පැරකුම් ජයසිංහ සමඟ චැට් කල නංගියා මාතලන් සමඟ - Chatting With a Confused Girl

මේ ලඟකදි, අපේ පැරා සහෝ එක්ක, නංගියෙක් පොඩි චැට් එකක් දාලා තිබුනා. නංගියා, මේ තියෙන සමාජ ක්‍රමය ගැන, මට පේන විදියට, හරි දැක්මකින් ඉන්නේ. ඒත් පැරා එක්ක දාන චැට් එකෙන්, නංගියා ෆුල් කොන්ෆියුස් වෙලා යනවා. මොකෝ, පැරා කෙල්ලට ධනවාදී පරිභෝජන රටාව ගැන, ලෙක්චර් එකක් දෙන්න යන නිසා. ඒ උනාට දෙන්නට චැට් එක දාන්න වෙන්නෙත්, ඔය කියන ධනවාදී පරිභෝජන රටාවට අයත් ගැජට් බැජට් එක්ක.

එක්කෝ මේසේ උඩ තියෙන ගොන්පීටරයක්, එහෙම නැත්නම් ලැපක්, එහෙමත් නැත්නම් ටැබ් එකක්, අයි පොඩ් එකක්, නැතිනම් අඩුම ගානේ, ඉස්මාට් ෆෝන් එකක් වත් තියෙන්න එපාය, චැට් දාන්න. නැතිනම් ඉතින් චැට් කරන්න වෙන්නේ පැරාලගේ වැට ගාවට ඇවිත්. එහෙම චැට් කරන්න ගියානම්, පැරාගේ සමාජවාදේ කෙසේ වෙතත්, නෝනගෙන් කන්න වෙනවා ,දෑකැති, මිටි, කුඩු වෙන්න.

අනේ ඉතින් මමත් බලාගෙන උන්නා.. මේ නංගියා මාත් එක්කත් චැට් එකකට එයි කියලා. කව්ද ආස නැත්තේ නංගිලා එක්ක චැට් දාන්න? මොකෝ පැරාලා අපි, සමන්තභද්‍රලය. අනේ ඉතින් බලහල්ලකෝ පින කියන්නේ.. ඒ නංගියා මගෙත් එක්කත් චැට් එකකට ආවනේ.. මේ පහල තියෙන්නේ ඒ චැට් එක..

ඇත්තටම මේ සිස්ටම් එක වෙනස් කරලා හැමේකාටම සල්ලි බෙදිලා යන දුප්පත්කම නැතිවෙන ක්‍රමයක් හදාගතෑකීද...?

ඒකට මේ සිස්ටම් එක වෙනස් කරන්න ඕනැන්නේ නෑ. උඩ බලාගෙන උන්නට එහෙම සල්ලි වැටෙන්නෙත් නෑ. කවුරුවත් එහෙම බෙදලා දෙන්නෙත් නෑ. එහෙම බෙදලා දෙන රටවල් වල ඉන්නේ හිඟන්නෝ වගේ මිනිස්සු. සල්ලි හම්බ කරන්න නම් මහන්සි වෙන්න ඕන. වෙහෙස නොබලා වැඩ කරන්න ඕන. කරන රැකියාව තෘප්තියෙන් කරන්න ඕන. එතකොට දුප්පත් කම නැතිවෙනවා. මේ සිස්ටම් එක යටතේ, එහෙම දුප්පත් කම නැත්තටම නැති වෙච්ච රටවල් ඕන තරම් තියෙනවා.

එහෙනම් පැරා කියන්නේ දුප්පතුන් නිසා පොහොසතනුත් විනාශ වේවී කියලා, අනික ළෝකේ හැම රටකම දුප්පත්කම තියෙනවනේ...?

එහෙම දෙයක් නම් වෙන එකක් නෑ. ඔය සමාජවාදෙත් දත කන්නේ ඔක්කෝටම එක සමානව සලකන්න නේ. ඒ කියන්නේ, ඒ ක්‍රමය යටතේ හැම කෙනෙක්ම තෘප්තිමත්ය, දුප්පතුන් නැතිය කියන එකනේ. බහුතරයක් දුප්පතුන් ඉන්නේ ඒ ක්‍රමය යටතේ. ඔය ක්‍රමේ නංගෝ මෙහෙත් ඇප්ලයි කලානේ 1970-77 කාළේ.

