විනාඩි තුනෙන් හොරු ඇල්ලීම - Police and Thieves

ජනාධිපති තුමා, සතර කෝරලේ මාලිගාවේ සිංහාසනේට වෙලා, දැයට කිරුළත් හිසේ දමාගෙන, සත්තරන් බෝලේ මිරික මිරිකා, වන්දිබට්ට්යන් එක්ක සාඛච්ඡා කොලේ, අද හවසට තියෙනා ඕපනින් ගැනය. එහෙම කතා කොර කොර ඉන්නා අතරේ, එකෙක් කිව්වේ, "සෑර්... ආන් අර මීගමුව අලි පාටියේ, රොල්ස් රොයිස්ද මොකෙක්ද කියලා එකෙක්, හෙන රොබරියක් දීලා මාට්ටු වෙලා...." කියලාය.

"මමත් දැක්කා ඔයි... අපේ පොලෝසියේ උන්, දවසෙන් දෙකෙන් ඔක්කෝම උන් අල්ලගෙන, හිරෙත් දාලා ඉවරයි නේ...". "ඔව් ඔව් සෑර්.... ආයේ ඉතින් හොරකම් කරලා, අපේ පොලෝසියෙන් බේරෙනවා නම් බොරු තමයි....." කියා, ඕන දේකට "යෑස් සෑර්.... යෑස් සෑර්.... අවර් බෑග්ස් ආ ෆුල් සෑර්...." ගානා එකෙක්, හූ මිටියක් තිබ්බම, ජනාධිපති තුමාගේ පුච බෝලේ පැත්තෙන් හිනාවක් ගියේය.

අලි පාටියේ ජෝන් බාස්ට, කෝල් එකක් ගත්ත ජනාධිපති තුමා කිව්වේ, "ආ.... ජෝන් මම මේ මහින්ද කතා කරන්නේ...." කියාය. "ඇයි සර්..... ආයෙත් ටුවර් එකක් යන්නද..? මේ සැරේ කොහෙද සෑර් යන්නේ... වතිකානුවටද..? හැබයි සෑර් මේ පාර නම්..., ලොක්කගෙන් පර්මිසොන් ගන්න එක නම් ටිකක් අමාරුවෙයි.., ඒත් සෑර් කිව්වොත් නම් එන්න දෙයි....." කියා, නොනවත්වාම කියා ගෙන යන ජෝන් බාසා නැවැත්තූ ජනාධිපති තුමා කිව්වේ, "ටුවර් මගුලක් නෙමෙයි ජෝන්.... කවුද ඕයි අර කම්බ හොරෙක් ලිස්ට් එකට දාගත්ත එකා....?" කියලාය.

ජෝන් කිව්වේ, "කව්ද සෑර් දන්නේ පොලිසියෙන් ගේම දෙයි කියලා...., සෑර්ලත් දාන නිසා, අපිත් නිකන් චෙන්ජ් එකකටත් එක්ක, එහෙම ඩයල් එකකුත් දාලා බැලුවා....." කියලාය. "ඒ උනාට අයිසේ, මෙහෙම මාට්ටු වෙන්න ගේම් දුන්නාම...., පොලිටික්ස් කරන ඔක්කෝම උන් නෝන්ඩි වෙනවානේ..." කියාපු ජනාධිපති තුමාට ජෝන් බාස් කිව්වේ, "ඒක තමයි සෑර්...., මේ පොලෝසියේ කාළකන්නින්ට.., ඕවා තේරෙන්නේ නෑ...." කියලාය.

"සෑර් මූ හොඳ එකා...., මූව සෑර්ලයි පැත්තටවත් අරගෙන..., මුකුත් කරලා දෙන්න බැරිද....?" කියා අහපු ජෝන් බාස්ට, ලොක්කා කිව්වේ,  "එහෙම කරන්න....., මූ චූදිතයෙක් නොවි..., වින්දිතයෙක් වෙන්න එපාය...., ඒ නිසා...., වාමන්ත හෙර්නකුලසූරියට පොඩ්ඩක් කතා කරලා බලනවා...., ගාන වැඩි උනත්, බඩු එළියේ....." කියා නීතී උපදෙසකුත් දුන්නේය.

"ඔය බඩු මාට්ටු වෙලා තියෙන්නේ සෑර්......, CCTV කැමරා නිසා සෑර්.., උන් හෙල්මට් ගත්ත තැන තිබුන කැමරා එකෙන් තමයි, බඩු මාට්ටු......" කියා කිව්වේ, සින්ජිත් රබලාපිටියය. එතකොට පහීමාලයා කිව්වේ "හොඳ වෙලාවට, නූරියා වත්තේ කැමරා හයි කරලා තිබුනේ නැත්තේ, නැත්තන් ඉතින් එතන දීපූ ගේම් ඔක්කෝම, මුලු ලංකාවම දැන ගන්නවා නේ..." කියාය.

