ජනාධිපති තුමා වැකේසොන් ගොහින් - President on Vacation

ජනාධිපතිතුමා, බැක් ටු බැක් ආපු හුටප්පර නිසා උන්නේ හිතේ අමාරුවෙන්ය. එහෙම වෙන්න පටන් ගත්තේ ටික කාළෙකට කලින් පටන්ය. බැටීලා, වාසුලා, තිස්සලා වගේ, දෙන දේ කාළා වෙන දේ බලාගෙන ඉන්න හාල්පාරුවෝ වාසනාවන් කියා හිතුනේ, විමලයලා, චම්පිකයලා පිස්සු කෙලින් කෙලිල්ල දැකලාය. පරණ වමේ වාහෙලා වගේ, මුන්ව කටේ බලෙන් කොන්ට්‍රෝල් කර ගන්න බැරි එක ගැන, අහන්නේ මොකාගෙන්ද කියා කල්පනා කර කර ඉන්න අතරේ, රතනයා පැහැබර හෙටක් හොයාන වඩින්න ගත්තාම, හිතේ අමාරුව තවත් වැඩි වෙලාම ගියේය. කැඩුම් බිඳුම් වලට වෙදකම් කොලාට, හිතේ අමාරුවට බේත් දෙන වෙදෙක් හොයා ගන්න බැරි රජ කම, කොස් කොටන්නද යකෝ කියා එතුමාට හිතුනේය.

ඔහොම ඉන්න අතරේ, සිරිපාලයා ඔපීස් කාමරේ කොම්පීටරෙන් සෙක්ස් සොයන්න ගිහින් වෙච්ච අලකලංචියක්, ඩිලානයා හන්දියක් හන්දියක් ගානේ පීකර් කටක් දැක්ක ගමන් ඇදලා අරින්න ගිය එකෙන් ජනාධිපති තුමා තවත් කලබල වූයේ, මේ වේස කොල්ලෝ කවදා හරි අපිත් ජොලියට කරපු ගේම් ඇදලා අරින්නත් බැරි නෑ නේ යකෝ කියලාය. ඊටත් වඩා කළබල උනේ, ඒ කේස්, වික්ටර් අයිවන්ට ගියොත් හෙම, සැටලයිට් නෝනාට ගැහුවා වගේම, මටත් පොතක් ගහලා ගේම අදින්න පුළුවන් නේද යකෝ කියලාය.

ඒ අස්සේ ළොකු පුතා ඉරාජ් කොලුවත් එක්ක, කෙල්ලන්ගේ ඉස්කෝලවලට පැනලා, කෙල්ලන්ගෙන් උම්මා උම්මා ඉල්ලපු සීන් එකෙන්, ජනාධිපති තුමාගේ හිත තවත් අඤ්ඤකොරොස් වෙලාම ගියේය. උගේ කාඩ් එක විතරක් නොව, මගේ කාඩ් එකත් කුඩු කරා නේද යකෝ කියා හිත හිතා ඉඳීමෙන්, තවත් හිතේ අමාරුව වැඩි උනා මිස, අඩු වීමක් උනේම නැතිය. අනික මේවා පවුලේ පුරස්න නිසා, ඕවාට ගෙදරදි අත දාන්න ගිහින්, ළමයින්ගේ අම්මාගෙන් එක එක ඒවා අහ ගන්නවාට වඩා, නෝනා නැති තැනක ලොකු කොලුවාට මේ ගැන පැහැදිලි කරලා දෙන එක කෝකටත් හොඳයි කියා හිතුනේ, නුවර වැව රවුමේ රෙස් පැත්ද එක, ළොකු වහන්සෙලා දෙන්නාට ලැම්බෝගිනි දෙකක් දීලා ෂේප් කර ගත්තත්. සී ෂෙල්ස් ටුවර් එකක් එක්කගෙන ගිහිල්ලාවත්, නෝනා ෂේප් කර ගන්න බැරි බව දන්න හින්දාමය.

