අභයාරාමේ මහින්දාගමනය - Mahindaagamanaya at Abhayaaraama

ළොකු හන්දුරුවනේ... ළොකු හාන්දුරුවනේ.. ගාගේන මර හඬ දීගෙන ගඳ කුටියට කඩා ගෙන වැඩ්ඩ පොඩි නමගෙන් මුරුත්තෙට්ටුවේ ආනන්ද නර්ස් හාන්දුරුවෝ ඇහුවේ, මොකෝ යකෝ උදේ පාන්දරම මර හඬ දීගෙන කෑ ගහන්නේ කියලාය. වැඩ්ඩ වැඩිල්ලේ තරමේ සැරට දෙතුන් සැරයක් පැඩ්ඩ පොඩි නම හති හලන ගමන් දෙසා වදාලේ, ආන් මහ සජ්ජුරුවෝ පන්සලේ තාප්පෙ උඩ සර්කස් පෙන්නනවා කියලාය.

කාට සර්කස් පෙන්නන්නද බං තාම මේ උදේ පාන්දරනේ කියා දෙසා වදාල නර්ස් හාන්දුරුවෝ, පොඩි නමත් එක්ක අඳනේ පිටින්ම වැඩ්ඩේ, ලොක්කා මේ දවස්වල කෙලින පිස්සු වල හැටියට සරකස් පෙන්නන්නත් බැරි කමක් නැති බව සිතුනු නිසාය.

අන්තරේ අන්තරායකාරි හාන්දුරු දෙනමක් වගේ ගිනි කළබලේ පොඩි නමගේ පස්සෙන් වැටුනු නර්ස් හාන්දුරුවෝ, කළුවර මැද්දෙන් යාන්තමට චායාව වගේ දැක්කේ, මහ සජ්ජුරුවෝ උඩටත් මක්කාවත් නැතිව සරම කැහැපොට ගසාගෙන, මහා පොල්ලක් හරහට අල්ලාගෙන, සැර්කස් කාරයෙක් වගේ, තාප්පේ එහා මෙහා යන එකය.

ඇයි මල හත්තිලව්වේ ඔය මක්කැයි ඔය කොරන විකාරේ, ඇක්සයිස් කොරන්න ඕන නම් අර ට්‍රෙඩ් මිල් එක තියෙන්නේ. ඒකේ ඇක්සයිස් කොරන්න කම්මැලි නම්, අර චම්පික ඇමතිතුමාගේ ඇක්සයිස් කැම්පේන් එකට ගියා නම් අහවරයිනේ. මේ මොන නව නිග්‍රහයක්ද මේ කොරන්නේ. රෑකට එහෙම මිනිස්සු දැක්කා නම් හිතයි පොසොන් එකට මහින්දාගමනය යන්ත්‍රානුසරයෙන් පෙන්නනවය කියලා.

අනේ පින් සිද්ද වෙයි, ඔතනින් බිමට වැඩියානම් කියා කියපු නර්ස් හාන්දුරුවන්ට හිටපු ලොක්කා කිව්වේ නොදකින් විතරක් කෙමක්වත් නිවි හැනහිල්ලේ කොර ගන්න බෑ නේ. පාන්දර ජාමේ මේ වැඩේ කොලේ එකෙකුටවත් අහු වෙන්නේ නැති වෙන්න. අපේ හාන්දුරුවන්ට දිවැස් තියෙනවද, එහෙම නැත්නම් ඊයෙම මේක යහ පාළණේ වෙබ් සයිට් වල පබ්ලිස් වෙලා තිබුනද කියලාය.

කාගේ හෝ දිරච්ච ලණුවක් ගිලලා අමු පිස්සුවක් කෙලින බව තෙරුම් ගත්ත නර්ස් හාන්දුරුවෝ කිව්වේ, මොකා දීපු කෙමක්ද තාප්ප දිගේ බඩ ගගා කොරන්නේ, එවයෙන් වැඩක් නෑ, ඔබතුමා ඔතනින් වැටුනොත් හෙම අර පස්සෙන් එන උන් කාත් එක්කෙයි නැගිටින්නේ කියා පොඩ්ඩක් ලෙලෙඳෙන හඩින් දෙසපු යුනියන් හාන්දුරුවන්ට ළොක්කා කිව්වේ, වැටෙන්න නැති වෙන්න නේ හාන්දුරුවනේ පොල්ලක් අරගෙන යන්නේ කියලාය.

මම මේක මේ අද ඊයේ පටන් ගත්ත කෙමක් නෙමෙයි. දැන් කීප දවසක්ම කොරලා ප්‍රැක්ටිස් වෙලා ඉන්නේ. ඒ නිසා අපේ හාන්දුරුවෝ කළබල වෙන්න ඕන නෑ. ඒත් ඉතින් කතා කොරන්නේ නැතිව කරන්න ඕන කෙමක් නිසා, අද ආයෙත් කොරලා වැඩක් නෑ කියා, පොල්ල පැත්තකට විසි කරාපු හිටපු ලොක්කා තාප්පේ දිගේ සර්කස් කාරයා වගේ ගොස්, කොන්පරන්ස් රූම් එකේ ජනේලයක් උඩට පය තියලා, ජනේලේ එල්ලිලා එතනින් බිමට ජම්ප් එකක් දලා හාන්දුරුවො ගාවට ඇවිත් හම්මෙ හොඳටෝම හති වතුර ටිකක් බිව්වා නම් හොඳයි කියලාය.

