එජාපයේ අලි බෙටි... - Elephant Dung

මණ්ඩලේ ෆුල් කචල්ය. නාම යෝජනා කමිටුවත් එසේමය. නාම යෝජනා කමිටුවේ සෙලෙක්සොන් එකකට, ලොක්කාට කෙලින්න යන්නේ, මණ්ඩලේට මුකුත් කොරන්න බැරුව, ලොක්කාගේ තීරණේ අවසාන තීරනේද කියා, පොඩි සැකයක් හිතට එන්නේය. ඒත් එහෙම කෙස් එකක්මත් නොවේ කියා හිතෙන්නේ, රවියාටත් මලේ හොඳම එකෙන් පැන, තේරීම් කමිටුවෙන් ඉල්ලා අස් වෙච්චි නිසාය. මට පේන්නේ රවී කියනා ආකාරයට පක්ෂේ කන්නේ, වෙනින් කවුරුවත් නොව පිස්සු අත්තනායක කියලාය.

එහෙම හිතෙන එක සාධාරණය. අත්තනායකාලා ජීවිත කාළයටම ගොඩ ගිහිල්ලා අවසානය. සීට් එක දිනා ගන්න බැරි උනත්, චිට් එකෙන්, පර්ලිමට් කොම්පැණි එකේ වැඩට එනවාය. එහෙම එන්න අති විශාල පුණ්‍ය කර්ම කොරලා තියෙන්න ඕනාය. එහෙම ලිස්ට් එකක් හැදුවේ, උගතුන්, නැනවතුන්, ව්‍යවස්ථාදයකයට ගේන්නය. ඒත් අද හැම එකාම ඒකෙන් ගේන්නේ, ජනතාවගෙන් ප්‍රතික්ෂේප උන හාල්පාරුවෝය. රෙජෙක්ට් වෙච්ච වාමාන්සිකයෝය. බිස්නස් කාරයෝය, නාකි රිලා මොටවල්ය, නළු නිලියෝය. රටට වැඩක් අති උන් දෙන්නෙකුට ඉන්නේ, හර්ෂ හා එරාන් විතරමය.

ගොසිප් වලින් නම් කියවෙන්නේ පාලිතයා, ලොක්කාට කෙලින්නම ගියා කියලාය. එහෙම දෙයක් කලානම් කියන්න තියෙන්නේ, ඌ "චන්ඩියෙක්" නොව, පොනයෙක් කියලාය. අර වයසක මනුස්සයාට කෙලින්න යන්නේ, හරියට ඌගේ තාත්තට ගහනවා වාගෙ දෙයක්ය. ඔය වගේ දෙයක් මහින්ද ලොක්කා විපක්ෂ නායක වෙලා, පාලිතට ප්‍රශ්ණයක් ඇතිවෙලා, කොරන්න් ගියානම් වෙන්නේ, ජීවීත කාලේම දත් නැතිව බත් කන්නටය. සිරි ලංකා එකේ ඉන්න උන් බලු පැටව් වගේ ඉන්නේ, එයාගේ තරම දන්නා නිසාය.

කේස් එක නොමිනේසොන් කේස් එකක්ය. එහෙම එකක් නම් කොරන්න තිබුනේ රවී කොලා වගේ විරුද්ධත්වය පා නැගිටලා යන එකය. ප්‍රජාතන්ත්‍රවාදය කියන්නේ ඒකටය. මහත්වරුන් කියන්නේ ඔවුන්ටය. මේ ප්‍රශ්ණ එළියටවත් නොදා, ඉවසාගෙන ඉන්නා එකම නියම ප්‍රජාතන්ත්‍රවාදයය. එජාපය කල්පනා කළ යුතුව ඇත්තේ, අනාගතේ හෝ රට පාලනයට එනවානම්, මේ වාගේ චන්ඩි බන්ඩි හා බොරුකාරයෝ හලලා, නියම මහත්මා දේශපාළණයක් ගෙන ඒමටය. මේ ඉන්නා හරක් රැල පන්නා, පත් කර ගන්නේ.. මීටත් වඩා අන්ත, ගාල කඩා ගත් හරක් රැලක්නම්, මේ ඉන්නා හරක් ටික හොඳටෝම ඇතිය.

එක අතකින්, සම හරක්, එජාපයේ ප්‍රජාතන්ත්‍රවාදෙ නැතැයි කීවද, මම නම් දකින්නේ මේ නියම ප්‍රජාතන්ත්‍රවාදයම කියලාය. එහෙම කියන්නේ "ප්‍රජාචන්ච්‍රවාදේ" පිහිටෙන් ඉන්නා හිවලුන් මිස, නියම ප්‍රජාතන්ත්‍රවාදය ගැන දන්නා උන් නොවේය. එහෙම කියලා, මේ වගේ සෙල්ලම් නම්, කීයටවත් අනුමත කොරන්නට බැරිය. බල්ලෝ එක්ක නිදා ගත්තා නම්, නැගිටින්නට වෙන්නේ මැක්කෝ සමඟ කියා කියමනක් ඇත්තෙය.

