වෙපන් ට්‍රේනින් ලබා දිය යුතුමය - Weapon Training for Donkeys

අර අනාවැකි කියන අන්ධ කොලුවා කියනා විදියටම, රනිල්ට මේ පාරත්, අම්බානක කාලා, හත් පොලේ ගාගෙන, ළඟදීම ආයෙත් විපස්ස නායක රෝල් එක රඟපාන්නට ලැබෙනා එක නම්, ඉර හඳ මෙන් විස්වාසොය. ඊළඟට පත්වන් ආන්ඩුවේ අගමැති මහින්ද වූවද, ටොයියෝ නිකං අපරාදේ පපුවේ අමාරු හදා ගන්න ඕනා නැතිය. සිරා සහ මරා යන්නේ ඒ ගේමටය. රනිල් වාගේ අයට ඒවා නොවැටහීම, ඇත්තටම මේ රටේ අවාසනාවය. කොහොමත් රනිල්ගේ ඉල්ලා ගෙන කෑම, අත් අරින්න බැරි හැබිට් එකක් ගානය.

හෙට ඡන්දයක් තිබ්බොත්, ආයෙත් මහින්ද ප්‍රමුඛ ජාතිවාදී හොර නඩය කිසි අවුලක් නැතිව, නැවත බලය ලබා ගන්නවාය. යහ පාලනයක් ගොඩ නගන්න ජීවිත් පරිත්‍යාගයෙන් කටයුතු කල උන්ට පවා මේ ආන්ඩුව තිත්ත වෙලා අහවරය. 

ආර්ථිකය නන්න පෝල්ය. බිසිනොස් කුඩු පට්ටම් වෙලාය. තේ ගොයියන්ට වෙලා තියෙන්නේ අතේ ගහන්නය. රබර් ගොයියන්ට නම් එළ කිරි වෙනුවට රබර් කිරි පානය කොරන්න හරි පුළුවන්ය. එදිනෙදා අත්‍යාවශ්‍ය භාන්ඩවල මිල ඉහළ යන්නේ සිරිසේන ලොක්කා රට සවාරි යන එරොප්පෙලේන් වලටත් වඩා ඉස්පීඩ් එකේය.

අනේ පව්.., ඔන්නොහේ තව අවුරුද්දක් වත් පටි තද කොරගෙන ඉන්වෙස්ටර්ලා ටික සිල්වෙස්ටර් ඉස්ටැලෝන් එක්ක එනකම් පොඩ්ඩක් ඉවසාගෙන ඉමු මචෝ කියා සැනසෙන්න වත් බැරි, මුන් කෙලිනා අම්බ පිස්සු නිසාමය. 

සම හරක් හිතාගෙන උන්නේ, හර්ෂලා, එරාන්ලා, හරීන්ලා ආවාම, මාර ගේමක් දෙයි කියලාය. ඒත් ඉතින් ඉකොනොමි උස්තාද්ලා වෙන එරාන් නම් බෑන්කර් කියන්නේ, මෙහේට වඩා හොං කොං වල බඩු මිල වැඩියෙයි කියලාය. මිනිස්සු එයාලා පත් කරලා යැව්වේ, මේ වගේ කිං කොං කතා අහන්න නෙමේය. එතකොට උන්නැහේගෙන් අපිට අහන්න තියෙන්නේ, එහේ අදායම අපේ ආදායමට සමානද උන්නැහේ කියලා ඉතරය.

එයිටාමතරව අර ආන්ඩුව කෙලපු පිස්සු ඒ ආකාරයෙන්ම හා ඊටත් එහා යමින් කෙලීමේ කෙල්වරක්ද නැත. මුන් හදන්නේ, අවුරුදු පහක් තිස්සේ, අලි බබා හා හොර නඩේ හොරා කාපුවා, වසරෙන් දෙකෙන් හම්බ කොර ගන්නටය. කැඳ හැලියේ, අලි පාටියේ ඉන්නා උන්ගේ නම්, දැන් දැන් කරුංකා කේස් වලටයි, පගා කේස් වලටයි ඇඳෙන්නේ ඒ නිසාය. රනිල්ගේ දකුණු අත වගේ ඉන්නා සාගල ගැන එන රිපෝට්ස් වලින් පෙනෙන්නේ, මේක වැඩි කල් යන්න කලින් යම පාලනයක් වෙලා. මිස්ටර් ක්ලීන්, මිස්ටර් බීන් නොව, මිසටර් ඩස්ට් බින් වෙනා බවය.

රටේ කප්පරක් ප්‍රශ්ණ තියෙද්දී මුන්ට තියෙනා ළොකුම පුරස්නේ වෙලා තියෙන්නේ වෙපන් ට්‍රේනින් එක ගන්නා එකය. ඒ මළදානේ එපා කියපු ප්‍රේමදාස පුතාට අපේ ගෞරවය හිමි වෙනවාය. මහා මානව හිතවාදියෙක් කියා පෙන්වන, අජිත් පී පෙරේරාට අපිට කියන්න තියන්නේ ගූ හතයි මහත්තයෝ කියලාය.