පොඩි හාන්දුරුවෝ දනි පනි ගා මුළුතැන් ගෙට රිංගලා ආයෙත් කුරුල්ල වගේ අනෙක් පැත්තට ඇවිත් හිටපු ලොක්කාට පිස්තෝලයක් දිග් කලේය. අම්මට හුඩු පොල් කොලද බේරේ ආතල් කන දිගේ බේරේ කියා තමාටම කියා ගත්ත ළොක්කාට මතක් උනේ මහ බන්ඩට වෙච්චි දේමද යකෝ මටත් වෙන්න යන්නේකියලාය.

ඔය හාන්දුරුවනේ හාන්දුරුවනේ ගගා පස්සෙන් ගියාට ඔය ඝනයෝ එක්ක වැඩි ඇයි හොඳයි කම් තියා ගන්න එපා අනේ කියා, මැඩම් එදා ඉඳන්ම කියන කතාවක් මතක් උන ලොක්කා, බය වෙච්චි නැති බවක් පෙන්නමින් කට කනේ දාගෙන පොඩි සංඝාට ලව්ස්කීපර් වොයිස් එකෙන් කිව්වේ, අනේ පොඩි හාන්දුරුවනේ උදේ පාන්දර හොරා පොලිස් කරන්න බෑ, ඕන නම් ටිකක් හැන්දෑ වෙන්න හොරු ටිකත් ආවම කරමු කියලාය.

නෑ නෑ ජනාධිපති තුමා මේක පුරවලා තියෙන්නේ වතුර, දැන් වෙඩි තියන්න ගන්නේ වතුර බෝතල් කියලා කිව්වාම පර්මනන්ට්ලිම කූල් වෙච්චි හිටපු ලොක්කාගෙන් නර්ස් හාන්දුරුවෝ ඇහුවේ, මොකක්ද ඉතින් ඔය බෙල්ල ගහලා යන කෙම කියලාය. මෙහෙමයි අපේ හාන්දුරුවනේ, උදේ පාන්දරම නැගිටලා පොල්ලත් අරගෙන තාප්පේ දිගේ එහාට මෙහාට යන්න ඕන. එතකොට ටික වෙලාවක් යන කොට බැලන්ස් නැති වෙනවනේ. ආන්න එතකොට තමයි කෙම වැඩ කරන්නේ. ඒ කියන්නේ පොල්ලත් එක්කම පතහ් ගාලා ඇදගෙන වැටෙනවයි..? කියා අහපු ආනන්ද ඉස්තවිරට ලොක්කා කිව්වේ, පිස්සුද හාන්දුරුවනේ එහෙම වැටිලා කොහොමෙයි. එතකොට වැටෙන්න යන පැත්තට පොල්ල තියලා මම බේරෙනවා නේ කියලාය..

එතකොට ඔය පොල්ල තියලා බෙරෙන්නේ කාගෙන්ද කියා අහපු නර්ස් හාන්දුරුවොන්ට ලොක්කා කීවේ. කාගෙන්ද ඉතින් මට විශ්‍රාම ගිහිල්ලා බණක් දහමක් අහගෙන භාවනාවක් කොරගෙන ඉන්න දෙන්නේ නැති අර පිස්සු වාහෙලාට තමයි පොල්ල තියන්නේ කියලාය..

ඉතින් වැටෙන්න යන කොට පොල්ල තියන්නම වෙනවනේ, එතකොට ඔබතුමා උන්ට හැමදාම පොල්ල තියන්නද යන්නේ කියා, ඊළඟ කුස්සෙන් එකත් ඉදිරිපත් කොලාම ලොක්කා කිව්වේ, නෑ නෑ මෙහෙමයි, පන්සල පැත්තට පොල්ල තිබ්බොත් මහින්දත් එක්ක නැගිටින තොයිලෙට යන්නේ නෑ. පාර පැත්තට තිබ්බොත් යන්න හිතාගෙන ඉන්නේ කියලාය.

ටී බී ලා, වෙල්ගමලා, වගේම අනාථ වෙලා ඉන්න නාථයෝ හතර දෙන ගැනත් දුක හිතුන හාන්දුරුවෝ ඊළඟ දවසේ පාන්දරම හොරෙන් බලාගෙන උන්නේ වෙන්නේ මක්කැයි කියලාය. එදා උදේ පොල්ල තිබ්බේ පන්සල පැත්තට නිසා, කුරුණෑගලටම ගියත් රැස්වීම ළඟටම ගියත්, රැස්වීමට ගියේ නැත්තේ, කෙම අනුව වැඩ කරේ නැත්නම් කෙල වෙලාම යන්න පුළුවන් කියලා හිතලාය.

ඉස්ටේජ් එකට නගින්නේ නැතිව වෙස් වලාගෙන ගහක් උඩට නැගපු ලොක්කාට, පත වාතයක් ගියේය. මහ සද්දයක් ආවේ කොහෙන්ද යකෝ කියා මිනිස්සු උඩ බිම බලන්න යන කොට වැඩේ මාට්ටු වෙයි කියා හිතපු ගම්මන්පිල කිව්වේ, කුරහන් සුවඳක් මේ ළඟ ළඟම එනවා නේද හලෝ කියලාය. 

කුරහන් සුවඳ කෙසේ වෙතත්, වයඹ ගල් වල සුවඳක් නම් එනවා අනේ කියා මහ රජ්ජුරුවෝ එක්ක නැගිටින්න ආපු බවලත් කෙනෙක් කිව්වම, අනාථ වෙලා ඉන්න තවත් බවලත් කෙනෙක් කිව්වේ ඊළඟ එකත් පොල්ල තියයිද දන්නේ නෑ මෙයා කියලාය. ඒක ඇහුන ගහ උඩ හිටපු ලොක්කා හිතුවේ, හාන්දුරුවරු උනත්, මුන්ට කේලමක් ඇද බාන්නේ නැතිව ඉන්න බෑ නේ යකෝ කියලාය.