මෛත්‍රී පැරදුනොත්....? - Plan B

සමහර විට, ඔහේලට මතක ඇති අපේ පොදු අපේක්ෂක සිරිසේන මැතිතුමා, සවුක්ක ඇමති කාළේ විරිඳු කිව්වා කියලා හිටං. එහෙම විරිඳු කියපු කාළේ, ඩෙංගු මරන්න තොවිල් බෙරයක් උස්සගෙන නටපු කාළේ, අපේ පුකට විඳින, ඩෙංගු මදුරුවා තුරන් කොරන්න දුම් ගහපු කාලේ, එතුමට ආතතියක් තියෙනවය කියලා අපිට නම් පෙනුනේ නෑ. අගමැතිකම් දෙන්න කිසිම දෙයක් නොකරපු එක නම් සුදුසුකම, උන්නැහේ අගමැති කම් බලාපොරොත්තු වෙන එකේ වරදකුත් නෑ.

මේ වගේ ශ්‍රේෂ්ඨ ජනාධිපති කෙනෙක් ළොවෙත් නෑ, ලොවි ගහෙත් නෑ හිටං, කියලා තමයි ඒ කාළේ නම් කිව්වේ. ඕන් අර මංගලලා, විජේදාසලා, අඩුගානේ හේමකුමාරයා පැන්න කාළෙවත් පැන්නා නම්, මේ බෲටස් කතා, පවාදීම් කතා, ආප්ප කාපු කතා, අනම් මනම් අහන්න වෙන්නෙත් නෑ. හරි ඒවා අමතක කරමුකෝ. උන්නැහේ දැන් ලංකාවේ මහ රජ්ජුරුවොත් එක්ක ගේමක් ඉල්ලලා තියෙන්නේ. දොරටුපාලලා රජ උන රටේ, අංග ආරාක්ෂා කමට හිටපු එකා, මහ ඇමති උන රටේ, ත්‍රී වීල් පොරක් මහ කොළඹ නගරාධිපති උන රටේ, එහෙම නොවෙන්න බැරි කමකුත් නෑ.

හදිසියේ හරි පැරදුනොත් මොකෑ වෙන්නේ. ඒ කියන්නේ ප්ලෑන් "බී". ඒක තමයි කඳුරුවෙල බස් ඉස්ටෑන්ඩ් එකේ විරිඳු කියන එක. පොළොන්නරුව කියලා කිව්වට, පොළොන්නරුවේ බස් ඉස්ටෑන්ඩ් එක තියෙන්නේ කඳුරුවෙල. හරියට "ස්ලේව් අයිලන්ඩ්" තියෙන්නේ අයිලන්ඩ් එකක නොවෙයි වගේ.  ඉතින්, එහෙම කියන්න, විරිඳු සුරල් ටිකක් ලියලා දෙන්න ඕන කියලා, මාතලන් හිතුවා. කලින් ලියපු සැට් එකකුත් තියෙනවා, ඒක ඕන නම්, මෙතනින් බලන්න පුළුවන්.

- oOo -

මෙතේ බුදුන් නොවේ ඔන්න, වැන්දා සිදුහත් බුදුන්ට
පුතා දහම් නොවේ බොලන්, අප මුනිදුගේ සද්ධර්මෙට
වැඳ අවසර ගෙන නමදිමි, මා සුන් කල හොර සඟුන්ට
කියනවා මම විරිඳු සුරල්, කීයක් හරි පිනට දෙන්ට

වැඩි වැඩියෙන් ලැබෙයි ඔන්ට ... //

කරපු කිසිම ලබ්බක් නෑ, විසි අවුරුදු පාලනේම
මොරගහකන්දත් ගත්තා, පටන් ගත්ත පහුව දාම
අපි නොදන්න චැස් කිව්වලු, සවුක්ක නම් මලදානම
කට්ටක් නම් කාලා නෑ, ඒ වගේ මුලු ජීවිතේම

