ඡන්ද අනාවැකි, අයිතිවාසිකම් හා ජිනීවා - Predictions, Rights & Geneva

දකුණට හා බටහිරට පලා බබාලා තෝරාගන්නේ හෙටය. සත පහකට වැඩක් නැති උනත්, දේශපාළණෙන් හම්බ කරනා උන්ට, මේක ඉන්දියාවෙන් ලද උතුම්ම තෑග්ගය. ඉන්දියාවෙන් අපට ලද උතුම්ම දායාදය මොකක්ද කියා අපේ පොඩි එකා ඇහුවාම. මම ඌට කිව්වේ පලාත් සභා කියලාය.

ගුරුතුමී කියලා තිබුනේ, පුතා හොඳ බුද්ධිමත් දරුවෙක් වනවා නොඅනුමාන බවය. එහෙම නැතිව මහින්ද ගෙනාපූ බුද්ධාගමවත්, හේමමාලී ගෙනාපු දන්ත ධාතුවවත් නොවේය. පක්ෂ විපස්ස බෙදයකින් තොරව හැම එකාම මල් පහන් පුදන්නේ රජීව් ගාන්ධිටය.

මේ සැරේ තෝරා ගන්න. පලාත් සභා කාපු, කම්බ හොරු සෙට් එකත් එක්කම, තොරාගන්න බබීලත් ඉන්නවාය. හෙට කොරන්න තියෙන්නේ කැමති පස්සෙට කතිරෙ ගහනා එකය. ඊට පස්සේ මනාපේ ගහනවාය. මේ පාර කොල්ලන්ට නම් පට්ටම ආතල්ය. කොල්ලන්ට ගහන්න කෑලී ගොඩාක් දාලා තියෙනවාය. ඒ වගේ කෑල්ලකට ගහන්න හම්බ වෙන්නේ හෙට විතරය. ඉතින් උන්දෙන්ම ගිහිල්ල ගැහුවානම්. ජීවිත කාලෙටම ආඩම්බරෙන් මම අරකට ගැහුවා කියලා කියන්න පුළුවන්ය.

කොළඹ, මහින්ද මහත්තයාගේ, ආඩම්බරකාර කොල්ලන්ට, හිරුනිකාට ගහන්න පුළුවන්ය. එහෙම නැතිනම්, මල්සා කුමාරතුංගට ඇදලා අරින්න පුළුවන්ය. එයාලාට කැමති නැතිනම් ඩයනා ගමගේට ගහන්න පුළුවන්ය. ගම්පහ උන්ටත්, ගින්දර කෑල්ලක් දාලා ඉන්නවාය. ඒ සමන්මලී සකලසූරියය. නිලියන්ටත් වඩා ලස්සනය. ගහනවානම් හෙටම විතරය.

මාතර උන්ට සැක්සි කෑලී දෙකක්ම ඉන්නවාය. ඒ අනර්කලී සහ නදීසාය. කැමති එකෙකුට ගැහුවාට කවුරුත් මක්කත් දොඩන්නේ නැතිය. ඒ මාතර උන්ගේ හැටිය. ගාල්ලේ උන්ට නම් ආදරේට හරි, තරහට හරි, ගීතාට ගහන්න පුළුවන්ය. කොහොම ගැහුවත්, ගීතාට ගැහුව්වා කියා ආඩමබර වන්නට පුළුවනය.

එහෙම කෙල්ලන්ට අකමැති, පිනට බර කස්ටිය ඉන්නවානම්, ගාල්ලේ උන්ට බද්දේගම සමිත හාමුදුරුවන්ට ගහන්න පුළුවන්ය. හාමුදුරුවොත්, ජේ ආර් ගේ මැරයෙක්ට පොල්ලකින්ම ගැහුවා කියා, මඩ කතාවකුත් තියෙනවාය. ඔය දනට පිනට කැමති, හිඟන්නන්ට කීයක් හරි දෙන්න කියා හිතන උන් ඉන්නවානම්, අපේ ගොම්මන්පිල හිඟන්නාට ගැහුවාම, මෙළෝ වසයෙන්ම පලදෙන්න උනත් ඉඩ තියෙනවාය.

