18 වන සංශෝධනේ හිල හා මීළඟ ජනපති - There is a hole in a bucket Dear Laisa

කට්ටිය සාධාරණ සමාජ, පිවිතුරු හෙටක්, බටහිර කුමන්ත්‍රණ කරුවන්ගෙන් තොර රටක්, සිංහළ කළ ක්‍රමයට හැදූ මැළේ අච්චාරුවක්, අරකක් මේකක් උදා කරන්න යද්දි, ජනාධිපති ක්‍රමේ ඉදිරියටත් ගෙන යාම සඳහා ඡන්දයකට යන්න දින නියම කොරලාය. දැන් ඉතින් වෙන්නේ හැම එකාම බොරුවට එපා කියපු, ඒත්, හීනෙනුත් මහින්ද රාජපක්ෂ කෙනෙක් වගේ ඉන්න හිතාපු, ජනාධිපති ක්‍රමේ එයාගෙන ඩැහගන්නා ගේම් එකට සෙට් වෙන්නය. හැම එකාටම ඕන ජනාධිපති ක්‍රමේ නැති කරන්න නොව, මහින්ද රාජපක්ෂ ගෙදර යවන්නය. එහෙම ගියාම කේතුමති රාජ්ජේ පහළ වෙනවා කියා හැම එකාම හිතන්නේය.

මහින්ද මහත්තයාට තුන් පාරක් බැරිය කියා සරත් සිල්වා කියලා තියෙනවා දැක්කාම, මාතලන්ට පුකෙන්ම හිනා ගියේය. අම්මට සිරි ලංකාවේ ජහ මනයාගේ ප්‍රජාතන්ත්‍රවාදයට කෙලින්න පුළුවන් හොඳම කෙලිල්ල කෙලියේ මේ උපාසක මහත්තයාය. අපේ ඡන්දේ බලෙන් පාර්ලිමේන්තු යන එකා, එහා ගෙදර මළ පෙරේතයා ඡන්දේ දීපූ පක්ෂෙට පනින්න, ස්ප්‍රින් බෝඩ් එක හදලා දුන්නේ, මේ නීතී විසාරදයාය. මුන්ගේ නීතී ඇවිල්ලා උගෙ අම්මාගේ නීතීය. එහෙම උන් නීති විසාරදලා නොව, මළ විකාර කාරයෝය. මුන් ඇවිල්ලා කන්න ඕනා උනාම කබරගොයත් මරාගෙන කන හාදයෝය.

ඉස්සර තිබුනේ, එහෙම එකෙකුට යන්නම ඕනා නම්, පාර්ලිමේන්තුවෙන් ඉවත් වෙලා අතුරු මැතිවරණයකින් එන එකය. එහෙම ගිහින් ගොඩ ආපු උන් මෙන්ම, කෙළවෙලා ගෙදර ගිය උනුත් ඒ කාලේ හිටියේය. වටින් ගොඩින් එන ආරංචි වලින් කියන්නේ, දැන් මේ සිස්ටම් එක නීතී පොතට අතුලත් කරන්නත් යනවා කියලාය. මම නම් හිතන්නේ ඒක ඇවිල්ලා ප්‍රජාතන්ත්‍රවාදයේ අවසානය නීතීගත කිරීමක් කියලාය. මේ කාළකන්නි වැඩෙන් වෙන්නේ, එකම පිරිසක් හැමදාම පත්වේන එක විතරමය. හරියටම රජ කාළේ වගේමය. රජා වෙනස් උනාට. රට පාළණය කරන්නේ තුප්පහි පවුල් ටිකක් විතරක්ම වීමය.

එහෙව් නීතී හදපු එකා, අද වික්ටර් අයිවන්ලාට "නීතී විශාරදයෝය". ඒ කාළේ කළු පාට මුල් පිටු දාලා, ජිනීවා ගිහින් නඩු කියපු එකා, අද තලගොයා වෙලා තියෙන්නේ එහෙමය. දැන් ඒ දෙන්නා කියන ආකාරයට, මහින්ද මහත්තයාට තුන් වෙනි වතාවේ ඉල්ලන්න බැරිය. මට පේන්නේ මේ කරලා තියෙන්නෙත්, මහින්ද මහත්තයාට සපෝට් එකක් දීමය. එහෙම කේස් එකක් තියෙනවා නම් ඒකෙන් ගැලවෙන ආකාරයත් ලොක්කාට පෙන්වා දීමක්ය. අග්‍ර විනිසුරු නෝනා පැය විසි හතරෙන් ගෙදර යවපු මහින්ද මහත්තයාට, ඔය අග්ගලාව මහ ලොකු ලබ්බක් නෙමේය. දෙකට තුනට විතරක් නොව, කතරගම දේවාලේ වගේ, බිම දිගාවෙලා වඳින උන්, ඔය සන්සෝදනේටත් අත් කකුල් විතරක් නොව, ඕන නම් ජුන්ඩා උනත් උස්සලා සම්මත කොරලා දෙනවාය.

