කුඩ්ඩන්ට බය පොලිස් දෙපාර්තමේන්තුව - Cops & Drug Dealers

වෙලේ සුදාගේ අම්මා..., වෙලේ සුදා බබා කාළේ, නලවපු ගීතය, එකෙක් බුකියේ ලියලා තිබුනාය.. "රස කර ගී ගයන "වෙලේ."... සැනසෙන්න නැලවෙන්න "සුදෝ"..." ඒ ගීතයය. මුන් නම් පට්ට ටැලන්ට් බුවාලාය.

මේ ආන්ඩුවේ හොරු ඇල්ලිම, අපි පොඩි කාළේ හොරා පොලිස් කොලා වාගේය. ඔන්න කට්ටියක් හොරු වෙනවාය. කට්ටියක් පොලිස් වෙනවාය. පොලිස් කාරයෝ උණ බට තුවක්කුවේ දාපු තෙත පත්තර කොල බුලට් වලින්, හොරුන්ට වෙඩි තියනවාය. සමහර උන් ගාව සෙල්ලම් පිස්තෝලත් තිබුනේය. ඒවාට දාන වෙඩි බෙහෙත් රොල් වගේකුත් තිබුනේය. රෝල ඉවර උනා කියා වෙඩි තැබිල්ල නතර වන්නේත් නැතිය. ඊට පස්සේ කටින් වෙඩි තියනවාය.

හොරු අල්ලලා, දෙකක් ඇන ඇන, අත් පිටුපසට තබා බැඳලා අරගෙන එනවාය. (පොඩි උන්ට පොලීසීයේ උන්ට වඩා මොළේ තියෙනවාය. අත් ඉදිරියට තබ මාංචු දැම්මොත්, උන් පොලෝසියට ගේන අතරේ, ඩැයිවර්ගේ බෙල්ල මිරිකන්න ඉඩ තියෙනවාය. ඕ අයි සී ගේ, ඇට දෙක මිරිකන්න ඉඩ තියෙනවාය. කාන්තා පොලිස් හාමිනේ කෙනෙක් උන්නොත්, වෙන මළ හත්තිලව්වක් වෙන්නත් ඉඩ තියෙනවාය. ඒ නිසා පොඩි උන් හොරාට මාංචු දාන්නේ, ඉන්ටර්පෝල් එකේ සිස්ටොම් එකටය.) ඊට ටික වෙලාවකට පස්සේ, පොලිස් කාරයෝ ටික හොරු වෙනවාය. හොරු ටික පොලිස් කාරයෝ වෙනවාය.

දැන් වෙලේ සුදා පොලිස් කාරයෙක් වෙලාය. ගරු වෙලේ සුදා මැතිතුමා ඉහළ ආරක්ෂාවක් යටතේ දැන් පොලිස් මූලස්ථානයට මාරුවීමක් ලබලාය. එයා දැන් ඉස්සර පොලිස් කාරයෝ ලෙස උන් හොරුන් ගැන, තොරතුරු වමාරනවාය. කුඩු නූර් කියා එකෙක් ශ්‍රේෂ්ඨාධිකරණයේ විනිසුරු තුමෙක් බල්ලෙක් මෙන් මරලා දැම්මේය. මේ යකා, ඒ කාළේ සැටලයිට් නෝනාගේ පාටි වලටත් වියදම් කොරලා තිබුනේය. පොලිසීයේ ලොකු මහත්තුරුන්ට, හිල්ටන් එකේ පාටි දාලා තිබුනේය. ඒ කාළෙ උන්න, දියවන්නාවේ ඔය අයිනේ කාර් එකක් ඇතුලේ නඩුවක් බලවපු, චීප් ජස්ටිස් එක්කත් සම්බන්ධකම් තිබුනේය. කට්ටියම සෙට් වෙලා නීතිය අකුරට ඉටු කරපු එකා, බල්ලෙක් වගේ මරලා දැම්මේය. ඒ එදාය.