ඔය මොන එකා උන්නත්, මම නම් ගහන්නේ වෙන එකෙකුටය. ඌ කව්ද කියලා මෙතන කියන්නේ නැතිය. මොකෝ එහෙම කිව්වොත්, ඌට ඡන්ද ප්‍රචාරණේ දුන්නා කියා. අපේ නීතියට යුක්තියට වැඩ කරනා කොමසරිස් තුමා, මාව අල්ලා හිරේ දමන්නට පුළුවන්ය. එහෙම උනොත්, මගේ එකාට.. හෙට මට ගහගන්න බැරි වෙනවාය.

මේ සැරේ ඡන්දේ ගැන රාජකීය දයිවග්නයා ප්‍රෙඩික්සන් ගොඩාක් දීලාය. ඌ කියන්නේ පොදු පෙරමුණ විශිෂ්ඨ ජයක් ලබනවා කියලාය. ඒක ඉතින් ඌ කියන්න ඕනා නැතිය. ඔය මහින්ද මහත්තයා උඩ දාන පොඩි එකෙක්ගෙන් ඇහුවත් කියනවාය. මොකෝ මේක දිනන්නේ නැතුව, වෙන පක්ෂයක් දිනනවා කියා, ආයේ අරලිය ගහ මන්දිරේ පැත්තේ පස් පාගන්නවත් හම්බ වෙන්නේ නැතිය. ඩිරෙක්ටර් පෝස්ට් එකටත් කෙල වෙලාම යනවාය.

එයා කියන්නේ, මහ ඇමතිලා වෙනස් වෙන්නේ නෑ කියාය. එහෙම කියන්නේ ෂුවර් එකටම උන් දෙන්නටම දෙන්න කියලා මෙයා කියලා ඇතිය. තව කියලා තියෙන්නේ හිරුනිකා විශිෂ්ඨ ජයක් ලබනවා කියලාය. ඒත්... ඒකත් හරියටම පළවෙනියාද මොකක්ද කියලා කියා නැතිය. ෂාන් විජේලාල් ද සිල්වා රැකෝඩ් බ්‍රේකින් ප්‍රතිඵලයක් ගන්නවා කියා තව එකක් කියා ඇත. ඒක කියන්න, ජොනියා වගේ, ෂාන් කීයක් දුන්නාද කියා දන්නේ, ඒ දෙන්නා විතරමය.

මහාචාර්ය මාතලන්ගේ ප්‍රෙඩික්සොන් නොහොත් අනාවැකි මේවාය. මේවා කියන්නේ ග්‍රහ තාරකා දිහා බලලාවත්, හනුමා එක්ක සැට්වී අඳුනෙන් බලාවත් නෙවේය. ඇක්ස්පීරියන්ස් වලින්ය.

පොදු පෙරමුණ -
මෙවරත් විශිෂ්ඨ ජයක් ලබනවාය. අද හැන්දෑවට ලොක්කා ජාතිය අමතා, බොක්කටම ටෝක්ස් එකක් දෙනවාය. මේක දකින, ජාතියට දේශයට වගේම, මහින්ද මහත්තයාටත් බොක්ක බැඳගෙන ආදරේ කරනා උන්, හෙට උදේම ගිහින් බුලත් කොලේට කෙලිනවාය.

එජාපය - 
මණ්ඩල් බන්ඩල් පිටින් දැම්මත්, මේ සැරෙත් පොරි හැලෙන්න කනවාය. තිබුන සීට් ටික බේරා ගත්තොත් ලොකු දෙයක්ය. අනිවාර්යන් තිබුන සීට් ගනනට වඩා, අඩුවෙනවාමය.

ජෙප්පෝ - 
දකුණ කෙසේ වෙතත්, කොළඹින් ඡන්ද වැඩි වෙනවාමය. එකක් නායකත්වයේ වෙනසය, අනෙක ලාල් කාන්තය. අනෙක් ප්‍රධානම හේතුව, වනාතේ, රතුපස්වල හා තුන්තානේ ගේම් වලට සෙට් වීමය. ඒ නිසා ගිය පාරට වඩා එකක් හෝ අළුතෙන් දාගන්නවාමය.

