19 දිනන්නේ කව්ද...? - Who will be the Man of the Match..?

 
යහපාළනේ ඇක්ස්පයර්ය. ඒ කියන්නේ වන් හන්ඩ්‍රඩ් ඩේස් (දින 100) ඉවරය. රවි ලොක්කාගේ බජට් එකෙන් දුන්න සහන ටික ඇර, ලැබුනු ලබ්බක් නැතිය. කලටි පොල් පැත්තෙන්, හියුමන් රයිට්ස් පැත්තෙන්, ෆ්‍රීඩම් ඔප් මීඩියා පැත්තෙන් හා ඉන්ටනැසොනල් පැත්තෙන් ලද ජයග්‍රහණ තිබුනද, එවා බත් එක්ක කන්න බැරිය. පත්තරවල කියෙව්වද බඩ පිරෙන්නේත් නැතිය.

මෙයාලා කියන විදියට, මෙච්චර සහන දීලාත්, ඉන්ෆෙලේසොන් නොහොත් උද්ධමනෙද මක්කද එක 1 ට වඩා වැඩි ගනනක් තියෙනවා කියන්නේ, මිනිස්සුන්ගේ ජීවින වියදම අඩුවෙලා නැතෙයි කියන එකය. එච්චර දීලත් වැඩි උනා කියන්නේ, දීපු සහන වලින් මිනිස්සුන්ට දැනෙනා දෙයක් සිඳු වෙලා නැති බවය. එහෙම දෙයක් උනා නම් උද්ධමනයේ ඩු වීමක් මිස දශමයක් හෝ වැඩි වීමක් තියෙන්නට බැරිය.

ගෑස් අඩු කිරීම හා පිටි අඩු කිරීම යම් කිසි සහනයක් වූවද, වක්‍රාකාරව සියළුම භාන්ඩ හා සේවාවන්වල මිළ අඩු කිරීමට එය ඉවහල් වී නැත. ආප්පයට හා ප්ලේන්ටියට පාළණ මිලක් නියම කළද, ඒකෙන් උනේ මදේ නැති ආප්පයි, කෝප්පෙන් භාගයක් පිරිණු, අඩු සීනී පෙලේන්ටි බොන්නය. කොත්තමල්ලි වගේ එවා අඩු කරන්නේ නැතිව එහෙමම තිබ්බා නම් වඩා හොඳයි කියා හිතෙන්නේ, අත්‍යාවශ්‍ය නොවන භාන්ඩයක් අඩු කරලා කන කින්ඩි ඊට වඩා වැඩි නිසාය.

ඉඳිකිරීම ක්ෂේශ්ත්‍රය සම්පූර්ණයෙන්ම කඩා වැටුනේය. ලක්සිරි එපාම්නට්ස් ටිකක වැඩ කරගෙන ගියද, මහා පරිමානයේ ඉඳිකිරීම් ආයතන තුල රැකියා අහිමි වූ පිරිස 150,000 පමණ වන බවට වාර්ථා ලැබෙමින් පවතී. පවුල් 150,000 කෙලවෙනවා කියන්නේ සුළු පටු කරුණක් නෙමේය.

වෛර බදු නිසා, එම ආයතන, සේවකයන්ට වැටුපට අමතරව ලබා දුන් දීමනා, බෝනස් ආදිය නවත්තලා දමලාය. අවුරුදු ගනනක් එම ආදායම් වලට සරිලන ලෙස හැඩගැසුනු ජීවිත, අමතර ආදායම් නොලැබීම තුලින්, යහ පාළණය කෙරේ කළකිරී ඇත.

ආන්ඩුව ඉකොනොමිය හොඳයි කීවාට, පාරට බැස්සම යහ පාලනේට දීපු එකත් ආන්ඩුවේ පලු අරිනා අතරේ, මහින්ද මහත්තයා හිටියා නම් මීට හොඳයි කියන්නත් අමතක කොරන්නේ නැතිය. මාතලන් මේ කියන්නේ බොරු නම්, ඔය බුද්ධි අංශයේ උන් ටිකක් මහ පාරට දාලා, පොඩි සමීක්සොනයක් කොලා නම්, මේවා කෙප්ප නෙමේ කියා තේරෙනවාය.

මහින්ද මහත්තයාටත් කෙල උනේ 18 නිසාවත්, තුන් පාරක් ඉල්ලා, ඊළඟට නාමල් බේබී ගේන්න ගිය නිසාවත්, බැසිල් සීයට ගනන් හොරා කා, කැම්පේන් එකේ කකුලෙන් ඇද්ද නිසාවත් නොවේය. මැද  පන්තියට ලැබෙන පඩියෙන් ජීවිතේ ගැටගහ ගන්න බැරි උන නිසාත්, සුළු ජාතිකයින් වහලුන් සේ සැලකූ නිසාත්ය.

අපි ඒ කාළෙත් මහින්ද මහත්තයාට කිව්වේ, අත්‍යවශ්‍යම භාන්ඩ හතක මිළ අඩු කරලා දෙන්නය කියලාය. එහෙම කොලා නම්, මහින්ද මහත්තයා හොල්ලන්න ජෝන් කෙරී තියා ඔබා මාමා අවත් බැරි වෙනවාය. ඒත් ලොක්කා අපි කිව්ව ඒවා පයිසෙකට ගනන් ගත්තේ නැතිය.

