Social Media තියෙන්නේ Fun ගන්න.(ද).?

 
ලංකාවේ Social Media වල සිඳුවන්නේ කුමක්ද කියන දේ, සාමාන්‍ය මහජනතාවට හඳුන්වා දීමේ මූලිකත්වය ගත්තේ, චානුක වත්තේගමයන්. ඊට පස්සේ, නාලක ගුණවර්ධණ. "රාවයේ", "සිව් මංසල කොලුගැටයා" නමින් ලියන්නේ, නාලක ගුණවර්ධන. ඔහු දිගින් දිගටම Social Media ලංකාව තුල හැසිරෙන ආකාරයත්, ළෝකයේ එහි ඇති බලවත් කම ගැනත්, එමගින් කළ විප්ලව ගැනත්, දිගින් දිගටම ළිපි ලිව්වා. ඒ වගේම බ්ලොග් රචකයින්ට විශාළ ලෙස සහයෝගයක් දෙන, http://sinhala.lankanewsweb.net වෙබ් අඩවියේ "නෙළුම් යාය" සඟරාවත්, කිසි සේත්ම අමතක කරන්න බෑ. මේක ලංකාවේ අපි තාමත් බලන්නේ ප්‍රොක්සි වලින්.

තවත් අමතක කරන්න බැරි නමක් තමයි, "W3Lanka" ලියන, අජිත් පැරකුම් ජයසිංහ. "පැරා" අද වෙබ් අඩවියක් රන් කළත්, මා දන්න තරමින්, ඔහුත්, මුල් අවදියේ, බ්ලොග් අඩවියක් රන් කළ කෙනෙක්. මෛත්‍රී පාළණය වෙනුවෙන්, අන්තර්ජාලය තුල ඔහු කළ කැපවීම විශේෂයි, ඒ වගේම තමයි "රාජ්ගේ නවාතැනේ" ඉන්න, මෞර්ය රාජ්. ඒ වගේම "අසමි දකිමි සොයමි" ගේම් එක කරන, විචාරකත්, හමුදා කුමන්ත්‍රණයක් ගැන ලියලා තිබුනා. තවත් විශේෂිත පුද්ගලයෙක් තමයි, "නිදහස් සිතුවිලි" ලියන, රවී, නමුත් ඔහු වෙනත් කිසිඳු බ්ලොග් අඩවියක් හෝ සමඟ, එකට ගමන් කරන්නෙක් නෙමෙයි. ඒ නිසා ඔහු ලියු ඉතාමත් රසවත්, සුපිරි තත්වයේ ළිපි, අන්තරජාලයේ සැරිසැරුවාද යන්න සැක සහිතයි. නැතිනම්, හොඳම ළිපි තිබුනේ ඔහුගේ අඩවියේ.

එමෙන්ම මහින්ද රාජපක්ෂ වෙනුවෙන්, ආසියාවේ අයිස්චැර්ය මවන්න ඉදිරිපත් උන, "ටිකක් හිනාවෙන්න ඇවිත යන්න" කියන, අභීත එදිරිසිංහ, "හිස් අහසේ" සැරිසරන සඳරු, "මාරයාගේ හෝරාවේ" ඇවිදින, චතුෂ කුමාර මෙන්ම, "අටම්පහුර" අටවගෙන ඉන්න, අපේ හිතවත් ලක්මාල් කන්දෙවිදානෙ ශූරිනුත්, යම් කිසි වැඩ කොටසක් කළා. ඒ මාතලන් කතා කළේ, බ්ලොග් අඩවි සම්බන්ධයෙන්.

ඊට වඩා පෙරමුණේ හිටියේ "බුකිය". කවුරුත් දන්න විදිය Facebook අඩවිය. මෙහි ප්‍රධාන අපේක්ෂකයින් දෙදෙනාම වෙනුවෙන්, බොහෝ පිරිසක් පෙනි උන්නා. ඒ වගේම එහි තිබූ නව යුගයේ නිර්මාණ තරුණ පරපුර අතර මෙන්ම, අන්තර්ජාලයේ සැරසරන සියළුම යාත්‍රාකරුවන් (surfers) අමන්දානන්දයට පත් කලා. ද්වේශ සහගත් වෛරය වපුරන පෝස්ට් අතර, ඉතා නිර්මාණාත්මක, හාස්‍ය රසය උතුරන නිර්මාණ, කාගේත් සිත් ඇඳ බැඳ ගත්තා.

