවරෙයි කියලා...."

"නෑ සෑර්..., එහෙම එකක් නෙමෙයි, මේ.......", කියන කොටම, ජනාධීපති තුමා මුද්‍රා නාට්‍ය භාෂාවෙන් කිව්වේ, ලේඛම්ගේ කන පොඩ්ඩක් කිට්ටු කරන්නෙයි කියලාය. කිට්ටු කරපු කනට කර ජනාධිපති තුමා කුටු කුටු ගෑවේ.. "මේ පොඩි උන් ඉන්න තැන අහන්න බෑ... මොකෝ දෙන්නෙක් තුන්දෙනෙක් බඩු ඉස්පොට් එකක ඉඳලා පොලිසීයෙන් උස්සලැයි....?" , "එහෙනම් ඔහේ පොලීසියට කෝල් එකක් දෙනවා... මොනවා කලත් හිත හොඳ කෑලි නේ.... ඕයි." කියලාය.

"නෑ සර්.... නෑ.... නෑ.... නෑ.... එහෙම එකක් නම් සර් ගාවට එන්න ඕන නෑනේ.... කෙහෙලිය මහත්තයා අමාත්‍යංශ මට්ටමෙන්ම ඒවා ගැන හොයා බලනවනේ.... සෑර් මේ මාලනිත් ඇවිල්ලා ඉන්නේ....." කිව්වාම් ලොක්කා ගත් කටටම කිව්වේ, "එයැයි එන්නේ අහවල් එකටෙයි... චිට් එකෙන් සීට් එකකුත් දීලා.... බෑන්ක් ලෝන් එකකුත් පාස් කරලා දුන්නා..... ගෙදර එකීගෙන් වත් නෑ නේ ඕයි මෙහෙම කරදරයක්....." කියලාය.

"නෑ සර්..... එයා විතරක් නෙමෙයි, සෙට් එකක්ම ඇවිල්ලා ඉන්නවා...." කිව්වාම ජනාධිපති තුමා කිව්වේ. "අර මක්කටෙයි.. එහෙනන් ටෙලියක් ෂූට් කොරන්න වෙන්න ඇති.. ඕන් ඔහේ ඕන් විගඩමක් නටගන්නෙයි කියනවා.. කන්න බොන්න මක්කා හරිත් දී දානවා...හැබයි ඔහේලයි දත් පරෙස්සම් කොර ගන්නවා... ඕන් නොකිව්වැයි එහෙම කියන්න එපා හොඳෙයි....." කිව්වාම ලේඛම් ඇහුවේ "එ ඇයි සෑර්.....?" කියාය. "කළාකාරයෝ කියන්නේ ඕයි ඩෙන්ටිස්ලටත් වඩා අගේට දත් උගුල්ලන් උන්... ඒ නිසා ඔහේලා ඕකුන් එක්ක පයුරු පාසානම් තියාගන්නේ බලාගෙනයි ඕං.." කියා ලොක්කා කීවේය..

ඔහොම ඉන්න අතරේ, මාලනී එතෙන්ටම ඇවිල්ලා කිව්වේ, "සෑර්..... මේ අපේ අයට සෑර්ව පොඩ්ඩක් හම්බ වෙන්න ඕනලු, ටෙලි නාට්‍ය ක්ශේෂ්ත්‍රයේ තියෙන ගැටළු ගැන පොඩ්ඩක් කතා කර ගන්න...." කිව්වාම. ලොක්කාගෙත් පපුව උණු උනේය. "එහෙනම් යමුකෝ බලන්න...." කිව් ජනාධිපති තුමා පොඩි උන්ට ටටා කියා අරලිය ගහ මන්දිරේ ඇතුලට ගියේය.

ඉන්න උන්ගෙන් ලොක්කාට නිච්චියක් තිබුනේ සූරසේනයා ගැන විතරය. "කෝ.... ඩබ්ලිව්. ජයසිරි හෙම ආවේ නැතෙයි...? කිව්වාම, සූරසේන කිව්වේ "එයා සෑර් අර ජනරාල පස්සෙන් ගිහින්, දැන් අප්ෂට් වෙලා, හැමෝගෙන්ම "ඇයි අප්ෂට්ද" කියා අහන නිසා, මෙතනට එක්ක ගෙන ආවේ නෑ....." කියාලාය. එතකොට ලොක්කා කිව්වේ 'ඇයි අප්ෂට්ද....?" කියාය.