ඔතන කරුමේ වෙලා තියෙන්නේ, උපසේන කම් වලට ගන්න එකාටත් ලක්සිරි වෙහිකල් දීලා, ලක්සිරි දීමනා දීලා, ඌවත් හයි ක්ලාස් සොසයිටි එකට දානා එකය. ඊට පස්සේ උන් උපදෙස් දෙන්නේ උන්ගේ ක්ලාස් එක මේන්ටේන් කොර ගන්න මිසක්. සමාන්‍ය ජනතාව හිතන්නේ පතන්නේ කොහොම්ද කියලා හොයන්න බලන්න නෙමේය. ඉතින් උන්ගෙන් උපදෙස් ගන්නවාට වඩා, බෲනේයි වල සුල්තාන්ගෙන් උපදෙස් ගන්නා එක, ඊට වඩා හොඳය.

දැන් 19 සම්මත වෙන්න හෝ කෙලවෙන්න යන්නේත්, මහින්ද මහත්තයාට ඕනා ව්දියටය. තවමත් තමන්ගේ පක්ෂයේ සෙට් එකවත් තමන්ගේ පැත්තට හරවා ගන්න බැරි වෙලා තියෙනවා කියා, ජනාධිපති තුමාටත් ඉස්සෙල්ලා පාර්ලිමේන්තුව අමතන්න ගිය, ගොන් බන්ධුලයාගේ ෂෝ එකෙන්ම පේනවාය. ඌ හිතාගෙන ඉන්නේ, ඌ ජනාධිපතිටත් එහා පොරක් කියලාය. පාර්ලිමේතුව උගේ ටියුෂන් ක්ලාස් එක කියලාය. ජනාධිපති හිටං උගේ ගෝලයෝ කියලාය. මේ වගේ උන්ට, යහ පාලනයට පෙර ගව පාලනය තුල පෙරහුරුවක් දී පාර්ලිමේන්තුවට දානවානම්, රටටත්, ජනතාවටත්, පක්ෂයටත් බොහෝ හොන්දය.

ජයම්පති උන්නැහේ විවස්ථා හදන්නේ 1998 දී ඉඳන් කියලා, එයාම ටෝක් සෝ එකකට ආපු වෙලාවේ කිව්වෙය. කොහොම හරි එයා ලියපු 19 සුප්‍රිම් කොට් එකට ඇරියාම කෑලි කපලා එතනින් එව්වේය. ඊට පස්සේ ඒකට බලෙන් දාන්න ගිය කෑලී ,ජඩ මාද්දිය වේදින්ට අහුවෙලා හතර අතේ නෝන්ඩි වෙලා, අයින් කර ගන්න උනේය.

ඉතිරි ඒවා ටිකට, මහින්දවාදින් කොක්ක ඇද්දේය. ඊයේ කරුණු අටකට සන්සෝධන ගේන්න කියා එයාලා කීවේය. ඒකෙන් හයකට, කාළගෝට්ටි මැද්දේ යහපාලනේ උන් කැමති වෙලාය. දැන් ලෙඩේ තියෙන්නේ දෙකකටය. ඒ දෙකට රනිල් ලොක්කා කැමති නැතිය. ඒ උනාට ඒ දෙකත් ඇතුලට දාන්න කියලා මහින්ද මහත්තයාගේ කස්ටිය කියනවාය. දැන්, ඒ වලිය බේරන්න, තුන් දෙනා, තුන් දෙනා, දෙපැත්තෙන් දාලය. ඒත් වැඩේ සැටල්කොර ගන්න බැරිව මෛත්‍රී ළොක්කා ගාවට ගිහිල්ලාය.

දැන් ඔය දෙක ඇතුලට දාගන්න දුන්නේ නැත්නම්, මිහින් පාටිය ඕකට අත උස්සන්නේ නැති බව, ඉර හඳ මෙන් විසවාසොය. කොහොමත් මහින්ද මහත්තයා ඕක සම්මත කොර ගන්න දෙන්නේ නැතිය. එයා එයාගේ පවර් එක ඔතනදි මැක්සිමම්ම පෙන්නන්න, දන්නා ඔක්කෝම උප්පරවැට්ටි ඔක්කෝම දානවාය.

මොන මළදානෙන් හරි ඕක සම්මත කොර ගත්තොත් මෛත්‍රි ලොක්කා දිණුම්ය. ඒත් කරුමේ කියන්නේ මහින්ද මහත්තයාත් දිණුම්ය. මොකෝ සම්මත වෙන්නේ ජයම්පතීගෙවත්, රනිල්ගේවත්, මෛත්‍රීගේවත් 19 ක් නොව මිහින් ලංකා එකේ සැට් එක හදාපු එකක් නිසාය. ඒ කියන්නේ ඕක සම්මත උනත්. නොවුනත් මොන මළදානෙන් හරි එයාටත් ක්‍රෙඩිට් එක යනවාමය. ඒවාට කියන්නේ පොලිට්‍රික්ස් කියාය.

හැබයි ඉතින් සම්මත කොර ගන්න බැරි උනොත් නම්, අකමැත්තෙන් උනත් කියන්න වෙන්නේ, 8 වෙනිදා අපි ලබා දුන් ජයග්‍රහණේ ඇර, යහපාළනේ හැම මැච් එකම පරාදයි කියලාය. එහෙම කියනා කොටම, මෑන් ඔෆ් ද මැච් ට්‍රෝපි එක මහින්ද ලොක්කාට දෙන එකත්, සක්කරයගේ පුතා වයිමාටවත්, වයිමගේ අයියා වෙන, බන්ධුල සෑර්ට වත් නවත්තන්න බැරිය කියලාය.

ඒ වගත් මෙසේය....