සජිත් බලුවීම හා කරූගේ සම්මා දිඨ්ඨිය - Welcome back Karu

කරු දේසපාලනේට ආවේ, ඒයා ආවෝත් හිරු පායනවා කියාගෙනය. එයා ආවත් නැතත්, හැමදාම උදේට හිරු පායනවාය. හිරු පෑවීම කෙසේ වෙතත්, කරූ දේශපාලනේට ආ දා පටන්, ඇදගෙන නාන්නේය. හිරු කෙසේ වෙතත් තරු නම් අම්බානක දැක්කේය. ගම්පහින් පබාටත් නෝන්ඩි විය. ඊළඟට ලොක්කා ගාවට සැට්වී පක්ශය පාවා දුන්නේය.

ඊට පස්සේ, ලොක්කාගෙන් පුකට පාරක් කාගෙන ආයෙත් ඇවිත් අලි ගාලේ වැටුනේය. ඊට පස්සේ අලි පාටි නායකයා වෙන්න ගිහින්, ශරීර කෘත්‍යයටවත්, කෘතාදිකාරි මන්ඩලේට එන්න බැරිවෙන්න එලවලාම දැම්මේය. සිරිකොතට ඒමත් එතනින්ම අහවර විය.

මේ ඔක්කෝම කර ගත්තේ, ප්‍රතිපත්තියක් නැති නිසාය. හාල්පාරු සංඝයන්ගේ ගුලි ගිලපු නිසාය. සජිත්ගේ ලනු නොව, කඹ ගිලපු නිසාය. සජිත් ලණු පෙන්නුවාම, කරූ එවා ආයේ අඹරාගෙන, කඹ බවට පත් කර ගෙන, ගිලලා දිරවා ගන්න බැරුව උන්නේය. එහෙව් එකේ, මේ සැරේ ආපු චැන්ස් එකෙන් ආයෙත් ඇතුලට පැනගත්තාම, දැන් හාල්පාරුවෝ කියන්නේ කරූ බිට්‍රේටර් කියලාය.

මට නම් හිතෙන්නේ, කරූට අවසානයේ සම්මා දිඨ්ඨිය පහල වෙලා කියලාය. වෙස්මිනිස්ටර් ක්‍රමය තිබුනාට, මේක එංගලන්තේ, ඔස්ට්‍රේලියාව හෝ නවසීලන්තය නෙවේය. මෙහේ තවමත් ඉන්නේ ගෝත්‍රික ජනතාවක්ය. දැන් වෙස්මින්ස්ටර් ක්‍රමේ යන්නේ, අර පරණ කාලේ වැඩවසම් මැත්ඩ් එකේ අංගෝපාංගද ඇතුලත්වය.

නිදහසෙන් පස්සේ ගියේ එහෙම මෙතඩ් එකක් උනාට, ඒක පොතකට පරිවර්ථන කොලේ අපේ ජේ ආර් පප්පාය. දැන් යන්නේ ඒකේ හොඳම එකය. ඒ කියන්නේ රාජාන්ඩු සිස්ටම් එකය. ලොක්කාට නැත්තේ ඔටුන්නයි සිංහාසනෙයි විතරය.

දැන් හැම හාල්පාරුවාම හදන්නේ, ලොක්කා එලවා රජ කම ලබන්නටය. කරු, සජිත් තියා බුදු හාමුදුරුවෝ ඇවිත් ඉල්ලුවත්, ලොක්කා එලවගන්න දැන්ම නම් හම්බ වෙන්නේ නැතිය. එහෙම කියා බකංනිලාගෙන ඉඳලාත් හරියන්නේ නැතිය. ඒකට කරන්න ඕන ඔරිජිනල් වැස්මිනිස්ටර් ක්‍රමේ ඉන්ට්‍රොඩියුස් කරන්න පුළුවන් සෙට් එකක් දැන් සිටම හදා ගන්නා එකය.