අම්මට හුඩු.. පුදුම සංවර්ධනයක් නේ ඒ කාළේ තිබ්බේ. හැමෝටම එක සමානව ලැබුනේ. දවස් දෙකක් බත් කන්න බෑ. පාන් එක ගෙඩියයි එකෙකුට දෙන්නේ. ප්‍රංශයේ පවා ධනවතුන්ගේ කෑම මේසවල තියෙන, මඤ්ඤොක්කා, කෙහෙල් බඩ ප්‍රධාන ආහාර. කෙල්ලො කොල්ලොත් පුදුම සන්තෝසෙකින්. මොකෝ කොල්ලෝ අඳින්නේ බූමිතෙල් ගඳ ගහන, ඝංඨාර මාක් සරම්. ඒකෙන්, ඝාංඨාරේ පේනවා කෙල්ලන්ට. කෙල්ලොත් රෙදි නැති නිසා, යාන්තම් විලි වහගන්න ගවුම් කොට අඳිනවා. ඉතින් කලවා ප්‍රදේශය ඔක්කෝම එලියේ. ඉඳගන්නෙත් පුදුම බයකින්, කකුල් එකටම තියාගෙන. මොකෝ යටට අඳින්න දේවලුත් නෑ. ඒ නිසා කොල්ලොත් සතුටෙන්. දියවැඩියා රෝගීන් පුදුම සතුටකින්. මොකෝ කාටවත් සීනී නෑ. කන්න නැති නිසා කොලොස්ටරෝල් අර රෝල් මේ රෝල් මක්කත් නෑ. ලෙඩක් හැදුනත් ශත විසිපහක් දුන්නම ආන්ඩුවේ ඉස්පිටිතාලෙන් බෙහෙත් ටික දෙනවා. ඒක හරි ගියෙ නැත්නම් ඉතින් කනත්තට යනවා. මාරයි අප්පා..... කිසි එකෙකුට කියන්න බෑ, මාර පරිප්පුවක් කෑවේ කියලා. මොකෝ පරිප්පු ඇටයක් ඇහට දකින්න නෑ.. එකනේ අප්පා නියම ක්‍රමේ.

එතකොට පැරා කියන්නේ අයියේ... ළෝකෙට දුප්පත් කම දරා ගන්න පුළුවන් ප්‍රමානයක් තියෙනවාය, දුප්පත් උන් කුඩු, ගංජා, කසියා, ගහලා මැරෙනවය කියලා. මම නම් හිතන්නේ දුප්පත් කම එන්න එන්නම අඩු වෙනවා.

පැරා කියන විදියට, වැඩි පිරිස දුප්පත් උනොත් කිසි අවුලක් නෑ නේ.. ආයෙත් ඔය අල බතලයක් කාලා, පුළුවන් නම් සතෙක් විදෙගන, BBQ එකක් දාගෙන, කළුවර වෙන කොට, වාහෙත් එක්ක පොරකාලා, එළිවෙනකන් කන පැලෙන්න නිදා ගන්නවා. මොකෝ ලයිට් නැති නිසා මෙළෝ දෙයක් නෑ නේ. විදුලි බලය කියන්නෙත් ධනවාදී පරිභෝජන රටාවේ නිශ්පාදනයක් නේ.. ඒකට මිලක් තියෙනවා, හැබයි මිල අධිකයි. ඉතින් ඔය විමල් වගේ අය පුකටත් ඒ සී දාගෙන ඉඳියි. අර වැඩි පිරිසක් දුප්පත් අය අපේ කරුමේ කියලා, පස්ස උඩ දාගෙන, අනිත් පැත්ත හැරිලා නිදා ගනියි.

කුඩු කසිප්පු ගංජා බලෙන් පොවන්නේ නෑ නේ නංගී. ඕන් ඔය සමාජාවාදී රාජ්ජවල නම්, සහෝදර ජනතාව මතට හුරු කරනවා, උන්ගේ දුක නැති කරන්න. බොරුනම්, ඔය කියුබාවේ, උතුරු කොරියාවේ, සමාජවාදී රුසියාවේ, කරක් ගහපු කෙනෙක්ගෙන් අහලා බලන්නකෝ.

දුප්පත් කම අඩුවෙනවා නංගී. අපිට පේන ඇත්ත ඒක නේ. දැන් බලන්න ආන්ඩුවේ ගුරු පත්වීමක් කොරන පැරාටත් මරූටියක් තියෙනවනේ. ඉස්සර ගුරුවරුන්ට ෆුට් සයිකලයක්වත් තිවුනය.