දැන් තියෙන්නේ යහ පාලනයක්ද මොකක්ද මළ හත්තිලව්ක්ය. සිඳුවෙන සීන් කෝන් අනුව නම් හිතෙන්නේ, ඒක යහ පාළණේ නොව, ජහ පාළණයක් කියලාය. පොලීසිය දන්නේ නැති උනාට, කොළඹ ඉන්න සමාජය ගැන දැනීමක් ඇති උන් දන්න දේ නම්, වෙලේ සුදා විකුණුවේ දුමින්ද සිල්වාගේ කුඩු කියලාය. දුමියා සිංගප්පුරුවේ ඉන්න කාළේ, කුඩු ගහන උන්, කුඩු නැතිව, ෆාමසි වල තියෙන පිස්සු ටැබ්ලට් එක ගැහුවේ, කුඩු නැති උනාම එන කුඩු සික් එක ඉවසන්නම බැරි උන නිසාය. ඒ කාළේ ෆාමසි කාරයෝ ඔක්කෝම වාගේ ගොඩ ගියේය. ඔය අහු වෙන හැම අගු පිලේම ෆාමසි දාන්නේ මොකෑ කියා නිකමට හොයලා බැලුවානම් හේතුව බොහෝම ලේසියට හොයා ගන්නට පුළුවන්ය. වැඩිපුරම ෆාමසි තියෙන්නේ, වැඩි පුරම කුඩුකාරයෝ ඉන්නා පෙදෙස්වලය.


වෙලේ සුදා රට පැන්නා කියා, එහෙම කුඩු අහේනියක් තිබුනේ නැතිය. ඉතින් කුඩු බිස්නස් එක කරන්නේ වෙලේ සුදාද, කොළොන්නාවේ සුදාද කියා, ඕනෑම එකෙකුට බොහෝම පැහැදිලිව පේනවාය. අනික පොලීසිය අපිට වඩා හොඳට ඕවා දන්නවාය. ගරු වෙලේ සුදා මහතා කියන්නේ රොෂෙන් චානකට වෙඩි තියපු පොලිස්පතියාට අමතරව කුඩු වලට සම්බන්ධ වෙලා උන්නේ තව පොලිස් කාරයෝ තුන් දෙනෙක් විතරක්මය කියලාය.

මේවාට හිකෙන් පුනා වෙනවා ඇර, වෙන කොරන්න පුළුවන් රෙද්දක් නැත්තේය. ගමේ වැලි ගොඩ දාන එකාගෙනුත් නොමිලේ බොන, කුත්තු කඩෙන් නොමිලේ කන, සත් ගුණවත් පොලීසියේ..., වෙලේ සුදාගෙන් කාලා තියෙන්නේ "හතර" දෙනෙක් විතරය. අර දේශබන්දුද මොකාද කියන පොලිස්කාරයා, දුමියා සමඟ භාරත මරණ වෙලේත් උන්නා කියා, ඒ කාළේ සාක්කි තිබුනේය. අද උන් පොලීසියේ ලොක්කෝය. ඒ දුමියලාගේ පිහිටෙන්ය. සුදු වැන් වලින් වැඩියෙන්ම මිනිස්සු ඉස්සුවේ කොලොන්නාවෙන්ය. ඒ ගනන 12 හෝ දහතුනක් බව ඒ පැත්තේ මිනිස්සු කියන්නේය.

ඒ පැත්තේ කොල්ලෝ සෙට් වෙලා, එහෙම සුදු වෑන් එකක ආපු සෙට් එකක්ම පොලීසියට අල්ලාලා දුන්නේය. ඒ කාළේ ලංකාවේ හිටපු නිළ නොලත් පොලිස්පති අනුර සේනානායක, සීන් එක දැනගත්ත ගමන් පොලීසියට ආවෙය. සුදු වෑන් කල්ලියම, ඒ නීතිගරුක නිළධාරියාගේ බාරයට පත් විය. අද වෙනකන් සිද්ද උනේ මොකක්ද කියලා දන්නේ නැතිය. කොලොන්නාව ප්‍රාදේශිය සභාවේ ඉන්නා බහුතරය, දුමියාගේ කුඩු ඒජන්ට්ලාය. ලැජ්ජාවට කරුණ නම්. දුමියාගේ උදව් උපකාර ගන්න හොර සංඝයෝත් ඒ අතර ඉන්නා එකය. 

වෙලේ සුදාට තියෙන්නේ මහා නිවසක් කිව්වාට මැන්ෂන් එකක් නෙමේය. ඒක මේ සාමාන්‍ය ගෙයක්ය. වාහනෙත් හයිබ්‍රිඩ් එකක්ය. දුමියා යන්නේ ලොරි වගේ ජීප්පූ වලය. දුමියාගේ රිය පෙරහර හරියට මහින්ද මහත්තයාගේ රිය පෙරහර වාගේමය. දැන් නම් ඒක පෝඩ්ඩක් අඩු කරලා තියෙනවාය. ඒ කාලේ අර ලොරි වාගේ සුදූ ජීප්පු පහකුයි, කළු ඩිෆෙන්ඩර් හතරකුයි, අනිවාර්යයෙන් ඉස්කොඩ් එකේ තිබුනේය.