"මම හිතුවේ මේ හදන හැදිල්ලට, ඔහේලාට කිසි අවුලක් නැතෙයි කියලා.... හැබයි ඉතින් එකම නාට්ටිය හැම චනල් එකේම, හැම වෙලාවෙම දාන කොට එපා වෙනවා තමයි....". "නෑ සර්.... ඒ එක වගේ පෙනුනට ඒ ඔක්කෝම වෙන වෙන නාට්ටි...." කියා මාලනි කිව්වාය. "එවා වල ඉන්න උන් නම් කමකට නෑ අයිසෙ..., කොල්ලො කෙල්ලෝ කතා කරන්නේ, අයිසෙ... බයිසෙ... තමුසෙ.... ඕයි... කියලා,  මොකක් හරි කරන්න බලනවා අයිසේ...." කියා ලොක්කා කිව්වාම එකෙක් කිව්වේ ඒ ගැන හොයා බලන්නම් කියලාය.

"අපි ආවෙත් ඒකටම තමයි සෑර්.... දැන් ඒවල කිසි ප්‍රමිතියක් නෑ..." කියා කිව්වාම, ලොක්කා මල අතට අරන් කිව්වේ "ඉතින් ඕයි... ඩ්‍රාමා හදන්නෙ මමෙයි....? එව්වා ගිහින් කියන්න එපැයි අර අද්දස්සද මොකක්ද එකාට.... එව්වට මං පලියෑ....." කියාය. "නෑ සෑර්... එහෙම නෙමෙයි මේකට රැඟුම් පාළක මණ්ඩලේ වගේ මණ්ඩලයක් පත් කරොත් හොඳයි නේද....? කිව්වාම, "ඒකට නම් ඕන් අපේ මල්ලා, සී අයි ඩී මණ්ඩලයක් දාලා තියෙන්නේ, මේ දවස්වල "පියාමැස්සා" සෝ එකේ, සෙට් එකම ගෙනත්, මාළු කන හැටි කියලා දෙනවා.... ඒකටම ඔය ටෙලි නාට්ටිත් දුන්න නම් ඉවරනේ.......ඒකටම තමුසෙලගෙ දෙන්නෙක් තුන්දෙනෙක් දාගෙන, කෙහෙලිය ගෙන්, මාසෙට කීයක් හරි ඉල්ලගන්නවා....." කියා කිව්වේය.

"සර්...... දැන් යන කතා ඔක්කෝම එක වගේ නිසා, සර් කැමති මොන වගේ කතාවලටද....?" කියා එකෙක් අහුවාම, "මම නම් මේ දවස් වල කැමති, දයාගේ කතාවලට තමයි...." කිව් ජනාධිපති තුමා, "විපක්ෂේ එකා උනත්, රන්ජනුත් පට්ට කතාවක් කෙරුවනේ ඕයි...." කියාද කිව්වේය. "සෑර්.... අපේ අයගේ රඟපෑම් ගැන මොකද සර්ගේ අදහස.....?" කියා ඇසුවාම, මනමාල හිනාව දාපු, ජනාධිපති තුමා කිව්වේ, "ඇමති මණ්ඩලේ උනූත් සමහර අයගේ රඟපෑම්, එකසිය ගානට වර්ණනා කරනවා මාත් අහලා තියෙනවා.... අවුලක් නෑ අනේ...." කියාය.

"එහෙනම් බොහොම ස්තූතියි සෑර්....," කියා යන්න නැගිටින කොට ලොක්කා කිව්වේ, "හා.... හා... මට කියන්න අමතක උනා, ඔය මොන මණ්ඩලේට පෙන්නුවත්, අර සුදර්මන් යකඩගොඩයටයි, ගලුහුල්ලයටයි, ස්ක්‍රිප්ට් එක පෙන්නලා පටන් ගන්නවා..... නැත්තං ඉතින් අපරාදේ සල්ලි....., එහෙනම් යන ගමන් ලන්ච් එකත් අරගෙන යන්නකෝ....." කියා අයිබෝවන් කියූ ජනාධිපතු තුමා බය වූයේ, පෙරලි පෙරලි වඳින වැඳිල්ලට, මුන් සරමත් ගලවගෙන යාවිදෝ කියාය.

ජනාධිපති තුමා ඇතුලට යන ගමන්, හැන්ඩි වේටර් කොලුවෙකුගේ කනට කරලා කිව්වේ. "තමුසෙලා බලාගෙන.... ඔතන කොල්ලෝ පෙන්නන්න බැරි අම්මන්ඩිලා ටිකකුත් ඉන්නවා.... අර පොඩි උන්ටත් කන්න දෙයක් ඉතිරි කරගන්න බලනවා.. නැහ්තන් ඕකුන් ඔක්කෝම කාලා... පැකටුත් බැදන් යාවී හරිය... ඒ වගේම හැම එකාටම කියනවා... මක්කා නැතත් කට්ටියගෙම දත් ටික පරෙස්සම් කරගන්නෙයි කියලා......"