සියල්ල තීරණය කරණුයේ චීනාය... - Future will depend on Chaina

අති දරුණු එකාධිපති පවුල් පාලනයක් කරා ගමන් කරමින් තිබූ රට, විප්ලවයකින් තොරව නැවත ප්‍රජාතන්ත්‍රවාදය කරා ගෙන ඒමට හැකි වීම, වත්මන් පරපුරේ මෙන්ම, මේ රටේ ජනතාවගේ වාසනාවකි. දකුණේ දෙවරක්ද, උතුරේ තිස් වසරක්ද ගලා ගිය ලේ දහරාව මහ පොළොවට දරා ගත නොහැකි තරම් විය හැක.

ඒ හේතුව නිසාදෝ ඉරාකයේ සදාම් මෙන්, ලිබියාවේ ගඩාෆි මෙන් කුරීරු වද බන්දනයන්ට ලක්ව මිය යා යුතු කම්බ හොරු රැල, අවම වශයෙන් සිරදඬුවමකට හෝ ලක් නොවී බලයෙන් පහ වීම, ළෝකයා පුදුම කරන්නක් වීම අරුමයක් නොවේ. එහි සියළු ගෞරවය ජනපති ප්‍රමුඛ වත්මන් ආන්ඩුවට නිසැකවම හිමි විය යුතුමය.

කුමක් හෝ පෙර කලැ කරන ලද්දාවූ කුසල කර්මයක් හේතු කොට ගෙන, කම්බ හොරුන් ලෙස නොව, සාමාන්‍ය සිවිල් පුරවැසියන් සේ නැවත සමාජයට එක් වූ කම්බා හොර දූෂිත තක්කඩියන් රැල, යහපාලනයේ උන්ට වස කුප්පි දික් කිරීම, උන්ගේ ජඩ කම මනාව ඔප්පු කොට පෙන්වනා සලකුනුය. තම ශරීරය පුරා මෙන්ම මුහුණ පුරාද ගොන්කම මනාව පිළිබිඹු වන මෙවන් අම්බරුවන්ට කල හැක්කේ, ගොන් බයියන්ට මෝඩ ආතල් ලබා දෙන ඔවැනි රඟපෑම් පමනක්මය. උන්ගේ පාලන කාළය තුලද නායකයාගේ සිට සියළු දෙනාම එක්ව කරනා ලද්දේ, ඔය වැනි තුට්ටු දෙකේ සෙප්පඩ විජ්ජාම පමණි.

ඒ කෙසේ වෙතත්, සියල්ලන්ටම මතුව ඇති ගැටළුව නම්, මෙවර මහ මැතිවරණය අවම වශයෙන් සමූපාකාර චන්දයක් තරම් වත් උණුසුම් නොවීමය. හේතුව බොහෝ පැහැදිලිය. එකඳු පක්ෂයකට හෝ, බලය ලැබුනද, නොලැබුනද, කිසිඳු ගැටළුවක් නොමැත. සියල්ලන්ටම මදියි නොකියන්න චයිනීස් යුආන් ලැබී තිබීම එයට හේතුවයි.

අපේ රටේ දේශපාලුවන් බලයට එන්නේ රට ගොඩනැගීමට නොව, උන් උන්ගේ හත්මුතු පරම්පරාව ගොඩ නැගීමට බව හොඳින්ම දන්නා රට චීනයයි. යුරෝපයේ මෙන්ම ඇමරිකාවේ විදේශ ප්‍රතිපත්ති තිබුනද. චීනයේ ඇත්තේ එකම එක එල්ලයක් පමණි. ඒ හැකි තරම් වේගයෙන් ළෝක බලවතා බවට පත් වීමේ අරමුනයි. ඔවුන් ආසියාවේ බලය තහවුරු කොට ගෙන අවසානය. එමෙන්ම අප්‍රිකාවේද එසේමය. දකුණු ඇමරිකාවටද අත පොවා ඇති චීනය, ජර්මනිය හා ප්‍රශය සමගද විදෙස් සබඳතා ගොඩ නගාගෙන මදි නොකියන්න, සහන, ණය මෙන්ම, සහයෝගිත ගිවිසුම්ද අත්සන් කරමින්, යුරෝපයද තම මිතුරෙකු කර ගනිමින් සිටී.

