සිලවතීගේ මාළු බානා කෙම් ක්‍රමය (23+) - Seelawathi's Fishing Method (13+)

 

අම්මට සිරි ලංකාවේ මාළු බාන්නේ තවමත් සම්ප්‍රධායික ක්‍රමයටමය. සාගර විස්ස විජ්ජාල තිබුනද, උපාධි කාරයෝ උන්නද, වෙනම ඇමතියෙක් උන්නද, එකෙක්ගෙන් වත් පයිසෙක වැඩක් නැතිය. රට වටේම සප්ත මහා සාගරයක් තිබුනත්, මේ හිච්චික් විතර දූපත් කෑල්ලේ සමහර පැති වල උන්ට, මූදු මාළු කෑල්ලක් කන්න පින නැතිය. උන්ගේ මාළු අවස්සතාව තේරුම් ගත්ත ජේ ආර් පප්පා මිරිදිය මත්ස්‍ය කර්මානතේ ආරම්බ කරන්න ගිය ගමන්, අපේ ඝන තට්ටයෝ සැට් එක සිවුරු කරට ගත්තේය.

උන්ගෙත් තියෙන්නේ උගෙ අම්මගේ නීතිය. කරත්ත ඇන්ජින් කන එක පව්ය. වැව් වල, ගංඟාවල ඉන්නා මාළු කන එක පව්ය. ඒ උනාට මහ මූදේ ඉන්න, පත කෙලවල්ලෝ වළඳන එක පව් නැතිය. පරා මාළු කිරට හදා, හීලට බෙදුවානම්, නිවනට යන්න ෆ්‍රී ටිකට් එකකුත් හම්බ වෙනවාය. ඒවා මහත් ඵල මාහනිසංස ලැබෙනා පිං කොම්ය.

මාළු බානා එක ගැනත් පොඩි කාළේ පටන් මේ වෙනකන් තියෙනා ඇක්ස්පීරියන්ස් විස්තරාත්මකව ලියන්න ගියොත්, විස්ස විජ්ජාල නිබන්දනයක් ලියන්න තරන් කරුණු තියෙන්වාය. මාතලන් මාළු බාන්න පටන් ගත්තේ අම්මාගේ ආයා කටු නමලාය. එහා ගෙදර එකා හැට්ට කටු ආයා කටු උස්සගෙන ආවේ නැත්තේ උන්ගේ අම්මාගෙන් අම්බානක කන්න වෙන නිසාය. ඇමට ගත්තේ පාන් කෑලිය. ඇමට ගැඩිවිල්ලෝ ගහන එක කියලා දුන්නේ මැණිකාය. මැණිකා අපට කියා දුන් පාඩම් බොහෝය. එයින් සමහරක් ගැන මාතලන් ලියලාත් තියෙනවාය.

අපේ ගේ පිටිපස්සේ කුඹුර කාලයකදී යට වෙනවාය. එතකොට කුඹුර වෙල වෙනවාය. අපේ වත්තේ දෙපැත්තකින්ම තිබුනේ වෙලය. අපේ වත්තේ කඳුරු ගස් තිබුනේ නැතත්, එහා වත්තේ වෙල පැත්තට වෙන්න විශාල කඳුරු ගස්ද, නොයෙක් පළතුරු ගස්ද, මහා පත සිඹලා ගසක්ද, කොට්ටම්බා ගසක්ද තිබුන නිසා. පොඩි කාළේ අපි ගමේ නොගියත්, ගමක තිබුන සුන්දරත්වය උපරිමයෙන්ම විඳ ගත්තෝය. අද ඒ ඉඩම් සියල්ල පර්චස් විස්සේ හෝ දහයේ කෑලී වලට කැඩිලා වර්චස් වෙලාය.

