මහින්දට බැරිද..? - Yes, He Can

ඉස්සර පාර පුරා පෝස්ටර් ගැහුවේ සිංහල සෝ වලය. එයිට පස්සේ, මේ මනාප අමනාප ක්‍රමේ ආපු නිසා, දිස්ත්‍රික්කෙන් ඉල්ලන හැම එකාගේම මූනත්තහඩුව, අහුවෙන අහුවෙන හැම තැනම පාප්ප උලා කෙලලා ඇරියේය. ගෙදරටත් වඩා තාප්පෙට වියදම් කරපු උන් "දැන්වීම් ඇලවීම් තහනම්" කියා තාප්පේ ගහන්න ගත්තේ ඊට පස්සේය. ඒ කාලේ එක රැයින් මුළු රට පුරාම ගහලා රැකෝඩ් එකක් තිබ්බ පෝස්ටරේ උනේ, "මේ කව්ද? මොකක්ද කරන්නේ ?" කියනා පෝස්ටරේයය.

ඒ ගැහුවේ, ප්‍රේමදාස උන්නැහේගේ ජනාධිපති සම්ප්‍රාප්තියේ මූලාරම්භය වෙනුවෙන්ය. වැඩේ නැගලාම ගියේය. ඒත්, යුද්ධයෙන් පස්සේ, ඝෝඨාභය සෙනෙවිරුවන් තාප්ප වලට කෙලලා ඇරිය නිසා, දැන් පෝස්ටර් අලවන්නට තැනක් ඇත්තේ නැතිය. ඒත් මේ ළඟදීත්, උලන්න පුළුවන් හැම තැනම පාප්ප උලා අමුතු ජාතියේ පෝස්ටරයක් කෙලලා ඇරියේය. ඒ "මහින්දට 3 පාරක් බෑ.." කියලාය. ඒත් ගහපු සැරෙන්ම පෝස්ටරේ ගැලවිලා ගිය අතර, "මහින්දට පුළුවන්.." කියා අළුත් එකක්, ඊට පස්සේ තාප්ප පුරා බැබලුනේය.

මේ වාගේම කෙලියක් රනිල් මැතිතුමාටත් උනේය. සජිත් කියන නොදරුවා රජ කිරීමේ, පුදුම පුකේ ඇම්මකින් පෙලෙන සිරස, ගාල්ල පැත්තේ හාල් පාරුවෙකුත් එක්ක, "රනිල්ට බෑ.." කියා කැම්පේන් එකකුයි, පෝස්ටර් පාරකුයි අරගෙන ගේමට බැස්සේය. එහෙම ගේම ඇදලා මදි නිසා, පාද යාත්‍රාද යන්නට පටන් ගත්තේය. ඒ පාද යාත්‍රාවේ ගියපු උන්ගේ ගාත්‍රා කුඩු වෙන්න කුරුඳු පොලු වලින් සංග්‍රහයක් දුන්නේ මාතරින්ය. එහෙම දුන්නේ මංගල සමරවීර උන්නැහේය කියලා කිව්වාට, එයා නම් කිව්වේ එහෙම සංග්‍රහා පැවැත්වූයේ, සංවේගාප්ප්‍රාප්ත අලි පැටව් කියලාය. කොහොම හරි මංගල එදා උන්නේ රනිල්ට පුළුවන් කියනා ගොඩේය. ඒත් එහෙම හිටපු මංගල මැතිසඳ දැන් කියන්නේ, රනිල් සත පහකට විශ්වාස නෑ කියායා. හෙමිහිට කියන්නේ රනිල්ට බෑ වගේ කියාය.

මේ මහින්ද මහත්තයාට බෑ කියන කතාව සීන් එකට ගෙනාවේ, දියවන්නා ඔය ගාව බඩුවක් ගහද්දි, පොලීසියේ ට්‍රැපික් රාළහාමිට මාට්ටු උන, අළුත් කඩේ පැත්තේ හිටපු මහ මුදලාලි කෙනෙක්ය. එයා අළුත් කඩේ ඉඳිද්දි, කඩේ නියම සීන් කරලා, කක්කා කඩයක් කරලා දැම්මේය. සැටලයිට් නෝනා කලින් ගෙදර යැව්වේ ඒ මැතිතුමාය. ඊ ළඟට මහින්ද මහත්තයාගේ නඩුව බලා, එතුමා සියළු චෝදනා වලින් නිදොස් කොට නිදහස් කලේය. තව පොඩ්ඩෙන් කබීර් හෂීම්ට වෙන්නේ කූරූ ගනින්නය. එහෙම එයාට ඕන ඕන විදියට, අළුත් අළුත් නීතී, පෘතුගීසි ලන්දේසී නීතියට හඳුන්වා දීපු වාහේගේ, අළුත්ම ගේම උනේ මහින්දට තුන් වෙනි පාර බෑ කියනා බණය.

එල්ලෙන්න වැලේ වැල් නැතුව ඉන්න විපක්ෂයේ, ජෙප්පො හා හාල්පාරුවෝ ඔක්කෝම මේ යකාගේ ගුලිය එකසිය ගානට කෑවේය. ඊට පස්සේ කස්ටිය හිතාගෙන උන්නේ මහින්ද රාජපක්ෂ කිසි ගේමක් නැතුව ගෙදර යවන්න පුළුවන් කියලාය. ඒ උනාට මේ ගොන් හැත්තට 18 න් කලේ මොකක්ද කියලා, වගේ වගක් තිබුනේ නැතිය. ගේම කොහොමත් නැගලා ගියපු නිසා. ලොක්කාත් පොඩ්ඩක් හොල්මන් උනේය. ඒ උනාට ජනාධිපති උපදේසොක කමේ මාතලන් උන්නා නම්, මම කියන්නේ ලොක්කා පොඩ්ඩක් වත් බය වෙන්න ඕනා නෑ කියලාය.

