රත්තරන් - Gold

හිච්චි එකා සංදියේ, සම හරක් උන්, මී හරකා, ගොනා, බූරූවා, වසවර්ති මාරයා, අරකා මේකා කිව්වාට, අපේ අම්මාට මාව "සත්තරන් පුතා" උනේය. අපේ අම්මාට වගේම හැම අම්මාටමත් එහෙමය. ඒ වගෙම හැම පුතා දුවාටත්, එයාලාගේ අම්මා "සත්තරන් අම්මා"ය. ඔය අතරේ, පිත්තල තඹ පුත්තු දූරූ වගේම, අම්මලාත් නොමැත්තේද නොවේ.

එහෙම සත්තරන් කියා කියන්නේ, සත්තරන් බොහොම ගනන් නිසාය. සම හරක් උන් ලව් කරන කෑල්ලගෙන්, "ඇයි සත්තරන් ඔච්චර ගනන්.." කියා අහන්නේ, මළ පැනලා ඉන්නා විටය. එහෙම නැත්නම් ගෙස්ට් හවුස් අස්සේ, වැටකෙයියා පඳුරු අස්සේ රිංගන්න යෝජනා ගෙනත්, ඒවාට මල පැනලා ඉන්න වෙලාවටය. එහෙම මල පැනලා හරි, පඩත්තල කොල්ලන්ගෙන් බේරිලා ඉන්න එක හොඳය. නැත්නම් ඉතින් අපේ උන්ට සත්තරන්වලටත් වඩා වටිනා, පතිවතට කෙලවෙලා යනවාය.

මේ මැතකදිත්, ළෝකෙන් උතුම් රටේ සත්තරන් හින්නික්කිතර හම්බ වෙලා, එවා ටික ගරාගන්න කස්ටිය මරා ගත්තෝය. ඒ ඇරෙන්න මෙහේ සත්තරන් තිබුන බවක් ඉතිහාසෙත් අහලා නැතිය. ඒ උනාට සත්තරන් ඇඟේ පොරවගෙන උන්න බවට නම්, අනන්තවත් සාක්කි සටහන් ඇත්තේය. දැන් දැන් ගොඩක් රටවල සත්තරන් නිධි හම්බ වෙන නිසා, සත්තරන් වල වටිනාකම අඩු උනාට. උතුම් රටේ නම් එහෙම වෙලා නැතිය. අඩු උන ගානට හරියන්න ටැක්ස් එකක් ගහලා තිබුන ගානටම තියාගෙන යනවාය. ඒ අපේ රට ළෝකේ අනිත් රටවලට වඩා වෙනස් නිසා වෙන්න ඇතිය.

සත්තරන් අම්බානක නැගපු කාලේ උකස් තියපු උන්, දැන් ඒවා බේරා ගන්නේ නැතිව, බැංකු, අම්බ පරිප්පුවක් කනවා කියා පත්තරේ දැක්කේය. මහ බැංකුවේ නිළධාරි දෙන රිපෝට් හිටන් වෙනස් කොරලා, ලොක්කන්ට පච වාර්ථා දෙන, සැන්ටල් බෑන්ක් එකේ මහ එකාගේ පටන් වටේ ඉන්න හෙන්චයියෝ ටික, ආර්ථිකේ නොම්බර එකයි කිව්වාට. අළුතෙන් බිහි වෙන උකස් කඩ ටික දැක්කාම, නොම්මර එක කියන්නේ මොකටද කියා, අපිට හිතා ගන්න පුළුවන්ය.

සත්තරන් වැඩියෙන්ම උකස් තියලා වාර්ථා තියලා තියෙන්නේත් අපේ රටේය. ඒ ඉතින් ආර්ථිකේ පට්ට නිසා. සත්තරන් ගෙදර තියා ගත්තෝතින් කරදර වෙයි කියලා පරෙස්සමට තියන නිසා මිසක්ක, නැති බැරි කම නිසා, අග හිඟ කම් නිසා උකස් තියපු එවා නෙමේය. ඔය මක්කා කොලත් මගුල් ගෙවල් වල යන කොට සත්තරන් ඇඟේ පොරවාගෙන යන්න ඉන්දියාවේ ටැමිල් අය වගේම අපේ හින්ගල ඈයෝත් බොහෝම මනාපය.