එම නිසා ඔවුන්ගේ විදේස් ප්‍රතිපත්තිය එකිනෙකට වෙනස් වූ, තම ජයග්‍රහණය උදෙසාම වූ සුවිශේෂි එකක් වන්නේය. අම්මට සිරි ලංකාවේදී ඔවුන් කරනුයේ ලංකාවේ දේශපාලුවන්ට ගැලපෙන ක්‍රමයයි. ඒ කොමිස් කුට්ටි, විදෙස් සංචාර හා දූෂණ වංචාවලට ඉඩ තබා තම අරමුණ ඉටු කර ගැනීමයි. හොඳම උදාහරණය දකුණු කොළඹ වරාය පර්යන්තයයි.

පාළකයන්ට අති විශාල කොමිස් කුට්ටි ලබා දීමෙන් නොනැවති, එම ව්‍යාපෘතිය තුලද දූෂණ හා වංචා කිරීමේ නිදහස කොන්ත්‍රාත් ලබා දීම තුලින් මනාව සපයා දෙන ලදි. එහෙත් සියල්ල අවසානයේ විවෘත කිරීමේ උත්සවයේදි අපේ ජාතික කොඩිය එසවීමටවත් අවස්ථාවක් ලබා නොදෙන ලදි. එසේ වූවේ යැයි කියා, මව් බිම අනතුරේ, බේරා ගන්න වරෝ කියනා උනට කිසිඳු ගැටලුවක් නැත. මන්ද රටේ විදේස් සංචිතයට හෙන හත වැදුනද, උන්ගේ විදේස් සංචිතවල සීඝ්‍ර වර්ධනය තුල ජාති ආලය දියවී යන බැවිනි.

බලයට පත්ව මාසයක් වත් යාමට මත්තෙන් සුදුද කළුද නොදන්නා කුඩා රටක නායකයකුට, චීනයේ ලබා දෙන ඉහලම රාජ්‍ය ගෞරව පිරි නමා,  ගොනාට අන්දවන්නේ එබැවිනි. ඇමතිවරුනට මෙන්ම උන්ගේ පුතුන්ටද, පෑන්, පැන්සල්, සපත්තු පමණක් නොව, සුර ලඳුන්ගේ පහස, එරටදී මෙන්ම මෙරටදීද ලබා දෙන්නේ ඒ හේතුවෙනි.

ජනතාවගෙන් ප්‍රතික්ෂේප වූ එකාධිපතියකුට නැවත නොමිනේෂන් ලැබෙන්නේ ඒ හේතුවෙනි. ඔවුන්ගේ එකම අරමුණ වූ පෝට් සිටි ව්‍යාපෘතිය ගොඩ නැගීම සඳහා ඔවුන් නොකරනා දෙයක් නොමැත. හේතුව වෙළඳ වාසියම පමණක් නොවේ. කලාපය තුල ලබා ගන්නා බලය තහවුරු කර ගැනීම ඔවුන්ගේ මූලිකම අරමුණයි.

එබැවින් කුමන පක්ෂය බලයට පත් වුවද, රට ගමන් කරනුයේ චීනාගේ සිතැඟියාවන් අනුවම පමණය. මේ නිහඬ බවට හේතුව යහපාලනය යැයි කියා කෙනෙකු සිතන්නේ නම්, එය ඔවුනගේ නොදැණුවත්කමම පමණය.

ප්‍රචන්ඩ ක්‍රියා අවම වූ, නීතිගරුක, ඇල්මැරුණු ඡන්ද ව්‍යාපාරයක් හා සාමකාමි පරිසරයක් ඇති කිරීම වෙනුවෙන් අප ස්තූති කල යුත්තේ යහපාලනයටවත්, මැකෝටවත්, පොලිසියටවත්, පැෆරල්ට හෝ ඇපරල්ටවත් නොවේ. යුආන් වලින් පක්ෂ අරමුදල් හා දේශපාලුවන්ගේ සාක්කු පිරවූ චීනාට පමණි.