මෛත්‍රී වීරයෙක්ද...? - My 3... Hero, Nero or Zero...?

සිරිසේන මහත්තයා වීරයෙක්ද, බයියෙක් මගෙන් ඇහුවේය. මම ඇහුවේ මහින්ද උඹට වීරයෙක්ද කියලාය. ඌ මගෙන් ආපිට ඇහුවේ, මහින්ද මාතලන්ට වීරයෙක්ද කියලාය. මම කිව්වේ ඔව් කියලාය. මහින්ද සැබවින්ම වීරයෙක්ය. ඔහු රටේ නායකයා වන තෙක් ඉතා ඉවසීමෙන් කටයුතු කලේය. 2005 දී සුනාමි සල්ලි පිල්ලි ගැසූ කේස් එකක් ආවත්, අම්මට සිරි ලංකාවේ හැටියට, ඒක මහා ළොකු ඉෂූ එකක් උනේ නැතිය. කොහොම හරි හිටපු අග විනි සුරු හොරා කේස් එක යට ගැහුවේය. පිරිබාහරන්ට පින් අත් වෙන්න මහින්ද නූලෙන් දින්නේය.

කොන්ඩම් තියරිය එකසිය ගානට ඇදහූ නායකයෙක් වූ මහින්ද, පිරබාහරන්ටද ඇප්ලයි කොරන්නේ ඒ මැතඩ් එකමය. ඒ කාළේම දැන ගන්න ලැබුනේ කටුනායක රනවේ එකට කිස් දුන්න දවසේ, එයාර්පෝට් එක ඇතුලේම ලොක්කා පිරබාහරන්ටත් කිස් කන්නම දුන්නා කියාය. ඊට පස්සේ විජේවීර ගියා වාගේම පිරබාහරන්ටත් පොරෝ පාරක් කාගෙනම දිවිය ළෝකේ යන්නට උනේය. ඒ ගොන් වස්සා, පිල්ලෙයාන්, කරුණා අම්මාන්, කේ පී වාගේ ලොක්කට සෙට් උනා නම්, සමහරක් විට අම්මට සිරි ලංකාවේ අගමැති වෙන්නත් තිබුනේය. සමහර විට එහෙම කේස් එකක් දැනගෙන,ම හමුදාවේ උන් පිරබාහරන්ට ගේම දුන්නා වෙන්නත් පුළුවන්ය. 

මහින්ද ලොක්කාට තනියෙන් ගන්න තිබ්බ ක්‍රෙඩිට් එක, වෙල් විදානේ උන්නැහේටයි එයාගේ මල්ලිටයි බෙදලා දෙන්න ගිහින්, පස්සෙ කාලෙක ඉල්ලාගෙනම කන්න වෙයි කියලා එයා ඒ කාළේ හිතන්නේ නැතිව ඇතිය. කොහොම හරි ඔක්කෝම වීරයෝ වෙන්නේ ඔය කේස් එක නිසාය. යුද්දේ නැවත්තුවේ නැත්නම් ඉල්ලාගෙනම කන්න වෙනවා කියලා දැනගත්තේ මාවිලාරු වහපු දවසේ නෙමේය. පිත්තල හන්දියේ බී ඇම් එක දඩිං බිඩිං ඩෝං එකට අහු උන දවසේය. එහෙම නැතුව මූලස්තානේ ඇතුලෙම හමුදාවෙ මහ එකා මරා දැම්මත් මහින්දලාට අවුලක් වෙන්නේ නැතිය. ඔය මොකා කිව්වත්, පිරබාහරන් ඉල්ලගෙන කෑවේ මාවිල් ආරු වහපු එකෙන් නෙමේය. පිත්තල හන්දියේ චීන පටස් ගහන්න ගිය එකෙන්ය.