එල්ලාගෙන යන පවුම් ගාන වැඩිවෙන තරමට කතා වෙන පොරමානයද ඉතා වැඩිය. කැරට් ගානේ අවුලක් නැතිය. වයිට් ගෝල්ඩ් වලට තැනක් නැතිය. කහ පාටට බැබලි බැබලි දිස්නේ ගහන්න තියෙන්න ඕනාය. සමහරක් උන් නම්, තඹ වලින් හදා, ගෝල්ඩ් පේන්ට් එක ගාගෙන යනවාය. එහෙම ගියාමත් පේන්නේ රත්තරන් වාගෙමය. ඒ නිසා අවුලක් නැතිය.

සත්තරන් ගැන මතක් උනේ, ගාල්ල පැත්තේ සත්තරන් කෙනෙක් පිත්තල වැඩක් කරලා තිබුන නිසාය. පිත්තලත් සත්තරන් පාට නිසා, සම හරක් හිතාගෙන ඉන්නේ, පිත්තලත් සත්තරන් කියාය. එයාට සත්තරන් කියන්නේ එයාගේ අම්මා එයාට සත්තරන් කියාපු නිසා නෙමේය. එයා ගුරුකම් වලට චාජ් කොරන්නේ පියෝ ගෝල්ඩ් වලින් නිසාය.

සත්තරන් වාහිනියේ අම්මන්ඩිත් අල්ලගෙන, තව එකෙක්, ගාල්තැන්නේ සත්තරන් පෙරවාගෙන උන්නත්, ඌට සත්තරන් කියන්නේ නැතිය. සත්තරන් කියන අනාවැකි ගැන නම් මාතලන්ට ප්‍රශ්ණයක් තියෙන්නේය. ඒයා කියපු ඔක්කෝම වගේ කෙළවෙච්චි අනාවැකිය. ඒ උනාට අපේ හරක් පෝලිමේ ඌ ළඟට යනවාය.

ඒකා කියා තියෙන්නේ රනිලුයි සජිතුයි ගහගන්නවා බලාගෙන ඉන්න බැරි නිසා යන්න යනවා කියාය. මට තියෙන ප්‍රශ්ණේ, ඔච්චර ගුරුකම් කොරන එකාට සෙත් ශාන්තියක් කොරලා, මේ දෙන්නා යාළු කරන්න බැරි උනේ ඇයි කියලාය. ඒ සත්තරන් එන්න කලින් තව සත්තරන් කෙනෙකුත් ආන්ඩුවේ උන්නේය. ඒ කළුතර පැත්තේ හාදයෙක්ය. එයාට සත්තරන් කියන්නේ, සත්තරන් මාල කඩාගෙන කෝච්චියෙන් පැනපු නිසාය කියා, මිත්‍යා මතයක් පඩත්තල කොල්ලෝ හදලා තියෙනවාය. ඒ කතා පට්ට බොරුය. එයාට සත්තරන් කියන්නේ ඒයා කළුතර ජනතාවටම, සත්තරන් නිසාය.

මහ රජතුමාත් සත්තරන් වලට ආස නිසා, සත්තරන් බෝලයක් හැම තිස්සේම මිරික මිරිකා ඉන්නේය. එහෙව් එකේ, එතුමා මේ වගේ සත්තරන්ලාට බොහෝම මනාපය. සම හරක් නම් කියන්නේ ඕකුන්ට සත්තරන් කිව්වාට, උන් පිත්තල කෑලී කියලාය. මට නම් ඉතින් මහ රජතුමා ගාව ඉන්නා ඔක්කෝම සත්තරන්ය. ඒ වෙන එකක් නිසා නොමේය. මසුරන් කතා කියා හැන්දෑවට අපිට ආතල් එක දෙන නිසාමය. මසුරන් හදන්නෙත් සත්තරන් වලින්මය. එයාලා.... කොරන්නෙත් එච්චරමය.