ඇත්ත.. පැරාටත් කාර් එකක් තියෙනවා. මම දන්න බොහෝ දෙනාත් ගත්තා.මධ්‍යම පාන්තිකයො ගොඩකගේ ජීවිත අමාරුවෙන් හරි දැන් වෙනස් වෙලා. මැටි ගෙවල් නැති වෙලා. අපේ පැත්තෙ නම් ඇත්තටම තිබ්බ මැටි ගෙවල් දැන් නෑ. කුඩු ගහන එකා ඒක කොහොමත් කරනව නේ. සල්ලි හම්බෙන්න හම්බෙන්න කුඩු ගහනවා.

බලන්න ඉතින් පැරාත් පිලිගන්නවනේ, සමාජ සංවර්ධනයක් වෙනවය, බෞතික සංවර්ධනයක් වෙනවය කියන කාරනේ. ඒත් ඒ ගමන්ම එයා කියනවා විශමතාවය වැඩි වෙනවලු. ඇත්ත රටේ ආදායම ජනතාව අතරේ බෙදී යන ක්‍රමයේ විශාල විශමතාවයක් තියෙනවා. ඒකට වැරදි ක්‍රමය නෙමෙයි. පුදගලයා. කෑම ටික පිඟානට වැටෙනකන් බලාගෙන ඉන්න එකා, මේ ක්‍රමය යටතේ අනාතයි.

"වී" ම වගා කරන්න ඕන කියලා හිතන ගොවියා, කවදාවත් රජ වෙන්නේ නෑ. ඒ යකා බලන්න ඕන, ගොවිතැන් කරලා දියුණු වෙන උන් වගා කරන්නේ මොනවද කියලා. අනෙක ආදයමේ විශමතාවය වැඩි උනත්, පහළම ආදායම ලබන එකත්, අර පරිභෝජන රටාවේ භාන්ඩ වලට හිමිකම් කියනවා නම්, ඒ මිනිස්සු තෘප්තිමත් නේද. කොටින්ම පැරා මරූටියෙන් තෘප්තිමත් වගේම. පැරා කියන්නේ එයා දියුණුයි කියලා.

එතකොට සමාජවාදය ආවොත් ඕවා හරියයි ද? අනේ අප්පා මට මෙලෝ මඟුලක් තේරෙන්නෑ.

සමාජවාදේ කියන්නේ මොකක්ද කියලා, ඒවා ලියපු උන් දන්නේත් නෑ නංගී. ඔය පැරාත් කියන්නේ.... එයා කියන්නේ, රුසියාවේ තිබුන ක්‍රමේ නෙමෙයි කියලා. එහෙනම් මොකක්ද උතුරු කොරියාවේ ක්‍රමේද? මම නම් ආසයි කියුබාවේ ක්‍රමේට නම්. ඒත් ඉතින් මහින්දලා මරාගෙන කන්න හදන, පැරාලට නොපෙනෙන දේ තමයි, කියුබාවේ තියෙන්නේ ඒකාධිපතිවාදයක්ය කියන දේ.

ෆිදෙල් යන කොට මල්ලි එනවා. ඒත් මෙහේදි... බැසිල් එනකොට, පැරාලට මල පනිනවා. හොඳ වෙලාවට "චේ" වෙඩි කාලා මැරුණේ, නැත්නම් ෆිදෙල් කරන්නේ, මහින්ද මහත්තයා සරත් ෆොන්සේකාට කරපු දේ. අනේ එහෙම උනා නම් චේ ගුවේරා සිය දිවි නසා ගන්නවා ආයේ දෙකක් නෑ නන්ගෝ..

එතකොට පැරා කියනවා අයියේ.... මිනිස්සු ජීවත් වෙන ලයිෆ් ඉස්ටයිල් එක දන්නෙ නැතෙයිය, එයා කියන ලයිෆ් ඉස්ටයිල් එකට ජීවත් උනාම හරිය කියලා. එයා කියන ලයිෆ් ඉස්ටයිල් එක ගැන, ඕයා මොකෑ කියන්නේ.