බොඩි ගාඩ්ලා නැත්නම්, ශරීර ආරක්ෂකයෝ එක 100 ක් විතර උන්නේය. මුන් අර කරෝකේ බාර් වල ඉන්න උන් වාගේ අඳින්නේ, තනිකර කළු කිට් එකක්ය. එක්කෝ මුන්ට පඩි ගෙවන්න ඇත්තේ ඩිෆෙන්ස් මිනිස්ට්‍රියෙන්ය. එහෙම නැත්නම් මුන්ට ගෙවන්න ඇත්තේ දුමියාගේ පොකැට් එකෙන්ය. එහෙමත් නැත්නම් දැන් කියන සුරංගනා කතාව වාගේ, වෙලේ සුදා නිවන් පතා දුන් ආධාරයෙන්ය.

වෙලේ සුදාගෙන් එලියට ඇවිල්ලා තියෙන්නේ දුමියාගේ නමයි, හිටපු බූරු පොලිස්පතියාගෙයි නම් විතරක් නෙමෙයිය. ඒ යකා නම් 72 ක් වමාරලා තියෙනවාය. ඔය නම් මොනවාද කියා දැන ගැනීමේ අයිතියක් ජහ මනයාට තියෙනවාය. ජය පාළනේ මහත්තුරු, "රයිට් ටූ ඉන්පෝමේසොන්" නොහොත්, "තොරතුරු දැනගැනීමේ අයිතිය" කියා පනතක්ද මොකක්ද මළදානයක් ගේනවා කියනවාය. අපි ජෝන් බාස්ට කියන්නේ, මේ ලිස්ට් එක එලියට දාන්න කියලාය. එයාට බැරිනම් ඒ වැඩේ කොරන්න මිස්ටර් ප්‍රසිඩොන්ට්ට පුළුවන්ය. එයා ජෙනුයින් පොරක් කියනවා නම්. කරුණාකරලා මේ නම් ලැයිස්තුව එලියට දාන්න ඕනාය.

එහෙම නැත්නම් වෙන්නේ, මහා ළොකුවට කෑ ගහගෙන අල්ලන්න පටන් ගත්ත සජින් වාස් ගුණවර්ධන, අද කිසි අවුලක් නැතුව ඉන්නවා වාගෙම. මේ රටේ වසංගතයක් වෙලා තියෙන, තරුණ පරපුරු විනාශ කොරන, වැඩි පිරිසක් සිරගතවි අපා දුක් විඳින. දෙමව්පියන් නෑ හිතවතුන් කඳුළු වගුරුවන. මේ ව්‍යසනය මේ රටේ පතුරුවා හල, සුදු පිරුවට තවරා ගත් කාළකන්නින්, තව දුරටත් මේ රට කාබාසීනියා කර දැමීමය. සිකැරට් පැකට් රූපමය අවවාදෙට වඩා, ලංකාවෙන් කුඩු තුරන් කරනා එකට මුල් තැන දිය යුතුමය.

මන්ද.., දැන් හැම එකාම කියන්නේ, පොලීසියේ උන්ගේ එවාට ඇඟිලි ගහන්න යන්නේ නැතෙයි කියලාය. ඒත් එහෙම පොලිස්පති තුමාගේ එකේ ඇඟිලි ගහන්න එනවා නම්, එක්කෝ එයා හෝ.. පොලීසියේ පෙත්තප්පු හෝ, මාධ්‍ය සාකඡ්චාවක් තබා කිව යුත්තේ, අනේ අපිට මුකුත් කරන්න බෑ... මුන් අපේ එක ඇඟිල්ල ගහනවා කියලාය. එහෙම කියන්න කොන්දක් තිබෙන්න ඕනාය.

එහෙම එකම එක කොන්දක් තිබුන නිළධාරියෙක් නිසා, අද අප නිදහසේ හුස්ම ගනිමින් සිටින්නෙමු. ඒ නීතිපති තුමායි. කරුණාකර පොලීසියටත් කොන්දක් තිබෙනවා කියා පෙන්වන්න..

එහෙම නොකළොත් අපට කියන්න වෙන්නේ,

"තුඃ නොදෝකින්.. අම්මට සිරි ලංකාවේ පොලීසිය...." කියලාය..