වන් ෂොට් ගැන නම් කතා කොරලා වැඩක් නැතිය. මහින්ද ගාව උන් මර්වියාගේ පාට් එක රනිල් වෙනුවෙන් කරන්නේ රන්ජන් උන්නැහේය. එයා සිනමාවේ වන්ෂොට් උනාට. කලටිපොල් වල නම් රඟපාන්නේ, බන්දු සමරසිංහගේ පාට් එකය.

මාතලන් නම් කියන්නේ, වෙපන් ට්‍රේනින් එක දෙන්නම ඕනා කියලාය. ඒවා දියවන්නාවේ පිස්සන් කොටුවටත් ගේන්න දෙනවා නම්, බොහෝම ඉස්තරන්ය. මොකෝ දුමින්ද සිල්වලා, භාරතලා, කොලොන්නාවේ පෙන්නපු සෝ, ලයිව් ටෙලිකාස්ට් එකෙන්ම ජහ මනයාට නැරඹිමේ වාසනාව හිමි වෙන නිසාය. මොකාට දුන්නේ නැති උනත්, වාසුට හා දිනේස් ගොයියන්ට, T 56 දෙකක් දුන්නා නම්, නියම ගන් පයිට් ටිකක් බලා ගන්නට පුළුවන්ය.

ඇත්තටම මුන් මේ වෙපන් ට්‍රේනින් ඉල්ලන්නේ ජනතාවගෙන් ආරාස්සා වෙන්න නම් මුන්ට පිස්සුය. මුන් ඇවිල්ලා ජනතා සේවකයෝ මිස ජනඝාතකයෝ නොවනා නිසාය. වෙනත් රටවල නායකයෝ, පොදු ප්‍රවාහන සෙවා වල ගමන් කරද්දි, මේ කාළකන්නි යන්නේ බැකප් වෙහිකල් දාගෙන ටැපික් පොලොස් කොට්ටෝරුවන්ටත් පුක පෙන්නාගෙනය. එහෙම ගාඩ් පිට ගාඩ් තියෙනා උන්ට, තවත් ට්‍රේනින් දෙන්නේ අහවල් එකටද කියා මට නම් තේරෙන්නේ නැතිය. එහෙම දෙනවා නම්, මුන්ගේ ගාඩ් අයින් කොර ජනතාවගේ මුදල් නාස්තිය වහාම නවතා දැමිය යුතුය.

එහෙම දෙන්නට තීරනය කළහොත් පහත සඳහන් දෑද අපේ මුදලින් මේ කාළකන්නින්ට ලබා දුන්නාට අපේ හිතේ කිසිම කහටක් නැතිය.

• සෑම මන්ත්‍රිවරයකුටම T 56 ගිනි අවියක්
• සෑම මන්ත්‍රිවරයකුටම බැකප් වෙහිකල් අවම වශයෙන් පහක්  පමණ.
• සෑම මන්ත්‍රිවරයකුටම වෙඩි නොවදින, බරක් ඔබාමා භාවිතා කරනා වර්ගයේ ලිමොසින් රථයක්
• සෑම මන්ත්‍රිවරයකුටම ඇම්බියුලන්ස් එකක්, 
• සෑම මන්ත්‍රිවරයකුටම වෙඩි නොවදින කබායක්, හෙල්මට් එකක්, (පාර්ලිමේන්තුවේ පැළඳිම සඳහා) 
• බිරින්දෑවරුන්ටද වෙපන් ට්‍රේනින් සමඟ T 56 ක්, 
• අවුරුදු 16න් ඉහළ දරුවන් සඳහා රිවෝල්වරයක්
• 10 පහළ ළමුන් සඳහා පොඩි පිස්තෝල්යක්.
• අත දරුවන් සඳහා වෝටර් පිස්ටල්
• සෑම මන්ත්‍රීවරයකුටම රජයේ වියදමින් පාතාල නායකයෙක්
• සෑම මන්ත්‍රිවරයකුටම අරක්කු තැබෑරුමක්
• සෑම මන්ත්‍රිවරයකුටම ගණිකා මඩමක් හෝ බොතල් හවුස් එකක්
• සෑම මන්ත්‍රිවරයකුටම කරෝකේ බාර් ඇරීමේ බලපත්‍රයක්
• සෑම මන්ත්‍රිවරයකුටම කුඩු හා එතනෝල් ආනයනය කිරීමේ බලපත්‍රයක්
• සෑම මන්ත්‍රිවරයකුටම මල් අපනයනය කිරීමේ බලපත්‍රයක්
• සෑම මන්ත්‍රිවරයකුටම පාතාල කොන්ත්‍රාත් සමාගම් ආරම්බ කිරීමට බැංකු ණයක්
• රජයේ කොන්ත්‍රාත් ලබා ගැනීමෙදී පාර්ලිමේන්තු මන්ත්‍රිවරුන්ට ප්‍රමුඛත්වය ලබාදීම

මේවායින් අති බහුතරය අළුතෙන් ලබා දිය යුතු ඒවා නොවනාතර, පැවති ආන්ඩු තුලද ක්‍රියාත්මක වූ ඒවාය. යහපාලනය තුලද මේවා ඒ ආකාරයෙන් පවත්වාගෙන යාම රටේ යහපත් සඳහාම හෙතු කරනා වනු ඇත..

මගේ රටට දළදා හිමි සරණයි..!!!