චන්ද්‍රිකාගේ සංහිදියා නාඩගම - Chandrika comes with SAPRI

බන්ඩාරණායකවරු කියන්නේ, මේ රට ජාතික වශයෙන්ද, ආර්ථික වශයෙන්ද, සංස්කෘතික වශයෙන්ද කාබාසීනීයා කර දැමු දේශපාළණ පවුලක්ය. එම පවුලේ අද දින දේශපාළණයේ ඉතිරිව සිටින්නේ, වාර දෙකක් ජනපති කම් කර, රට ජාතිය සෑම අංශයකින්ම කබාසීනීය කර දැමු සැටලයිට් නෝනා පමණය.

සොලමන් වෙස්ට් රිජ්වේ ඩයස් බන්ඩාරණායකට රටේ බලය ලබා ගැනීමට, දේශපාළකයකුට කළ හැකි පහත්ම ක්‍රියාව වන, ජාතිවාදය විකුණාගෙන කා, මේ රටේ ජාතිවාදි ප්‍රශ්ණයක් ඇති කලේය. දුප්පත් දරුවාට පවා ජාත්‍යන්තරය ජය ගැනීමට තිබූ ඉන්ගිරිසි අධ්‍යාපනය නැති බංගස්තාන කොර දමා, එයාලාගේ දරුවන් ලන්ඩනයේ පැරීසියේ ඉස්කෝලවලට ඇරියේය. සඟ වෙද ගුරු ගොවි කම්කරු ඔක්කෝම ආයේම සැරයක් බයියලාම කරලා දැම්මේය. 

සමාජවාදය නමට කරපින්නාගත්, වලව් කාරයෝ සැට් එකක් සමග සැට් වූ සිරිමාවෝ, ආර්ථික වශයෙන් ශක්තිමත්ව තිබූ රටක්, දවස් දෙකක් බත් කන්නේ නැති රටක් බවට පත් කලේය. අමුඩ ලේන්සු නැතිව මිනිස්සු යටට අඳින්නවත් බැරි තත්වයට පත් කලේය. බූමීතෙල් රෙදි දුන්නේ ජනතාව ගැරඬි කියා හිතා වෙන්න ඇතිය. අන්තීමේදී සිරි ලංකා නිදහස් පක්ෂය 8 බස්සා, පැන්සොන් ගියෝය. ලෙඩ මරගාතේ උන්නේ නැත්නම්, ආයෙත් ජනාධිපති වන්නේත් එයාම මිස එයාගේ දෝනීයන්දා නම් නොවේ. 

ඊළඟට ආවේ ලන්ඩන් වල හිටපු නෝනාය. අපේ හරක් රැලත් උන්දෑව පළාත් සභාවට පත් කලේ උඩින්ය, ඊට පස්සේ ජනාධිපති පුටුවේ තිබ්බේ, රැකෝඩ් බ්‍රේකින් ප්‍රසන්ටේජ් දීලාය. ආපු ගමන් මොන්ගලලා, ඇස් බීන්ලා දාගෙන, සුදු නෙළුමක් අරගෙන රට වටේ ගියේය. අන්තීමෙදි අපේ කොල්ලෝ මැරෙණා කොට, එයා රට මාරු උනේය. කොළඹට ඇටෑක් දෙන කොට එයා හෙමිහිට මාරු වෙනවාය. ඒ කරලාත් අන්තීමේදි ටවුන් හෝල් එකේ ඉල්ලාගෙනම කෑවේය. බෝම්බ පාරේ කඳුළු මැදින් දෙවනි පාරත් බලේට ඇවිත්, විස්කි ගගහා, යාලුවො සැට් එකත් එක්ක, රට කාලා විනාශ කොරලාම දැම්මේය.

පෙර පිනකට, ජනාධිපතිකම ටූ ටයිම්ස් නිසා, දාලා යන්න උනේ, රටේ උන් පින් කරලා තිබුන නිසාය. නැතිනම් ප්‍රභාකරන් රටම අල්ලා ගැනීම කෙසේ වෙතත්, සිල්ලර කඩවලට වඩා ලංකාවේ බාර් දා, සුරාමේරයෙන් ආසියාවේ ආස්චර්ය නොව, ළෝකෙන්ම නොම්බර එක වෙනවා නම් බුදු ෂුවර්ය. එහෙම ගියාට ආයෙත් ඇවිත් රට කන්න හිතිලා තියෙන්නේ, මහින්ද ලොක්කා කරපු පිස්සූ කේස් එක නිසාය.