අගමැති තුමා ලොල් ලොල් ගගා, "නො" යන්න කැපුවා කිව්වත්, පස්සේ ලෙඩක් දාගන්නේ මක්කටද කියා කල්පනා කල ලොක්කා කරේ, ප්‍රශ්ණ දෙකක ප්‍රශ්ණ පත්තරයක් අළුත් කඩේ සෙට් එකට යවනා එකය. ඒකෙන් ඇහුවේ, මට ආයෙත් මනාපේ ඉල්ලන්න බාදාවක් තියෙනවද...?, අවුරුදු හතරෙන් පස්සේ ඡන්දෙකට යන්න පුළුවන්ද...? කියලාය. වික්‍රමභාහු නම් කියන්නේ, උත්තරෙත් ලියුම පිටිපස්සේ ලියලා යැව්වා කියලාය. පිටිපස්සේ තිබුනේ, "පුළුවන් කියාපිය....." කියනා වචන දෙක කියලාය.

අපි ජොලියට මෙහෙම හිතනවාය. ඕන උත්තරේ එන්නේ "බෑ .." කියාය. වෙන්නේ මොකක්ද කියා ඔහේලාට  හිතා ගන්න පුළුවන්ය. එහෙනම් සිද්ද වෙන්නේ, පැය විසි හතරෙන් දියවන්නාවේ නඩු බලවා, රජගෙදර රිලවාගෙන් කින්ඩියකුත් අසාගෙන, මොහාන් පීරිස් උන්නෑහෙට දියවන්නාව අයිනේ නඩුවක් බලවාගන්නය. ඊළඟ දවසේ උදෑසන ජනාධිපති තුමාට සුභ නැකතකින්, අළුත් චීප් ජස්ටිස් කෙනෙක් අරලිය දන්සැලේ දිවුරුම් දෙනවාය.

ලොක්කත් ලෝයර්ය. පුතාත් ලොයර්ය. ආන්ඩුවෙත් ලෝයර්ලා වැහි වැහැලාය. ඒත් මේ එකෙක්වත් ආන්ඩු ක්‍රම විවස්ථාව හරියට අධ්‍යනය කොරලා නැතිය. ඕකට ඔය තරම් බය වෙන්න ඕනා නැතිය. මාතලන් ලොක්කා ගාව හිටියානම්, මම කියන්නේ, බය නැතිව ඕන වෙලාවක ඡන්දේ තියලා තුන් වෙනි සැරේ නැතිනම් දහ වෙනි සැරේ හරි ඉල්ලන්න කියලාය. දැන් ඔහේලා බලනවා ඇත්තේ, එහෙම කියන්නේ කොහොමද කියලාය. එහෙම කියන්නේ ඔක්කෝම ඉන්නේ මහින්ද මහත්තයාගේ සාක්කුවේ නිසාය.

කෙලින්ම තුන් වෙනි සැරේ ඉල්ලුවා නම් නඩු දාන්න වෙන්නේ මහින්ද මහත්තයාට එරෙහිවය. ඒ කියන්නේ ජනාධිපතිට එරෙහිවය. ඒත් ජනාධිපති උසාවී ගේන්න බෑ කියා, ව්‍යවස්ථාවේ ඔක්කෝටම කලින් ලියවිලා තියෙනවාය. එතකොට අනික් මහින්දට විරුද්ධව නඩු දානවා නේ ඩෝ කියා, ලෝ පොයින්ට් දන්න එකෙක් කියන්න පුළුවන්ය. ඒ කියන්නේ මැකෝ හෙවත් මහින්ද දේශප්‍රියට විරුද්ධවය. එහෙම නඩුවක් දැම්මොත් මාතලන් නොමිලේ මහින්ද රාජපක්ෂ මහත්තයා වෙනුවෙන් පෙනි හිටලා නඩු බලවන උන්නැහේට මෙහම කියනවාය.

ස්වාමීනී... මේ චූදිතයා අහිංසකයෙකි. මන්ද.., මැතිවරණ කොමසාරිස් මහින්ද දේශප්‍රිය නොව. සුමනදාස අබේගුණවර්ධන නම්, රජගෙදර රාජකීය දෛවඥයා නම් වන බැවිනි. ඒ හෙතුවෙන්, මේ නඩුව බලවන්නට තව දුරටත් අවශ්‍ය නැත කියාය.

එතකොට ජෙප්පෝ සුමනදාසට විරුද්ධව අළුත් නඩුවක් දානවාය. ඒ නඩුව බලවන කොට, ජනාධිපති තුමා තුන් වෙනි වරටත් දිවුරුම් දීලා අවසානය.

අනෙක් පට්ටම කාරනේ, තුන් පාරක් බෑ කියලා, ඔක්කෝම උන් චූන් කරපු පිස්සු වාහේ දැන් කියන්නේ, ලොක්කා ප්‍රශ්ණේ අහලා තියෙන විදියට, මීට පස්සේ නඩු බලවන්න හම්බ වෙන්නේ නෑ කියාය.

ඒ වගත් මෙසේය....