හැබයි ඉතින් එහෙම වීරයා වෙච්චි මහින්ද ලොක්කාට සුනාමී වගේ සල්ලි හොයන්න හිතෙන්නේ එයිට පස්සේය. රට හැදිල්ල පැත්තක දාන උන් වහන්සේ පවුලත් එක්කම සෙට් වී රට උලාකන්න පටන් ගන්නේ එයිට පස්සෙය. කොහොම කෑමක් කෑවාද කියනවා නම් හාන්දුරුවනේ..., උන් හිටි තැන් පවා අමතක උනේය. දැන් දැන් එලියට එන්නේ අන්තඃපුරයේ උන් අන්ගනාවන් ගැබ්බරු වූ අවස්තාවන් වලදි, ඇබෝසොන් කොරන්න වෙනම ඉස්පැසලිස්ට්ලාත් අරලිය සන්නිපාත ශාලාවේ උන්නා කියලාය. කෙලින එක කන්නාවන්ගේ කොල බොක්කටම කෙලලා තියෙන්නේ එහෙමය. ඒවාට පුල සපෝට් දීලා තියෙන්නේ ටයි කෝට් දාගත්ත සැක්‍රටිරි මහත්තුරුය.

එතකොට මාතලන්ට මෛත්‍රී වීරයෙක් වෙන්නේ එහෙව් සක්විති රජෙක් එක්ක ගේමට ආපු පොරක් නිසාය. අනික ඒ පස්සෙම එකෙක් වූ නිසාය. උන්නැහේ වීරයෙක් වෙන්නේ, හදිසියේ හරි පැරදුනා නම් හෙම, අර කුරුණෑගල පොල්වත්තේ ඉඳන් ඇද ගෙන ඇවිත්, වැලිකඩට යවනවා පෙනෙනවා හිටං නිසාය. මොහොතකට් ඒ සීන් එක ඉමැජින් කොර ගත්තාම, සිරිසේන ලොක්කා නියම වීරයෙක් වෙනවා හිටංය.

හැබයි එහෙම වීරයෙක් වෙන්නේ ගේම දිනනකන් විතරය. අවුරුද්දක් ගත වන අද දිනයේත් සිරිසේන උන්නැහෙලා මහින්දලාට වඩා රැක ගත යුතුයි කියා සිතුවාට, සැලබෙරේට් කොරන්න තරම් දෙයක් කෙරුවාද කියනා එක හොයන්න වටිනවාය. එහෙම සැලබෙරේට් කොරන්න දෙයක් ඇත්තේම නැති තරම්ය. මාතලන්ට අනුව නම් අද ඉන්නේ හීරෝ කෙනෙක් නොව තුට්ටු දෙකේ දේවල් ජාතික ප්‍රශ්ණ කොරගෙන හත්පොලේ ගාගන්නා සීරෝ කෙනෙක්ය.

මේ හීරෝට සෝරෝ වගේ වෙන්න ඕනා තරම් ඉඩ තිබුනේය. ඒත් පටන් ගත්තේම නාගෙනය. පළමු පත්වීමම දුන්නේ මහින්දගේ කටු කාපු බල්ලෙකුටය. ඒ රූපවාහිනියේ සභාපති කමය. මේ ආන්ඩුව නානවා කියා මාතලන් කිව්වේ එදාමය. අද වෙන්නේ ඒකේ හොඳම එකය. කරුමේ කියන්නේ සිරිසේන ජනාධිපති තුමාට මෛත්‍රී කෑල්ලකුත් තියෙන්නේය. ඒ නිසා අපේ කමට සඟිස්කුරුතියට මාර මෙව්වා එකක් තියෙන නිසා සතුරාටත් මෛත්‍රී කොරනවාද කියා වෙලාවකට හිතෙනවාය.

කම්බා හොරු ඔක්කෝම තාමත් එලියේ ඉඳන්, ඩේලි වොයිස් කට් හා මාද්දිය සාකච්ඡා දෙනවාය. චැනල් එකකට දෙකකට ඇර, තාමත් ජනාධිපති, මහින්ද රාජපක්ෂය. පඩයක් ගියත්, පඩය, පඩයක් යාමට හේතුව, පඩයක් නොයවා සිටීමේ මාර්ගය මෙන්ම නිවැරදිව පඩයක් ගමන් කිරීමේ මාර්‍ගය යනාදි චතුරාර්ය සත්‍යයයම උන්වහන්සේ දෙසා වදාලන්නේය. මිනීමරුවන් අහිංසකයින් කිරීමේ පුදුම අනුහස් උන් වහන්සේට තියෙනවාය. එයිටාමතර පොට්ට තොටවත්තයා වාගේ ජෝතිෂ අනාවැකිත් පල කරනවාය. මෙයා මෛත්‍රී කොරනවාය.

