නෙළුම් යාය, අජියලා සහ හුජ්ජා බර - Nelum Yaaya, 3 Ajiths & Peeing

මාතලන් සිතාගෙන හිටියේ "නෙළුම් යාය සම්මාන උළෙල" මග හරින්නය. (උළෙල මගහරිනා මෙන්ද, සහභාගි වන මෙන්ද අවවාද අනුසාසනා කළ හිතවතුන්ද බොහෝය.) තෑග්ග ඉවාන්ට ගන්නය කියා පස්සෙ වෙලාවක උගෙන් ඉල්ලා ගන්නය. ඒත් වැඩේ ඕගනයිස් කළ අජියා එවනා ඊ මේල් දැක්කාම මාතලන්ගේ බොක්ක උණු උනේය. හදවත ඇන්කර් බටර් වගේ දියවෙලා ගියේය. ඒංගලන්තේ ඉඳලා ඇවිත් බ්ලොග ලියනා උන් වෙනුවෙන්ම කරනා මේ වැඩේ මග ඇරීම කිසි සේත්ම කළ නොහැක්කක් බව තෙරුන නිසාම ඌට මම එන බව කොන්ෆෝම් කලෙමි.

ආවාට කිසි සේත්ම පාඩු උනේ නැතිය. ඊට හේතූද බොහෝය. ප්‍රධානම හේතුව නම් මා ප්‍රිය කරනා අජියලා (අජිත්ලා) තුන් දෙනෙකුම හම්බ වීමය. එයින් වඩාත්ම කැමති එකා උනේ, මාතලන්ගේ ප්‍රියතම ගායකයෙක් වෙන රොක් අජියා (අජිත් කුමාරසිරි) හා දොඩමළු වීමට හැකි වීමය. අනෙක් අජියලා දෙන්නා උනේ, "W3Lanka" ලියනා "අජිත් පැරකුම් ජයසිංහ" හා "කොළඹ ගමයා" ලියනා අජිත් ධර්‍මකීර්තීය. අජිත් ධර්‍මකීර්තිට ප්‍රිය කරන්නේ, ඒ යකා මේ උත්සවයේ චීප් ඕගනයිසර් නිසා නෙමේය. උගේ බොග නිසාය. ඌත් දේවල් අමුතුම ආකාරයකින් දකිනා එකෙක් නිසාය.

රොක් අජියා (අජිත් කුමාරසිරි)

අජියලාට අමතරව මාතලන්ගේ තවත් ප්‍රියතමයෙක් වන "සිව්මංසල කොලු ගැටයා" හෙවත් නාලක ගුණවර්ධනයන් හා සුහඳ කථා බහක නියැලීම රස නහර පිනා යන ප්‍රීතියකි. මේ නිහතමානි මිනිසා මා දන්නා කාලයේ සිටම ප්‍රිය කරනා චරිතයකි. උත්සවයේ බොක්කටම වදින කතාව කලේ නාලකය. එය අධිපති මාධ්‍යයට හා දේශපාළුවන්ට එල්ල කළ කනේ පහරකි. අධිපති මාධ්‍ය ආයත්න නියෝජනය කරමින් එතනට පැමින උන් සියල්ලන්ම නාලකගේ කතාව මැද්දේම උන්ගේ මයික් කොට අයින් කර ගත්තේ ඒ නිසාදෝ, එහෙම නැත්නම් ඇමතියා නික්ම ගියයින් පස්සේ උන්ගේ ඩියුටිය ඉවරයි කියා සිතුන නිසාදෝ කියා හරියට කියන්න දන්නේ නැතිය. 

"කොළඹ ගමයා" ලියනා අජිත් ධර්‍මකීර්තීය

උන් කළේ නාලකගේ කතාව ඒම අවස්ථාවේදිම තහවුරු කිරීමය. මුන් ජනමාද්දියවේදීන්ද, එහෙම නැත්නම් ජොබ් එකක් කරනා උන්ද කියා දන්නේ උන් උන්මය. මැනර්ස් කියා දෙයක් දන්නවා නම් අඩු ගානේ කතාව නිම වන තෙක් ඉන්න තිබුනාය. එසේ ඉන්න්ටම බැරි නම් නාලකගෙන් අවසර අරගෙන ඔක්කෝම ගලවා ගෙන යන්න තිබුනාය. රටේ ආචාර ධර්‍ම ගැන කතා කරන්න යන්නේ මෙළෝ ආචාර ධර්‍මයක් නොදන්නා උන් වීම රටේ කරුමය මිස උන්ගේ කරුමයක් නොවේය.

