පොන්න අගමැතිවරු හා ගුණමකු ගාන්ධිවරු.. - India's Foreign Policy

චෝගම් එක නැගලා යනවාය. පක්ෂ පිරිස වගේම විපක්ෂ පිරිසද බොහෝය. මාතලන් නම් ඉන්නේ පක්ෂ පැත්තේය. මොකෝ පවුලේ මංගල්ලයක්, කොටහළු ගෙයක්, උපන් දින උත්සවයක් හෝ, කුමක් හෝ ප්‍රිය සම්භාෂණයක් තියෙනවා නම් මාතලන් කැමතිය. ඒක කොරන්නේ ණය වෙලාද, ඉඩම් විකුණලාද, ලැබෙන්න තියෙන ගානකින්ද කියන එක, මාතලන්ට අදාල නැත.

මොකෝ ඒක සතුටු වෙන්න අවස්ථාවක් නිසාය. ඒත්, මාතලන් අවමගුල් උත්සව වලට කැමති නැත. එතනත් කන බොන දේ සිද්ද උනත්, අවමගුල් ගෙදර අය ඉන්නේ දුකෙන් නිසාය. ඉතින් අපේ උනුත් මේ මගුල් ගෙදරත් ඉන්නේ, අර අවමගුල් ගෙදර උන් වගේය. ඒකට මට කොරන්න දෙයක් නැතිය. මම නම්, චෝගම් මගුල් ගෙදර තියෙන ආතල් ගන්නවාය.

ඔය මගුල මෙහේ තියන්නෙයි කියලා යෝජනා කළේ, එහා ගෙදර ලොකු අයියාය. එහෙම යෝජනා කරපු එකා, දැන් මගුල් ගෙදර පැත්ත පළාතේ එන්නේ නැතිය. එයා ආවේ නැති උණාට එයාගේ නෑදෑ පර පුරම මගුල් ගෙදර ඇවිල්ලාත් අහවරය. පොර එන්නේ නැත්තේ පහළ ගෙදර අක්කා ලෙඩේ අදින නිසාය. පහළ ගෙදර අක්කා, ඉස්සර අපේ ගෙදර උන්න උතුරේ මදාවියාගේ ළඟම ඥාතියෝය.

ඉතින් අපේ ගෙදර මහ එකා එක්ක, ඒකි නයි වෛරය. මොකෝ අපේ මහ එකා, එක ලොක්කෙක්වත් පයිසෙකට ගණන් ගන්නේ නැති නිසාය. මදාවියා, අපේ ගෙදර ලොක්කෝ ලොක්කියෝ එක්ක, එක එක සෙල්ලම් දැම්මත්, ලොක්කාගෙන් පොරෝ පාරක් කා ගෙනම, චුත වෙලා ගියේය. ඕකට ලොකු අයියලාගේ පහළ ගෙදර අක්කා විතරක් නොව. පහළ ගෙදර නාකි සීයාද ඉන්නේ මලේ හොඳම එකෙන්ය.

අපි ලොකු අයියා ගැන හිතාගෙන උන්නේ පොරක් කියලාය. ඒ උණාට, බැලුවාම එයත් ඇවිල්ලා අපේ අගමැති වගේමය. අපේ උන්නැහෙත් කන්ද උඩරටින් කිව්වාට, දන්න උන් කියන්නේ අම්බලන්ගොඩ කඳුරු ගහකින් කපා ගත්ත, රූකඩයක්ය කියලාය. ඒකේ අවුලක් නැත්තේ මෙහේ ඔක්කෝම වෙන්නේ ගෙදර මහ එකාට ඕන විදියට නිසාය. 

ඔහේ, ඔහේලයි ගෙදර, මහ එකා උණත්, ගෘහ මූලිකයා, ගාන්ධි අක්කා කියා කවුරුත් දන්නවාය. ඒයාගේ ආශිර්වාදේ නැත්තන්, ඔහේට හම්බ වෙන අගමැති කමකුත් නැත්තේය. ඉතින් කවදත් ඔහේ බොමබයි මුටයි කිට් එකකුත් ගහගෙන කොලේ, ගාන්ධිලා කියන විදියට වඩිග පටුනේ නටාපු එක විතරය. 