ෆොන්සේකා -
ඒකට කියන්නේ ෆොන්සේකා පාටිය කියලාය. හරියට රාජපක්ෂ පාටිය වගේමය. ඒකටත්, කලින් පලා බබාලා ගත්ත ප්‍රමාණේ ගන්න හම්බ වෙන්නේ නැතිය. මොකෝ, ලොක්කා කචල් කියා, හැම එකාම කියනවාය. කැටගොඩයා ඉන්නේත්, පාර්ලිමන්ට් සීට් එක නිසාය. මම නම් හිතන්නේ, ඒ පක්ෂයේ වැඩියෙන්ම විඳවන එකා කැටගොඩයා කියලාය. ඊළඟ පාර්ලිමේන්තු ඡන්දෙන් පස්සේ ඌත් යනවාය.

සමස්තයක් ලෙස ගත්තොත් අනාවැකි සැට් එක මෙසේය

• රාජ පක්ෂය, අනිවාර්යයෙන් ජයග්‍රහණය කරනවාය. 55% වැඩියෙන් දෙකෙන්ම ගන්නවාය.
• සමස්ත ඡන්ද ප්‍රකාෂ කිරීමේ ප්‍රතිශතය බහිනවාය.
• එජාපය ඉල්ලගෙන කනවාය. තිබුන ටිකත් නැති වෙනවාය.
• ජෙප්පන්ගේ ප්‍රතිශතය වැඩිවනවාය.
• ෆොන්සේකාට අනෙක් පැතිවල ගත්තා වගේ හම්බ වෙන්නේ නැතිය.
• කොළඹින් හිරුනිකා අංක එක වෙනවාය.
• මහ ඇමතිවරු දෙදෙනාම වෙනස් වෙනවාය.

මොන කෙහෙලමල ලිව්වත්, මේක කියවන ඔහේලාට කියන්න තියෙන්නේ, එකම එක දෙයක්ය. හෙට උදේම ගිහිල්ලා කාට හෝ තමන්ගේ ඡන්දය පොරකාශ කොරලා දාන්නය. මේවා බොහෝම අමාරුවෙන් ලබා ගත් අයිතිවාසිකම්ය. ජීවන බර වැඩියි කියලා දැනෙනවානම්, දෙන්න එකෙක් නෑ කියා ගෙදර ඉඳලා හරියන්නේ නැතිය. ආන්ඩුවට විරුද්ධ මොකෙකුට හරි දීලා දැම්මාම හිත හදාගන්නවත් පුළුවන්ය.

ඒ වගේම මහින්ද කොහොමත් දිනනවා කියා ගෙදරට වෙලා ඉඳලා හරියන්නේත් නැතිය. එයාට ආදරේ නම්, උදේ පාන්දර ගිහිල්ලා බුලත් කොලේට ගැහුවාම, මහින්ද මහත්තයාගේ ගත සිත ඔක්කෝම පිනා යනවාය. අනෙක ඒක ඇමරිකාවට ගහපු කනේ පාරකුත් වෙනවාය.

මේ එකෙකුටවත් කැමති නැත්නම් ඡන්ද පොලට ගොහිල්ලා ඔක්කෝටම වැරදියි කියා වැරදි මාක් එක හැම තැනම ලකුණු කරලා එන්නය. මොකෝ නොදාන ඡන්ද වලට, හැම එකාම අයිතිවාසිකම් කියනා නිසාය.

ජිනීවා වල පතුරු යන්න කෑ, ජී ඇල් ගොන් නාම්බා කියන්නේත්, ඡන්දය දීමෙන් වැලකී සිටි උනුත්, අපේ ගොඩේ කියලාය. ඇමරිකන් ඇමබසියේ ඉන්නා නෝනා මහත්තයා කියන්නේත්, ඒ සැට් එක එයලාගේ කියලාය. ඇත්ත දැන ගන්න වෙන්නේ උන්ගෙන්ම විමසලාය. ඒකට ඉතින් ආයෙත් ඡන්දයක් තියන්නම වෙනවාය.

ඔබ සැමට සුබ අනාගතයක්ය...!!!

ප: ලි:
ඔහේලත් මනාප නම්, ඔහෙලගේ අනාවැකියත් කොමෙන්ට් එකකට දාන්න. අපේ රාජ්ගේ කොමෙන්ට් එක දැකලා, ඒ අයිඩියා එක හිතට ආවේ...

හරි ගිය පසු ගෙවන්නම්..