තාජුඩීන්ලා වලෙන් ගොඩ අරගෙන ආයෙත් මරනවාය. එක්නැලිගොඩ කොටියා කොරනවාය. ලසන්තලා ආයෙත් වෙඩි තියා ගන්නවාය. බැසිල්ලා ඇම්බියුලන්ස් ටුවර් යනවාය. නීලකාස හොරු ඇමතිවරු වෙනවාය. එහෙම නැත්නම් රජයේ සාක්කිකාරයෝ වෙනවාය. ප්‍රසන්න 2020 අගමැති වෙනවාය. ඝෝඨා ජනපති වෙනවාය. ජෝතිස වෙසිගේ පුතෙක් 2017 දී ලොක්කා මරලා දානවාය. ඒත් මෙයා මෛත්‍රි කොරනවාය.

යූ ඇන් පී එකෙක් වෙන මතුගම පැත්තේ තෙවරක් පෙරාපු එකා මිනිස්සුන්ට ගහලා ඇතුලේ යනවාය. සිරි ලංකා එකේ අක් මුල් ඇති චන්ඩි දෝනියැන්දලා, බඩුවක් උස්සපු එකාට බ්ලැක් ඩිෆෙන්ඩර් රයිඩ් එකක් දීලා, අළුත්කඩේ කොලොන්නාවට ගෙනත් නඩු බලවලා, බබ හුකුං වෙනවාය. ඇඹිලිපිටියේ පොලෝසියේ උන් බෝතල් දෙකක් වෙනුවෙන් මිනිස්සු මරණවාය. රේප් කේස් ඕසෙටය. මංකොල්ල එකසිය ගානටය. ළමා අපචාර දවසට දහය පහළොවය. ඒත් සෙරේස්ඨ සඟිස්කුරුතිය ගැන පාරම් බානවාය. 

ඒ ඔක්කෝම තියෙද්දි විවස්තාව හදන්න අපිටත් එන්නෙයි කියනවාය. තියෙන විවස්තාවට අනුව වැඩ කරනවා නම් ඔය තියෙන එකෙත් අවුලක් ඇත්තේ නැතිය. නායකයෝ දයක් දොලහක් ඉන්නා කැඳ හැලි පාර්ලිමේන්තු ක්‍රමයකට වඩා එක නායකයෙක් ඉන්නා ජනපති ක්‍රමේ මේ රටට නියමෙටම ගැලපෙනවාය. ඔය පාර්ලිමේන්තු ලබ්බක් තිබ්බා නම්, මහින්ද මහත්තයාට යුද්දය දිනනන වෙන්නෙත් නැතිය. ජේ ආර් පප්පාට විවුර්ත ආර්තිකේ ගෙනත් ඇමතිවරුන්ගේ රැසිග්නේසොන් ලෙටර් සාකුවේ දාගෙන ඉන්න හම්බු වෙන්නේත් නැතිය. 

විලි ලැජ්ජාවක් නැතිව මුන්ම ගෙනාපු විවස්තා සන්සෝදනේ උල්ලන්ගොනේ කොරමින් මහින්දගේ හොරු තව තවත් ගෙනත් දිස්තිරික්ක ඉස්තිරික්ක කොරන ඇමති කම් දෙනවාය. අළුත් විවස්තා 500 ක් ගෙනාවත් විවස්තාව උල්ලන්ගනේ කොරලා කිරියාත්මොක කරන්නේ උන්ගේ විවස්තාවය. මේ රට හදන්න ඕනා වෙන්නේ හොරුන් ජෝකරයන් නොව සුන්දර එකාධිපතියෙක්ය. එහෙව් එකෙක් පේනා තෙක් මානයක නැතිය. පුරවැසි පෙරමුනේ අයත් දැන් නිකන් හාල්පාරුවෝ ගානට වැටිලාය. 

අපටත් තියෙන්නේ එහෙම දවසක් එනකන් අපේ පුකටම මඩු වලිගයනෙ ගහ ගන්නා එකය. ලීඩර්ලාට තියෙන්නේ සෝරෝලා වගේ හීරෝලා වෙනවාද, නීරෝලා වගේ ජෝකර්ලා වෙනවාද, සීරෝලා වගේ කෙලවගෙන ගෙදර යනවාද කියා තීරණයක් ගන්නා එකය.

ඒ වගත් මෙසේය....