ගෙදරදි බැරි නිසා ලොක්කා පාර්ලිමේන්තු ගියේ, අමාත්‍යාංශයේ බලු පුකක් හින්දා නොව, ලොකු කොලුවා ෂේප් එකේ අල්ලා ගන්න පුළුවන් හින්දාය. පුතේ අපේ කාලෙත් බිග් මැච් කාළෙට කෙල්ලන්ගේ ඉස්කෝල ඉස්සරහා පොඩි බජව්වක් දානවා. පොලිසිය එන කොට අපි මාරු. ඒත් ඉතින් ඒ ක්‍රිකට් මැච් ගහන කොට. රගර් ගහන කොට ඒවා කරන්න නොගියේ, ඔය රගර් බෝලේ වගේම, ඔය ගේම් එකත් අවුල් නිසා. අනික ඉතින් පුතාලා තුන් දෙනාට පින් සිද්ද වෙන්න, ඉලිප්සාකාර බෝලෙත් දැන් හතරැස් කරලා නේ තියෙන්නේ. ඒකෙන් විහිදෙන සඳරැස් ඔක්කෝම, අපෙ රැස් ඉවරවෙච්ච දවසකට ඉවරයි. ඒ නිසා මොකක් හරි නමක් හදා ගන්න පුළුවන් වැඩක කළා නම් නේද හොඳ කියා, පුංචි පහේ අවවාදයක් දුන්නේ. මේ ගැන හං කවිසියක් හෙම අම්මට එහෙම නම් කියන්න එපා. ඔහෙලත් දැන් ඉතින් දන්නවනේ එයාලගේ හැටි කියාය.

ඒ අවවාදේ හිතට ගත්ත ළොකු පුතා කළේ, කැම්පස් යන්න අමතක උන කෙල්ලෙක් හොයා ගෙන, බලෙන් කැම්පස් එකට දැමීමය. ඒ වැඩෙන් උනේ, කෙල්ලන්ගේ ඉස්කෝල වලට පැනලා දාගත්ත ලෙඩේටත් එහා ගියපු ලෙඩක් නිසා, ළොකු පුතාටත් වඩා හිත නරක් උනේ ළොකු පුතාගේ තාත්තාටය. යකෝ කැම්පස් යන්න අමතක උන උන් කැම්පස් යැව්වත් වැරදියි. පාස් මාක් ගත්ත උන් යැව්වෙ නැතත් වැරදියි. මුන් නම් උගෙ අම්මගෙම මාද්දියවේදියොම තමයි කියා තවත් හිත අමාරු උනේය.

ඒ අස්සේ බොදු බලු සේනාවයි, සිරසයි, අරකයි මේකයි, එක්කහු වෙලා, යුද්ධය දිනපු මල්ලි දේශපාළණේට ගේන්න හදන එකෙන්, අවුල ඩබල් වෙලාම ගියේ, ජැකාගේ ඉතිහාසේ මොකක් උනත්, ඉස්කෝළේ ය්න යන කාළේ සිරිසඟබෝ නාටීටියෙත් ඝෝඨාභය කෙනෙක් උන්න බව මතක් උන නිසාය. ඒ නිසා ලැප්ටොප්වේදියන්ගේ රැස්වීමේදි, මට ඉන්නෙත් හොඳ ලේඛම්ලා ටිකයි, එයාලත් දේශපාළනේට ගියොත් හාල්පාරුවෝ වෙන නිසා, දැන් කරන එකම හොඳ යයි කිව්වේ, ඊට පස්සේ ලලිත් වීරතුංගත් ගියොත් හෙම ජනාධිපති කම් කොරලාත් ඉවර බව දන්න නිසාමය.

ඒ අස්සේ රාජිතයි තවත් සෙට් එකකුයි බලු සේනාවට එරෙහිව නඩු බලවන්න නුවර උන්නාන්සේලා ගාවට ගියපු එකෙන් ලොක්කාගේ හිත හොඳටම රිදුනේය. අග්‍ර විනිශ්චකාරයාගෙත් නඩු අහන එක්කෙනෙක් ඉන්දැද්දි, එක එක වහන්සේලා ලඟ දන නමස්කාර කොරන්නේ යන්නේ, මුන් වලව්වේ හාමුදුරුවෝ ගැන හාං කවිසියක් වත් නොදන්න බබ්බුද ,එහෙම නැත්නම් මට කින්ජෝල් එකට ගියාදැයි කියා දෙගිඩියාවෙන් උන්න ජනාධිපති තුමා, ගියපු උනුයි නොගිය උනුයි ඔක්කෝම ඉන්න තැන කිව්වේ. බල්ලො බිරුවට ගනන් ගන්න එපාය. පිස්සු බල්ලො හැපුවට, අපි බල්ලා කන්න ඕන නැතෙයිය. ප්‍රශ්ණයක් තියෙනවානම්, ලේඛම් තුමාට කියන්නෙයි කියලාය. එතකොට එතන හිටපු එකෙක් කිව්වේ. ලේඛම් තුමත් අපිත් එක්ක යන්න හිටියේ. පස්සේ එන්නේ නැතිව බ්‍රේක් ගැහුවා කියලාය.