"W3Lanka" ලියනා "අජිත් පැරකුම් ජයසිංහ"

කෙසේ හෝ නාලකයන් වැනී නිර්භීත මිනිසකු, මේ උත්සවයට සහභාගි කර ගන්නා ලෙස කළ ඉල්ලීම ගැන මාතලන්ට ඇත්තේ මහත්ම වූ ආඩම්බරයකි. මන්ද සියල්ලන්ම නාලකගේ කතාව අගය කිරීම නිසාමය. පැරා කතා කාරයෙක් නොවේ කීවාට, පැරාගේ කතාවද බ්ලොග් වලට අදාල වූ බැවින්, අපට නම් අසා සිටීමේ අවුලක් තිබුනේ නැත. බන්ධුල නානායක්කාරවසම් උන්නැහෙත් බ්ලොග් රසිකයෙක් බව දැන ගැනීමට ලැබීම බොහෝ ප්‍රීතියට පත් වූ කාරනයක්ය.  කෙසේ හෝ උන්නැහේ, මාතලන් හා සිංහයා පටලවා ගෙන තිබූ බව පැහැදිලිවම පෙනුනි. 

බහරේනයේදි අහරෙන් මෙහෙන් උන්නැහේට හමු වන්න ඇත්තේ සිංහයාම (ඉන්දික උපශාන්ත) විය යුතුමය. මාතලන් නම මතක ඇත්තේ, සිංහයාගේ පෝස්ටුවක මාතලන් දැමූ කොමෙන්ටුව වෙන්න පුළුවන්ය. එහෙත් උන්නැහේගේ පැතුම් නම් කවදාවත් බ්ලොග් කාරයන්ගෙන් නම් ලැබෙන්නේ නැති බවත්, මේ වෙලාවේ ආදරයෙන් මතක් කර දිය යුතුමය.එමෙන්ම කොමෙන්ටුවකින් හෝ කරුණාරත්න පරණවිතාන උන්නැහේටත් මාතලන් මතක තිබීමත්, උන්නැහේ බ්ලොග් ලියන්න පටන් ගන්නට හේතු වූ එක පුද්ගලයකු මාතලන් බවත් ඉස්ටේජ් එකේ පැවසීමත් සතුටට කාරනයක්මය.

ප්‍රියතම, නාලක ගුණවර්ධනයන්

මට නම් එකම අවුල උනේ අර අභීරූපන පැංචාය. උගේ අයිටම් එක එන්න කලින් දෙක පුන්න ගිහිල්ලා, ඌ ඉස්ටේජ් එකට නැග්ග වෙලාවේ ඌටම ඌ ජෝක් එකක් උනේය. පොඩි උන්ගේ උත්සවයකට මේ වගේ උන් ගෙනාවද, බ්ලොග් කරයෝ වගේ මෙළෝ රහක් නැති පඩත්තලයන් ඉන්න තැනකට මේ වගේ ළමා වැඩ සටහන් ගෙන ඒම, ඉවෙන්ට් මැනෙජ්මන්ට් කරපු උන්ගේ ගොන් කම මිස අජියලාගේ වරදක් නෙමේය.

සියල්ල අවසානයේ මගේ ප්‍රියත්ම රොක් අජියා ඉස්ටේජ් එකට නැගපු වෙලේ නිවන් ගියා වැනි සතුටක් ඉබේම ඇතිවිය. සූ ගාලා සෙනග සිටි නිසා ඔඩිටෝරියම් එකේ ඒ සී එක කන පැලෙන්න විතරක් නොව හුජ්ජා බොක්ක පැලෙන්නත් වැදුනේය. දැන් මට බොක්ක පැලෙන්න හුජ්ජා බරය. ඒත් රොක් අජියා ඉස්ටේජ් එකේය. හුජ්ජා කිරීම පැත්තක තබා, මාතලන් පුටුවේ හරි බරි ගැහි වාඩි වූයේ අජියාගේ බණ අහන්නය.

