ලංකාවේ හෙළුවැලි පොටෝ කළාව (23+) - Nude Photography (13+)

 
ලිය ලියා උන්නේ පොටෝ ඇල්ලිල්ල ගැනය. මාතලන් පොටෝ වලට බොහොම කැමතිය, ඒ නිසා "පින්තූරූ"  නමින් බොගක්ද, "Classic Pics" නමින් තවත් බොගක්ද, පවත්වාගෙන ගියේය. කාළ කළමණාකරනයේ කේස් එකක් නිසා, ඒවා අප්ඩේට් කොරන්නට වෙලාවක් නැති එක ගැන ඇත්තටම මාර දුකය.

එහෙත් පොටෝ අල්ලන කට්ටිය කැමති නම්, මගේ "පින්තූරූ" බ්ලොග් අඩවිය, ඔබ වෙනුවෙන් කැප කළ හැකිය. පොටෝ එකට නමක් සමග එව්වොත්. පොටෝ එක ගත්තු එකාගේ නමත් එක්ක ප්‍රචාරයක් දිය හැකිය. ඒ සඳහා, අකුරු වලින්ද නිර්මාණයක් කර එවන්නේ නම්, වඩාත් අගනේය. එය කවියක්, නිසදසක් හෝ ඕන කුණු හබ්බයක් වූවාට කම් නැතිය.

ලංකාවේ පොරසිද්දම පොටෝ කාරයා, මම හිතන විදියට ලාල් හෑගොඩය. එයා පොටෝ ඉස්කූල් එකකුත් කරනවාය. ඒ වගේම පට්ට කවියෙක්ය. ඇත්තටම හොඳ පොටෝ කාරයෙක්, හොඳ කවියෙක් හෝ ටැලන්ට් සාගරයක්ය කියන එකට, බ්ලොග් වල තියෙන උදාහරණය නම් සොසීමය. ඉස්සෙල්ලත් කිව්වා වගේ, මගුල් පොටෝ වල ක්ලැසික් පොටෝ කාරයෝ උන්නත්, අනෙකුත් ඡායාරුපවලට ප්‍රසිද්ධ පොරවල් ගැන දැන ගැනීමට නම් ඇත්තේම නැතිය. කොහොම උනත් එයාලාගේ සංගමයක් තියෙන්නේය. කැමති එකෙකුට මෙතනින් ඊට ගොඩ විය හැකිය.

මම කරපු බ්ලොග් දෙකෙන්, "Classic Pics" බොගේ තිබුනේ, කළාත්මක නිරුවත් ඡායාරූපයන්ය. එය මාතලන් කුඩා කළ සිට බොහෝ රස වින්ද කළාවක්ය. අද නම් ඕවා කරන්න ගොහින්, රාවනා බලකායේ හෝ නානසාරලාගෙන් නොමිලේ නිවන් දකින්නට ඇහැකිය, එහෙම නැත්නම් විමලේගේ සැට් එකෙන් හෝ චම්පිකලාගෙන් ඇක්සිඩොන්ට් වෝඩ් යන්නම සබ්බත්ත පාරවල් ටිකක් කන්නට ඇහැකිය.

අද තත්වය එසේ වූවද, ලංකාවේ හෙළුවැලි කලාව එන්නේ ඈත අතීතයේ සිටමය. සීගිරිය එක් උදාහරනයකි. ඒවා ළෝකේම පොරසිද්දය. අනෙක ඉසුරුමුනියය. බොහෝ දෙනෙක් නොදන්නා කාරනය නම් ඉන්දියාවේ කජුරාහෝ වල ඇති ලිංගික ඉරියව් නිරූපනය කරණා කැටයම් ඇති පුරා විජ්ජා ඉස්තානයක් ලංකාවේද තියෙන බවය. ඔය බ්ලොග් ලියන මාරයා නම් මෑතකදි ඔහේ ගිහින් ඇවිත් එරෝටික් ස්කල්ප්චර් දැක්කාද ඇහුවාම කොර වෙලා ගියේය. ඒ මාතලේ ඇති නාලන්දා ගෙඩි ගේය.. අද ඇත්තේ කැටයම් දෙක තුනක් පමණය. අනික්වා සීගීරියේ තන් වල තාර ගෑවා වගේ විනාස කොරලා දාන්න ඇතිය.

ලනට් වෙන්ඩ්ට් (1900-1944)