නැතුව සංඝයනගේ පදේට නටන ගෝත්‍රික නායකයන් නෙවේය. ලොක්කා සංඝයාට වැන්දාට. සංඝ බජව් පයිසෙකටවත් ගනන් ගන්නේ නැතිය. රනිලුත් එසේය. එම නිසා මම මේ දෙන්නාටම එක වගේම කැමතිය.

යූ ඇන් පීය කෑවේ රනිල් නෙමේය. සජිත්ගේ තාත්තාය. ජනාධිපති කම හම්බ උන ගමන් වඳුරාට දැලි පිහිය හම්බ උනා වගේ, හතර අතේ වැනුවේය. ගාමිණි ලලිත් වැනි බුලට්, කුණු බක්කියට දැම්මේය. අනිතීමේදි උන්න සුපිරිම සෙට් එක රාජාලියෙක් එක්ක පියාඹන්න ගියේය.

ප්‍රේමදාස කොටිත් එක්ක ඩිනර් පාටි දදා, උන් එක්ක සැට් වී, මැරෙණකන් ජනාධිපති වෙන්න ගියේය. එහෙම ගිහිල්ලා, අන්තීමේදි දැලි පිහියෙන් බඩ කපාගෙන මිය ගියේය. එදා ගාමිණිලා ලලිත්ලා එලෙව්වේ නැත්නම්, අදටත් ඉන්නේ අලි පාටියේ උන්ය. එහෙනම් රනිල්ලා නායකත්වයට එන්නේත් නැතිය.

ඊට පස්සේ පක්ෂය පරදින්නේ රනිල්ගේ වරදින් නෙමේය. බලයට හා මුදලට කෑදර, අලි පාටියේ අහිංසකයන්ගේ ඡන්දෙන් බලේට ආපු උන් මහින්ද මහත්තයාගේ සට්ටමියෝ වෙන්න ගිය නිසාය. රනිල් තරුණ උන්ට තැනක් දී තිබුනේය.

සුජීව, බුද්ධික, දයාසිරි, තලතා, රෝසී වගේ අයට උපරිම චාන්ස් දුන්නේය. එයාලා තරු මෙන් බැබලෙන කොට, සජිත්ට දවල් තරු පෙනුනේය. අන්තීමේදි සජිත්ගේ ලණු කෑ කස්ටියට, ආගිය අතත් නැති කරලාම දැම්මේය. ලොක්කා එලවපු කරු උන්නොත්, රජ වෙන්න කල් ඉන්න වෙන බැව දැනගත් අපේ සජිතානෝ, කරූටත් අම්මට හැනෙන්නම කෙලවලා දැම්මේය.

ඊට පස්සේ රනිල්ගේ ජනමන්තර වෛරක්කාරී සක්කිලි ජඩමාධ්‍යයන් දෙකක් වන (මේ කතාව කෙලින්ම කියූ එකම එක ජනමාද්දියවේදියෙක් වත් සිටීම රටේ වාසනාවකි. ඒ රාවයේ ජනරංජන පමණි.) කෙලී මහරාජාගේ සිරස හා අලස්ගේ මව්බිම එක්ක එක්කාසු වෙලා එජාපය හා රනිල් මඩ වලින් නෑව්වේය.

මේවාට සිරසෙන් කන, මෛත්‍රී ගුණරත්න නම් ගුණමකුවාත් (මෛත්‍රී ගුණරත්නලා රනිල් සමග වෛර බඳින්නේ ඇයිද කියා පත්තරවල පිටු පුරා තිබුනේය.) ෆුල් සප් එක දුන්නේය. අදටත් දෙන්නේය. මේ ඔක්කෝම කරලාත්, අන්තීමට ඉල්ලන්නේ මොකක්ද කියා හොඳටම පැහැදිලිය. ඉල්ලන්නේ වෙන මුකුත් නොව, එජාපයේ නායක් කමය.