එයා කියන්නේ, බුද්ධාගමේ ලයිෆ් ඉස්ටයිල් එක නේ නංගි. ඒ කියන්නේ පෙර පින් හැටියට තමයි ලැබෙන්නේ, ලද දෙයින් සතුටු වෙලා, ලැබෙන දෙයක් කාලා, වෙන දෙයක් බලාගෙන ඉඳහන් කියන එක නේ. දැන් එයාට දෙවියන් වහන්සේ දීලා තියෙන්නේ මරූටියක්. ඒකෙන් එයා ෆුල් සැටිස්. ඒත් මම නම් බලන්නේ කොහොම හරි, පරණ උනත් කමක් නෑ.. බැන්ස් එකක් ගන්න. මොකෝ ඒක පරණ උනත් බෙන්ස් නේ. ඒවල යන කොට පැරාලට, පැරාගේ ෆෑන්ස්ලට මල පනිනවා.

එහෙම හිතනවා නම් ඉතින්... අර උපන්නාට වැනි වැනී ඉන්නවා වගේ, ඔහේ උන්නාම ඉවරයි. පැරාටත් ඔය කියන පරිභෝගික ජීවන රටාවේ හැම දෙයක්ම තියෙනවා. ඒත් ඒවල ක්ලාස් එක මදි. ටොප් ක්ලාස් තියෙන උන් එක්ක පැරාලට මල. ඕකට කියන්නේ නංගෝ පන්ති වෛරය කියලා. ඒකත් මේ ළෝකෙන් තුරන් කරන්න බැරි දෙයක්.

ඕන් අයියත් බණ කියන්න පටන් ගත්තා..

බණ කියන්නේ නෑ නන්ගෝ. බන කියන ඒවා තියෙන්නේ දෙසන්න. සම හරක් නම් බන තලනවා. දැන් බලන්න ඝෝඨාට ඉන්ගිරිසි බෑ කියපු පැරා, ක්‍රිස් නෝනිස්ගේ පොලිෂ් කඩ්ඩටත්, කින්ඩිය දානවා. මොකෝ ක්‍රිස් නෝනිස් දන්න ඉන්ගිරිස්, ඉන්ගිරිස් එකේ හොඳම එක. එතකොට පැරා බණක් කියනවා, මට මගේම නොවුන මගේන ආදරයක් තිබුනා වගේ, අපිට අපේ නොවන අපේම ඉන්ගිරිසියක් හදා ගන්න ඕනය, ඒකත් සමාජවාදේ කොටසක්ය කියලා.

ඉන්ගිරිසි මොකටද අප්පා සමාජවාදෙට, ඔය චීන හරි රුසියන් භාෂාවක් ඉගෙන ගන්නවා මිසක්. ඉන්ගිරිසි කියන්නේ.... ඔය පාරිභෝගික ජීවන රටාවට හුරු වෙච්චි ධනපති හැත්තගේ, ධනවාදි භාෂාවක් වෙච්චි කොට.

හ්ම්....ඒ සැරේ නම් තේරුනා. මේ ඉන්න ටිකේ ජීවිතේ විදලා මැරිල යනවා මිසක, රට ලෝකෙ වෙනස් කරන්න මම හිතල නැහැ. එහෙම මෙච්චර කල් වෙනව මම දැකලත් නැහැ. කොහොම වුනත් ඔයාට ස්තූතියි මාතලන්.

අයියෝ ඉස්තූති කන්නද නන්ගෝ. ගනන් ගන්න එපා. පැරත් එක්ක දාපු චැට් එක එයාගේ එකේ දැම්මා කියලා, ඔයා අවුල් උනේ නැති නිසා. මාත් මේක මගේ එකේ දානවා නංගියෝ.. පැරා මේවා ගනන් ගන්නේ නෑ. මොකෝ පැරා කියන්නේ බොහෝම වයිස්ලි අදහස් දක්වන, ලියන කියන කෙනෙක්.

හොදයි.මම කැමැතියි අනිත් අයගෙ අදහස් දැන ගන්න. මගෙ නම දාන්න එපා.මේකේ ඉන්න අයියල මට සරම උස්සන් ඒවි. යන්නම් අයියේ.......මට ආපහු අම්මගෙ බඩට රිංගන්න හිතුනු වාර අනන්තයි. ආයෙත් එහෙම හිතෙනවට මම කැමැති නැහැ. එනිවේ තැන්කිව්.

මේ පරිභෝජනවාධී ධනපති ක්‍රමය යටතේ ආයෙත් බඩට යන ක්‍රමයකුත් හදන්න බැරි කමක් නෑ. එදාට පුළුවන් වෙයි නංගිගේ හීනේ හැබෑ කරගන්න..
එහෙනම් ටේක් කෙයාර්..
සුබ අනාගතයක් නංගියෝ...