සිරිසේනගේ විරිඳු සුරල්...

අපේ සවුක්ක ඇමති තුමා විශ්‍රාම ගියාම විරිඳු කියලා කීයක් හරි හොයාගන්නලු ඉන්නේ.. ඒ කියන්නේ තාම හම්බ කරලා මදි ඇති. හරි පවු.. මාර දුකයි. කොහොමත් ලොක්කා විශ්‍රාම යවන්න ඉස්සෙල්ලා විශ්‍රාම ගියා නම් බම්බුව කෙසේ වෙතත් නම්බුව වත් බේර ගන්න ඇහැක් වෙයි.

එතුමා විශ්‍රාම ගියාම කියන්න පුළුවන් විරිඳු ටිකක් මාත් ලිව්වා..

පළමුව වැඳ ගෙන අවසර, සම්මා සම්බුදු රදුන්ට..
දෙවනුව මං වැන්දා ඕ...න්, දෙකට නැමිලා සද්ධර්මෙට..
අපේ එවුන් එකතු වෙලා.., ඇට මිරිකපු සඝ සරණෙට..
වැද අවසර අරගෙන මම, ගයමි විරිඳු බයිලාවට

ගයමි විරිඳු බයිලාවට //

අපේ අම්මට සැකට්‍රි වැඩ, කෙරුවයි තුන් තිස් පැයකට..
එපින් බලෙන් ඉහලට ආවෙමි අල්ලා, සැටලයිටෙට..
මනාපයෙන් මං එව්වයි, දියවන්නා වෙල මැද්දට..
කියනවා මම විරිඳු සුරල්, පනින්නෙපා තොපි මැද්දට.

පනින්නෙපා තොපි මැද්දට//

පුලතිසිපුරයෙන් ඇවිදින්, මනාපයෙන් මැති සබේට.
කරාපු මගුලක් නම් නෑ, බැරි විය අගමැති වෙන්නට.
දිඹුලාගල කුඩු කරාපු, කරුණට අත දාන් කරට.
විරිඳු නෙමෙයි ගැහුවා බයිලා.., එහේ උන්න තෙක් කාලෙට.

එහේ උන්න තෙක් කාලෙට..//

මහවැලියේ ඇමති වෙලා, මම කරාපු දෙයක් නැතේ.
මලයා නම් වැලි ඇද්දා, අහු උන තැන හතර අතේ.
මොරගහකන්දට මක්කා..., උනාද බන් මතක නැතේ.
වලියක් දාගෙන මගේ නම, කෑවා රත්තරන් පුතේ.

කෑවා රත්තරන් පුතේ //

කවුරුද හිතුවේ ලොක්කා, දිනයි කියා මහ ඡන්දෙන්.
එහෙව් බවක් දන්නව නම්, අදිනවාද කකුල් දෙකෙන්.
බැහැලා වැඩ කරනවානේ, මහින්දලට ෆුල් බොක්කෙන්.
සැටලයිට්ලා නිසානේ මට, කෙල උනේ ඉන් පසු කොක්කෙන්.

කෙල උනේ ඉන් පසු කොක්කෙන් //

ඩෙංගුවෝ එලවන්න බැලුවා, බෙර ගහලා මහ දවල්ට.
බයිලා එක්ක විරිඳු කිව්වා, අළුතෙන් එන දොස්තරලට.
කෙලෙවන්නට හැදුවත් බං.., සවුක්කියේ මාෆියාට.
මාෆියා ඉතරක්ම නෙමෙයි, ඩෙංගුත් විද්දානේ පුකට.

ඩෙංගුත් විද්දානේ පුකට..//

පක්ෂේ මහ ලේඛම් කම්, නමට තිබිනි මහ ලොකුවට.
අර ලිය ගහ මන්දිරයෙන්, ලිස්ට් එක එවනවා හවසට.
ඉතින් කෙහ්ද තෝරන්නේ.., උගතුන් වියතුන් සටනට.
සෙක්සි කෑලි දැම්මා බං.., ලේඛම් කම් බේර ගන්ට.

ලේඛම් කම් බේර ගන්ට..//

තර්ජන ගර්ජන ආවත්, මට කෙතරම් මහ ගෙදරින්.
ඇරියේ නෑ මම ගේමත්, කොහොමෙයි බැහැලා ගෙදරින්.
පරම්පරාවම ගොඩ ගියේ, දියවන්නා දෙයි පිහිටෙන්.
පැන්සොන් එක මදි හින්දයි, විරිඳු කියන්නේ සතුටින්.

විරිඳු කියන්නේ සතුටින්..//

ඉස්පිටිතාලෙන් බැලුවට, බේත් ගන්නේ ෆාමසියෙන්.
රිපෝට් බිපෝට් ඔක්කොම අරගෙන, හනික වරෙල්ලා එලියෙන්.
ඒ ආවම ඔක්කෝම උන්, වර්ජන කරලා සොමියෙන්.
"බම්බු ගහන්නද" මම බන්, මේ නොදන්න කෙන් ගෙඩියෙන්.

මේ නොදන්න කෙන් ගෙඩියෙන්..//

ලේඛම් කම් මං කොරාපු, බල්ලෙකුටත් වැඩක් නැතේ.
කොමිසන් පත් කොරලා නඩු, ඇහුවා නම් මතක ඇතේ.
මර්වියාට ගේම දෙන්න, හැදුවා නම් තමයි පුතේ.
මර්වියා කැළණියේ රඟතේ, මම නම් දැන් ඇත කමතේ.

මම නම් දැන් ඇත කමතේ..//

-x-

ඉස්සරහට වෙන දේවල් බලලා, සමහර විට, තව විරිඳු සුරල් දෙක තුනක් ලියා ගන්න බැරිවෙන එකක් නෑ.. ඔහේලත් පුළුවන්නම්, විරිඳුවක් දෙකක් ලියලා දෙන්න.. පව්නේ.. මේ රටෙන් ඩෙංගු තුරන් කරලා... ඉසිපිරිතාලෙන් ඔක්කෝම බෙහෙත් ටික දුන්න එකම මදෑ.... එහෙම උදව්වක් කොරන්න..