තාත්තා ජනාධිපති උනා කියා. මහරාජා දෙන සල්ලි වලින් පන්සල් වලට සොච්චමක් දී, හාල්පාරු සංඝයෝ එක්ක එක්කාසුවී, මේ රට හදන්න යනවානම් දෙයියාන්ගේම පිහිටය. ගම් වල බූරූ සිපයියන් හා එක්වී. ක්ලැරන්ස්ගේ ගීත ඇන්ටන් ජෝන්ස්ගේ හඬින් ශෘතියෙන් සම්පූර්ණ පිටින් ගායනා කරනවා වාගේ බලේ හම්බ උනාමත් කරන දෙයක් හිතලාවත් නැති, මහින්ද මහත්තයාගේ චරිතය රඟන්න ට්‍රයි කලත් ඒ කිට්ටුවටත් එන්නේ නැති හාදයෙක් ලංකාවේ ජනාධිපති කමට ඕනා නැතිය.

ඊට වඩා සොලිඩ් බඩුවක් දැනටමත් අපට ඉන්නවාය. අද වශ්‍ය වෙලා තියෙන්නේ, මේ ගෝත්‍රික සිස්ටම් උඩු යටි කුරු කර, රට ඉදිරියට ගෙනියන්න පුළුවන් සමාජ දැක්මක් ඇති පිරිසක්ය. එහිදි අජ්ජාපනේ, ආර්ථික, හා සමාජීය වශයෙන් 100% වෙනසක් සමග පැමිණෙන කෙනෙකු හැර. පන්සල් ගානේ ගොස් පච කෙලිනා හාල්පාරුවන්ගෙන් වැඩක් නැතිය.

දැන් තියෙන්නේ තවත් ගූ වෙන්නේ නැතිව. ඔය ඉන්නවයි කියන ජනතාවත් එක්ක, වෙනම පක්ෂයක් හදාගෙන බලේට එන එකය. තාත්තා පක්ෂයේ උන් සොලිඩ්ම පොරවල්වලට කල දේ, අද පුතාට පල දෙන්නේය. මෙතුවක් කල්, කරූ ගොනා කරගෙන, බලේට එන්න වලි කෑවේය. දැන් කරූට සම්මා දිඨ්ථිය පහල වෙලා හමාරය. අවසානයේ හෝ, සැමදා තරු දැකපු කරූ, අනාගතයේදීවත් හිරූ දකීවා කියා ප්‍රාර්ථනා කොරනවාය...

මේකටම් සම්බන්ද පට්ට කතාවක්, "සමබිම වෙබ් අඩවියේ" තීලා අමු අමුවේ ඉස්සුවේය. මහන්සිය බලන්නේ නැතිව ඒකත් කියවලාම උන්නා නම් ඉතා අගනේය..

සජිත් ප්‍රේමදාස මහතා යනු ආර්. ප්‍රේමදාස ජනාධිපතිවරයාගේ එකම පුත්‍ර රත්නය වෙයි. ඔහු නායකත්ව මණ්ඩලයෙන් ඉවත් වූයේ මන්ද කියා පහත දැක්වෙන කතාව ඇසුරෙන් වටහා ගැනීමට පාඨකයාට පුළුවන් වනු ඇත.

ඔන්න එකෝමත් එක රටක එක්තරා පුංචි ළමයෙක් ජිවත්වුණා. එක දවසක් මේ ළමයා කෑම කන්න බැහැ කිව්වා. ඉතින් ළමයගේ දෙමව්පියෝ මේ ගැන හුඟක් කළබල වුණා. ඒ මොකද කිව්වොත් දැන් වගේ නෙමෙයි. ඒ කාලේ මිනිස්සුන්ගෙ උපරිම උත්සාහය වුණේ බල්ලෝ මරලා හරි සල්ලි හොයලා තමන්ගේ ළමයින්ගේ ජිවිත හොඳට සැපවත් කරන්නයි. තමන්ට කුඩා කාලේ නොලැබිච්ච හැම දෙයක්ම ළමයින්ට දීලා සතුටු වීම තමයි ඔවුන්ගේ එකම පරමාර්ථය වුණේ. තමන්ට පොඩි කාළේ පිහිනන්න බැරිවුණා නම් ළමයාව ස්විමිං ක්ලාස් යවනවා, ටෙනිස් ගහන්න බැරිවුණා නම් ටෙනිස් ප්‍රුක්ටිසස් යවනවා. ඒ වගේම පොඩි කාලේ හරි හමං කෑමක් ලැබුණේ නැත්නම් ඒ ඇරියස් එක යන්නත් එක්ක ළමයින්ට සුපර් මාකට්වල තියෙන කෑම ඔක්කොම ගෙනත් දෙනවා.