හැට්ට කට්ටේ බිලී කොකු වලට අහු උනේ කාවයියෝය. බට්ටෝ අහු නූන විජ්ජාත්මක හේතුව මාතලන් විසින් මුලින්ම සොයා ගත්තේ පස්සෙන් පහු කාළයකය. ඒ උන්ගේ කට පුංචි නිසාය. මේ අල්ලපු මාළු අල්ලපු ගමන් ආයෙත් වෙලට දැම්මේ, අපේ ආච්චි නිසාය. මාළු බාන්න පර්මිසොන් ගත්තේ ඒ පොරොන්දුව උඩය. එහෙම අල්ලනවාටත් ආච්චි බොහෝ කම්පා උනේය. ඒත් මැනින් මාකට් එකෙන් තාත්තා ගෙනාපු, තොරා පරා බලයන් හා "තිලාපියා" ගෙනා, ඉස්සෝ දැල්ලෝ කකුළුවෝ දිවියළෝක රහට හදලා දුන්නේත් ඒ ආච්චිමය. මාළු අල්ලන්නේ පව් කාරයෝ බවත්, වැඩියෙන් මාළු අහුවෙන්නේ වැඩියෙන් පව් කරපු උන්ට බවත්, අපට කියා දුන්නේ උන්දෑය.

ඔය මාළු බෑමේ පන්න ක්‍රම අටෝරාසියක් තිබුනත්, ලංකාවේ මාළු බානා සිස්ටොම් එකක් හෙවත් පන්න ක්‍රමයක්, මුළු ළෝකයේම පොරොසිද්දය. ඒ පොල්ලේ ඉඳන් මාළු බානා, "රිටි පන්න" (Stilt Fishing) කියනා කොරමේය. ඒ කාළේ ගමේ ගියාම, තාත්තා අපිවත් දාගෙන වැලිගම පැත්තට යන්නේ, ඔය මිස්ටර් රිටි පන්නලා අල්ලන බෝල්ලෝ ගේන්නය. උන් ගාව බඩු තිබුනේ නැත්නම් යන්නේ වැලිගන් (Weligama) බොක්කටය. අදටත් පන පිටින් මාළු පාර අයිනේ තියාගෙන විකුණන සෙට්, ඔහේලාත් ඕනා තරම් දැකලා ඇතිය.

අද උන් පොල්ලේ ඉන්නේ සුද්දන්ට පේන්නය. මාළුවත් කලින් අල්ලපු එකෙක්ය. සුද්දෝත් එකසිය ගානට පොටෝ අල්ලනවාය. මේ පොටෝ වගේම පේන්ටින්ග්ස් වලටත් තියෙන්නේ මාර ඉල්ලුමක්ය. පොටෝ අල්ලලා ලේසියෙන් මාරු වෙන්න හම්බ වෙන්නේ නැතිය. අරුන්ගේ එකෙක් සල්ලි ඉල්ලගෙන එනවාය. දුන්නේ නැත්නම් වාහනේ ඉස්සරහට ඇවිත් බොලොක් කරනවාය. ටුවර් එක කොර ගන්න ඕන නිසා, මල පෙරේත් සුද්දෝ පොකට් එක ඇද්දේ නැත්නම්. අපේ පොකට් එකෙන් අනිවාර්යයෙන් දෙනවාය. උන් කොච්චර ෆිට් උන්ද කියනවා නම්, සල්ලි නැත්නම් පස්සේ ගමු ලොක්කා කියන්න තරම් බොක්ක හොඳ උන්ය.

ඔය රිටි පන්නේ විශේෂයක් තියෙනවා වාගෙම, උන්ගේ බිලී කොක්කෙත් විශේසයක් තියෙනවාය. උන් බිලී බාන්නේ ඇමක් දාන්නේ නැතිවය. ඒකට උන් ළඟ වෙනම බිලී කොකු වගයක් තියෙනවාය. ඒවා හදා ගන්නේ දැල්ලාගෙන් ගන්නා පාට් එකකින්ය. ඔය ගැන අපූරු විසතරයක් <<<< මෙතනින් ගියොත් >>>> බලා ගන්න පුළුවන්ය. මේ පෝස්ට් එක ලියන්න හිතුනේ, මාතලන් මේ දවස්වල ඉන්නා වැව් බැඳි රාජ්ජේ ගෑනු අයත් මාළු බානා හැටි දැකලාය.

මෙහේ තියෙන පොඩි පොඩි වැව් වල මාළු බාන්නේ පිරිමි ඉතරක් නෙමේය. ගෑනුත් බානවාය. ඒ පැතිවල ගියපු සමහරෙක්, ගෑණු උදවිය පුංචි ඔරුවල නැගලා දැල් දමා මාළු අල්ලනවා අනන්ත්වත් දැකලා ඇතිය. ගිරිතලේ වැවෙත් මෙහෙම අල්ලන කීප දෙනෙක්ම ඉන්නවාය. ඕක දකින වෙලාවට මම මේ ගමේ උන්ට පරන කතාවක් කිව්වාම, මුන්ට ඒක නැගලාම ගියේය. මේ කියන්න යන්නේ උන්ට කියපු කතාවය.