දේශපළණයට කිසි සේත්ම නොගැලපෙන උන් ගෙනාවේ, 56 "රෙද්දේ" විප්ලවේ තුලින්ය. එතෙක් වමේ දේශපාළණ පක්ෂවල පවා උන්නේ, උගත්, බුද්ධිමත්, ක්‍රියාකාරි දේශපාළණයේ නියුතු, ප්‍රභූ පිරිස් හා නියම කම්කරු නායකයෝ. නියම ජනතා නියෝජිතයෝය. (අද, වමේ පක්ෂ වලට හැමිනිලාම ගිහින් තියෙන්නේ, මේ ප්‍රභූ පිරිස් අතරින්, නායකත්වය ගිලිහි ගිය නිසාමය. ඒවා අද ගමේ කෝපි කඩ වගේය. එජාපයටද රනිල් ගියහොත් අතවන්නේ ඒ ඉරනමමය.)

ඉන් පසු, ජේ ආර් පප්පා, පාදඩ පන්තියේ උන් දේශපාළණයට ගෙනාවේය. ජෙප්පන්ගේ දාමරික ක්‍රියා නැවත්වීමට, දේශපාළණයට මැරයන් ගෙනාවේ ඉන් පසුවය. අන්තීමෙදි උන් පාර්ලිමේන්තුවටත් ආවේය. රනිල්ලා අද මේ බුක්ති විඳින්නේ, එදා තම මාමාගේ ප්‍රජාතන්ත්‍රවාදයේ ප්‍රතිඵලයන්ය. මේවා දේශපාළණේ කරනා කාටත් බොහෝ හොඳ පාඩම්ය. මගේ තීරණය නම්, නායකයාට ගහන්න යන එකා, පක්ෂේ තියාගන්නේ නැතිව එලවලාම දාන්න ඕන කියලාය.

පාලිතයා පමණක් නොව, ෂිරාල් හා මෛත්‍රී කොරන්නෙත් ඒ දෙයමය. (උන් දෙන්නාට නොමිනෙසොන් නුදුන්නාට, මාතලන්ට නම් තිබෙන්නේ, අප්‍රමාණ සතුටක්ය. උන් දෙන්නා නොමිනෙසොන් ගන්න, නොකරපු දෙයක් නැත්තේම ඇති තරම්ය. සජියාගේ ගුලි කාපු හැම එකාටම උනේ, ඔය සන්තෑසියමය. ගොඩ ගියේ දයාසිරියා විතරමය. සජියා මේවාට කටක් හොල්ලන්නේ නැතිය. දැනවත්, දීපු ගේම, මුන්ට තේරෙනවානම්, ළොකු දෙයක්ය.) එතකොට ඒ ප්‍රජාතන්ත්‍රවාදය නෙමේද කියා එකෙක් අහන්න පුළුවන්ය. සිරසත් සමඟ එකතුවී, ඒ කරනා මඩ ගැහිල්ලට, "ප්‍රජාතන්ත්‍රවාදේ" කියා කියනවානම්, මට කියන්න තියෙන්නේ, ඒක උගේ අම්මගෙ වාදේ මිසක් වෙන මොන මළදායක්වත් නොවේ කියලාය.

මේ ඔක්කෝම තියෙද්දි, වෙන්න ඇගමැති හෙළුපාල සිල්වා කියන්නේ, අනික් ඔක්කෝම පක්ෂවල අභ්‍යන්තර අර්බුධ, මණ්ඩල කචල්, අරවා මේවා නහුතයක් තියෙද්දි, සිරි ලංකාවේ නිදහස් පස්සේ බොහෝම ශක්තිමත් වෙලා කියලාය. එකේ, අර්බුද මතු කරන්න හරි, වලි දාන්න හරි, කොන්දක් තියෙන එකෙක් ඉන්න ඕනාය. පොන්නයෝ ඉන්නා පක්ෂයක් ශක්තිමත් වෙන්නේ කොහොමෙයි කියා ලොක්කාටත් පුරස්නයක් ඇතිවාට සැක නැතිය.

ඒ නිසා එතුමා, අලි ආනයනය කොට එතුමාගේ දෑත් ශක්තිමත් කොර ගන්නවාය. දැන් ආන්ඩු කරන්නේ සිරි ලංකා නිදහස් පක්ෂය නෙමේයේ.. රාජ පක්ෂේ හා ඉම්පෝඩට් එළිපන්ට්ලාය. ඒයාලාගේ ශක්තිවන්ත කම, කොළඹට, පක්ෂේ එකෙක් නායකත්වයට දාගන්න බැරි එකෙන් පේනවාය. ඒ ගැන නම් එජාපේ මෙන්ම සිරි ලංකා එකද, ලැජ්ජාවට පත් විය යුතුමය. ඒ කියන්නේ, කොළඹ නම ගිය අලියකුට තව වේකන්සියක් ළොක්කා ගාව තියෙනවා කියන සුබාරංචියය..

මේ ගැන එජාපයේ අය සිතට ගත්තොත් බොහෝ හොඳය..

සැළුන් දොර ඔය කිව්වාට... වහලාම නැතිය..

විශේෂ - පසුගිය පෝස්ට් එකේ කොමෙන්ට්ස් රිපල්යි අද හවසට දානවාය.. ඒ ගැන සමාව භාජනේකට දාලා බිව්වාට අවුලක් නැතිය.