හැලපයාගේ පාටිය, Smirnoff, Absolute & Vodka

හැලපයාගේ නිවසේ තිබු අටමාගේ පාටිය ගැන ලියන්න හිටපු ලියවිල්ල, ඉල ඇදෙන ඉලැක්සොන් ගේම් නිසා පස්සට ගියේය. එයිටත් වඩා පස්සට ගිය පඳුරු තැලිල්ලක් තියෙනවාය. ඒ කතන්දරේ දැන් ගොඩක් උන්ට මතකත් නැතිව ඇතිය. ඒ රොකට් රෝහිණිගේ කතාවය. ඒකට අදාලව ලංසි ගැන ලියන්න, හිතවත් "ප්‍රා"ගෙන් ලංසි ගැන පොතක් ඉල්ලාගෙන ආවද, ඒකත් තාම උන්නැහේ දුන්න කවරේ ඇතුලේ යහතින් ඉන්නවාය.

හැලපයාගේ ගෙදර තිබූ පාටිය ගැන, හැලපයාත් ලියා තිබුනේය. හැබයි ඒකේ තිබුනේ පාටියේ තිබුන බජව්ව ගැනය. ඔය බජව්ව ගැන කියනවා නම් ඇත්තටම සිද්ද උනේ මේකය. හැලපයා කිව්වා වගේම, ඉස්සෙල්ලාම වැඩේට ඇන්ටර් උනේ ඩෝලයාය. ඌ තනියම අපිත් එක්ක සැට් වෙලා හීනියට සින්දුවක් කියා ගෙන උන්නේය. වැඩේ හබක් උනේ මිස්ටර් සර්පිනා ආවයින් පස්සේය.

සරපිනාට කාමරේ ඉඩක් තිබුනේ නැතිය. ඒකෙන් උනේ ඩෝලයාත් එළියට විසිවීමය. එහෙම විසි උනා කියා උන් දෙන්නා නිකන් උන්නේ නැතිය. මහින්ද මහත්තයා වගේම ගේම ඇදගෙන ගියේය. මහින්ද මහත්තයාට අදත් සෙනග ඉන්නවා වාගේ, එකා දෙන්නා කාමරෙන් වාෂ්ප වෙලා ඩෝලයාට හා සරපිනාට සැට් උනේය. එක එකා ඉඳ හිටලා උන් දෙන්න එක්ක සෙට් වී ආතල් එකක් ගත්තද, ඒක වෙනම මේක වෙනම ගියේය.

මේක කිව්වේ, පාටියේ මුක්කය පරමාර්තේ වූ බොන එකය. බොන්න සැට් කොරලා තිබුනේ හැලප භවනේ ඉහළ මාලයේ බුදු කාමරේද කොහේදය. බුදු හාමුදුරුවෝ දෙවනි සැරේටත් සසර කළකිරෙන නිසාමදෝ, උන්වහන්සේගේ නෙතු වසා තිබින. මිතුරු සංගමයේ පාලී හා සඟිස්කුරුත මධුර මනෝහර දෙසුම් හා ඕපාදූප සවන් වැටීම වැලකීමට උන්වහන්සේගේ දෙසවනද, සියළු අපළ උපදෙව වලින් පේවී සිටීම සඳහා මුළු ශරීරයමද ආවරණය කර තිබුනේය.

එසේ වසන් වී සිටියද, මොකෙක්දෝ එකෙක් උන් වහන්සේ වැඩ හුන් කැබිනෙට්ටුව පෙරල්ලනට යාමෙන් උන් වහන්සේ බේරුනේ, සුනාමියෙන බේරුනා මෙන් ආස්චර්ය සිඳුවීමක් නිසාවෙන්ම වෙන්නට පුළුවන්ය. ගෙදරට ගොඩ උන වෙලේම මාතලන් ඉල්ලුවේ අරක්කු උනාට, හැලපයා ගෙනත් තිබුනේ මේ දවස් වල බේබන්දන්ගේ ෆේවරිට් ඩිරින්ක්ස් එකක් වන ස්මර්නොෆ්ය (Smirnoff) ...

ඔය මඟුල මට නම් හරියට කියා ගන්නම බැරිය.. එක එකා කියන්නේ එක එක විදියටය. දැන් ඉතින් එන්න පාටියට එන්න බැරි උන් හිතේ අමාරුවට සහ කින්ඩියට, "අපෝ එකද තිබුනේ...?" කියා අහන්නත් පුළුවන්ය. එක එකා ඇදගෙන වැටෙද්දීත් ස්මර්නොෆ් පිරුණු බෝතලයක් කොයි වේලේත් මේසය උඩ රජෙක් මෙන් විරාජමානව උන්නේය. මාතලන් හිතන හැටියට බෝතල් දුසිමකටවත් අපේ බොග සංගමයේ ප්‍රතාපවත් සාමාජිකයින් වග කියන්නට ඇත.

බීපු උන්ගේ ලිකර් කොන්සම්සොන් එකද මොක්කද මළදානේ සුපිරියටම තියෙනවා ඇති කියා හිතෙන්නේ, එතන රහමෙර කටේවත් තියන්නේ නැති උන්ද සිටිය නිසාය. ටික දෙනෙක් සෝසල් ඩින්ක්ස් එකක් ගන්නා මහත්තුරුය. ලේට් කමස්ලාද උන්නේය. බ්ලොටින් පේපර්ස් නම් අවසාන මොහොත තෙක්ම උපරිම උත්සාහ කොලේ, තියනා තියනා බෝතලයේ හිස් අඩිය තම දීප්තිමත් දෑසින් බලන්න්ටය. රබර් ඇහැ දාන උන් උන්නේ නැතත්, පොලිටිකලි බ්ල්යින්ඩ් කීප දෙනෙක් නම් එතනත් උන්නේය.