ඉන් පසු හෙළුවැලි පොටෝ කලාව යන්නේ, නිදහසටත් පෙර අතීතයටය. ඒ සුන්දර මිනිසකු වූ ලයනල් වෙන්ඩ්ට් නම් මහා කළාකරුවාය. ලයනල් ඇත්තටම ඉන්ගිරිස් හා ජරමානු සම්බවයක් ඇති සුද්දෙක්ය. මුළු පවුලම නඩුකාරයෝ හෝ අදිනීතිකාරයෝය. තරුණ ලයනල් ලන්ඩන් ගියේ නීතියේ කෙළ පැමිනිලා එන්නය. ඒ උනාට එහේ ගිහින් කලේ, රාජකීය සංගිත පාසලේ නොම්මර එකේ පියානෝ වාදයෙක් වීමය
.
ලංකවට ආවාට පස්සේ ඔහුගේ දැණුමෙන් කළ හැකි දෙයක් නොමැති කල. ඔහු යොමු වූයේ ඡායාරූප කළාවටය. එම කළාවත් ඇඟේ තියෙන්න ඕන එකක් කියන්නේ මේ නිසාය. ලයනල්ගේ ඡායාරූප ලංකාව ළෝකයට ගෙන ගියේය. ලංකිය සංස්කෘතිය, කළාව, ළෝකයට ගෙන ගිය ප්‍රථම පුද්ගලයා ඔහුය. ඒ
වෙනුවෙන්ම සංගමයක්ද පිහිටුවා ගත් ඔහු, ගෝලයෝ රාශියක් බිහි කලේය. කළාගාරයක් සෑදීමේ ඔහුගේ සිහිනය නිමා වූයේ අවුරුදු 44 ක් තරම් තරුණ වයසේ, දිවිය ළෝකයේ ගියායින් පසුය.

ලයනල් වෙන්ඩ්ට්ගේ පොටෝ එකක්

අද ඔහේලා නාට්ටි බලන්න යන්නේ, ලයනල්ගේ යාලුවෙක් වෙච්චි හැරල්ඩ් පීරිස් රසිකයා හදපු ආර්ට් සැන්ටර් එකටය. ඔතන නාට්ටි බැලුවාට. ලයනල් වෙන්ඩ්ට් ගේ කළාගාරය බලන්න යන්නේ එහෙමත් එකෙක්ය. එතනට ගියානම් 1930 ගනන් තරම් ඈතක. ඔහු කොතරම් දියුණු ළෝකයක ජීවත් උනාද යන්න හොඳින්ම බලා ගන්න ඇහැකිය. සුද්දෙක් උනත් ලයන්ල් ලංකාවේ නිදහස වෙනුවෙනුත් පෙනි සිටියේය.

ඔහුගේ පොටෝ නිසා ලංකාව ගැන බිහිවූ හොඳම චිත්ත්‍රපටියක් වූයේ "සෝන්ග් ඔෆ් සිලෝන්" නම් සිනමා පටයයි. මේ චිත්තරපටියේ පොතේ ගුරා එහෙම නැත්නම් කථනය ලයනල්ගේය. ඔහු කියවන්නේ "රොබර්ට් නොක්ස්" ලියාපු ඒවාය. මේහේ සිනමා පොටොග්‍රැෆර් වැඩේ අද්යක්සක බැසිල් රයිට් වගේම ජොන් ටේලර් කියන සුද්දන්ගේ උනත්. ඔවුන් පවසා ඇත්තේ කැමරා ඈන්ගල් හා ලොකේෂන් සොයා දීම් සියල්ලම කලේ ලයනල් වෙන්ඩ්ට්ම තමයි කියාය.

එයාගේ ඡායාරූපයන් සියල්ලම, ජීවමාන වර්ණයන් වන කළු සහ සුදය. මාතලන් හිතන්නේ අද උනත් හෙළුවැලි පොටෝ එකක කළාත්මක බව ඉස්මතු වන්නේ, කළු සහ සුදෙන් නම් විතරක්ය කියාය. වර්ණයෙන් ගහපු ගමන් නිරුවත, එරොටික් එහෙම නැත්නම් ශෘගාර රසය ඉස්මතු වෙන කේස් එකක් වෙනවාය.

රොඩී යැයි කියනා හින්ගල මොඩල්ස්

අපේ රටෙත් ඒ කාළේ ගත්ත පොටෝ වල සාමාන්‍ය ගැහැණු ඉඳලා තියෙන්නේ, කුක්කු තන් එලියේ දමාගෙනය. ඒ උනාට අද ඒවාට කියන්නේ, ඒවා රොඩී උන්ගේ කියාය. නමුත් ඇත්ත ඒක නෙමේය. උඩට ඇන්දේ රජ්ජුරවන් හා රජතුමාට කඩේ ගිය උන් විතරය. සාමාන්‍ය උන්ට උඩු කය වසා ගන්න හම්බ උනේත්, සුද්දා නිසාය. එහෙව් සුද්දට බටහිර කුමන්ත්‍රණ කාරයෝ අරවා මේවා කියන කොට මාතලන්ගේ හිත නම් රිදෙනවාය. පරණ පොටෝ බලන්න නම් මෙතනින් ගිහින් බලන්නය.

ඒ කාළේ එහෙම උනත්, මේ කාළේ හෙළිවැලි පොටෝ අල්ලන්න ගිහින් මහ උළු ගෙදර යන්න උනොත් මාතලන් ඇප දෙන්නවත් පැත්ත පලාතේ එන්නේ නැතිය. එහෙම හෙළුවැලි පොටෝ ගන්න ගිහින් වෙච්චි අකරතැබ්බයකුත් එක්ක ඊළඟ එකෙන් මේ මල හත්තිලව්ව නවත්තනවාය. නැත්නම් මටත් වෙන්නේ හෙලිවැල්ලෙන්ම පාරේ යන්නය.