ඔය අව් අස්සේ ජනාධිපති තුමාගේ හිත තවත් අප්සට් උනේ, දුවත් පිස්සු කෙලින්න පටන් අරන් කියලා ගොසිප් සයිට්ස් වල තියෙනවා දැකලාය. ලොක්කා කැබිනට් රැස්වීමෙත් කිව්වේ, මේ එක එක වාහේලා මට අවිත් කියන ගොසිප්වලට වඩා, ගොසිප් සයිට් වල තියෙන ඒවා මට ෂුවර් කියලාය. ඒ උනාට රිපෝට් එකට වඩා ඒවයේ තියෙන කොමෙන්ට් වලින් ගන්න ආතල් එක අර හාල්පාරුවන්ට කිව්වේ නැත්තේ. මුනුත් ළිඳ ළඟ සංගමේ උන්දැලාටත් අන්ත සැට් එකක් බව දන්නා නිසාමය. කොලොන්නාවේ සූටින් එකකින් අප්පුච්චා නිවන් ගියපු දවසේ ඉඳන්, ජනාධිපතිකමටත් වඩා ආදරෙන් බලාගන්න හිරුනිකා, හරේන් එක්ක මළඉලව්වක් පටන් ගත්ත එකෙන්, හිරුනිකාගේ අම්මාටත් වඩා හිත රිදුනේ, කැපකරු තාත්තාගේය. ඒ නිසා තාත්තා කිව්වේ උඹට ඕනම නම් මට කියහන්, හැබයි ඕකා කලිනුත් කේස් දාගත්ත දරු දෙදෙනෙක්ගේ පියෙක් යැයි කියාය.

ඕවා මේවා නිසා අන්තෙටම හිත කළකිරවාගෙන උන්න ජනාධිපති තුමා තවත් අප්සට් ගියේ, ලොක්කගෙ නම විකුනගෙන කාපු, ඔපීසියල් පොටෝග්‍රැපර් සුදතයා ආයෙත් මන්දිරේට රිංගා ගන්න නටාපු තොවිලේ, ලොක්කට ආරංචි උනේ කොඩිවිනයක් කරනවා කියලා නිසාය. කවුරුත් අනන් මනන් කිව්වාට හදන්නම බැරි උන හිත හදන්න බාර ගත්තේ, ඇමරිකාවේ ඉන්නා ඩඩ්ලි මල්ලිය. හම්බ වෙන ලෝන් වලින්, පහෙන් එකක්, ලෝන් එක ගන්න යන, ෆ්ලයිට් එකට පූජා කරනවාය, කියා අනුර දිසානායක කින්ඩි දාන නිසා, එකෙකුටවත් කියන්නේ නැතුව, ඩඩිලි මල්ලිත් එක්ක ලොක්කා ඇමරිකාව බලා වැකේසොන් එකකට් ගියේ, මේ පිස්සු වාහේලා එක්ක උන්නොත්, හිත විතරක් නොව අර්ථාපල් බොම්බයි ළුණු හිටන් කුණු වෙලා යන්න ඉඩ තියෙන නිසාය.

ලොක්කා රට ගිය සීන් එකෙන් කරල පැහුණු ජොනියා කළේ, ඊළඟ ඡන්දෙට වයඹ ඩිස්ටිලරීස් එකෙන් දොලදන් දෙන්න කීයක් හරි හොයා ගන්න ඕන නිසා, අල වලටයි ළුණූ වලටයි අම්මට හැමිනෙන බද්දක් ගහලා දාන එකය. ඒ නිසා ඔහේලා මේ දවස්වල මඟුල් ගෙවල් වල ගියාම, අල තෙම්පරාදු තිබුනේ නෑ කියා, මඟුල් ගෙවල් වල උන්ට කින්ඩිය එහෙම දානවා නෙමේය. ඒ අවු අස්සේ පොටෝග්‍රැපර් කාරයා ආයෙත් තොවිල් කාරයා ගාවට ගියේ, මොන ක්‍රමේකින් හරි ලොක්කා ලංකාවට ගෙනත්, ආයෙත් ඔපීසියල් පොටෝග්‍රැපර් කරලා දෙන්නය කියලාය.