ජනාධිපතිතුමාගේ ලව් හුට පට - President's Angels

"එයා ප්‍රසිද්ධියේ කියන්නේ, එයා පොහොසත් අයට අකමැති.., දුප්පතුන්ට ආදරේ කරන කෙනෙක් කියලා. ඒවා අමූලික බොරු... ඇත්තටම එයාට දුප්පත් අය පේන්න බෑ.. එයා පෞද්ගලිකවම මට ඒවා කියලා තියෙනවා. එයා දුප්පත් අයට කියන්නේ "දත් නැති ලොම්බෝ" (The toothless) කියලා. ඔව්.. මුකුත්ම කන්න බැරි "ලොම්බෝ" කියලා."... මෙහෙම කියන්නේ ජනාධිපති තුමත් එක්ක අවුරුදු හතක්ම ප්‍රසිද්ධියේම ජීවත් උන කෙනා.

වාලරි නෝනා

"ඔයාලට කියන්න.. මටත් හොරෙන්.., නිලියක් එක්ක කේස් එකක් යනවා කියලා දැනගෙන, ඒක අහපු දවසේ කිව්වේ, ඇත්තටම එහෙම එකක් නෑ කියලා. ඒත් නිවාඩුවටත් මාව එක්ක යන්නේ නැතුව, වීක් එන්ඩ් වල තනියෙන් රවුම් ගහන්නේ කොහෙද කියලා හෙව්වාම තමයි වැඩේ මාට්ටු උනේ.... නිලි බට්ටියෙක් එක්ක යන එක..."

"මම ඒකිට කෝල් කරලා ඇහුවම...., මෙහෙම දෙයක් තියෙනවද කියලා.... ඒකී මට තර්ජනේ කළා, එයාගේ ලෝයර්ට කියලා, මට නඩු දානවය කියලා..."

"මේක දැනගත්ත වෙලේ මට ජීවිතේ එපා උනා... මේ මනුස්සයා කොච්චර බොරු කාරයෙක්ද කියලා. මම ස්ලීපින් ටැබ්ලට් පැකට් එක අතට අරගෙන කාමරේට දිව්වා. එයත් මගේ පස්සෙන් ආවා. ඊට පස්සෙ එයා ඒක උදුරගන්න ට්‍රයි කලා. ඒ වෙලාවේ පැකට් එක ඉරිලා, ස්ලීපින් ටැබල්ට් ඇඳ උඩයි කාමරේ පුරාමයි විසි උනා. මම අහුවුනු ටික අරගෙන කටේ ඔබා ගත්තා. එයා මාව බාතෲම් එකට අරගෙන ගිහින් වමනේ කොරවලා යන්න ගියා. ආදරේ කරන මනුස්සයෙක් නම් එහෙම කරයිද? මාව ඉස්පිරිතාලේ හරි ගෙනියන්න තිබුනා නේද?..."

"මෙයා කොහොම කෙනෙක්ද කියනවනම්..., මම එයාගෙන වෙන් වෙලා යන දවසෙත්, මල් බොකේ එකක් එවල, නිදාගන්න කතා කරලා තිබුනා ඔන්න මිනිහගෙ හැටි..."

මේ කතන්දර ඔක්කෝම තියෙන්නේ ප්‍රංශ ජනාධිපතිත් එක්ක එකට හිටපු "වාලරි ත්‍රයව'ල'" නෝනා (Valerie Trierweiler) ලියපු පොතේ. පොතේ නම "බොහොම ස්තූතියි මේ මොහොතට" (Merci Pour Ce Moment (Thanks for this moment)). පොත ප්‍රින්ට් කරලා තියෙන්නේ ප්‍රංශෙන් එලියේ බොහොම රහසිගතව. ඒ උනාට ප්‍රංශ මාකට් එකට දැම්මම, මේක උණු කැවුම් වගේ විකිනෙන්න ගත්තා.

මොකෝ.. ප්‍රංශෙත් ඇත්තේ, මාතලන් වගෙම, ගොසිප් වලට එකසිය ගානට කැමති උන් වෙන්න ඇතිනේ. දැනටම පොත් ලක්ෂ දෙකක් විකිනිලා. බඩු මදිවෙලා, අලුතෙන් අච්චු ගහලා ආයේත් සෙට් එකක් දාන්න යන්නේ. ළඟදිම මිලියන් භාගේ ටාගට් එකට ලේසියෙන්ම යයි කියලා, පොත් කාරයෝ කියන්නේ.