ඒ යකා අර වයලින් අතුල්ලන එකෙන්, දිවි නසා ගත්ත ආනන්ද සමරකෝන් ගේ ගීතයක් කියා, ලීඩ් ගිටාර් එක අතුල්ලා ජාතික ගීය වැයුවේය. හොඳ වෙලාවට බන්ධුල නානායක්කර වසම් ගෙදර ගිහිල්ලා තිබුනේය. නැත්නම් උන්නැහේ පුටුව උඩම පපුව පැලිලා මැරි වැටෙනවාමය. ඒක නවත්තපු ගමන් අජියා කිව්වේ, "පාර්ලිමේන්තුවේ ඉන්නා බල්ලෝ.." ගැනයි, "යාපනේ තොල දාන බබා..." ගැනයි, "කොඩියේ සිංහයා..." ගැනයිය. ඒ ඔක්කෝම මාතලන්ගේ පට්ට ෆේවරිට් සින්දුය. ඒ උනාට අටමා නම් කිව්වේ උන්ගේ හාමිනා ඊට වඩා ලස්සනට වලං හූරනවා කියලාය. 

ගොඩක් උන් රොක් අජියා ගැන දන්නේ නැතිව ඇතිය. ඒත් අලිමංකඩ ෂෝ එකේ තිබුන "පෙරුම් පිරිවේ මම සමනලයෙක් වෙන්න..." සින්දුව අහලා නොතිබෙන්න නම් බැරිය. ඒ ෂෝ එකට වගේම, සින්දුවටයි, අජියාගේ බෙලෙක් කට හඬටයි මාතලන් බොහෝ කැමතිය. බොබ් මාලේටත් තියෙන්නේ මේ කට හඬමය. බොග් මාලේ පුකේ හිටන් ගහගෙන යන රටක, අජියලා වීරයෝ නොවන්නේ, අපේ උන්ට අපේ උන්ගේ වටිනා කම තේරෙන්නේ නැති නිසාය.

ඒත් අජියලා පරාද නෑ කියලා තෙරුනේ, ඊට පස්සේ ප්ලේ කරන්න "ස්කිට්සෝ එස් එල්" (Skitzo SL) සෙට් වෙලා උන්න නිසාය. රෑ අටත් පහු උන නිසා කොළඹ ගමයා හිරු නොබසින අධිරාජ්‍යයේ සිටන්ම ඉතා පරෙස්සමින් ගෙනත් තිබූ ජොනි වෝකර් සම්මාන උළෙලට යන්නම ඕනා උන නිසා, උන්ගේ ටැලන්ට් එක අපිට මිස් උනේය.

ජොනි වෝකර් වලට වග කියන්න ගියේ, අජියාගේ හිත රිද්දන්න අකමැති හේතුව නිසා මිසක්ක, ඔය මළ ජරාවට අපේ ඇති කැමත්තක් නිසා නම් නෙමේය. ඒ බවට මාතලන් ගැන දන්නා ඕනා එකෙක් හොඳින්ම දන්නවාය. මහාචාර්ය මාතලන් මහතා ඒ වගේ එකෙක් උනාට, සම හරක් නම් උත්සවේට ඇවිල්ලා හිටියෙත් බෝතලයක් ඔළුවේ හලාගෙනය. 

හුජ්ජා බර ගැන කියපු නිසා, හුජ්ජා අතක් ගහන්න ගොස් සිඳුවූ පොඩි කතාවක් කියා මේ පම්පෝරිය නවත්තලා දානවාය. දවසක් මාතලන්, මාතලන්ගේ බොක්කක් එක්ක ජේ ආර් පප්පාගේ කාළේ ආපු බ්ලූ ෆිල්ම් එකක් බලන්න "රියෝ" එකට ගියේය. එදාත් මට කන පැලෙන හුජ්ජා බරක් ආවේය. මාතලන් හිටියේ ඉන්ටිබල් එක එනකන්ය. ඉන්ටිබල් එකේ මාතලන් අරූට කතා කලේ හුජ්ජා අතක් ගහන්න යන්නය. ඒ යකා මට කිව්වේ, "තොට පිස්සුද යකෝ...., දැන් ඕකට අත තියපු ගමන් ශුක්‍ර පහ වෙනවා, තොට ඕන නම් පලයන්..." කියලාය.

විශේෂ -
එදා සිඳුවූ තවත් වැදගත් සිඳුවීමක් උනේ බ්ලොග් කරුවන් උදෙසාම "නෙළුම් යාය" නමින් වෙනම වෙබ් අඩවියක් කරුවල ජයසූරිය උන්නැහේ විසින් ජාලගතකිරීමය. එම අඩවියට මෙතනින් පිවිසිය >>> හැක. අජියලාගෙන් අප්ට කරන්න ඇති එකම ඉල්ලීම නම්, ලංකා නිව්ස් වෙබ් (LNW) අඩවියෙන් "නෙළුම් යාය" ඉවත් නොකරනා ලෙසයි.