ඉතින් මේ ළමයා කෑම වර්ජනය කළාම දෙමව්පියන් කලබල වීම අහන්න දෙයක් නෙමෙයිනේ. ඉතින් දින කිහිපයක් බලලා ළමයගේ අම්මයි තාත්තයි චැනල් කරලා ළමයව ළමා මනෝ වෛද්‍යවරයෙකු ළඟට එක් කරගෙන ගියා.

කතන්දරේ අහපු මනෝ වෛද්‍යවරයා හිතුව මේක සිම්පල් කේස් එකක් කියලා. ඒ කරලා එයා දෙමව්පියන් දෙන්න ඉවතට යවලා ළමයා විතරක් සායනයේ තියාගත්තා. ඉන් පසු නොයෙක් ජාතියේ රසවත් කෑම ජාති ළමයා වෙත පිරිනමමින් ආහාර ගැනීම සඳහා ඔහු පෙළඹවීමට උත්සාහ කළා.

ඒත් පුදුමයක මහත! මේ ළමයා කිසිම දෙයක් කන්නේ නැතුව නිශ්ශබ්දව ඉන්නවා. දැන් නම් මනෝ වෛද්‍යවරයාගේ ඉවසීමේ සීමාව පනින්න ළං වුණා. අන්තිමේදී ඔහු මෙහෙම ඇහුවා.

“ඇත්තම කියන්න. මොනවද ඔයාට කන්න ඕනෑ කරන්නේ?” ළමයත් අත්දෙක පපුව ඉස්සරහා බැඳගෙන ටිකක් කල්පනා කරලා කිව්වා.

“මට පණුවෝ ඕන” කියලා.
 
දොස්තරත් පරාද වෙන්න කැමති වුණේ නැහැ. වහාම තමන්ගේ ලේකම්වරියට කතා කරලා කිව්වා වෙළෙඳ පොළට ගිහින් පණුවන් ටිකක් අරගෙන එන්න කියලා. ටික වෙලාවක් ගත වෙන කොට දොස්තර පණුවන් පිරුණු පිඟානක් ළමයාට පිළිගැන්නුවා. මෙන්න එතකොට ඒ ළමයා කියනවා,

“මට උන්ව බැඳලා ඕන” කියලා.

දොස්තර තම ලේකම්වරියට කිව්වා පණුවෝ පිඟාන රෙහ කරලා ගේන්න කියලා. ටික වෙලාවකින් දුම් දමන ෆ්රයිඩ් වර්මිස් පිඟානක් ළමයා ඉදිරියට පැමිණියා.

“මට ඕන එක පණුවයි” එතකොට ළමයා කිව්වා.

දොස්තර කලබල නැතිව එක පණුවෙකු ඉතුරු වෙද්දී අනිත් පණුවො ටික ඉවත් කළා. දැන් ඉතින් ළමයට තියෙන්නේ මේ එක පණුවා කන්නයි.

මෙන්න එතකොටම මේ යක්ෂ ළමයා කියනවා

“ඔයත් මේකෙන් බාගයක් කන්න ඕනෑ” කියලා. ටිකක් කල්පනා කළ දොස්තර පණුවා දෙකට කපලා බාගයක් අතට අරගෙන එය තම මුව තුළට දමා ගත්තා.

එතකොටම ළමයා අඬන්න පටන් ගත්තා. හොඳටම කෙන්ති ගිය දොස්තර ළමයාගෙන් ඇහුවා අඬන්නේ මොකද කියලා.

ඉකි බිඳුම් අතරින් ළමයා මෙසේ කෑගැසුවා.

“ ඔයා කෑවේ මගේ බාගෙ”∎


ඉස්සුවේ මෙතනින්...   http://www.samabima.com/?p=8809