මහින්ද රාජපක්ෂ රජය, මුලින්ම මේ Social Media රැල්ල පයිසෙකට මායිම කළේ නෑ. නමුත් කැම්පේන් එක අවසාන හරියෙදි ඔවුනට තේරුනා, "බුකිය" තුලින් අරාබි වසන්තය උදාවෙන වග.

ඒ නිසා තමයි අවසාන මොහොතේ Social Media වලට බය උනේ. නමුත්, ඒකට උත්තර දුන්නේ බුද්ධියෙන් නෙමෙයි, කවද සුපුරුදු, "බැබූන් මෙතඩ්" එකෙන්. බැබුන්ලා පහර දෙන්නේ අශූචි වලින්. ඒ අම්බරුවන් කලේ Social Media ඝර්හාවට ලක් කිරීමයි. නංගි කෙනෙක් දාලා කිව්වේ,  Social Media තියෙන්නේ FUN ගන්න කියලා. කොමෙන්ට්ස් දාන්නේ, ඩොලර් කාක්කෝ කියලා. ඒ කියන්නේ එයාලටත් ඩොලර් කාක්කෝ ඉඳලා තියෙනවා. මොකෝ එයාට සපෝට් පෝස්ට් වලත්, බොක්කෙන්ම දාපු කොමෙන්ට්ස් තිබුනා නේ.

නමුත් ඒ වෙනකොට එයාලා ටූ ලෑට්. එයාල හිතුවේ අර නව පරපුරේ ටෙලි නිලියොයි, ගායකයොයි දාලා නව පරපුර අන්දන්න පුළුවන් කියලා. ඒත් උන් කියපුවා අහපු අය අඩුයි. උන් ගැන වච්නයක්වත් බුකියේ තිබුනේ නෑ. ඒත් මහින්ද රජය අවතක්සේරු කළ Social Media ජය ගත්තා. අදත් දෙපැත්තටම සපෝට් එකට පෝස්ට් යනවා. ඒක තමයි වෙන්න ඕන. ප්‍රතිවාදි මතයටත් ඉඩ තියෙන්න ඕන. අපි කරන්න ඕන මතවාදිව ගැටෙන එක.

මේ, මාතලන් අර චූටි නංගිට ආදරයෙන් Facebook එකේ දාපු ලියවිල්ලක්.., මෙතන දාන කොට පොඩ්ඩක් එඩිට් කොලා...

Facebook  නංගිට ආදරයෙන්

 

"Facebook තියෙන්නේ Fun ගන්න"
"Social Media තියෙන්නේ Fun ගන්න"
 ඕව් නංගී..
ඒ උඹ වගේ වැස්සියන්ට.
මහා රෑත්..
කොල්ලෝ හොයන උන්ට.
උඹලගේ හැම මළ හෝන්තුවම,
පොටෝ අල්ලලා දාන උන්ට.

සෙල්ෆි දාන පිස්සන්ට.

උදේ.. Hi.. Good Morning,

කොහොමද ඔයාලට...? කියලා,
රෑට Good Night  මෙයාලා... කියන උන්ට.
උඹ වගේම ගොන් හරකුන්ට,
ගොන් චූන් දෙන තැනට.
මේක...

මේකප් රූම් එක කර ගත්ත උන්ට.
  කුස්සිය කර ගත්ත උන්ට.
  කකුස්සිය කර ගත්ත උන්ට.
හැබයි නගේ අපට නම්,
මේක අරාබි වසන්තය කරපු තැන.
ගඩාෆිලා මරපු තැන.
බෙන් අලිලා එලවපු තැන.
බුද්ධිය හොයන තැන.
යුක්තිය හොයන තැන.
විමුක්තිය හොයන තැන.
ඒ වෙනුවෙන්...
අපි කෑගහන තැන.

එහෙම කෑ ගහලා,
"රජා"
පාරට දාපු තැන.
හෙටත් බලාගෙන,
Beware

of 

Social Media..!!!

-x-