අද අපේ පන්තියේ උන්ගේ මොන මළදානයක තිබුනත්, ඒ හැමතැනම වැජබෙන්නේ ස්මර්නොෆ් බෝතලේය. කාළයක් ට්‍රැන්ඩ් එක වෙලා තිබ්බේ ගුරුවරුන්ගේ පානයය. ඉන් පස්සේ හැට නමයේ ගුදමද, සුදු බල්ලා සහ කළු බල්ලාද, මෑත කාළයේ ජොනි වෝකර්ගේ රතු ලේබලයද ඉට්ටැයිල් එක වෙලා තිබුනේය. ඒ කෙසේ වෙතත් ස්මර්නොෆ් බෝතලේ නිකන්ම නිකන් බෝතලයක් උනාට, කොලිටිය තියෙන්නේ ලේබලේය.

ස්මර්නොෆ් කියන්නේ වොඩ්කා එකක්ය. මාතලන් විප්‍රවාසේ උන්න කාලේ මාතලන්ගේ ප්‍රියතම වොඩ්කා එක උනේ ඇබ්සලුට් (Absolute) එකය. එකේ ඇතුලේ තියෙන ඒවාට වඩා, මාතලන් ආතල් එකක් ගත්තේ ඒ බෝතලේ තියෙන කළාව ඇතුලේය. අනික් හේතුව උනේ මිත්‍ර සංගමයේ සාමාජිකයින් අතර අපේ උන්ට වඩා උන්නේ ලෙනින්ගේ රටේ බොක්කවල් හා මාකෝස්ගේ සුන්දර කෑලී හන්දාය. උන් දෙගොල්ලොම වොඩ්කා ගැහුවේ බෝතලේ කටේ තියාගෙන වතුර බොනවා වගේය. ඇත්තටම වොඩ්කා බොන ක්‍රොමේත් ඒකමය. ඉඳලා හිටලා එකෙක් දොඩම් ගෙඩියක් අටට කපාගෙන ජූස් ජුන්ජක් විතර තොල ගාගත්තේය.

මාතලන් ඇබ්සලුට් ගැහුවාට, සමහර රුසියෝ එක එක ජාතියේ එව්වා ගැහුවේය. ඒ අතරේ එක එක පාට ස්මර්නොෆ් බෝතල් වගේම ඇබසලුට් බෝතලුත් තිබුනේය. මට මතක විදියට දොඩම්, ලැමොන් වගේම, රාස්ස බෙරි වලින් හදාපුවයි, පීචොස් වලින් හදාපු එවයිත් දේදුන්න වාගේ රාක්කවල බැබලි බැබලී උන්නේය. ඔය මක්කා තිබ්බත් ඇල්වතුරත් නිවලා බොන මාතලන්ගේ ගිත් ගත්තේ ඊස්ට්මන්ට් වර්ණ අනං මනං ඤං පචං මක්කත් නැති විනිවිද පෙනෙනා, නොර්මල් ඇබ්සලුට් කුමරියය..

ස්ලොවේනියාවේ වතුර වලට කියන්නේ "වෝටර්" කියා නෙමේය, "වෝඩ" කියාය. උන් වොඩ්කා ගහන්නේ වතුර වගේ නිසා වොඩ්ගා නම ඇවිල්ලා තියෙන්නේ උන්ගෙන්ය. කොහොමත් ඔය උත්තරද්‍රවයේ ඉන්න උන් ඔය ද්‍රාවනයට මාරම ලයික්ය. ඒ පැත්තේ රටවල් සැට් එකක්ම ඕවා බොන නිසා. "වෝඩ්කා චේන්" කියා රටවල් සැට් එකකුත් තියෙනවාය. "බියර් චෙන්" කියා සැට් එකකුත් තියෙනවාය. ඒත් ඉතින් ඒවල් ඉන්න උන් ඔය යුරෝපා සංගමේ වගේ වාර්ශිකව සැට් වෙලා, බාර් ඇසෝසේසොන් තියනවාද කියා නම් හරියට දන්නේ නැතිය.

ඒ උනාට අපේ උන් ස්මර්නොෆ් ගැහුවේ එක එක මළහත්තිලව් කළවම් කොරගෙනය. නැත්නම් ඉතින් වොඩ්කා ඇඩ් වල පෙන්නනවා වගේ, අපිටත් යක්කු මළපෙරේතයෝ පේන තරමට වදින්නත් ඉඩ තිබුනේය. එතන උන්න ගොඩක් උන් සැන්ඩියට ගත්තේ තවත් ළෝකෙම පොරසිද්ද පානයක්ය. ඒ පානයේ විස්තරත් සමඟ මාතලන්ගේ ඊළඟ පඳුරු තැලිල්ල පස්වන මන්ඩළයේ සිනමා සාලාඔල ළඟඳීම ප්‍රොදර්සොනේ කොරනවාය. එතකන් ඉවසා වදාර ඉන්න එක ඔහේලාටත් හොඳය. මටත් හොඳය.