මක්කා කොලත් ඌවේ ප්‍රතිඵලේ මේ හැම එකටම බලපානවාය. ඒ නිසා දාන්න පුළුවන් ඔක්කෝම සෙල්ලම් දාලා ආන්ඩුව ඌව දිනනවාමය. හැමෝම "බුද්ධිමත් මහ ජනතාවට" බැන්නාට, හරි විදියට නම් බනින්න ඕනා විපක්ෂයේ පක්ෂ වල ඉන්නා නායක නොනායක ඔක්කෝම කාළකන්නින්ටය. ජෙප්පන්ට එජාපේ කියන්නේ වහ කදුරුය. අලි පාටියේ කාළකන්නි ප්‍රේමදාස රෝගය ආයෙත් ඉස්මතු වෙලාය. මෑත කාළයේ එජාපය සුනු විසුනු කිරීමේ කප් එක කිසිම තරඟයක් නැතිව හිමි වෙන්නේ, පොඩි ප්‍රේමදාසටය. ආර් ප්‍රේමදාසලා ගේමට බැස්සේ ආන්ඩු බලය අරගෙනය. එතකන් බලේ ගන්න ගේමේ, දෙන්න පුළුවන් උපරිම ගේම දුන්නේය. ඒත් පොඩි එක්කෙනා කරන්නේ තනිකර අනිත් පැත්තමය. ඒයා කරන්නේ කකුලෙන් ඇදීමේ ක්‍රීඩවමය.

පොන්සේකා කියන්නේත් තනි අලියාමය. මඳ කිපුනු කාලේට ආයෙත් රැලට ආවාට, සීන් එක ඉවර උන ගමන් එයා ආයෙත් තනි අලියාමය. ඡන්දෙන් පස්සේ ආයෙත් සෙට් එකක් පැනලා යනවාය. යන හැම එකාම කියන්නේ සත්තු වත්තේ නම් අහගන්න බැරි නිසා යනවා කියලාය. සෙට් එකක් “විගා” දාන්න යන අතරේ, තව සෙට් එකක් ඉතිහාසෙ ප්‍රථම වාතාවට, හාන්දුරු කෙනෙක් සිංහාසනේ තියන්නට සෙට් වෙනවාය. සම හරක් නම් කියන්නේ අන්තීම මොහොතේ “සෝභිත” පෙන්වා, “කරු” දාන්න යනවා කියලාය.

අන්තීමට බැලුවාම ඔක්කෝම මහින්ද මහත්තයාට එගේන්ස්ට් එකට ඉල්ලනවාය. එතකොට ගේමේ රනිල් විකුම්සිහත් ඉන්නවාය. අනුර කුමාර දිසානායකයානෝත් ඉන්නවාය, විග්නේස්වරනුත් ඉන්නවාය, සෝභිත හාන්දුරුවෝ හරි ආවොත් කරූ පායයි හිරුත් ඉන්නවාය. සිරි ලංකා කාරයන්ගේ කැඩුනු හිත හදන්න සැටලයිට් නෝනාත් ඉල්ලනවාය. සමහර විට වික්‍රමභාහුත් ඉල්ලන්න පුළුවන්ය, ඔය මොකා නැත්ත ටැට්ටර් සාධුත් ඉන්නවාමය. මෙහෙම සැට් එකක් ඉන්න අතරේ, දන්න යකා හොඳා කියා, බුද්ධිමත් ජනතාව ගිහින් ඉන්න යකාටම කතිරේ ගහනවාය. තව සෙට් එකක් මොකා ආවාත් අපිට එකා කියා, ගෙදරට වෙලා ඉන්නවාය. අන්තීමේදි ජනවාරි හතර උදේ, මහරජානෝ තව සැරයකට සිංහාසනාරූඨ වනවාය. ඒක ඉතින් රාවණා නින්දෙන් නැගිටලා ආවත්, වලක් වන්නට නම් බැරිය.

ඒ වගත් මෙසේය..