පරණ නෝනා

සම හරක් උඩ දාගෙන පොත විකුණුවට. සමහර පොත් සාප්පු කාරයෝ නම් පොත විකුනන්න කැමති නෑ. සමහර උන් කඩේ ඉසාරහ දාලා තියෙනවලු, මෙහේ ජනාධිපති මන්දිරේ කුණු රෙදි විකුණන්න නැතෙයිය කියලා.

වාලරිට පොත් ලියන එක මහ කජ්ජක් නෙමෙයි. මොකෝ එයා ජර්නලිස්ට් කෙනෙක්. ජනාධිපති තුමාගේ කැම්පෙන් එකෙත් ළොකු ගේමක් දීපු කෙනෙක්. හැබයි ඉතින් මෙයත් ලොරි ටෝක් දුන්නට, මේයා කරලා තියෙන්නේත් ඒ වැඩේම තමයි. ඒ කියන්න ජනාධිපති තුමාගේ කසාද නෝනා ඉඳිද්දිම තමයි, ජනාධිපති තුමා එක්ක හැමිනෙන්න පටන් අරගෙන තියෙන්නේ. එයාගේ නම් ස'ගොලෙන් රොයාල් (Ségolène Royal). එහෙම බැලුවාම, මේක ඇවිල්ලා දිඨ්ඨ ධම්ම වේදනිය කැටගරි එකට දාන්නත් පුළුවන්.

පොත ගැන එක එක අය එක එක ඒවා කියනවා. සමහර අය නම් කියන්නේ ඒක රබිෂ් කියලා. ඒ කියන්නේ වැද්ගැම්මකට නැති පොතක් කියලා. අළුත් කෑල්ල කියලා තියෙන්නෙත් එහෙමයි. ඒත් ඉතින් සම හරක් කියන්නේ කරපු ජරා වැඩේට දීපූ හොඳ උත්තරේ මේක තමයි කියලා. ඔලොන්දේ නම් පොත ගැනවත්, අළුත් කෑල්ල ගැනවත් මක්කත් කියලා නෑ. ඒත් ජනාධිපති ප්‍රකාෂකයෙක් නම් කියලා තියෙන්නේ එයාලට වෙන වැඩ තියෙනවා කියලා.

අළුත් නෝනා

ජනාධිපති තුමා කසාද නෝනගෙන් දික්කසාද උනේ 2007. ඒ නෝනත් ලේසි පාසු කෙනෙක් නෙමෙයි. කලින් හිටපු මනමාල ජනාධිපති, සාර්කෝසිත් එක්ක ජනාධිපතිවරණයටත් ඉදිරිපත් වෙච්චි මුල්ම ගෑණු කෙනා විදියටත් රෙකෝඩ් තියපු කෙනෙක්. දැන් ඔලොන්දේගේ කැබිනට් එකේ බලශක්ති ඇමතිනි. බලාගෙන ගියාම එහෙත් එහෙමයි නේ. තව කව්ද දන්නේ නෑ පවුලේ අය ඉන්නේ.

දැන් ඔලොන්දේ ලොක්කා සෙට් වෙලා ඉන්නේ නිලි බට්ටියෙක් එක්ක. එයාගේ නම ජුලි ගායේ, (Julie Ga yet) කෑල්ලට වයස 47 යි වාලරිට 50 යි. අවුරුදු තුනක් හරි බාලයිනේ. එයත් කසාද බැඳලා ළමයි බමයි ඔක්කෝම ඉන්න කෙනෙක්. තාම රජ ගෙදරට නම් උස්සගෙන ඇවිත් නෑ. ළඟදිම බඳීවී කියලා තමයි ආරංචිය නම්.

හැබයි ඉතින් අපේ අයගෙන් උපදෙස් ගත්තා නම්..., මෙහෙම හොර කේස්... නාගෙන, හත්පොලේ ගාගෙන, චොර කර ගන්නේ නැතිව, ෂේප් එකේ කරන හැටි යසට කියලා දෙයි. ඒ අතිනුත් ඉතින් කප් එක අපිටම තමයි.