අම්මපා මුලු සං සාරෙම ... //

බේත් නැතේ රෝහල්වල, ලෙඩ්ඩු යන්නෙ ෆාමසියට
දුම් අස්සෙන් ඇවිත් විදී, ඩෙංගු මදුරුවා පස්සට
සිකරට් බොන එක හොඳ නෑ, කැන්සර් හැදෙනවා ඔන්ට
අවුසද පනතක් ගෙනාපී, ඒක දමපි කුණු කූඩෙට

කොපිවත් නෑ හොයා ගන්ට ... //

නින්ද යන්නේ නැතේ පුතේ, හීනත් නෑ රෑ ජාමෙට
මොකද තාත්තේ කරන්නේ, අපි ටික දැන් මේ කරුමෙට
බම්බු ගහන්නයි වෙන්නේ, මෙහෙම ගියොත් නම් ටක්කෙට
අගමැති කම වත් ගත්තොත්, අපටත් හොඳ කලක් යන්ට

පොළොන්නරුවේ රේස් යන්ට ... //

එහෙම හිතං හිටං උන්නා, කට ඇරගෙන ඒ පුටුවට
බැහලා යන පාටක් නෑ, කෙල පෙර පෙර ලේන්සුවට
නාකි යකා මැරෙන්නේ නෑ, බලපන් බං අපෙ කරුමෙට
පුරුදු උනා දෙන දේ කා, වෙන දේ ගැන බලන් ඉන්ට

බකං නිලා ගෙනම ඉන්ට ... //

ඔහොම ඉන්න අතරෙ රතනෙ, පිවිතුරු හොඳ හෙටක් අරන්
යනවා හැම තැන බෙදමින්, ගෙනාපි මා ළඟට හිටං
සිගනල් එනවා දැන් දැන්, දිරාපු චන් ද්‍රිකා වලින්
ඕන පුකක් කියලා මම, බහිනවා මේ මළ කරුමෙන්

ඉඩී අමින් පාළනයෙන් ... //

කාලා රජතුමා එක්ක, එතුමා දෙන රස ආප්පේ
පැන්නා බං සරම කරේ, අරලිය ගහ උස තාප්පේ
වහන්න ඕනා සාටක, ගාලා උඩින් අපෙ පාප්පේ
ඩඩ්ලි එක්ක වරෙන් අපේ, කුඹුරු කොටන ලොකු බාප්පේ

නැතිනම් තොපිලටත් හුප්පෙ ... //

ගෙම්බෝ ඇහිඳුවා ලාහෙට, හිතපු තරම් ලේසි නැතේ
සැටලයිට් මැද්දට පැනලා, ගම කෑවා හතර අතේ
ඩොලර් නැතේ පවුම් නැතේ, බැනරුත් කට වුට්ද නැතේ
එහෙම කරලා ගේම දෙන්නේ, කොහොමෙයි මට කියන් පුතේ

වැනුනා මම හතර අතේ ... //
 
එනවා කිව්වට ටොයියෝ, පන හක් රජ මාලියගෙන්
කබ්බෝ ටිකක් නම් පැන්නා, ඒකත් හරි අමාරුවෙන්
මැලේ පිකල් හොඳයි මලේ, පිස්සු හැදෙන සං ධානෙන්
රනිල් කියයි මම අගමැති, නැත්නම් නෑ ෂපොට් ඉතින්

පිස්සු ඩබල් බම්ප් ඉතින් ... //

විවාදෙකට ගියත් අනේ, කතා දෙකක් මුන් කිව්වා
ආන්ඩුවෙන් කින්ඩි දාලා, උන් ටික කෙරුවනෙ බව්වා
ආඬි හත හොඳයි උන් තව, අත මිට මෙලවා පොව්වා
කාටත් හොඳ පාඩම් බොල, ඉගෙන ගනිව් තොපි මෙව්වා

සිලබස් වල නෑ මෙව්වා ... //

ෆොන්සේකා කාපු කට්ට, කන්න උනා නේද මටත්
අවේ හිර ගෙදර ඉඳලා, වසර දෙයි මාස හතත්
ඉල්ලන් කන ගේම්  වලට, යන්න එපා ඔහේ හෙටත්
තියෙනවා නම් දීලා යන්න, කීයක් හරි අතේ ඇතොත්

නොවන් මෙහෙම කරුම තවත් ... //

-x-