හම්බ උන චාන්ස් එකෙන්, ආයෙත් බලන්නේ, කොහොම හරි බලේ ලබා ගන්නය. සෝභිත හාමුදුරුවෝ පොදු අපේක්ෂකයා කොරනවාට වඩා, මට ආයෙත් පාරක් බලේ ගන්න, මොන ගිනි විජ්ජුම්බරයක් හරි දාලා, කස්ටිය ගොනාට අන්දගන්න පුළුවන්ද කියා මුට්ටිය දාලා බලනවාය. ඉතින් ජනාධිපති ධූරේ නැති කරනවා කියා, හොරකම් කරපු උන් ගෝල්ෆේස් ගෙනත් පට්ට ගහනවා කියා, ආයෙත් බයිලා ගසාගෙන එන්න හොඳටෝම ඉඩ තිබෙනවාය.

එයාට එහෙම දේකට සපෝට් කරන්න, 94 ඉඳන් මේ රටට මෙළෝ දෙයක් නොකරපු, ගොබ්බ ඇමති සැට් එකකුත් එක්ක සාඛඡ්චාත් යනවා කියා, වටින් ගොඩින් ගොසිප් කතාත් එනවාය. කතන්දරේ ඇත්තය. සැටලයි නෝනා එක්ක දාපු සෙල්ලම්, දැන් ඉන්න ලොක්කා එක්ක දාන්න බැරිය. උන් ඔක්කෝගෙම වෘෂණ කෝෂ තියෙන්නේ, මහින්ද මහත්තයාගේ කබඩ් වලය. ඒ නිසා සැටලයි නෝනා පත් කලොත්, අරලිය ගහ මන්දිරේ තියෙන ඇට ටික ආයෙත් ලබා ගන්න පුළුවන් කියා එයාලා හිතනවාය.

ගේමට බහින්න ඕන නිසා, ආගමික සංහිදියාව නැතෙයි කියාගෙන, රිපෝට් එකක් ලියාගෙන රනිල් ලොක්කාට දෙනවාය. එයත් ඉතින් ඕන මළදානයක් හිනා වෙලා බාරගන්නවාය. කොහොමත්, ඊළඟ ජනාධිපති ඡන්දෙට ඉල්ලුවත්, කන්න වෙන බව දන්න රනිලානෝ, සෝභිත නැත්නම් මොකෙක් හරි දාලා ජාම බේරා ගන්න ඕනා නිසා, 2004 පුකට පයින් ගහලා එලවපු එකි, ඉඹලා, වැඳලා පිළිගන්නවාය.

එයාගේ ආගමික සංහිදියාවේ තියෙන ඒවා ඇත්ත වෙන්න ඇතිය. ඒත් ඉතින් මෙහේ තම්බිලා බලෙන් හලාල් දෙන්න යන ඒවා, හිජාබ් ඇඳගෙන ජිහාඩ් ඇති කරන්න යන ඒවා, රායාප්පු ජෝසප්ලාගේ වැල් බයිලා වගේ ඒවා ගැනත් සඳහනක් තිබුනා නම්, බොහෝම වටිනවාය. මොකෝ බොදු බලු සේනා වගේම තවත් බලු සේනා අනිත් ආගම් වලත් ඉන්නා නිසාය.

මේකේ අනිත් සංහිදියාවන් ගැන නොලියා ආගමික සංහිදියා ගැන විතරක් ලිව්වේ, අනිත් ඒවා ලිව්වා නම්, බැද්දගානේ සංජීවලා ගැනත්, පොට්ට නවුෆර්ලා ගැනත්, සරත් සිල්වා වගේ කම්බ හොරු ගැනත්, රූකාන්ත ඔපරේසොන්, අනෝජා ඔපරේසොන්, වගේ ඒවා ගැනත්, රෝහණ කුමාර ඝාතන ගැනත්, වයඹ ඡන්දේ කාන්තාවෝ උපන් ඇඳුමෙන් පාරේ යවපුවා ගැනත්, ලියන්න වෙන නිසාත් වෙන්න ඇතිය.

මෙයාට ඡන්දේ දීලා ආයෙත් ඉල්ලං කනවාට වඩා, සම්බන්ධන් ඉල්ලනවා නම් උන්නෑහේට දීලා දාන එක, නිවන් දකිනා තෙක් සසිරි බර මෙසිරි ලක ඉපදෙන්නට කරනා අනගි කුසල කර්මයක් වනවා නොඅනුමානය. රටට මක්කා උනත්, කන පාත්වෙන්න බොන්න කැමති උන් ඉන්නවානම්, එතුමියට තුනම දීලා දැම්මත්, මගේ නම් අමනාපයක් ඇත්තේම නැතිය.