"මෙතන CCTV නෑ නේද.....?" කියා පොඩි ජෝක් එකක් දාපූ ජනාධිපති තුමාට, දයාසිරි කිව්වේ, "CCTV නැති උනාට, සර්ව විඩීයෝ කරන්න, හැම එකාම දත කනවා...." කියාය. "ඒක තමයි දයා....., බලනවකෝ මම හරියට සින්දු කියන එකෙක් හරි, නළුවෙක් වගේ හරිනේ..., මාර සෙනග මාව මරාගෙන කන්න යන්නේ...." කියා කියු ජනාධිපති තුමාට, දයාසිරි කිව්වේ, "සෑර්....... සිනමාවේ, ටැලිවිසොන් එකේ රඟ නොපැවට ,සෑර්ට ගහන්න නළුවෙක් නම් නෑ...." කියාය.

පොලිස්පති ඉලංගකෝන්ට කෝල් එකක් අරගෙන විෂ් කොරපු ජනාධිපති තුමා කිව්වේ, "අයි ජී පී මේකත් මරු.... ඒත්, විනාඩියෙන් දෙකෙන් හොරු අල්ලන සිස්ටම් එකක් හැදුවා නම්, අපිට ළෝකෙම උන් විෂ් කොරාවි නේද.....?" කියලාය. ඒක අහගෙන උන්නු පත්තර කාරයෝ, "දෙක තුන" කරලා,  ලියා තිබුනේ, ජනධිපති තුමා, විනාඩි "තුනෙන්" හොරු අල්ලන්න යනවා කියලාය.

මේ විස්තරේ දැකපු ඔක්කෝටම වඩා බය උනේ, පොලිසීයේම ඉන්නා උන්ය. "අවුරුදු ගානක් ගේම් දිදි, ආතල් එකේ ඉන්නා උන්, විනාඩි තුනෙන් ඇල්ලුවොත් හෙම, ආන්ඩුවේ සේවකයන්ගෙන් භාගයක් විතර හිරේ යයිනේ යකෝ....." කියා පොලිස්පති තුමාට කිව්වේ ඩී අයි ජී කෙනෙක්ය. පත්තරේ මේ කේස් එක දැකපු ගොඩාක් උන් එදා දවසේම නොකා නොබී උන්නේය.

කොයි වේලේත් කාටත් ගුලි දිදි, ආතල් එකේ ඉන්න ජනාධිපති තුමා, මේ වැඩෙනුත් ආතල් එකක් ගන්න බලාගෙන, ලලිත් වීරතුංගට කිව්වේ, ඔක්කෝම හොරුන්ගේ ෆින්ගර් මාක් අරගෙන, ඩේටා බේස් එකක් හදලා, ආන්ඩුවේ හැමතැනම, හොරු අල්ලන ෆින්ගර් ප්‍රින්ට් මැෂින් හයිකරන්නේයි කියලා, ගැසට් එකක් දාන්නෙයි කියලාය. ඒක අහවල් දවසේ ඉඳන් පටන් ගන්නෙයි කියලාත්, ඒ ගමන්ම උපදේශයකුත් දුන්නේය.

අරලිය ගහ යට තියෙන මන්දිරේ, කැබිනට් රැස්වීම පැත්තට ගියපු ජනාධිපති තුමා හොල්මන් වෙලා ගියේ, පෑලියගොඩ මාළු මාකට් එකේ සද්දේ ඒ පැත්තෙන් ආපු නැති නිසාය. කෝකටත් කියා ඔළුව දාලා බලාපු ජනාධිපති තුමා දැක්කේ, එකෙක්වත් පැත්ත පලාතේ නැති බවය.  මුන් එකා දෙන්නා දැන් චන්ද්‍රිකා නෝනාගේ ගෙවල් පැත්තේ කරක් ගහන නිසා, එයාගේ ලෙඩේ බෝ වෙලාවත් දැයි සිතා, මුන් ඉතින් ඔක්කෝම ආවත් ඉතින් නාවා වගේම තමයි කියා එවෙලෙට හිත හදාගත්තේය.

ආතල් එකේ, කුරක්කන් පේස්ට්‍රියක් කාකා, විනාඩි තිහක් විතර බලාගෙන උන්නත්, වෙනදාට ඔක්කෝටම කලින්, එක එකා පෙරලාගෙන ඇවිත්, දෙකට නැමිලා වඳින පුදන සැට් එක නැති නිසා, තද බල පාලුවක් දැනී මල පැන්න ජනාධිපතිතුමා, ජිනීවා ස්පීච් ටෝන් එකෙන් ලලිත්ගෙන ඇහුවේ, "ඇයි ලලිත්... ඔහේ අද කැබිනට් එක කියලා මුන්ට කිව්වේ නැද්ද.....? කියලාය. "කිව්වා කිව්වා සෑර්.... ඒත් ඒ ලියුමත් එක්කම, අර ෆින්ගර් ප්‍රින්ට් මැෂින් එකක් මෙතන හයි කරපු එක ගැනත් සඳහන් කොරලා, ඒ ගැසට් එකේ කොපියකුත් යැව්වා....." කි.යා ලලිත් වීරතුංගයන් කිවෝය.

ප: ලි:
ටික දිනකින් කැබිනට් රැස්වීම පවත්වන ස්ථානයේ තිබූ මැෂිම, එම ස්ථානයෙන් අතුරුදන්ව තිබිනි. ඇත්තටම එයට සිඳූ වූයේ කුමක්ද කියා, පොලිස් මාධ්‍ය ප්‍රකාෂක පවා දැන සිටියේ නැත..