ඔහේ සිම්පල් මෑන් බව ඇත්තය. ඒත් අපි හිතුවේ ඔහේටත් කොන්දක් කියලා එකකුත් තියෙනවා කියලාය.  සමහර වෙලාවට ගාන්ධි අක්කා ඇරුණාම. ඇමරිකාවේ ඔබා මාමත් චෝගම් එක පැත්ත පළාතේ යන්න එපා යැයි කිව්වාද කියන්න දන්නේත් නැතිය. මොකෝ ඒ තරමටම එයාලා මානව හිමිකම් රකිනම කෂ්ටිය නිසාය. 

ඉස්සෙල්ලාම, මගුලට එන්න බෑ කිව්වේ කැනඩාවේ එක්කෙනාය. එයත් මේ මහ ලොකුවට මානව හිමිකමක් ගැන කතා කොරනවාය. එයා මේ හත් ගව්වක් දුර ඉන්න, අපේ පුක හෝදන්න එනවාට වඩා, පල්ලෙහා ගෙදර ඉන්න එකාගේ පුක හොදන්න යනවා නම්, බොහෝ හොඳය. මොකෝ, පල්ලෙහා ගෙදර එකා, රීලා නාගෙන තියෙන්නේ, අපි වගේ නොවන නිසාය. 

ඌ, ඉරාකෙයි, ඇෆගනිස්ථානෙයි, බලුකිස්තානෙයි, හැම තැනම මානව හිමිකම් රැකලා, මුළු ඇඟේම ගූ නාගෙන ඉන්න එකාය. සමහර විට, උගේ ගූ පේන්නේ නැත්තේ, ඌ තනිකරම ගූ බෙට්ටක් වගේ නිසා වෙන්න ඇතිය. කක්කා කරන කොට, ගූ පොඩ්ඩක් ගෑවෙන එක, එයයිටත් කවදා හරි තේරෙන්නේ, මෙහෙන් ගිය උන් ඔහේ රෙන්න පටන් ගත්ත දවසටය. 

ඔය පහළ ගෙදර අක්කාගේ, මෙහේ උන්න සැට් එක, ත්‍රස්තවාදියෝ කරේ ඉන්දිරා ගාන්ධි ආච්චි අම්මාය. අපේ සීයා පප්පාට කෙළවන්න, කෑම බීම ආයුධ දිලා, කිරි පොවලා, කොටි පැටව් ලොකු මහත් කළේ සෝනියා ගාන්ධි නෝනාගේ නැන්දම්මාය. අන්තීමෙදි අපිට පාඩම් උගන්නන්න ගිහිල්ලා ඉල්ලගෙන කෑවේ එයාගෙම පුත්‍ර රත්නයය. 

කිරි පොවා හැදුවත්, කොටියා කොටියාමය. සමහර විට ඉන්දිරාට ගේම දෙන්නත් ඇත්තේ, කොටියෝම වෙන්නත් ඇතිය. එවා හොයා ගන්න එක ඔහේලාගේ කාරියක්ය. බලය නිසා අද තමන්ගේ මිනිහ මරපු එකා ලොකු වෙලාය.  

ඊළඟ ඡන්දෙට, දකුණෙ දෙමළ ඡන්ද ටික ගන්න, සිං අප්පුවා එවන එක නැවත්තුවාය. සිං ආවත් නැතත්. හොරකම් වලටයි, දූෂණයටයි, වචංවටයි, කප් ගහපු ටීම් එකත් එක්ක ඉන්න ඔය සෙට් එක, ඊළඟ ඡන්දෙදි ඉල්ලගෙනම කනවාය. මොකෝ ඉන්දියාව කියන්නේ තමිල්නාඩුව නොවන නිසාය.

පසුව ලියමි
 
අද ඉන්දියාවේ ප්‍රධාන පෙලේ සෑම මාධ්‍යයක්ම මේ තීරණය ගොන් තකතීරු අමනෝඥ තීරණයක් බව ප්‍රකාශයට පත් කර ඇත. අතීතයේ පටන් අසල්වාසි හිතමිතුරු රාජ්‍යයක් වන ශ්‍රී ලංකාව පිළිබඳ ගත් මේ තීරණය හේතුවෙන්, ශ්‍රී ලංකාව තව දුරටත් චීනය හා පකිස්ථානය වෙතට නැඹුරු වන බවට ඔවුන් පෙන්වා දී ඇත.

අපට ඉන්දියාව වටිනවාට වඩා, ඉන්දියාවට ශ්‍රී ලංකාව බොහෝ සෙයින් වැදගත් රාජ්‍යයකි.