ඕන් සීලවති ලීලවතියි කියලා යාළුවෝ දෙන්නෙක් උන්නේය. දෙන්නාම බැඳලාය. දෙන්නාම බැන්දෙත් මාළු අල්ලන උන් දෙන්නෙක්ය. උන් දෙන්නත් හොඳ යාළුවෝය. දෙන්නම කසියා ගහලා සමහර වෙලාවට වරු ගනන් නිදා ගන්නා නිසා, ගොඩක් වෙලාවට මාළු බාන්න යන්නේ සීලවතියි ලීලවතියිය. ඉතින් දෙන්නා දෙන්නගේ ඔරු දෙකේ නැගලා මාළු බාන්න ගියාට වැඩියෙන් බඩු අහු උනේ සීලවතීටය.

මේක ලීලවතිගේ ඇඟේ මාළු නටන සීන් එකක් විය. ඒ අපේ රටේ හැටිය. දන්නා කියන එකෙක්ට හරියනවා නම් අනිකාගේ ඇඟේ මාළු නටන්න පටන් ගන්නවාය. බ්ලොග් අජියලා කරපු අලුගුත්තේරු වැඩේ නිසා සම හරක්ගේ ඒ විදියට මාළු නටන්න පටන් ගෙන තියෙනවා කියා, මේ දවස්වල බොග් පඩංගුවල තියෙන කොමෙන්ට් බැලුවාම පේනවාය.

මේක බලාගෙන ඉන්න බැරිම තැන ලීලවති සීලවතිගෙන් මේකට හේතුව විමසුවාය.

කොහොමද බං උඹේ දැලට හැමදාම මාළු පුරවලා අහු වෙන්නේ...? අපිට තමයි කනයෙක් වත් නැත්තේ. කියහංකෝ බං අගේ කොරන්නේ නැතිව. හැමදාම අපිටත් මාළු දීලා උඹටත් එපා වෙලා නේ ඇත්තේ..

අනේ නෑ බං ලීලවතියේ..., අගේ කොරන්න දෙයක් නෑ.... මම මාළු අල්ලන්නේ කෙම් කොරමේට..

කෙම් කොරමේට....? ඒ කියන්නේ උඹ කාට හරි බාර හාර වෙලාද එන්නේ.....?

කාටත් බාර හාර දෙන්නෙ මක්කටෙයි බං...., දෙයියා ගෙදරම ඉද්දි.....

දෙයියා..... ගෙදරම ඉන්නවා...? කව්ද බං දෙයියා.....? උඹේ වාහෙද....?

වාගේ නෙමෙයි බං.. ඌගේ ජුන්ඩා..

මොනවා...? ජුන්ඩා...!!!

ඔව බං මෙහෙමනේ...., මම ගෙදරින් එන්න කලින් අපේ වාහේගේ ජුන්ඩා දිහා බලනවා.. ජුන්ඩා උන්නේ වම් පැත්තට බර වෙලානම්, එදාට මම දැල දාන්නේ ඔරුවේ දකුණු පැත්තට..

හරි හරි මට තේරුණා.. ජුන්ඩා උන්නේ දකුණු පැත්තට බර වෙලා නම්, එදාට උඹ දැල එලන්නේ ඔරුවේ වම් පැත්තේ..

ඔය තේරුනේ අගේට.. ගොනාට වගේ.. හි.. හි... හි...

අනේ පලයන් බං යන්න.. ඒත බං හදිස්සියේ හරි....., ජුන්ඩා කෙලින් වෙලා තිබුනොත්..?

කෙලින් වෙලා තිබුනොත්..? කෙලින් වෙලා තිබුනොත් මක්කටෙයි බං මාළු බාන්න එන්නේ.. පොඩි උනුත් ගෙදර නැති වෙළාවේ..., වාරකන් ඉවරය කියලා හිත හදාන, මාළුවා බාගන්නවා මිසක්ක.. එදාට නේ බං උඹ දවල් වෙන්න ඇවිත්...., අද වැවට යන්නේ නැද්ද බං ගගා..., මළ වදයක් වෙලා දොර කඩන්න හදන්නේ..